3 قصص مرعبه حقيقية لن تنام بعدها!

3 قصص مرعبه حقيقية حدثت بالفعل في حياتنا الواقعية، مدعومة بالصور والفيديوهات ومكتوبة بلهجة عامية بسيطة يفهمها كل العرب

قرأة ممتعة

أغرب جريمة قتل حدثت في المانيا

قضية اليوم تصنف من أكثر القضايا المرعبة في تاريخ المانيا، والسبب ان الجريمة صارت في تاريخ 31/03/ 1922 والتحقيق فيها استمر لسنة 2007 يعني استمر التحقيق لمدة 85 سنة ليش ياترى الموضوع تأخر كل هالفترة، او بالاحرى ايش هو الموضوع الي صار؟

متل ما قلتلكن في البداية في تاريخ 31/3/1922 في مدينة بافاريا الالمانية 5 اشخاص من عائلة اسمها عائلة غروبر والخادمة الي كانت تشتغل عندهم تم قتلهم داخل مزرعتهم، وتم العثور على جثثهم في حظيرة المزرعة،لحتى نفهم شلون صارت الجريمة هي لازم نرجع لورا شي 6 شهور

في هي الفترة الخادمة الي بتشتغل مع العائلة بالبيت او بالمزرعة ، كانت تسمع اصوات غريبة دائماً، تسمع اصوات نقر على الابواب او اصوات همس فكانت تحكي لأهل البيت عن الاصوات ما كانوا يصدقوها

وكانوا يقولولها انو هي عم تتوهم ومافي شي لا اصوات ولا همس ولا شي، بس البنت كانت متأكدة من هاد الشي وكل تسمع الاصوات ولهاد السبب ومن خوفها من الموضوع هاد تركت الشغل عندهم وراحت.

والوضع ضل طبيعي مع العائلة خلال المدة هي وقبل الجريمة بيوم واحد عائلة غروبر جابو خادمة جديدة تشتغل معهم ، وللاسف كان هاد اول واخر يوم الها رح تسألني ليش؟ لانو في نفس اليوم الي اجت فيه الخادمة الجديدة الاهل بدئوا يلاحظوا الاشياء الي كانت تحكي عنه الخادمة القديمة، يعني صاروا يسمعوا الاصوات الي حكت عنهم و مو بس هيك في كتير شغلات غريبة صارت بالبيت بنفس اليوم

الاب شاف جريدة بالبيت ما بيعرفها ولا مشترك فيها ولا اشتراها من قبل لا هو ولا أي شخص تاني بالبيت، وكمان ضيعوا مدالية فيها مفاتيح لابواب المزرعة وكان في عندهم غرفة مخصوصة للأدوات بيحطوا فيها كل شيء ممكن يلزمهم من فأس لتقطيع الخشب او معدات حفر والخخخ.. واذا بتقارن الاشياء هي بالشي الي رح اقوله هلا بتكتشفت انهم ولا شي عادي، يمكن ترجع تقلي مرة تانية ليش

كان الجو مثلج في وقتها وكانت الارض كلها تلج، فشافوا اثار اقدام شخص جاي من طرف الغابة الي قريبة عليهم وداخل لجوا البيت المشكلة انو مافي اثار رجعة في اثار دخلة بس مافي اثار رجعة يعني الشخص الي دخل لسته جوا ما طلع لبرا.

شاهد ايضاً الشاهد الوحيد على هذا القاتل متسلسل طفلة عمرها سنتين!

اطلع على المزيد من قصص رعب 

اطلع على المزيد من قصص اطفال

اتطلع على المزيد من  قصص واقعية

اندرياس الي هو الاب بالعيلة ستغرب كتير من الموضوع وراح لعند جارله اسمه لورانس وحكاله كل شيء صار معه من لما كانت الخادمة القديمة بالبيت، ولورانس عرض عليه انه ياخد اسلحة منشان يحمي حاله أكتر بس هو رفض وقال مافي داعي اكبر الموضوع أكتر من هيك

في ليلة هاد اليوم مع الاسف القاتل الي كان بالبيت سحب افراد العيلة واحد واحد على الحظيرة وقتلهم بالفأس، كل العيلة كانو بالحظيرة ما عدا طفل صغير عمره سنتين والخادمة الجديدة الي اجت قتلوا بغرفهم. ومع الاسف الشرطة او الناس بشكل عام ما اكتشفوا الجريمة لتاريخ 4 أبريل يعني لبعد اربع او خمس ايام والسبب بحسب اقوال سكان المنطقة انهم ما لاحظوا اي شي غريب بالمزرعة المداخن شغالة وعم يطلع منها دخنة الحيوانات عندها اكل وعم تاكل وكل شيء كان طبيعي بالمزرعة وحتى انو ساعي البريد اجا ووصلهم بريد بعد الحادثة بيوم وما حس على شيء كان كلب الحراسة موجود مكانه ومافي اي شيء متغير.

بعد اربع اايام من الحادثة هي بيجي شخص كان متفق مع العيلة انو يصلح لهم المولد الي موجود عندهم بيجي بيدق الباب ما حدا بيفتحله الباب، اول شي استغرب من الوموضوع لانو متفق معن وعاطينه موعد في هاد اليوم لازم يكونوا موجودين، بس لما ما حدا فتحله قرر انو يصلح الماكينة لحاله لانو اصلا الماكينة موجودة برا البيت مو محتاج يدخل لجوا البيت او حتى انو يجي حدا يشرحله شيء عن الماكينة

لانو متل ما قلتكن كانوا حاكين مع بعض من قبل وكان عارف كل شيء ومتفق معهم انو يجي يصلح، بعد ما صلح الماكينة شاف كلب مربوط على باب البيت، الكلب ماكان موجود أول ما اجا لما شاف الكلب قال اكيد في حدا جوا البيت رجع دق الباب بس ماحدا جاوبه.

فقرر انو يروح لعند جارهم لورناس لانه اقرب جار عليهن حكاله القصة كلا وشلون الكلب كان جوا وفجاة صار برا وطلب منه انو لما يشوفهم يخبرهم انو اجا وصلح الماكينة.

بعد ما راح العالم لورانس راح على مزرعة غوبر لحتى يطمن عليهن ويقلن بقصة المصلح، اول ما وصل عالمزرعة دق عليهن الباب ماحدا فتح، مشي شوي وشاف باب الحظيرة مفتوح ولما دخل عليها شاف جثث 4 اشخاص من العيلة دخل عالبيت لحتى يشوف اذا في حدا بالبيت او لا، الغريب انو كان في اثار اشخاص موجودة بالبيت فعلا، كان في نار شغالة وفي صحون بالمطبخ واثار شخص كان عم ياكل بس مافي حدا بالبيت مافي غير جثث العيلة.

طلع من المزرعة وبلغ الشرطة ولما وصلت الشرطة وحللوا الجثث واكتشفوا انو الاشخاص ميتين من تاريخ 31 مارس، الشرطة بدئوا يعملوا تحقيقات ويسألوا ناس ويفتشوا وماقدروا يعرفوا اي شيء، اكتر شخص كان مشتبه فيه هو جارهم لورانس وهاد الشي كان لعدة اسبب، السبب الاول انه هو الشخص الي بلغ عالجريمة وشافهم، ليش ما يكون هو الي عم الجريمة وبعدين بلغ لحتى يبعد الاتهام عنه، والسبب التاني انه هو أقرب شخص عليهم بالمنطقة، اقرب شخص من ناحية المسافة اقصد.

والشيء التالت كانو انو لورانس بمرة من المرات طلب يد بنته لاندرياس ورفض، فممكن يكون هاد الشيء حفزه كنوع من الانتقام مثلاً، بس بعدين ماقدروا يثبتوا عليه التهمة والسبب كان الي حكيته قبل شوي وهو انو كان في شخص عايش بالبيت وعم يشغل النار ويطعمي الحيوانات، وفي نفس الوقت لورانس كان في بيته وفي عنده شهود انوه كان في بيته وماطلع خلال الفترة هي فماقدروا يثبتوا عليه التهمة والتحقيق ضل مستمر لسنة 2007 بدون اي جدوى ومافي اي شخص قدرت تثبت عليه التهمة.

الشاهد الوحيد على هذا القاتل متسلسل طفلة عمرها سنتين!

في سنة 1985، مايك ريمر الي كان عمره 36 سنة وعايش فيتاكوما واشنطن كان شغله الاساسي في العمار والبناء، وفي فصل الشتاء مايك كان دائماً يروح على غابة موجود فيها نهر نسكوالي الشهير ويصطاد فيها حيوانات ومايك صارله أكثر من 15 سنة بيصطاد حيوانات بنفس الغابة الي بروح عليها كل مرة فهو حافظ كل الاماكن الي بالغابة لذلك كان يروح على مكان بعيد مافيه ناس لانو لو كان في ناس تمشي الحيوان رح تخاف وما تقرب على الفخوخ، فهو كان مخطط لكل شيء وكان محترف جداً بالشيء الي بيعمله

ومايك كان متزوج من بنت اسمه دايانا عمرها 21 سنة وعندهم طفله عمرها سنتين واسمها كريستال( بصراحة هي مو زوجته هي غيرل فريند، بس انا بستحي اقلكن انهم مخلفين ولد بدون ما يتزوجوا بس مو مهم هاد مو موضوعنا) علافة مايك وديانا ما كانت كتير منيحة، وحتى في يوم من الايام مايك اقتح بيت ديانا وضربها، ما عدا انو مايك بضل شايل معه مسدس، بعد هي الحادثة ديانا رفعة قضية تقييد على مايك وبحسب فهمي انه بموجب القضية هي مايك ممنوع يشوف بنته او يتواصل معها، وبالرغم من كل المشاكل هي الي انهم الأثنين بحبو بنتهم واي شيء تحتاجه بنتهم رح يقدمولها ياه بغض النظر عن كل المشاكل الي بينهم.

بدي منكم تبقو لاخر الفيديو لانو تهاية القصة رح تصدمك صدمة العمر

في شهر ديسمبر من نفس السنة يعني 1985 مايك وديانا تصالحو واسقت الدعوى عنه ورجعوا عاشو مع بعض والحياة جميلة، وفي يوم من الايام قرروا يطلعوا رحلة تخييم على الغابة الي كان مايك يصطاد فيها دائماً لانها بعيدة عن الناس وهادية وهو حافظها وبيعرف يعمل نشاطات كتير فيها، فجمعوا اغراضهم وركبوا بسيارتهم الي هي بيك آب لونها احمر وراحوا رحلة تخييم عائلية مايك وديانا وبنتهم كريستال

مايك اتجه للمكان الي كان دائماً يحط فيه الافخاخ الي بيصطاد فيها الحيوانات وعملوا الخيمة بمكان قريب منها وخلي في بالك كمان انو هي المنقطة هي في نص الغابة ومافي طريقة ماشة فيها يعني مافي ناس بتجي للمكان هاد، طيب رح تقلي ليش راحوا لهنيك باختصار لانو مايك متعود على المكان هاد وبيعرف المنطقة وحافظها.

في نفس اليوم بعد فترة قصيرة الناس شافت بنت صغيرة واقفة عن محل اسمه kmart وهاد المحل بيبعد حوالي 32 كيلو متر عن المكان الي كانو فيه مايك وعيلته، وطبعاً اذا لحد الان عم تتسأل مين هي البنت، البنت هي كريستال بنته لمايك، لما شافوها العمال الي في محل kmart، انصدمو من تصرفاتها لانها كان شكلها خايفة كثير وطول الوقت وهي ماشية تلتف لوراها وكانها عارفة انة في شخص رح يجي من وراها ويضربها او شي،

حاولوا العمال يسألوها ايش اسمك يا بنت وين اهلك امك او ابوكي اي شخص مع الاسف البنت ماجاوبت على ولا سؤال وقتها اضطر العامل انو يخليها عنده ويتصل بالشرطة ولما اجت الشرطة سألوها نفس الاسئلة وكمان ما جاوبت، لذلك اخدوها لمكان مختص برعاية الاطفال، ونشروا صورتها بالجريدة وكتبوا الي بيعرف هي البنت يتصل على هذا الرقم.

بعد يومين من الاعلان جدة البنت شافت الاعلان، وانصدمت لانها عارفة انو مستحيل مايك وديانا يتركوا بنتهم تضيع او يعملوا شيء يضرها مهما صار بينهم مشاكل مستحيل هاد الشيء يصير، لذلك قبل ما تتصل بالرقم الي موجود بالاعلان اتصلت بمايك لما ما رد على المكالمة اتصلت بديانا دياانا كمان ماردت وفي اللحظة عرفت الجدة انو في مصيبة بالنص، لذلك اتصلت بالرقم، وقالتلهم انا جدتها، وين البنت ايش القصة؟

الشرطة اعطت الجدة عنوان المركز الي حطو فيه البنت وراحت عليه والحمدالله البنت تعرفت على جدتها وفرحت لما شافتها وصارت تحكي، طبيعي انو اول سؤال تسأله الجدة وين اهلك وين امك او ابوكي، كريستال ردة عليها بجملة وحدة، momy is in the trees

شاهد أيضاً: قضايا تم حلها

الجواب مو واضح كتير والبنت عمرها سنتين بس وما بتعرف تحكي يعني هي الجملة كانت اقصى شيء ممكن تحكي، وكل ما حاولت الجدة تسألها اسئلة اكتر كريستال كانت تجاول بنفس الجملة، momy is in the trees

في اللحظة وصلت الشرطة على المركز والجدة سالت وين اهل البنت وين شفتوها، قالتلن ماعنا ولا معلوملة لانو البنت ماكانت عم تحكي وشفناها عند الكي مارت وبس، الحمد الله الجدة طلعت ذكية شوي وقالت للشرطة انو البنت عم تقول momy is in the trees وانا بعرف انو مايك بحب يخيم بالغابة هي فيمكن يكونو موجودسن داخل الغابة هي.

شاهد ايضاً: 3 قصص واقعية مرعبة حدثت بالفعل!

الجدة اعطت عنوان بيت مايك للشرطة لحتى يبدئوا عملية البحث، ولما راحو للبيت كانت الاضوية مطفية ومافي اصوات وماف حدا بالبيت، فاالي عملوه الشرطة انو طالعوا طيارة فوق الغابة لحتى يبحبثوا عن اي اشارة ممكن تدل على وجود اشخاص او وجود تخييم لانو غالباً الاشخاص الي بتخييم بيشعلوا نار والخخ

وطارت الطيارة فوق الغابة وبعتو بدويرات بحث داخل الغابة ووزعوا دوريات حوالي الغابة كلا عالفاضي استمرت العملية هي يومين تلاتة بدون فائدة ماشافوا ولا اشارة ولا دليل ولا اي شيء يساعدهم بالتحقيق، لذلك قرروا انهم يوقفوا عمليات البحث وينتظروا لحتى يصير عندهم معلومات اكتر عن القضية.

بعد شهرين كان في شخص ماشي هو وكلبه في نفس المنطقة الي اختفوا فيها مايك وديانا وهاد الشخص شاف سيارة بيك اب لونها احمر وكانت مغطاية بالتلج، والوضع غريب شوي لانو باليوم الي هاد الشخص شاف السيارة فيه ما كان عم ينزل تلج فواضح انو السيارة صارلها زمان هون والتلج الي عليها قديم ومتجمد لانو مافي حدا عم يحرك السيارة او يستعمها

قرب هاد الشخص عالسيارة وحاول يمسح التلج ويشوف اشفي بالسيارة، وكان اول شيء شافه هو دم، مو على كرسي السواق على الكرسي الي جنبه كان كله دم، اول ماشاف المنظر هاد ارتعب وهرب بسرعة واتصل بالشرطة بلغ عن السيارة

وصلت الشطرة شافو السيارة وعرفوا انها سيارة مايك، وبشكل سريع صاروا يبحثوا حوالي المنطقة الي كانت فيها السيارة على امل انهم يلاقوا اي دليل للقضية، وفعلاً ما شافوا دليل بس شافو جثة ديانا مطعونة 17 طعنة وملفوف على رقبتها جراب

بما انهم شافوا داينا كانوا متوقعين انهم رح يشوفو مايك فصاروا يبحثو حوالي ديانا بالمنطقة الي هي فيها ما شافوا شي، فتحو السيارة لحتى يتاكدو انو مافي حدا بقلبها وشافوا ورقة مكتوب عليها i Love you daiana وكانت مكتوبة بخط اليد، ولما عرضوا الصورة على الاهل أكدولهن انو هاد خط يد مايك هو دائما كان يرسل لهم رسائل نصية بالبريد (لانه عام 1985) وهم حافظين شكل خط يده

بعد شافوا الناس الكتابة هي وشافو جثة دايانا الكل صار يقول انو المايك هو الفاعل، ليش لانو الرسالة بخط يده، وهو مختفي ماله اثر، وكل الاحداث الي صارت الناس صارت تربطها انو مايك هو الفاعل، بس بالحقيقة القصة غير هيك تماماً.

رح احكيلكم بشكل مختصر حادثة صارت قبل 4 اشهر من الوقت الي اختفو فيه مايك وديانا لان هي القصة لازم نركز باحداثها ضروري.

في 10 اغسطس سنة 1985، شخص اسمه ستيفن كان في رحلة تخييم وهو وصديقته في نفس المنطقة الي اختفوا فيها مايك وديانا وحتى كانو في مكان قريب جداً من المكان الي كان يصطاد فيه مايك، اثناء رحلتهم هي تعرضو لهجوم غريب وانقتلو، الشرطة شافت جثة ستيفن بسرعة لانها كانت مكانها ماتحركت وكانت بقلب الخيمة الي بناموا فيها يعني ستيفن قتلوه وهو نايم، اما صديقته استغرق البحث اشهر عليها ولما شافو جثتها كان ملفوف على رقبتها جراب من نفس الماركة الي كانت على رقبت دايانا، والقصة كبرت وكل الناس صارت تقول انو مايك هو الي عم يقتل الناس لانو هو الشخص الوحيد الي موجود في هي المنطقة

الشرطة كان عنده رأي تاني، وكانو ينفوا انو فعلاً مايك هو المجرم لانو أول شي ماعندن دليل قاطع على الخط انو هو فعلاً خط مايك، وتاني شي مافي دافع، قالوا اوك ممكن يكون هاجم دايانا هو لانو في بينهم مشاكل وهاد الشي غير منطقي اصلا بس لنفرض انو هو الي عمل هاد الشي فعلاً، ليش لحتى يقتل ستيفن وصديقته ايش السبب؟ بنفس الوقت الشرطة ما كانوا قادرين انهم يكتبو مزكرة للقبض على مايك لانهم ما بيعرفوا اذا هو عايش او لا لانو اذا ما كان عايش معاناها أكيد مو هو الشخص الي قتل الناس، بس مع ذلك في هاد الوقت بسبب الطريقة الي مشيت فيها القصة كلام الناس كان انو مايك هو الي عم يقتل واخر شي قتل مرته وهرب

والقصة نوعاً ما بلشت تنتسا الناس خلص مصرين انو مايك المجرم وسكروا عالموضوع، بس بعد 26 سنة يعني في سنة 2011 كان في شخص عم يتمشى بالغابة الي صارت فيها الجريمة وشاف قطعة من جمجمة شخص فراح بلغ الشرطة الشرطة اجت وبحثوا بالمنطقة مرة تانية وشافو جزء ثاني من الجمجمة بس ما قدروا يلاقوا كمالة الجمجمة او اعضاء تانية

وبعد التحليل والتحقيق فيها تبين انها جمجة مايك ماقدروا يعرفوا الطريقة الي مات فيها لانو ما عندهم غير عضمة وحدة من عضم جمجمته ولكن قدروا يعرفوا تاريخ وفاة صاحب الجمجة وقدروه انو في نفس الوقت الي ماتت فيه داينا يعني باختصار مايك طلع بريء والمجرم طلع قاتل متسلسل ما بيقتل غير كبلز يعني واحد ووحدة مع بعض والجراب الي كان يحطه على جثة الضحية هي علامته ، بس مع الاسف مافي معلومات عن القاتل نهائياً وحتى اصلا مابيعرفوا اذا لساته عايش وعم يقتل ناس أو لا.

لا تنسى تتابعني على اليوتيوب اسم القناة سكطعش

قضية اختفاء ريكي مكورميك

قضية اختفاء ريكي مكورميكاليوم عنا قضية الي صنفتها الFBI من أكثر القضايا صعوبة لدرجة أن ال FBI صارت تطلب مساعدة من الناس لحتى تحل القضية!!! يمكن تقول لحالك شكلها القضية هي ساخنة وفيها أحداث كتير، أي معق فيها احداث فلذلك خلينا نبدأ فيها

محور قصتنا اليوم هو شخص اسمه ريكي مكورميك الي تم العثور عليه ميت في ظروف غامضة جداً في سنة 1999، الشرطة شافوه جثته في حقل زرة يبعد 20 ميل عن بيته يعني حوالي 32 كيلو متر، وهي البداية لحالها خلت الشرطة تحتار وما تعرف شلون وصلت جثته الى هي المكان، لان ريكي كانت حالته المادية سيئة شوي وما عنده سيارة والمكان الي شافو فيه جثته مافي مواصلات عليه ابداً فأكيد ريكي ماراح لحاله على الحقل هاد ف كيف وصل ريكي الى هاد الحقل؟

وومع الأسف الشرطة لما شافو الجثة كانت متحلل ومتفككة وماقدروا ابداً انهم يعرفوا سبب الوافاة ( قلتلكم القضية معقدة كتير) وماشافوا على جسمه جروح واضحة أو أي شي يدل على الطريقة الي مات فيها بس الشرطة كانت واثقة انه ريكي انقتل قتل لانو المكان هاد اله سجل حافل بجرائم القتل يعني صاير كتير جرائم في نفس المكان من قبل لذلك كانوا واثقين انها جريمة متلها متل الجرايم الي كانت تصير.

بس الجريمة هي كانت غامضة من كل النواحي متل ما قلتلكم، والي زادها غموض انهم لما بحثوا بالمنطقة الي شافوا فيها الجثة شافوا شيء واحد بس كان في جيب الضحية ريكي، وهي عبارة عن ورقتين مكتوب عليهم أحرف واشارات لو شفتها ممكن تقول انها احرف عشوائية ولكن الشرطة قررت انها رموز سرية، جاولوا يفكوا تشفير الرموز هي وماقدروا، لذلك استعانوا بالFBI لحتى يجي اشخاص مختصين ومتدربين على تفكيك الرموز على أمل انهم يفكوا الشيفرة الي مكتوبة بالورق ويوصلوا الى دليل يساعدهم على حل القضية هي، ومع الاسف التحقيق بالقضية هي استمر سنين طويلة بدون جدوى، ماحدا قدر يفك تشفير الرموز هي

وحتى انهم في سنة 2009 يعني بعد 10 سنين من مقتل ريكي الشرطة قدمت الرموز هي american cryptogram association وهي مؤسسة تانية موجودة من سنة1930 ومختصة بتفكيك الرموز ، وللاسف فشلو بتفييك الرموز، وفي سنة 2011 يعني بعد 12 سنة من القضية هي قررت الاFBI انها تنشر الوثيقة أو الاوراق الي فيهن الرموز هي للعلن على موقعهم على الانترنت وتطلب مساعدة الناس بفك تشفير الكود الي بالورقة هي ، وكتبوا بالمقال الي نشروا فيه الورقة” نحن شاطرين كتير بشغلنا بس رح نحتاج مساعدكم بالقصة هي لان فكة الرمز هاد ممكن يكون مفتاح او حل لجريمة قتل”

شاهد ايضاً: قصة اختفاء بريزما رييس الي حيرت الشرطة!

اخر مرة الناس شافو فيها ريكي عايش كانت يومين قبل وفاته وكان في في غرفة الطوارئ في احدى المشافي لانه كان عم يشتكي من مشاكل بالقلب والرئة، وهاد الشي ممكن يخليك تقول معناها بكل بساطة ريكي مات بنوبة قلبية مثلا او بمرض طبيعي، مع الاسف ما ممكن نتأكد من هاد الشي لانو متل ما قلنا ما قدروا يعرفوا سبب الوفاة + ما اعتقد ان الشرطة والاFBI تضل عم تحقق بقضية لاكتر من 15 سنة وبالاخير يطلع سبب الوفاة مرض طبيعي!

بعد هاد الشيء الناس صارت تتسأل انو معقول الشرطة مخبية شي عناا لانو الطريقة الي عم يشتغلوا فيها بالقضية بتوحي انهم عندهم معلومات ما بتعرفها الناس او عندهم شيء معين ولازم يوصلوله، وهاد الشي ممكن لانو شي طبيعي ان الشرطة ما تزيع كل المعلومات لحتى القاتل او المجرم ما يسمع الحكي ويهرب او ياخد احتياطه.

الامل الوحيد الي عنا لحل القضية هو الورقة الي مكتوب فيها الرمز، بس هل ياترى الي فيها الي مكتوب بالورقة هو رمز فعلاً ليش مو مايكون مجرد كلام عشوائي فعلاً وماله معنى ليش الشرطة مصرة انو الكلام المكتوب هو رمز؟

الFBi ردوا في سنة 2011 وقالو انو بحسب كلام والدة ريكي انه كان يكتب في (لغة سرية) من لما كان صغير وهي ماكانت تفهمها بس بعد سنة من الرد هاد في صحيفة تانية نشرت مقالة تشكك بالموضوع هاد وقالوا انو والدة ريكي قالت ان ابنها يادوب يعرف يكتب اسمه وانه كان عنده مشاكل نفسية كمان وعالاغلب الاكتابة هي هي مجرد شبخطة مالها معنى.

شيء تاني مثير للاهتمام قالته نفس الصحيفة الي نشرت الكلام الي قلته قبل شوي، وقالو: ان الشرطة ما خبروا اهل ريكي عن الورقة الي مكتوب فيه الرمز، وان اهل ريكي عرفوا بوجود الورقة في سنة 2011 لما الاFBI نشرتها للعموم لحتى يطلبوا مساعدة.

فنحن هلأ مالنا عرفانين نصدق كلام الاFBI ولا نصدق كلام الضحية؟ وفي شي تاني ممكن يخلينا نصدق كلام الصحيفة أكتر! بعد الكلام والمقالت الي طلعت هي، الاFBI حذفت الجزء الي كان مكتوب فيه انو والدة ريكي قالتلهم انو ريكي بيكتب ب لغة سرية، ليش نحذف ما منعرف.

كل الي منعرفه أنو قضية ريكي لحد الآن ما نحلت ولحد الان الاف بي اي مصرين انو الورقة هي فيها كود وانو ريكي هو الي كتبه!