جريمة قتل فريدة من نوعها!

تحذير: يمنع إعادة استخدام المحتوى بأي شكل مرئي أو مسموع أو مقروء دون الحصول على ترخيص، تحت طائلة الملاحقة والحذف من يوتيوب و غوغل (سترايك)لطلب الترخيص يرجى التواصل معنا

تخيل معي هذا الموقف، ليلة الكريسمس، طفلة عمرها 8 سنين سمعت باب بيتهم بيدنق فقامت حتى تفتح الباب، ولما فتحته شافت شخص لابس لبس بابا نويل وفرحت فكرته جايبلها هدية… بس قبل ما تلحق تعمل أي حركة بابا نويل أو الشخص الي لابس بابا نويل بيطلع مسدس ويبقتل البنت الصغيرة، والاحداث الي صارت بعد هاد الشي ابشع بكتير….

وصح انا قلتلكم تخيلوا هذا الموقف ولكن للأسف هي جريمة قتل حقيقية، بس ليش وكيف صار؟

جريمة قتل

لحتى نفهم التفاصيل كلها لازم نرجع لسنة 1963 وتحديداً على منطقة اسمها سان فيرناندو في كاليفورنيا.

شخص اسمه بروس باردو انولد ولانو ابوه كان مهندس لما كان المفروض انه يختص نفس تخصص والده ولكنه قرر انه يدرس علوم الحاسوب.

جريمة قتل

وبورس كان شخص محبوب جداً لانه بحسب كلام اصدقائه انو دمه خفيف كتير، واكتر موقف بيتذكروه اصدقائه هو موقف صار معه في يوم تخرجه من الجامعة

لما كان طالع يستلم شاهدته اخد معه دمية نفخ بحجم انسان كامل وتنكر فيها وقت استلام الشهادة.

طبعاً هاد الشي صار بالثمانينات فعادي يعني الناس كانت تعبتره مضحك اذا انا انت مالك معتبره مضحك.

بعد ما تخرج مباشرة حصل وظيفة سوفت وير انجنير و بالشركة الي توظف فيها تعرف على زميلة من زملائه بالشغل وتزوجوا سنة 1988 يعني لما تسمع هاد الكلام بتقول رح تفكر انو كل الامور تمام بس لما تعرف انو وقت عرسه ترك المعازيم وزوجته الي تزوجها وهرب… هرب يوم عرسه! ومن بعدها كان مقضي حياته عونطى.

مضي الوقت ووصلنا لسنة 2001، وفي هي السنة بروس تعرف على بنت اسمها الين وقرر يرتبط فيها، الين كان عندها ولد عمره سنة تقريباً او 13 شهر، والمفروض انه لما ارتبط فيها كان موافق على وجود ابنها معها والمفروض انه رح يهتم فيه متل ما رح يهتم فيها( في معلومة هون بحب اوضحها مالي انو الولد كان اسمها بروس ماثيو يعني بروس الصغير فمالي متاكد اذا بروس هو ابنه فعلاً او ابن زوجته)

للأسف في يوم من الايام الطفل هاد بيتعرض لحادثة في بيتهم وبيوقع في المسبح الي موجود بالبيت وكان على وشك انه يغرق ولكن لما طالعوه من المسبح واسعفوه تفاجئوا بانو اصابته كانت خطيرة جداً بسبب الميي والطفل انشل صار معه شلل نصفي!

شاهد ايضاً : قصص مرعبه

شاهد أيضاً قصص واقعية

لما بروس سمع الكلام هاد بدل ما يوقف معهن ويساعدهن اختفى… ترك البيت وهرب وماحدا بيعرف عنه اي شي.

بعد 3 سنين يعني في سنة 2004 بروس تعرف على بنت تانية اسمها سيلفيا اورتيز، سليفا كان عندها 3 أولاد وكان معجبة كتير ب بروس وكانت تحكي للناس عن ظرافته وشكله الحلو والاشياء هي

جريمة قتل في امريكا

بقيو مع بعض فترة سنتين تقريباً وفي سنة 2006 تزوجوا واشتروا بيت بنص مليون دولار وسكنوا فيه مع بعض هنن والاولاد

اعتقد حالياً صار عندكم فكرة عن طبعا بروس ولازم تتوقعا الشي الي صار معهن

ممكن تكونو ما توقعتو ف رح اقولكن انا، الشي الي صار انو بعد الزواج بروس تغير 180 درجة، وصار دائماً يعمل مشاكل مع زوجته على اشياء تفاهة كتير، وكمان صار يرفض انه يصرف زوجته وأولادها ، قالها خلي كل شي لحالا انتي بتصرفي على حالك واولادك وانا بصرف على حالي وخلي الامور طيبة.

طبعاً مع انو سيلفيا كانت مزعوجة كتير من الموقف هاد ولكن كانت عم تحاول تحل المشكلة واتصلت بولادة بروس وصارت تحيكلها عن الاشيياء الي عملها ابنها معها على ام انو الام تساعدها على ابنها

بس الصدمة كانت انو الام قالت لسيلفيا انو للأسف ابني كان عنده ولد من وحدة تانية قبلك وهاد الولد مريض وهو رافض يعتني فيه او يصرف عليه قرش واحد… يعني للأسف بروس خارج عن سيطرتنا ومالنا قادرين نعمل معه شي.

طبعاً سيلفيا كانت مصدومة لانو ما بتعرف بقصة الزوجة الي قبلها والولد، وكانت رافضة تصدق كلام الأم… فالام قالتلها اذا مو مصدقتني شوفي ملف الارجاع الضريبي تبع زوجك وبتصدقي.

ماعندي معلومات كتير حول نظام الضرايب بامريكا وشلون بيشتغل بس الي فهمته انو بروس مسجل ابنه بالدولة على انه مصاب وعم يدفع نفقات علاج وكذا وبناء عليه عم يرجعوله قسم من الضرايب الي بيدفعها للدولة.

بس هو بالحقيقة عم ياخد المصاري لحاله بس وما عم يصرف على ابنه ولا على علاجه بس مسجله بالاوراق الرسمية لحتى يكسب عليه مصاري زيادة

بعد ما سيلفيا عرفت كل هالتفاصيل كرهت بروس ورفعت عليه دعوة طلاق وهالحكي كان سنة 2007، هون طلعلهن مشكلة تانية، والي هي انو البيت الي كانو ا ساكنين فيه باسم بورس يعني البيت مليكه، بعد مارفعت دعوة الطلاق عليه قرر ان يطردها من البيت هي واولادها، حاولت سيلفيا تقنعه بان يخليهن بالبيت شهرين بس لانو بنتها الصغيرة باقيلا شهرين بالمدرسة وبتخلص ولكن بروس رفض وجمع كل اغراضهن ورماهن بالشارع وضردهن

لما راحوا عالمحكمة لحتى يكملوا قضية الطلاق، القاضي حكم بروس بانه لازم يدفع مبلغ 1800 دولار كل شهر ل سيلفيا كنفقة وفي كم غرض تاني مثل خاتم الزواج وكان في كلب عندهن بالبيت كمان هدول رح يبقوا مع سيلفيا ورح تدفعلها 1800 دولار كل شهر

وبعدها بشهور قليلة بروس تقلع من شغله الي كان عم يتقاضى عليه مبالغ كبيرة، لانو حس عليه صاحب الشغل انه عم يسجل على حاله ساعات عمل اضافي بدون ما يشتغل، يعني حتى بالشغل نصاب حياته كلها نصب بنصب.

بعد ما صارت كل هالاشياء معه الناس كانت متوقعه منه انو تتغير شخصيته ولكن الي صار كل الناس الي حواله كانوا يقولوا انه مبسوط ولا على باله شي وعطول عم يمزح ويضحك ولا كأنه صار معه شي

بس الي ما كانوا عارفينه الناس هو انه بروس فعلاً كان عم يتغير ولكن بدون ما يظهر هاد الشي للناس، مو بس عم يتغير بل كمان كان عم يخطط لخطة شريرة جداً.

بحلول شهر اكتوبر سنة 2008 بروس أشترى خمس انواع أسلحة، وبعد الاسحلة ا شترى بدلة بابا نويل

طبعاً خلال هي الفترة لسا قضية الطلاق شغاله، وفي يوم 18 ديسمبر 2008 وصلت القضية الى نهايتها والقاضي خلا بروس يوقع على ورقة انه يعطي سيلفيا شيك بقيمة 10 الاف دولار ويطلقها، والغريب انو بروس وافق ووقع على الورقة.

بعد تقريبأً اربع ايام من الحادثة هي، بروس بيركب سيارته وبياخد معه الاسلحة الي اشتراها وبدلة بابا نويل الي اتشراها وركب سيارته وراح على بيت اهل زوجته سيلفيا.

شاهد القصة على اليوتيوب اسم القناة سكطعش

كانت ليلة كرسمس عندهم يعني العيلة كلها متجمعة جد وجدة واحفاد وحتى جيران، وقالوا عدد الاشخاص الي كان بالبيت بيوصل الى 30 شخص.

لما وصل بروس على البيت دق الباب فتحتله بنت صغيرة عمرها 8 سنين، اول شي عمله ضربها رصاصة بوجهها ودخل عالبيت وبلش يقتل كل الناس الي يشوفها.

طبعاً في هي اللحظة كل الناس الي بالبيت دخلوا في حالة ذعر والي وصاروا يركضو ويحاولوا يهربوا، ولحسن الحظ أن ام البنت الصغيرة الي فتحت بالباب قدرت تاخد بنتها وتهرب منالبيت ولما طلعت من البيت اتصلت 911 وبلغت عن الحادثة.

مكالمة

مع انو بروس كان لابس بدلة على اساس انه متنكر ولكن الام هي عرفت ملامحه وعرفت انه بروس،

وللأسف بهاد الوقت بروس ما اكتفى بالفقتل بس، بل كان جايب معه سلاح نار قاذف لهب وبعد ما قتل الناس الي بالبيت شغل قاذف اللهب وحرف الببيت كله، وبعدها ركب سيارته وهرب.!

صورة قاذف اللهب الي استخدمه بروس في جريمته

ولما هرب راح على بيت اخوه، الي كان معه مفتاحه ودخل عليه، بالوقت الي دخل فيه بروس عالبيت ما كان في حدا لانو اخوه كمان كان عم يحتفل بالكرسمس ولكن لما رجع على بيته الساعة 3 ونص الفجر انصدم بجثة اخوه داخل البيت.

كان في بحضنه رصاص ومسدس لذلك لما اخوه لبروس بلغ الشرطة ووصلت الشرطة على البيت عرفوه ان موته كان انتحار يعني بعد ما عمل كل هالمصايب قتل حاله.

للأسف بروس مات يعني مارح يقدروا يحاكموه على الشي الي صار، واذا كنت مفكر انو خلص انتهت القضية هيك بتكون غلطان.

بروس كان صافف سيارته قدام البيت والشرطة عرفت انو هي السيارة الي راح فيها على البيت الي نفذ فيها الجريمة، لذلك فتحو السيارة حتى يفتشوها وياخدوا منها ادلة.

صورة سيارة بروس بعد الانفجار

اول ما فتحوها شافوا بدلة بابا نويل الي كان لابسها واول ما حاولوا ياخدوا البدلة السيارة انفجرت…. يعني بروس كان مفخخ السيارة ولما حركو البدلة السيار انفجرت ودمرت كل الادلة الي موجودة فيها.

عدد الاشخاص اليي ماتو في بيت العائلة كان 9 اولهم زوجته السابقة سيلفيا وأمها وابواه و2 من اخواتها الشباب وزوجات اخواتها واختها وابن اختها

مع انو بروس مات ولكنهم ما وقفوا تحقيق بالموضوع وصاروا يفتشوا في كل مكان ممكن يكون فيه ادلة على بروس.

ومن خلال التحقيقات وصلوا لنظرية بتقول انو بروس ما كان مخطط بنتحر.

لانو شافوا قدام بيته الي في سيارة اجار مصفوفة غير سيارته، وكان فيها تذاكر طيارة ومصاري كتير، يعني قالوا انو بروس كان مخطط يهرب برا البلد بعد ما يعمل هيك.

ولكن لما اخدوا جثته للطبيب الشرعي، اكتشفوا انه مصاب بحروق من الدرجة التالتة بسبب النار الي شغلها، وقالوا انه على الاغلب بسبب الألم الي كان فيه بسبب الحروق ما تحمل ينفذ خطته عالاخير ويهرب واذا راح للمشفى او على اي مكان تاني رح يمكسوه وينسجن لذلك قرر انه ينتحر.

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *