3 قصص واقعية حقيقة

3 قصص واقعية مرعبة حدثت بالفعل مكتوبة بكامل التفاصيل مع فيديوهات وصور

أغرب جريمة قتل حدثت في المانيا

قصص واقعية 1 :قضية اليوم تصنف من أكثر القضايا المرعبة في تاريخ المانيا، والسبب ان الجريمة صارت في تاريخ 31/03/ 1922 والتحقيق فيها استمر لسنة 2007 يعني استمر التحقيق لمدة 85 سنة ليش ياترى الموضوع تأخر كل هالفترة، او بالاحرى ايش هو الموضوع الي صار؟

متل ما قلتلكن في البداية في تاريخ 31/3/1922 في مدينة بافاريا الالمانية 5 اشخاص من عائلة اسمها عائلة غروبر والخادمة الي كانت تشتغل عندهم تم قتلهم داخل مزرعتهم، وتم العثور على جثثهم في حظيرة المزرعة،لحتى نفهم شلون صارت الجريمة هي لازم نرجع لورا شي 6 شهور

في هي الفترة الخادمة الي بتشتغل مع العائلة بالبيت او بالمزرعة، كانت تسمع اصوات غريبة دائماً، تسمع اصوات نقر على الابواب او اصوات همس فكانت تحكي لأهل البيت عن الاصوات ما كانوا يصدقوها، وكانوا يقولولها انو هي عم تتوهم ومافي شي لا اصوات ولا همس ولا شي، بس البنت كانت متأكدة من هاد الشي وكل تسمع الاصوات ولهاد السبب ومن خوفها من الموضوع هاد تركت الشغل عندهم وراحت.

قصص واقعية

والوضع ضل طبيعي مع العائلة خلال المدة هي وقبل الجريمة بيوم واحد عائلة غروبر جابو خادمة جديدة تشتغل معهم ، وللاسف كان هاد اول واخر يوم الها رح تسألني ليش؟ لانو في نفس اليوم الي اجت فيه الخادمة الجديدة الاهل بدئوا يلاحظوا الاشياء الي كانت تحكي عنه الخادمة القديمة، يعني صاروا يسمعوا الاصوات الي حكت عنهم و مو بس هيك في كتير شغلات غريبة صارت بالبيت بنفس اليوم، الاب شاف جريدة بالبيت ما بيعرفها ولا مشترك فيها ولا اشتراها من قبل لا هو ولا أي شخص تاني بالبيت، وكمان ضيعوا مدالية فيها مفاتيح لابواب

المزرعة وكان في عندهم غرفة مخصوصة للأدوات بيحطوا فيها كل شيء ممكن يلزمهم من فأس لتقطيع الخشب او معدات حفر والخخخ.. واذا بتقارن الاشياء هي بالشي الي رح اقوله هلا بتكتشفت انهم ولا شي عادي، يمكن ترجع تقلي مرة تانية ليش، كان الجو مثلج في وقتها وكانت الارض كلها تلج، فشافوا اثار اقدام شخص جاي من طرف الغابة الي قريبة عليهم وداخل لجوا البيت المشكلة انو مافي اثار رجعة في اثار دخلة بس مافي اثار رجعة يعني الشخص الي دخل لسته جوا ما طلع لبرا.

شاهد ايضاً الشاهد الوحيد على هذا القاتل متسلسل طفلة عمرها سنتين!

قصص واقعية

اندرياس الي هو الاب بالعيلة ستغرب كتير من الموضوع وراح لعند جارله اسمه لورانس وحكاله كل شيء صار معه من لما كانت الخادمة القديمة بالبيت، ولورانس عرض عليه انه ياخد اسلحة منشان يحمي حاله أكتر بس هو رفض وقال مافي داعي اكبر الموضوع أكتر من هيك

في ليلة هاد اليوم مع الاسف القاتل الي كان بالبيت سحب افراد العيلة واحد واحد على الحظيرة وقتلهم بالفأس، كل العيلة كانو بالحظيرة ما عدا طفل صغير عمره سنتين والخادمة الجديدة الي اجت قتلوا بغرفهم.

ومع الاسف الشرطة او الناس بشكل عام ما اكتشفوا الجريمة لتاريخ 4 أبريل يعني لبعد اربع او خمس ايام والسبب بحسب اقوال سكان المنطقة انهم ما لاحظوا اي شي غريب بالمزرعة المداخن شغالة وعم يطلع منها دخنة الحيوانات عندها اكل وعم تاكل وكل شيء كان طبيعي بالمزرعة وحتى انو ساعي البريد اجا ووصلهم بريد بعد الحادثة بيوم وما حس على شيء كان كلب الحراسة موجود مكانه ومافي اي شيء متغير.

قصص واقعية مرعبة

بعد اربع اايام من الحادثة هي بيجي شخص كان متفق مع العيلة انو يصلح لهم المولد الي موجود عندهم بيجي بيدق الباب ما حدا بيفتحله الباب، اول شي استغرب من الوموضوع لانو متفق معن وعاطينه موعد في هاد اليوم لازم يكونوا موجودين، بس لما ما حدا فتحله قرر انو يصلح الماكينة لحاله لانو اصلا الماكينة موجودة برا البيت مو محتاج يدخل لجوا البيت او حتى انو يجي حدا يشرحله شيء عن الماكينة لانو متل ما قلتكن كانوا حاكين مع بعض من قبل وكان عارف كل شيء ومتفق معهم انو يجي يصلح

بعد ما صلح الماكينة شاف كلب مربوط على باب البيت، الكلب ماكان موجود أول ما اجا لما شاف الكلب قال اكيد في حدا جوا البيت رجع دق الباب بس ماحدا جاوبه.

فقرر انو يروح لعند جارهم لورناس لانه اقرب جار عليهن حكاله القصة كلا وشلون الكلب كان جوا وفجاة صار برا وطلب منه انو لما يشوفهم يخبرهم انو اجا وصلح الماكينة.

بعد ما راح العالم لورانس راح على مزرعة غوبر لحتى يطمن عليهن ويقلن بقصة المصلح، اول ما وصل عالمزرعة دق عليهن الباب ماحدا فتح، مشي شوي وشاف باب الحظيرة مفتوح ولما دخل عليها شاف جثث 4 اشخاص من العيلة دخل عالبيت لحتى يشوف اذا في حدا بالبيت او لا، الغريب انو كان في اثار اشخاص موجودة بالبيت فعلا، كان في نار شغالة وفي صحون بالمطبخ واثار شخص كان عم ياكل بس مافي حدا بالبيت مافي غير جثث العيلة.

طلع من المزرعة وبلغ الشرطة ولما وصلت الشرطة وحللوا الجثث واكتشفوا انو الاشخاص ميتين من تاريخ 31 مارس، الشرطة بدئوا يعملوا تحقيقات ويسألوا ناس ويفتشوا وماقدروا يعرفوا اي شيء، اكتر شخص كان مشتبه فيه هو جارهم لورانس وهاد الشي كان لعدة اسبب، السبب الاول انه هو الشخص الي بلغ عالجريمة وشافهم، ليش ما يكون هو الي عم الجريمة وبعدين بلغ لحتى يبعد الاتهام عنه، والسبب التاني انه هو أقرب شخص عليهم بالمنطقة، اقرب شخص من ناحية المسافة اقصد.

والشيء التالت كانو انو لورانس بمرة من المرات طلب يد بنته لاندرياس ورفض، فممكن يكون هاد الشيء حفزه كنوع من الانتقام مثلاً، بس بعدين ماقدروا يثبتوا عليه التهمة والسبب كان الي حكيته قبل شوي وهو انو كان في شخص عايش بالبيت وعم يشغل النار ويطعمي الحيوانات، وفي نفس الوقت لورانس كان في بيته وفي عنده شهود انوه كان في بيته وماطلع خلال الفترة هي فماقدروا يثبتوا عليه التهمة والتحقيق ضل مستمر لسنة 2007 بدون اي جدوى ومافي اي شخص قدرت تثبت عليه التهمة.

الغرفة 348! قصص رعب مكتوبة طويلة

قصص واقعية 2 : القضية الي رح نحكي فيها هي قضية مشوقة جداً وصادمة ومؤسفة بنفس الوقت لانو مع الاسف في ضحية بالموضوع، وكمان فيها لغز الشرطة ماقدرت تحله وصارت القضية Cold Case لمدة سبع شهور تقريباً، وبعدين صار شي قلب القضية 180 درجة، مارح احرقلكن احداث خلينا نبدأ بقضية الغرفة 348 من أولها.

قصة الغرفة رقم 348

15 سبتمبر سنة 2010 رجل اسمه غريك فاليجن ( Greg Fleniken ) وعمره 55 سنة والي كان متزوج من وحدة اسمها سوزي حجز غرفة في فندق اسمه اليغانتي في ولاية تكساس الامريكية لحتى يقضي فيها عطلة نهاية الاسبوع ويرتاح فيها، لما كان غريك شب كان يشتغل مهندس سفن، وكان يقضي كل وقته بالبحر وكل وقته حرفياً يعني لدرجة انه ممكن يضل شهرين او تلاتة بالبحر على السفينة لبينما توصل السفينة الى وجهتها المطلوبة.

ولما كبر شوي غير مهنته وصار يشتغل بالعقارات، صار يبيع ويشتري اراضي، بسبب صعوبة شغله الي كان يشتغله لما كان شب جسمه كان ضعيف، وانا اقصد ضعيف بمعنى انه نحيف مع انو ما كان يعمل رياضة ولا كان يلتزم بنمط غذائي معين بل العكس تماماً، ولكنه لانه دائماً دائماً عم يشتغل جسمه كان يحرق كتير ودائماً يكون نحيف. وفي شيء تاني مهم كمان انه كان يدخن كتير، وموضوع الدخان هاد خليه ببالك لانو هو جزء من لغز القصة.

وفي كل يوم اثنين غريك كان يروح من المنطقة الي بيشتغل فيها والي اسمها لويزيانا كان يطلع منها ويروح على تكساس على الفندق الي رح يرتاح فيه، والشركة الي كان بيشتغل فيها هي الي كانت تعمله الحجز في هاد الفندق،الفندق ما كان كتير فخم كان عادي جداً واصلاً غريك نفسه ما كان مهتم لجودة الفندق لانو كل الي بهمه انو يوصل على مكان فيه سرير يرتاح فيه بعد ساعات عمل طويلة.

اول ما يدخل غريك على الغرفة رح يكون الحمام على طرفه اليمين بشكل مباشر ومقابيل الباب الرئيسي في شباك والتخت او السرير كان محطوط على اليمين وعلى اليسار كان في تلفزيون، وانا عم اوصفلكن شكل الغرفة كمان لانها شكل الغرفة واتجاهات الجدران تحديداً هي جزء من اللغز.

قصص واقعية مرعبة

اول ما دخل غريك على الغرفة حط الحقيبة الي كانت معه والي فيها اغراضه قدام السرير وفتحها وحط اغراضه بالخزانة الي موجودة بالغرفة وبدل لبسه شلح الجينز واللبس الي كان لابسه ولبس بيجاما، وغريك ما كان يحب يطلع برا نهائياً ولا يخطلت بالناس فكان اكتر شي ممكن يستمتع فيه هو انه يقعد لحاله على رواق ويرتاح

لذلك غريك شغل المكيف بالغرفة على اعلى ممكن لانه كمان هي عادة من عادته كان دائماً يحب ينام بجو غرفة بارد جداً، وبعدين قعد على السرير وحط ورا راسه مخدتين حط قدامه نفاضة دخان وقطعة حلو ياكلها واخد جهاز التحكم تبع التلفزيون وظبط أموره وقعد يرتاح والأمور كلها تمام.

مضيت هي الليلة وصرنا باليوم التالي الي هو 16 سبتمبر، في هاد اليوم زوجته سوزي حاولت تتواصل معه بس ما كان يجاوب على اتصالاتها، فاستغربت كتير من الموضوع وخافت بنفس الوقت لانها متعودة دائماً انها تتواصل معه هيك لانه متل ما قلتلكن كان دائماً بيشتغل فكان دائماً يتواصل مع سوزي بالرسائل والمكالمات لحتى يعطيها اخباره وكذا.

لما اتصلت فيه على رقمه الخاص ومارد عليها صارت تتصل على المكتب الي بيشتغل فيه اول مرة مارد تاني وتالت مرة كمان ما كان في جواب، لما اتصلت رابع مرة زملائه الي بشتغلوا معه بنفس الشركة انتبهوا على التلفون انو عم يرن كتير فراح واحد منهم ورد عليها وقلا انو زوجك مو هون ما اجا على الشغل، وهون سوزي بلشت تحس انو فعلاً في شيء غلط بالموضوع، فقالت للشخص الي رد عليها انها حاولت تتصل فيه كتير ومارد عليها وهي وهنن بيعرفوا انو لازم يكون في هاد الفندق لانها فترة استراحته.

طلبت من الشخص الي عم يحكي معها انو يروح على الفندق ويسأل عليه بغرفته ويتأكد انو هو بخير ومافيه شي، وافق هاد الشخص لانو غريك صديقه وحب انو يطمن عليه كمان.

شخصين من الاشخاص الي بيشتغلوا معه راحو لعنده على الفندق واول ما وصلوا على غرفته دقوا الباب وماحدا فتحلن مع انو غريك دخل على الفندق وماطلع منه يعني المفروض انو يكون هون، دقوا كتير على الباب ولما يأسوا راحوا لعند مدير الفندق وحكولوا القصة كلها وطلبوا منه انو يفتحلن باب الغرفة لانو الفندق بكون فيه عنده نسخة عن المفتاح غير الي بياخدها الشخص الي ساكن فيها، وفعلاً طلعوا فتحوا الغرفة وشافوا انو غريك ميت!

الطريقة الي كانت جثة غريك فيها كانت غريبة وبتحويلك انو غريك مات فجأة وهو قاعد لانه كان واقع على الارض وكان في سيكارة بيده اليسار بين اصابعه، يعني كانوا مات فجأة وهو عم يدخن.

فورا اول ما شافوا غريك في هي الحالة اتصلوا بالطوارئ وبلغوا عن الموضوع فورا وصلت سيارة اسعاف مع الشرطة ومحقق اسمه Apple، واول ما وصل المحقق انتبه انو الغرفة دافية جوها سخن

فبلش المحقق بانه يحقق في موقع الجريمة وماقدر يشوف اي شيء غريب بالغرفة، الباب سليم مافي اثار خلع او كسر مافي دم بالمكان ابداً حتى جروح ما كان فيه بجسم غريك كان في خدش بسيط تحت عينه وهاد الخدش غالباً صار لما وقع من السرير بعد ما مات.

قصص واقعية مرعبة

ولما فتشوا الغرفة وفتشوا اغراضه كان كل شيء متل سليم متل ما عمله غريك مافي اي شي متغير بالغرفة حتى المصاري الي كانت موجودة في محفظته كانت موجودة، وهاد الحكي كله بيعني انو مافي حدا اقتحم الغرفة مافي حرامي مافي اي شيء راح على الغرف الي جنب غرفة غريك وصار يسأل الناس الي فيها سمعتو شي اصوات غريبة او شفتوا شي ، وكان جوابهم لا، لا سمعنا ولا شفنا شي طيب شلون مات غريك ؟

المحقق هون احتار كتير بالموضوع وماقدر يفسره، راح رجع فتش الغرفة مرة تانية يدور على مخدرات او مشروبات او حبوب او اي شيء ممكن يكون شربه غريك وهاد الشي ادى الى موته بس الغرفة ماكان فيها اي شي

في هي اللحظة المحقق قرر يتصل بزوجته سوزي ويخبرها بالي صار لانو لحد الان سوزي ما عندها علم بشيء، ولما اتصل فيها قالته انو زوجها ما بيتهم بصحته ابدا بياكل اكل غير صحي وما بيعمل رياضة وبدخن كتير ، وفوق كل هاد غريك عمره 55 سنة، وفي هي اللحظة المحقق قرر انو ماضل قدامنا حل غير انو غريك مات لحاله موته طبيعية ممكن سكتة قلبية او شي مرض تاني.

قصص واقعية مرعبة
غريك وزوجته سوزي

فالي عملوه انو بعتو الجثة لعند دكتور جراحة اسمه تومي براون، هاد الدكتور كان معروف جداً بالمنطقة انو اشطر دكتور ومافيه شيء بيصعب عليه، فالمحقق بعتله الجثة وقلوا انو عنا شك انو مات بسكتة قلبية شفلنا وضعه، وفعلاً اول ما شاف الجثة ماكان في عليها اثار نهائياً ولا جروح ولا شي، ما كان فيه غير الخدش الي تحت عينه، هي بالنسبة لجسمه من برا، بس جسمه من جوا كان شيء تاني تماماً.

لما شرح الجثة شاف انو اعضاء جسمه من الداخل متلخبطة كتير، كان في اكل لسا طايف على معدته وكان في دم كتيير طالع لبرا وكانوا صاير معه نزيف داخلي أو شي، وكمان كان في عنده ضلوع مكسورة وكان في حفرة او ثقب في قلبه

الدكتور تومي براون الي المفروض هو اشطر دكتور بالمنطقة ماقدر يفسر الموضوع شلون جسمه من الداخل فيه جروح ومتكسر بدون ما يكون في اثار من على جسمه من برا، ماقدر يعرف شلون صار هاد الشي، بس الي قدر يعرفه انو موتة غريك هي مو موتة طبيعية ولا سكتة قلبية، لانو الجروح والكسور الي كانت داخل جسمه مستحيل تصير الى اذا تعرض هاد الشخص لحادث سيارة او شيء وزنه تقيل كتير وقع فوقه، وكون انو غريك كان بالفندق وماحدا سمع اصوات او شاف اي شي فعلى الاغلب في حدا ضربه لبين ما مات

الكلام هاد غير مقنع حتى الدكتور ماكان مقتنع لانو جسمه من برا مافيه شي بس مافي تفسير تاني، لذلك اتصل الدكتور بالمحقق وحكاله الي صار معه وقله مستحيل غريك يكون مات موتة طبيعية، غريك تعرض لصدمة خارجية ادت لوفاته.

المحقق انصدم من الموضوع وصار يحاول يفكر اذا فعلاً غريك نقتل مين ممكن يقتله وصار يبحث ويحبث وما وصل لاي شي لانو ماعنده ولا دليل يدله على ولا شيء بالموضوع الشي الوحيد الي حس المحقق انو غريب انو الجو كان جوها دافي بس ماعندو اي شي تاني، طبعاً هو استغرب منهالشي لانو بيعرف انو غريك مابينام الا لما تكون الغرفة باردة.

قصص واقعية مرعبة
الغرفة 348

المحقق محتار في امره كتير وعم يسأل ويحقق ويفتش بكل شي صار بالفندق في هي الليلة لحد ما وصل لشيء، والي انو قبل ما يموت غريك قام وجرب يعمل بوشار بالماكرويف بس مع الاسف علبة الكهربا ماتحملت ضغط الماكرويف وفصلت، والمكشلة انو ما فصلت بغرفته بس فصلت الغرفة على يمينه والي على يساره الي تحته.

ولما فصلت الكهربا في عامل من الفندق طلع يصلح العطل، ومحقق طالع نظريتين من الموضوع هاد الأولى انو يكون الشخص الي اجا يصلح الكهربا هو الي قتل غريك بس مع الاسف ما عندو اي دليل وما بيقدر يتهم الشخص هيك بدون سبب.

والنظرية التانية انو الاشخاص الي بالغرفة الي جنبه يكونوا عصبوا منه لانو خرب الكهربا وقتلوه، سبب سخيف جداً بعرف والمحقق كان بيعرف هاد الشي بس كان اخد بعين الاعتبار انو الشخصين هدول الي هنن بالاصل كهربجية انهم كانوا بيشربوا كتير وبيسكروا، ممكن وهنن سكرانين قتلوه مثلاً.

فقرر المحقق آبل انو يحقق معن ولما دخل وصار يسألهن وهنن يجاوبوه انو ما مانعرف شي ولا شفنا شي ولا سمعنا شي، وبحسب كلام المحقق انو الشخصين هدول ما كانوا متلبكين مثلاً او خايفين وواضح انهم ما يكذبوا وقالوله كمان انو لما كانوا راجعين من البار سمعو صوته بالغرفة وهو عم يسعل بس فمابيقدر يتهمهم هيك بدون سبب بس لمجرد فكرة طلعت براسه

ومع الاسف المحقق وصل لطريق مسدود والقضية صارت Cold Case لمدة سبع شهور

بعد سبع شهور زوجته سوزي ما هدي بالها وقررت انها تعين محقق خاص غير المحقق تبع الشرطة،وفعلا سوزي راحت لعند محقق مشهور كتير اسمه كين هذا المحقق كان مشهور كتير انه شاطر وكان يطلع عالتلفزيون وكذا فاتصلت فيه سوزي وحكتله القصة وقلها تمام انا مهتم بالقصة ورح استلمها واحقق فيها

وراح لعندها عالبيت وبلش يسألها اسئلة ويجمع منها معلومات سألها اسئلة كتير ومن ضمنها كان سؤال عن مسرح الجريمة او عن الغرفة الي مات فيها غريك، سألها في شي غريب بالنسبة الك او شيء لفت انتباهك بالغرفة، فقالتلو أي الغرفة كانت سخنة وجوها دافي، وغريك ماله بالعادة ابداً انو ينام بغرفة دافية دائماً بنام بغرفة باردة جداً

تمام المحقق اخد المعلومات الي بدو ياها وراح لعند المحقق آبل وطلب منه انو ياخده على الغرفة رقم348 والي هي الغرفة الي مات فيها غريك، ولما دخلوا عليها المحقق آبل عرض عليها كل الصور والمعلومات الي جمعها خلال السبع شهور هدول كلها، وبعد ما شافها المحقق كين قله اي تمام خلص حليت الموضوع انا

شاهد ايضاً:قضايا تم حلها 2021 قضية هذه البنت غيرت قانون امريكا!!

تابعني على اليوتيوب اسم القناة سكطعش

طبعا المحقق آبل انجلط قلو شلون هيك من اول خمس دقايق بتقلي حليتها وانا صارلي سبع شهور بحكي مع حالي وما عرفت، كين قله عطيني خمس دقايق خلينا اسل زوجته سؤال وبرجعلك

اتصل كين ب سوزي وسالها زوجك بدخن بايده المين وبا بايده اليسار، فسوزي قالتله غريك بدخن بايده اليمين بس، قلها تمام شكرا وسكر الخط وراح لعند آبل وقله الموضوع عندي حليته

كلام المحقق كين كان كالتالي: بما انو غريك مستحيل ينام بدون ما يشغل المكيف على أبرد حرارة ممكنة ولما انقطعت الكهربا اكيد المكيف رح يطفى بس الغرفة رح تضل باردة بسبب البرودة الي مجمعة من الوقت الي كان المكيف شغال، والعامل اجا صلح الكهربا الساعة 8.30 وبعد ما رجعت الكهربا المكيف ما بيتشغل لحاله لازم غريك يشغله بس غريك ما شغله لانو ماكان منتبه انو مو شغال بسبب انو الغرفة لستها باردة، وبما انو غريك مالحق يشغل المكيف معناها غريك مات بالوقت بين الساعة 8.30 والساعة9

آبل قلو حلو كلامك فيه وجهة نظرة بس مع ذلك مارح يفيدنا بانو نعرف شلون مات غريك او مين قتله، كين جاوبه قله بعرف اصبر علي جاييك بالحكي، وقال: مية بالمية غريك ما مات بسب تعنيف او ضرب متل الطبيب افترض والسبب هو السيكارة، لانو بحسب كلام سوزي غريك بدخن بايده اليمني ولما اجوا وشافوه جثته وهو ميت والسيكارة بايده السيكارة كانت بايده اليسار مو باليمين.

وهذا يعني انو غريك كان قاعد في سريره عم يدخن عادي وفجاة بصير معه شي بيخليه يقوم من السرير لحتى يطلب المساعدة او يعمل اي شي، ولحتى يقدر يعمل اي شي لازم يستخدم ايديه اليمين، فهو شال السيكارة من يد اليمين وحطها باليسار لحتى يستخدم ايده اليمين ولكن مع الاسف مالحق يعمل شي ووقع على الارض ومات وهي الوقعة هي بتفسر تكسر الضلوع والجروح الي كانت موجودة بجسمه.

المحقق آبل اصابه الذهول انو كلامك منطقي بس ايش ممكن يكون صار معه لحتى قام يهرب من غرفة ويصير كل الي صار؟ قله امشي معي لحتى اشرحلك.

وراحو المحقيين على الغرفة 348 ودخلو عليها اول ما دخلو المحقق كين صار يأشر على بقة موجودة على الجدار جنب الباب وكان فوقها طبقة جبصين جديد يعني المكان هاد من الجدار مصلح صار فيه مشكلة ومصلحينه المحقق آبل قله ممكن تككون من مسكة الباب!

قصص واقعية مرعبة
صورة الجدار بعد تصليح مككان الرصاصة

راح المحقق كين على الغرفة 349 الي هي الغرفة الي كانوا ساكنين فيها الشخصين الي كان مشتبه فيهن، وبنفس المكان على الحيط الي بين الغرفتين كان فيه علامة تصليح ولما حط المحقق اصبعه عليها كان في فتحة صغيرة بين الجدران

كين عرض هالشي على المحقق آبل وجابوا خبراء لحتى يفحصوا الجدران وشغلو ليزر فيها لحتى يشفوا الاتجاه الي رح تروح فيه والاتجاه الي راحت فيه هو تماماً بالمكان الي مات فيه غريك، واذا لحد الان ما خطر ببالك اي شي رح اساعدك انا واقلك انو في رصاصة دخلت من الغرفة 349 على غرفة غريك وهي الي سببت هي الحفرة

واذا بتتزكوا لما الطبيب الشررعي شرح الجثة قال انو في حفرة بقلبه، يعني تاكد مية بالمية انو سبب الموت هو رصاصة دخلت بقلبه وتحديداً هي الرصاصة طلعت من الغرفة 349

قصص واقعية مرعبة
محاكة الرصاصة الي قتلت غريك

هون الشرطة والمحققين اتصلوا بشخص من الاشخاص الي كانوا موجودين بالغرفة وقالوا انو بدنا ياك توقع على ورقة بس لحتى تثبت كلامك، مو انت عم تقول انك ما شفت شي ولا سمعت شي؟ أي بس بدنا ياك توقع على اقوالك، قلهن اوك تمام واجا لعنده ووقع على الورقة.

بعد ما وقع الورقة صار كين يساله متاكد من كلامك؟ ما عندك شي تاني تقول؟ قال لا هاد الي عندي وبس. هون فجأة كين بنط وبلقه انت كذاب نحن منعرف انو في رصاصة طلعت من غرفتكن على غرفة غريك وهي الرصاصة الي قتلته، انت عم تكذب علينا وبما انك وقعت على اقوالك وشهادتك رح نحبسك لانك عم تشهد شهادة زور او عم تعطي معلومات كاذبة!

هاد الشخص لما سمع انو رح ينحبس خلص غير رايه وقرر يعترف، وقال للشرطة انو صديقه الي اسمه مولر جاب مسدس معه عالغرفة وصار يمزح فيه معه وطبعا تنينهم كانو شربانين، مولر رفع المسدس ووجه على صديقه والي عمله صديقه انو دفش او حرك يده بتاجاه المسدس لحتى يبعده عنه وبالحركة هي المسدس وقع عالارض وضرب رصاصة لحاله والرصاصة راحت عالغرفة,

بعد ما انضرب الرصاصة ضلوا قاعدين وساكتين لحتى يسمعوا اذا في حد رح يجي ويسال عن الصوت او في شي رح يطلع من الغرفة او لا، انتظروا فترة ما سمعو اي صوت فهون اقتنعوا انو مافي حدا بالغرفة الموضوع مضي على خير لذلك سكروا الحفرة الي صارت وراحوا عالبار، لما رجعوا من البار سمعوا صوت غريك وهو عم يسعل لذلك فكروا انو لما انضربت الرصاصة ماكان في حدا وهلا صار في حدا بالغرفة وكانوا مقتنعين انو الموضوع مضي عخير

بس تاني يوم لما شافوا للشرطة اجت وشافوا الجثة وكذا حسوا انهم بورطة فخبوا المسدس وصاروا يقولوا انو ما سمعنا وما شفنا شي، وضلوا ساكتين للحظة هي الي خلاهن المحقق كين يعترفوا فيها.

قصص واقعية مرعبة
القاتل مولر

لذلك وبناء على شهادة لانس هاد الشرطة حكمت على مولر بالسجن لمدة 10 سنين، بتهمة القتل الغير عمد او القتل عن طريق الخطأ.

الشاهد الوحيد على هذا القاتل متسلسل طفلة عمرها سنتين!

في سنة 1985، مايك ريمر الي كان عمره 36 سنة وعايش فيتاكوما واشنطن كان شغله الاساسي في العمار والبناء، وفي فصل الشتاء مايك كان دائماً يروح على غابة موجود فيها نهر نسكوالي الشهير ويصطاد فيها حيوانات ومايك صارله أكثر من 15 سنة بيصطاد حيوانات بنفس الغابة الي بروح عليها كل مرة فهو حافظ كل الاماكن الي بالغابة لذلك كان يروح على مكان بعيد مافيه ناس لانو لو كان في ناس تمشي الحيوان رح تخاف وما تقرب على الفخوخ

فهو كان مخطط لكل شيء وكان محترف جداً بالشيء الي بيعمله، ومايك كان متزوج من بنت اسمه دايانا عمرها 21 سنة وعندهم طفله عمرها سنتين واسمها كريستال( بصراحة هي مو زوجته هي غيرل فريند، بس انا بستحي اقلكن انهم مخلفين ولد بدون ما يتزوجوا بس مو مهم هاد مو موضوعنا)

علاقة مايك وديانا ما كانت كتير منيحة، وحتى في يوم من الايام مايك اقتح بيت ديانا وضربها، ما عدا انو مايك بضل شايل معه مسدس، بعد هي الحادثة ديانا رفعة قضية تقييد على مايك وبحسب فهمي انه بموجب القضية هي مايك ممنوع يشوف بنته او يتواصل معها، وبالرغم من كل المشاكل هي الي انهم الأثنين بحبو بنتهم واي شيء تحتاجه بنتهم رح يقدمولها ياه بغض النظر عن كل المشاكل الي بينهم.

بدي منكم تبقو لاخر الفيديو لانو تهاية القصة رح تصدمك صدمة العمر

في شهر ديسمبر من نفس السنة يعني 1985 مايك وديانا تصالحو واسقت الدعوى عنه ورجعوا عاشو مع بعض والحياة جميلة، وفي يوم من الايام قرروا يطلعوا رحلة تخييم على الغابة الي كان مايك يصطاد فيها دائماً لانها بعيدة عن الناس وهادية وهو حافظها وبيعرف يعمل نشاطات كتير فيها، فجمعوا اغراضهم وركبوا بسيارتهم الي هي بيك آب لونها احمر وراحوا رحلة تخييم عائلية مايك وديانا وبنتهم كريستال

قاتل متسلسل
سيارة مايك

مايك اتجه للمكان الي كان دائماً يحط فيه الافخاخ الي بيصطاد فيها الحيوانات وعملوا الخيمة بمكان قريب منها وخلي في بالك كمان انو هي المنقطة هي في نص الغابة ومافي طريقة ماشة فيها يعني مافي ناس بتجي للمكان هاد، طيب رح تقلي ليش راحوا لهنيك باختصار لانو مايك متعود على المكان هاد وبيعرف المنطقة وحافظها.

في نفس اليوم بعد فترة قصيرة الناس شافت بنت صغيرة واقفة عن محل اسمه kmart وهاد المحل بيبعد حوالي 32 كيلو متر عن المكان الي كانو فيه مايك وعيلته، وطبعاً اذا لحد الان عم تتسأل مين هي البنت، البنت هي كريستال بنته لمايك، لما شافوها العمال الي في محل kmart، انصدمو من تصرفاتها لانها كان شكلها خايفة كثير وطول الوقت

وهي ماشية تلتف لوراها وكانها عارفة انة في شخص رح يجي من وراها ويضربها او شي، حاولوا العمال يسألوها ايش اسمك يا بنت وين اهلك امك او ابوكي اي شخص مع الاسف البنت ماجاوبت على ولا سؤال وقتها اضطر العامل انو يخليها عنده ويتصل بالشرطة ولما اجت الشرطة سألوها نفس الاسئلة وكمان ما جاوبت، لذلك اخدوها لمكان مختص برعاية الاطفال، ونشروا صورتها بالجريدة وكتبوا الي بيعرف هي البنت يتصل على هذا الرقم.

قاتل متسلسل

بعد يومين من الاعلان جدة البنت شافت الاعلان، وانصدمت لانها عارفة انو مستحيل مايك وديانا يتركوا بنتهم تضيع او يعملوا شيء يضرها مهما صار بينهم مشاكل مستحيل هاد الشيء يصير، لذلك قبل ما تتصل بالرقم الي موجود بالاعلان اتصلت بمايك لما ما رد على المكالمة اتصلت بديانا دياانا كمان ماردت وفي اللحظة عرفت الجدة انو في مصيبة بالنص، لذلك اتصلت بالرقم، وقالتلهم انا جدتها، وين البنت ايش القصة؟

الشرطة اعطت الجدة عنوان المركز الي حطو فيه البنت وراحت عليه والحمدالله البنت تعرفت على جدتها وفرحت لما شافتها وصارت تحكي، طبيعي انو اول سؤال تسأله الجدة وين اهلك وين امك او ابوكي، كريستال ردة عليها بجملة وحدة، momy is in the trees

الجواب مو واضح كتير والبنت عمرها سنتين بس وما بتعرف تحكي يعني هي الجملة كانت اقصى شيء ممكن تحكي، وكل ما حاولت الجدة تسألها اسئلة اكتر كريستال كانت تجاول بنفس الجملة، momy is in the trees

في اللحظة وصلت الشرطة على المركز والجدة سالت وين اهل البنت وين شفتوها، قالتلن ماعنا ولا معلوملة لانو البنت ماكانت عم تحكي وشفناها عند الكي مارت وبس، الحمد الله الجدة طلعت ذكية شوي وقالت للشرطة انو البنت عم تقول momy is in the trees وانا بعرف انو مايك بحب يخيم بالغابة هي فيمكن يكونو موجودسن داخل الغابة هي.

قاتل متسلسل

شاهد ايضاً: قصة اختفاء بريزما رييس الي حيرت الشرطة!

الجدة اعطت عنوان بيت مايك للشرطة لحتى يبدئوا عملية البحث، ولما راحو للبيت كانت الاضوية مطفية ومافي اصوات وماف حدا بالبيت، فاالي عملوه الشرطة انو طالعوا طيارة فوق الغابة لحتى يبحبثوا عن اي اشارة ممكن تدل على وجود اشخاص او وجود تخييم لانو غالباً الاشخاص الي بتخييم بيشعلوا نار والخخ

وطارت الطيارة فوق الغابة وبعتو بدويرات بحث داخل الغابة ووزعوا دوريات حوالي الغابة كلا عالفاضي استمرت العملية هي يومين تلاتة بدون فائدة ماشافوا ولا اشارة ولا دليل ولا اي شيء يساعدهم بالتحقيق، لذلك قرروا انهم يوقفوا عمليات البحث وينتظروا لحتى يصير عندهم معلومات اكتر عن القضية.

بعد شهرين كان في شخص ماشي هو وكلبه في نفس المنطقة الي اختفوا فيها مايك وديانا وهاد الشخص شاف سيارة بيك اب لونها احمر وكانت مغطاية بالتلج، والوضع غريب شوي لانو باليوم الي هاد الشخص شاف السيارة فيه ما كان عم ينزل تلج فواضح انو السيارة صارلها زمان هون والتلج الي عليها قديم ومتجمد لانو مافي حدا عم يحرك السيارة او يستعمها

قرب هاد الشخص عالسيارة وحاول يمسح التلج ويشوف اشفي بالسيارة، وكان اول شيء شافه هو دم، مو على كرسي السواق على الكرسي الي جنبه كان كله دم، اول ماشاف المنظر هاد ارتعب وهرب بسرعة واتصل بالشرطة بلغ عن السيارة

وصلت الشطرة شافو السيارة وعرفوا انها سيارة مايك، وبشكل سريع صاروا يبحثوا حوالي المنطقة الي كانت فيها السيارة على امل انهم يلاقوا اي دليل للقضية، وفعلاً ما شافوا دليل بس شافو جثة ديانا مطعونة 17 طعنة وملفوف على رقبتها جراب

بما انهم شافوا داينا كانوا متوقعين انهم رح يشوفو مايك فصاروا يبحثو حوالي ديانا بالمنطقة الي هي فيها ما شافوا شي، فتحو السيارة لحتى يتاكدو انو مافي حدا بقلبها وشافوا ورقة مكتوب عليها i Love you daiana وكانت مكتوبة بخط اليد، ولما عرضوا الصورة على الاهل أكدولهن انو هاد خط يد مايك هو دائما كان يرسل لهم رسائل نصية بالبريد (لانه عام 1985) وهم حافظين شكل خط يده

بعد شافوا الناس الكتابة هي وشافو جثة دايانا الكل صار يقول انو المايك هو الفاعل، ليش لانو الرسالة بخط يده، وهو مختفي ماله اثر، وكل الاحداث الي صارت الناس صارت تربطها انو مايك هو الفاعل، بس بالحقيقة القصة غير هيك تماماً.

رح احكيلكم بشكل مختصر حادثة صارت قبل 4 اشهر من الوقت الي اختفو فيه مايك وديانا لان هي القصة لازم نركز باحداثها ضروري.

في 10 اغسطس سنة 1985، شخص اسمه ستيفن كان في رحلة تخييم وهو وصديقته في نفس المنطقة الي اختفوا فيها مايك وديانا وحتى كانو في مكان قريب جداً من المكان الي كان يصطاد فيه مايك، اثناء رحلتهم هي تعرضو لهجوم غريب وانقتلو، الشرطة شافت جثة ستيفن بسرعة لانها كانت مكانها ماتحركت وكانت بقلب الخيمة الي بناموا فيها يعني ستيفن قتلوه وهو نايم

اما صديقته استغرق البحث اشهر عليها ولما شافو جثتها كان ملفوف على رقبتها جراب من نفس الماركة الي كانت على رقبت دايانا، والقصة كبرت وكل الناس صارت تقول انو مايك هو الي عم يقتل الناس لانو هو الشخص الوحيد الي موجود في هي المنطقة

قصة اختفاء بريزما رييس الي حيرت الشرطة!

الشرطة كان عنده رأي تاني، وكانو ينفوا انو فعلاً مايك هو المجرم لانو أول شي ماعندن دليل قاطع على الخط انو هو فعلاً خط مايك، وتاني شي مافي دافع، قالوا اوك ممكن يكون هاجم دايانا هو لانو في بينهم مشاكل وهاد الشي غير منطقي اصلا بس لنفرض انو هو الي عمل هاد الشي فعلاً، ليش لحتى يقتل ستيفن وصديقته ايش السبب؟

بنفس الوقت الشرطة ما كانوا قادرين انهم يكتبو مزكرة للقبض على مايك لانهم ما بيعرفوا اذا هو عايش او لا لانو اذا ما كان عايش معاناها أكيد مو هو الشخص الي قتل الناس، بس مع ذلك في هاد الوقت بسبب الطريقة الي مشيت فيها القصة كلام الناس كان انو مايك هو الي عم يقتل واخر شي قتل مرته وهرب

والقصة نوعاً ما بلشت تنتسا الناس خلص مصرين انو مايك المجرم وسكروا عالموضوع، بس بعد 26 سنة يعني في سنة 2011 كان في شخص عم يتمشى بالغابة الي صارت فيها الجريمة وشاف قطعة من جمجمة شخص فراح بلغ الشرطة الشرطة اجت وبحثوا بالمنطقة مرة تانية وشافو جزء ثاني من الجمجمة بس ما قدروا يلاقوا كمالة الجمجمة او اعضاء تانية

وبعد التحليل والتحقيق فيها تبين انها جمجة مايك ماقدروا يعرفوا الطريقة الي مات فيها لانو ما عندهم غير عضمة وحدة من عضم جمجمته ولكن قدروا يعرفوا تاريخ وفاة صاحب الجمجة وقدروه انو في نفس الوقت الي ماتت فيه داينا يعني باختصار مايك طلع بريء والمجرم طلع قاتل متسلسل ما بيقتل غير كبلز يعني واحد ووحدة مع بعض والجراب الي كان يحطه على جثة الضحية هي علامته ، بس مع الاسف مافي معلومات عن القاتل نهائياً وحتى اصلا مابيعرفوا اذا لساته عايش وعم يقتل ناس أو لا.

لا تنسى تتابعني على اليوتيوب اسم القناة سكطعش

تعليق واحد

اترك ردّاً