قصة اليوتيوبر انا صوفي (قصة i am sophie)

قصة i am sophie

قصة اليوتيوبر هي رح تكون مرعبة فا استعد وخود احتياطك

أول ظهور لقناة صوفي(قصة i am sophie) كان قبل شهرين من تاريخ هذا النشر، وأول فيديو كان عنوانه The NEW QUEEN Of YOUTUBE – Channel Trailer هاد الفيديو ماكان فيه شي مخيف كان عبارة عن تعريف عن صوفي يعني صوفي عرفت بحالها بهاد الفيديو وماكان في شي غلط او شي مريب والسبب هو، انو هاد الفيديو كان أول فيديو بالقناة، وبما أنو أول فيديو بالقناة والقناة جديدة فهذا يعني انو مارح يكون في مشاهدين للفيديو، فصوفي عملت هاد الاعلان الي قدمت في حالها على انها بنت شخص مليونير، وانها عايشة بقصر كبير وعندها طيارتها الخاصة ولكن هل هي سعيدة في حياتها المليئة بالمصاري ؟

في تاني فيديو نشرته “انا صوفي” في القناة عملت جولة في بيتها أو قصرها الي ساكنة فيه، وفي نفس الفيديو قالت انه عندها متجر شخصي بتبيع فيه ملابسها الخاصة، ولو دخلت على الموقع رح تشوف انو فيه ٣ منتجات او ٣ والمنتجات هي كانت سولد اوت من أول ما اعلنت عنه والي هاد الشي برايي مستحيل يكون صحيح ونباعت بهالسرعة، انا صرلي قرن وماحدا بيشتري مني شي.. خلينا ناخد نظرة على صور المنتجات الي منزلتها

هي الصور بتأكدلك انو الأغراض الموجودة بالمتجر ما نباع منها ولا شي أولا لانو سعرها غالي، تانياً ما اعتقد حدا بيشتري غرض عليه هي الصورة.

بالفيديو الي بعده في قناة انا صوفي، صوفي نشرت فيديو بعنوان بنت غنية تحاول تعيش على عشرة جنيه استرليني فقط بين قوسين فشلت، ظهرت معها صديقتها في هاد الفيديو في سيارتها الفخمة وبعدين راحو على جلسة تصوير للملابس الي عم تبيعها في متجرها، وفي اخر الفيديو صديقها الي معها صور فاتورة الممطعم او المقهى الي كانوا فيه، كانت الفاتورة عشر اضعاف المبلغ الي حطته وبعدها اعتذرت وقالت انها رح تجرب التحدي مرة تانية وتنجح فيه

شاهد ايضاً: أخطر منظمة على وجه الكرة الأرضية (منظمة SCP)

بعد هاد الفيديو في يوتيوبر أجنبي مشهور نزل فيديو كان عم ينتقدها على الشي الي عم تعمله والي هو البزخ والبطر والاشياء هي انو في ناس وضعها تعبان ماممكن تجيب الشي الي انت عم تجيبها ، وهي نزلت فيديو ترد عليه بس ردها كان غريب شوي، قررت في فيديو الرد أنها تروح على نايت كلبين، او انها تروح تحفتل في مكانين واحد هاي كلاس وغالي كتير وواحد عادي

والسبب الي قالته هي انو، اذا الشخص بده ينبسط ويعيش حياة منيحة حتى لو مامعو مصاري بيقدر يعيشها شوف هي نادي رخيص ونادي غالي وبالتنين نفس الفرح والسعادة، الفيديو هاد كان ماشي تمام، لحد ما وصل تقريباً لنهايته صار شي غريب، وهاد الشي بصراحة زكرني بقصة أش فلوقز اذا بتتزكروها، إذا ما بتتزكروها بامكانكم تتابعوها من الرابط هاد

البنت الي ظهرت في أخر الفيديو ماحدا بيعرفها، ولا بيعرف من وين طلعت… التعليق المثبت على الفيديو قالت انها ما عندها فكرة أبداً عن الشي الي صار واحتمال تحذف الففيديو وتنزله مرة تانية، بس عم تنتظر جواب من الشخص الي بيمنتجلها الفيديوهات إذا بيعرف شي عن هالموضوع.

بالفيديو الي بعده بدءت الامور تصير أوضح شوي، الفيديو كان عنوانه المعجبة المجنونة رقم واحد،مين هي المعجبة ياترى، همممم هي البنت الي طلعت بالقلتش الي بالفيديو.البنت اسمها لارا، صوفي وصديقتها وصديقها الذكي الي المفروض انه بيفهم بأمور الاختراق والهاكينغ راحو عند لارا عالبيت لحتى يستكشفوا الموضوع ويعرفوا شلون وصل فيديو الويب كام من كمبيوتر لارا على فيديو صوفي.

بيت لارا كان عبارة عن كمية أشياء غريبة مجتمعة مع بعضها، كان عندها أكل قطط وهي ما عندها قطط بابيت كان في غرفة مقفولة وما سمحت لحدا، يدخل عليها، وبعدها صار يطلع الاصوات الغريبة هي، وصار هاد الشي بالفيديو.

الاشياء الغريبة مستمرة كل هاد نحن لسا مادخلنا في العمق، خلينا ناخد نظرة على الفيديو الي عنوانه 11271518920813.mp4 الفيديو هاد من بدايته وهو مو طبيعي، شكل صوفي ما كانت متحمسة لتصوير الفيديو متل كل مرة، اصوات غريبة بدءت تنسمع في البيت، المصور بن سقط، صوفي مربوطة على الكرسي، وجنبها لارا ببدلة صوفي المشهورة،

بعد سلسلة الأحداث المريبة هي لارا بدءت تنشر فيديوهات على القناة، وهي الفيديوهات عنواينها وصورها نفس عنواين وصور فيديوهات صوفي الأصلية ولكن مستبدلة بلارا

بالاخير ظهرت لقطة وكانها كانت عم تطلب مساعدة كانت عم تقول انو في سي دي لازم انتي تشوفيه قبل أي حدا، وطبعا الفيديو الي بعده كان عبارة عن عرض لمحتوايات القرص والي ، لارا مختلفة تمام عن لارا الي شفناها بالفيديوهات الي قبل هي، الأغرب انو لارا كان عندها قطة، لارا عندها قطة فعلاً ولكن لسبب من الاسباب قالت لصوفي واصدقائءها انو ما عندها.

محتويات القرص كانت عبارة عن ١٢ فلوق، كتير فيديوهات عم تنتشر عنها، أكيد اي تحديث جديد بالقصة رح اخبركن عنه لذلك اشترك، وابقوا مستعدين

تحديث :

بعدها انتشر فيديو عنوانه thegame1.mp4 هاد الفيديو هو الفلوق التالت من محتويات القرص، والي بتظهر فيه لارا عم تلعب لعبة اسمها the guide to be rich and powerful، وبطلة اللعبة اسمها صوفي.

اللعبة وشكل الفيديو مخيفين جداً، بس قصة اللعبة بتكون عم تحكي كل الاحداث الي شفناها قبل الاحداث الي صارت بين صوفي ولارا كلها بدءت تنعاد في اللعبة

الفيديو الي بعده who are you? هو كمان تكملة لاحداث اللعبة والي هي الاحداث الي شفناها فالحقيقة فعلاً، بس هي المرة صار شي غريب، اللعبة صارت تخاطب لارا وكانها عارفة ان لارا هي الي عم تلعب باللعبة