2020VISIONقناة يوتيوب توقعت تاريخ موت المشاهير! (صحيح 100%)

2020VISION

اذا قلتلك في قناة يوتيوب توقعت تاريخ موت كل المشاهير الي ماتو في سنة ٢٠٢٠، وكل التوقعات والتواريخ الي كانت مذكورة بالقناة صحيحة مية بالمية هل ممكن تصدق ؟؟ 2020vision

الاسبوع الماضي (من تاريخ هذا النشر) انتشر فيديوهات على التيك توك تضمنت فيديوهات فيديو قصير مدته ٦ ثواني الفيديو عبارة عن خلفية بيضة وبالنص في عين  تحت العين مكتوب اسم الشخص  المشهور والعين بترمش ٣ رمشات الرمشة الاولى بيطلع فيها اسم الشهر التانية اليوم التالتة السنة وبدها بتتسكر العين وبينتهي الفيديو. والفيديوهات كانت من قناة 2020vision

ومن أشهر الاسماء الي كانت موجودة في القناة اسم كوبي براينت لاعب كرة السلة.

ممكن تقلي اي بسيطة كتير الشغلة ، بيجي صاحب القناة بيستنا شخص يموت وبعدين بيعمل فيديو بيكتب فيه التاريخ وبيعمل حاله انو توقع تاريخ موته.. هاد أول شي ممكن أي شخص يسمع بالقسة يحكيه ولكن يؤسفني أقلك أنو هاد الشي غلط لانو كل الفيديوهات الي منشورة بالقناة تاريخ نشرها سنة ٢٠١٧ يعني قبل ٤ سنين

وفي اليوتيوب مستحيل في أي شكل من الأشكال أنو يتغير تاريخ النشر، يعني مؤكد مية بالمية  ان هي الفيديوهات انتشرت في سنة ٢٠١٧.

معقول في حدا بيقدر يتوقع تاريخ موت الناس؟؟

بصراحة في كتير أشياء غريبة تدور حول القناة، أول شغلة أنو الفيديوهات منشورة من سنة ٢٠١٧ معقول ماحدا شاف الفيديو ألا لبعد ٤ سنين؟ طيب اذا الفيديوهات منشورة في سنة ٢٠١٧ ليش ما توقعت الناس الي ماتت في سنة ٢٠١٧ مثل chester bennington الي مات بعد شهر من انشاء القناة مثلاً.. ليش سنة ٢٠٢٠ تحديداً؟

في نظرية بتقول او صاحب القناة رفع فيديو طويل فيه كل أوقات السنة الشهور والاأيام  وكل شيء وخلاه خاص على اليوتيوب في هي الحالة الفيديو ما بيظهر للناس وتاريخ النشر ما بيتغير يعني اذا نشرت فيديو في ٢٠١٧ وعملته خاص وبعدين في ٢٠٢٠ رجعت عملته عام للناس كلها بيضل التاريخ ٢٠١٧ مابيتغير  فصاحب القناة نشر الفيديوهات وخلاها بالوضع الخاص طول هالفترة ولما حدا من المشاهير يموت بيستخدم الايدوتر الي موجود باليوتيوب لحتى يقطع يقطع باقي الفيديو ويخلي التاريخ الي بده ياه وللمعلوملة لما تستخدم اليوتيوب اديتور ما بيتغير تاريخ الفيديو ولا بيطلع عند الناس انو هاد الفيديو تم تعديله ولا بصير اي تغير على الفيديو غير التغيير الي عمله صاحب القناة، ويعتقد ان طول الفيديو الاساسي هو بين ٣٠ ل٣٦ دقيقة لانو كل الفيديوهات المنشورة مدتها ٦ ثواني وفي ال٦ ثواني هي بيطلع اسم شهر ورقم يوم ورقم السنة، فإذا ضربنا عدد الثواني بعدد ايام السنة بيطلع معنا كم ثانية طول الفيديو والي هو بحدود ٣٦ دقيقة

مع أنو النظرية هي مقنعة نوعاً ما بس ما قتنعت فيا انا، لانو اذا كان فعلا صحاب الفيديو حاطط اسم وكل اييام السنة في فيديو واحد معنها فعلاً هاد الشخص عنده توقع انو الشخص الي كتب اسمه ممكن يموت في هي السنة واذا ما كان حاطط بس سنة ٢٠٢٠  فهو على الأقل حاطط ١٠ سنين خلينا نقول اذا هو فعلا مو متوقع شي وحاطط التواريخ هيك بس فهو على الاقل حاطط ١٠ سنين والي بتخلي الفيديو يطول عشر اضعاف ويصير تقطيع الفيديو أصعب أصعب بس مو مستحيل وأنا ما عم قول انو هاد الشخص كان بيعرف وقت موت الناس هدول لانو ما حدا بيعرف الوقت الي رح يموت فيه او اي شخص رح يموت غير الله طبعاً الا اذا كان مخطط قتل هاد الشخص في يوم معين، مابعرف الأعمار بيد الله.