كنز جزيرة أوك الملعون!

كنز جزيرة أوك الملعون

في عام ١٧٩٥ شب اسمه دانيل عمره ١٦ سنة كان رايح على جزيرة أوك او المعروفة بجزيرة البلوط(كنز جزيرة أوك الملعون)، كان رايح لحتى يصيد سمك، لما وصل على جزيرة أوك وكان عم يمشي فيها لحتى يلاقي مكان مناسب يصطاد فيه سمك، شاف شجرة بلوط كبيرة وقديمة كتير، وتحت الشجرة هي كان في علامة أكس على الأرض، العلامة الي بيستخدموها القراصنة بالأفلام والي بتدل على وجود كنز.

دانيل شاف الاشارة هي وتحمس لانو كان مفكر انو رح يلاقي كنز ويصير مليونير وعلى هاد الاساس رجع دانييل تاني يوم هو وتنين من اصدقائه على نفس المكان الي شاف فيه الاشارة وكانو جايبين معن عدة للحفر،بعد ما حفروا حوالي متر وربع وصلو لعند طبق صلبة جداً، تحت هي الطبقة رجعت الارض تصير طرية، واسمروا بهاد الشي حفروا حوالي ٩ امتار وبعد كل ٣ امتار كان يطلعن طبقة صلبة، اكتشفوا هون انو المعدات الي معن مارح تساعدهن لازم يكون معن معدات أقوى من الي معن، فيأسوا وتركوا الحفرة وراحو

دانييل واصدقائه رجعوا بعد ٩ سنين على مكان الحفرة الي حفروها، بس هالمرة مارجعوا لحالن، رجعوا مع خبراء مختصين بالحفر مع معدات حفر أحسن من الي معن، دانييل واصدقائه الوخبرراء الي اجوا كلهم اتفقوا على انهم اذا وصلو للكنز رح يتقساموا مع بعض بالتساوي

مع انو مضي ٩ سنين على أخر مرة حفروا فيها إلا انو لما رجعو يحفروا مرة تانية شافوا الحفرة متل ما تركوها مو متغير فيها شي أبداً، ورجعت الاشياء نفسها، تصير معن بعد كل ٣ أمتار كان يطلعلن لوح خشب، لما وصلوا على عمق ٢٧ متر شافوا لوخ حجري مكتوب عليه كتابة بلغة غريبة عنهم ما عرفوا يقرئوها، اخدوا اللوحة وترجموا الكلام الي مكتوب عليها، وكانت الترجمة تقول انه على بعد ٤٠ قدم من هذه الصخرة يوجد كنز ب٢ مليون قطعة دهبية.

بعد ماشافوها فرحوا كتير وتحمسوا أنهم يكملوا حفر لانو كانو مفكرين انو وصلوا للكنز. بعد ما حفروا تحت الصخرة هي رجع طلعلهم لوح خشبي وتحت اللوح بدأ تطلع مي، بحكم انها جزيرة وبنص البحر فيبدوا انهم وصلوا لأخر عمق فالجزيرة، في هاد اليوم تركوا الجزيرة وراحو

لحتى يفكروا بحل للموضوع، رجعوا بعد يومين شافوا ارتفاع المي بالحفرة هو ١٠ امتر بالظبط لا أكتر ولا اقل ١٠ امتار محسوبين بالسنتي، وهاد االشي يعني الحفر مستحيل، يأسوا من الموضوع مرة تانية وتركوا الحفرة لمدة سنة، بعد سنة رجعوا وكانو مقررين انهم يحفروا حفرة جنب الحفرة الاصلية لانو تفكيرهم كان عم يقلهم بهالطريقة المي الي موجودة بالحفرة الأصلية رح تمشي على الحفرة التانية ويقدروا يكملوا حفر، ولكن لما وصلوا لعمق ٣٣ متر بدئت المي تمشي على الحفرة التانية وتطوف فيها بدون ما تنقص او تزيد كمية المي الموجودة بالحفرة الاصلية والي هي ١٠ متر

ومن وقتها لليوم ماحدا قدر يحفر ويوصل للكنز هاد، وصاروا يطالعوا كلام عليها واساطير متل انو هي الحفرة مدفون فيها الشيطان وانه اذا نحفرت عالاخير رح يطلع الشيطان، ولكن الله بيحبنا ما عم يخليهم يحفروا، او انو القراصنة او الاشخاص القدامى الي دفنوا هاد الكنز ذكائهم يفوق ذكئنا بكتير ومصممين الحفرة بشكل ماحدا يوصللها

شاهد أيضاً: تاكاهيرو سفاح تويتر (سفاح التويتر الياباني)