هل كان يستحق هذا الحكم؟ ( قضايا غامضة تم حلها)

قضية اليوم رح تكون عن شابة يابانية اسمها نارومي كوراساكي، انولدت في طوكيو يوم 23/07/1995، حياتها كانت حياة هادية جداً وطبيعية من لما كانت طفلة صغيرة لحد ما دخلت الى الجامعة، حتى في الجامعة كانت بدايتها جيدة، ولكن في ما بعد تحولت الى جحيم…

بس بشكل عام قبل ما نوصل الى القسم الي تحولت فيه الى جحيم لازم نعرف انها كانت ودودة جداً مع الناس وخصوصاً مع الغرباء

بعد ما نارومي انهت دراستها الثانوية سنة 2014 كان عندها حلم انها تطلع تدرس خارج اليابان، بس هاد الحلم كان صعب انه يتحقق لان حالتها المادية ما كانت تسمح انها تسافر وتدرس وتصرف على حالها ولهالسبب كملت دراستها في اليابان بجامعة اسمها ايباراكي، ولكن سبحان الله اجا نصيبها سنة 2016 وطلعلها منحة دراسية على فرنسا وتحديداً على جامعة اسمها University of Franche-Comté وهي الجامعة موجودة شرق فرنسا في ميدنة اسمها Besançon

اول شي عملتها في هي الجامعة انها بدئت تدرس اللغة الفرنسية، واستمرت بدراستها لمدة 6 شهور وخلال الفترة هي تعرفت على كتير اشخاص من جميع انحاء العالم.

لازم تكونوا متذكرين كلامي لما قلتكن انو نارومي ودودة جداً مع الغرباء، هاد الود خلها تتعرف على شخص من جمهورية تشيلي اسمهNicolás Zepeda.

نيكولاس كان اكبر منها ب 5 سنين وكان يشتغل مساعد مدَرس في جامعة ايباراكي، لسبب من الاسباب العلاقة بينهم تطورت بسرعة ونيكولاس صار يقول للناس انو نارومي هي حبيبته.

مع انهم كانوا حابين بعض كتير الا انهم انفصلوا بعد شهرين تقريباً، ومضيت الايام ونارومي راحت على فرنسا لحتى تكمل دراستها وفي فرنسا تعرفت على شخص تاني وارتبطت فيه.

وهنا الموضوع رح يبلش يتعقد شوي، لانو في الفترة هي الي نارومي كانت فيها في فرنسا وارتبطت بشخص جديد، نيكولاس بيرجع بيتواصل معها، وفترة التواصل ماكانت طويلة كتير كانت شي 1000 رسالة بس!😂

خلال الالف رسالة الي كانت بينهم نيكولاس قال لنارومي انه لسا بيحبها وبيكنلها مشاعر وحابب يرجع يتقرب منها، وقاللها انه مستعد يجي لفرنسا لحتى يقضي معها يوم واححد بس.

ومع انو نارومي كانت مرتبطة في هي الفترة الا انها وافقت انها تطلع معه وتشوفه وبناء على هذا يوم 4 ديسمبر سنة 2016 نيكولاس كان في فرنسا ومع نارومي!!

شاهد ايضاً : قصص رعب

شاهد ايضاً : قصص واقعية من الحياة

تابع القصة على اليوتيوب اسم القناة سكطعش

وبالفعل في هاد اليوم راحوا زاروا متحف مع بعض بعدين راحوا تعشوا ولما خلصوا نيكولاس رجع مع نيكولاس على السكن الجامعي الي ساكنة فيه نارومي، بعد ما وصلوا على السكن بفترة في بعض الاشخاص سمعوا صوت صراخ طالع من غرفتها ولكن ما حدا اهتم للموضوع او تصرف اي تصرف وهاد اليوم كان اخر يوم بتنشاف فيه نارومي، يعني بعد هاد اليوم اختفت!

اختفت بالكامل مهما حاولوا يتصلوا فيها او يدقوا عليها لباب ماكانت تجاوب والغريب بالموضوع انو البنك عملها تعطيل للكرديت كارد الي كانت تستخدمه، وانقطعت كل اخبار نارومي.

الاخبار الي بقيت موجودة عنا هي اخبار نيكولاس، بعد ما قضى يوم مع نارومي ترك فرنسا وراح على اسبانيا حتى يزور واحد من اقرابه.

قريبه الي راح لعده كان بيعرف نارومي،لذلك لما كانوا قاعدين عم يحكوا ويسأل عنه وعن اخباره سأله عن نارومي، فنيكولاس كذب وقله انه ماشافها من لما تركت اليابان وانه ما بيعرف عنها شي، وكمان قله انه تعرف على بنت جديدة في المانيا.

طبعاً مافي اي يسبب يخلي قريب نيكولاس يشك في كلامه او يكذبه، فماكتير اهتم للموضوع وكمل حياته عادي لبين ما اجا الوقت الي رح يسافر فيه نيكولاس، وقبل ما يسافر ويطلع من بيت قرايبه طلب منه انه ما ينشر اي شي على السوشل ميديا انه اجا لعنده على اسبانيا وكانه مابدو حدا يعرف انو هو سافر ابداً.

اما لو رجعنا لفرنسا هلأ رح نشوف انو الشرطة لاحظت اختفاء نارومي لانو اصددقائها الي حاولوا يتواصلوا معها وماردت بلغوا الشرطة انو صديقتهم مختفية.

والخبر انتشر بالجرايد والقنوات الاخباري وحتى انهم طبعوا صورها على ورق ونشروه بالشوارع وكتبوا انها مفقدوة واي شخص بيعرف عنها اي شي يتواصل مع الشرطة.

وفي مراحل البحث عنها عرفوا من اصدقائها انو نيكولاس كان موجود عندها وانه هو اخر شخص كان معها لذلك بدئوا يبحثوا عنه ولكن للأسف نيكولاس كان خارج فرنسا وماقدروا يوصلوله

ولانه كان بدهن ياه لحتى ياخدو منه معلومات ويسألوه عن يومه الاخير مع نارومي، طلبوا من الاتحاد الاوربي انهم يساعدوهن بالبحث عنه، يعني لو كان موجود في دولة اوربية رح يعرفوا مكانه ويسلموه للشرطة.

ولكن لسوء حظهم انو نيكولاس صار بتشيلي وتشيلي مو من دول الاتحاد الاوربي يعني مستحيل يقدروا يوصلوله، وبهالوقت صور نيكولاس كانت منتشرة بكل مكان على الانترنت والتلفزيونات لانه مطلوب او مشكوك انه هو يكون سبب اختفاء نارومي

طبعا نيكولاس شاف هالاخبار وعرف انه مطلوب وقرر انو يروح بشكل طوعي للشرطةفي منطقتو ويحكي معهن حتى ما يضلوا شاكين فيه او يتهموا اتهام باطل، للأسف الشرطة التشيلي ماكانوا كتير مهتمين بالموضوع وتركوه بعد ما حكالهن قصته فورا… القصة الي حكاها هي انوع راح لعندها شافاها ورجع بشكل طبيعي.

الشرطة التشيلي هي فقط الي ماكانت مهتمة بالموضوع، ولكن الشرطة الفرنسية مازالت مستمرة بالتحقيق في قضية نارومي بل وصاروا يتهموه بالقتل بشكل علني، مع انهم لحد الان ماعثروا على نارومي او جثتها حتى يقولوا انها ميتة ولكن كانوا الادلة الي موجودة عندن والطريقة الي تعمال فيها نيكولاس مع الموضوع خلتهم يشكوا زيادة، واعلنوا نيكولاس مطلوب دولياً مو بس اوربياًَ.

نيكولاس لما سمع الخبر خريط وخاف كتير وقرر انه يترك بيته ويروح يتخبى فمكان بعيد عن بيته الي ساكن فيه وبعيداً عن عيون الناس، بس الصحافة كانت له بالمرصاد وكانوا يلحقوه وين ما يروح وشافوه راكب شاحنة تابعة لوالده وعم يحاول يهرب فيها وصار في تعاون بين فرنسا وتشيلي بجمع المعلومات والادلة عن نيكولاس ومكان وجوده.

فحالياً الشرطة الفرنسية عم تبحث عن نارومي في فرنسا وتحاول تجمع ادلة عن الشي الي ممكن يكون صار معها والشرطة التشيلية عم تبحث عن نيكولاس

الشرطة الفرنسية جمعت فيديوهات من كاميرات المراقبة عند السكن الجامعي الي موجودة فيه نارومي وبالفعل شافوها هي ونيكولاس داخلين عالسكن بس بعد شوي نيكولاس طلع لحاله، ولما دخلوا على غرفتها ماكانت موجودة وكان في اثار دم عند مخرج الطوارئ في غرفتها

وبعد ما طلع نيكولاس من السكن ركب سيارته وراح على منطقة بعيدة جداً وفيها وكلها غابات ومناطق مقطوعة قليلة الحركة.

وفي هديك المنطقة ترك سيارته واستأجر سيارة تانية ومشي فيه باتجاه الغرب حوالي 40 كيلو متر، وعالطريق اشترا 5 لتر من الغاز السائل المشتعل وعلب كبيرت.

ومن هي الادلة استنتجوا انو على الاغلب نيكولاس قتل نارومي واخد جثتها يتخلص منها في الغابة طبعاً هذا كله ممجدر نظريات لحد الان

الشرطة عملت بحث مكثف في كل الغابات الي موجودة وحتى انهم جاوبوا غواصين يبحثوا بالانهار الي موجودة داخل الغابات على أمل انهم يلقوا اي اثر لنارومي وللأسف ماكان في اي اثر.

قلتلكن في البداية انو الاحداث رح تتعقد، وهلأ رح تتعقد اكتر،في ظل هي الامور كلها في شخص من معارف نارومي ونيكولاس راح للشرطة وقالهم انو تصرف غريب تصرفه نيكولاس في منتصف شهر ديسمبر.

يعني بعد اختفاء نارومي باسبوع تقريباً، التصرف هاد انو نيكولاس راح لعند هاد الشخص الي ما منعرف مين بكون او مين اسمه الشرطة بتعرف بس نحن ما منعرف ما نشروا معلومات عنه حرصاً على خصوصيته.

المهم هاد الشخص قال انو نيكولاس اجا لعنده وطلب منه ترجمة ل3 جمل بالياباني الجملة الاول: انا في مكان مابقدر اتصل فيه بالانترنت

الجملة الثانية: انا عندي بوي فريند ولكني اعيش وحيدة.

الجملة الثالثة: انا رايح رحلة على القطار.

الشخص الي ترجم هي الجمل ل نيكولاس ماكان مستغرب لانو بيعرف انو نيكولاس ما بيحكي ياباني ويمكن محتاج يقول هاد الكلام لشي حدا وبس عادي ما استغرب من الموضوع

بس بعد ما صارت كل هالشوشرة حواليه وصار مطلوب دولياً قرر هاد الشخص المجهول انو يحكي هالقصة للشرطة على امل انها تساعدهم بالوصول ل نيكولاس.

النظرية الي استنتجتها الشرطة من هي القصة انو يمكن نيكولاس اخد جوال نارومي واستخدم الكلام الي ترجمله ياه هاد الشخص لحتى يرسلها لاصدقائها الي تواصلوا معها وماردت عليهن، ولكن طبعاً هي مجرد نظرية فقط لانو مافي شي يثبتها.

اذا ملاحظين لحد الان ماجبنا سيرة اليابان ابداً مع انو نارومي ياباني، والسبب انو كل هالفترة السلطات اليابانية موعارفة كيف تتصرف، واصلاً مو عارفة ايش الي صاير ، كل الي بيعرفوه انو في طالبة من عندن مختفية في فرنسا والمشتبه فيه في تشيلي وماعنده اي تفاصيل تانية.

فكل شي كانت الصين قادرة تعمله هو انها تتواصل مع الدولتين الي هنن فرنسا وتشيلي لحتى يزودهم بكل التفاصيل اول باول.

ومضي شهر تقريباً على الحادثة وتحديداً في شهر فبراير 2017 تشيلي رفضت عثروا على نيكولاس ولكن رفضوا انهم يسلموه لفرنسا والسبب انه ماعندهم دليل ملموس يثبت انه مجرم فعلاً الادلة الي عندهم هي مجرد نظريات لحد الآن.

الي عملته تشيلي قالت انو رح نمنع نيكولاس من السفر خارج تشيلي بس مارح نسلمكم ياه رح يضل عايش طبيعي لحتى تجيبو دليل قاطع يثبت انه هو المجرم حتى نسلمه غير هيك ما عنا.

وراحت القصة 3 سنين يعني لسنة 2020، طبعاً 3 سنين من تاريخ رفض تشيلي تسليم نيكولاس لفرنسا و4 سنين على اختفاء نارومي الي لحد الآن مالحقوها ولا لقوا جثتها ولا أي اثر منها.

المهم انو تم تسليم نيكولاس في سنة 2020، للسلطات الفرنسية وبدئت محاكمته، وتهمته كانت قتل نارومي.

طبعاً في سنة 2020 كانت جائحة كورونا موجودة وكان لازم ينحجر 3 اسابيع قبل ما يروح للمحكمة وكتير تفاصيل تانية أخرت المحاكمة كتير.

وحتى لما صارت دخل للمحكمة كان مصر انه مادخله بغياب نارومي وقلن انه فعلاً كان معها اخر يوم قبل ما تختفي ولكن وصلها على بيتها وراح.

ومع انو لحد الآن لم يتم العثور على نارومي ولا جثتها ولا اي اثر منها ولكن بالرغم من هالشي المحكمة رفضت اقولا نيكولاس وقالت انو الادلة الي عندن، والي هي الدم عند مخرج الطوارئ والسيارة الاجار والمكان الي راح عليه والمحروقات الي اتشراها كلها بتقول انو نيكولاس قتل نارومي وتخلص من جثتها.

وبناء على هذا الشي تم حكم نيكولاس بالسجن لمدة 28 سنة رح يقضي 15 سنة منهم في سجون فرنسا و13 سنة في سجون تشيلي.