جرائم : لما القاتل يكون أعز اصحابك!

يوم 7 مايو سنة 2017 تتلقى الطوارئ مكالمة من منطقة اسمها BEl Air في أوهايو أمريكا، المكالمة بتقول انه في شخص اسمه Brad McGarry ميت في قبو منزله وكان في اثار طلق نار في رأسه

لما وصلت الشرطة على عنوان البيت شافوا شخص اسمه David Kinny مع زوجته موجودين في البيت، الشخصين هدول هنن أصدقاء الضحية من زمان.

بحسب كلام ديفيد انهم كانوا جايين لعنده زيارة على البيت ولكن لما وصلوا ودقوا الباب ما حدا فتحلن… دقوا على الباب ماكان في حدا او ماحدا رد علهين.

بنت ديفيد الي كانت جاي معهن راحت للباب الخلفي وديفد راح وراها تفاجئ بأنو الباب مفتوح فدخل على البيت وشاف المطبخ مكركب كتير وواضح في شي غريب صار فيه… بما انه صار جوا البيت حاول ينادي على صديقيه او يبحث عنه وتفاجئ بأنه مقتول في قبو البيت.

طبعاً الشرطة بدئوا يسألو ديفيد بعض الأسئلة عن براد، ومن خلال كلامه ديفد قال للشرطة أنه براد هو شخص شاذ والعياذ بالله، وانه من فترة قريبة جداً انهى علاقته بالشخص الي كان معه

ولما سألوه عن اسم هذا الشخص قالن اسمه scott بس ما قلهن كنيته.

لما بدئت الشرطة بتفتيش البيت لاحظو أنو كل البيت مكركب وكأنه تعرض لعملية سرقة، ولكن ما كان في أغراض ناقصة من البيت، بل العكس تماماً

كان في اشياء مثل كفرات جوالات او مصاري وشاشة تلفزيون كبيرة محطوطين داخل البيت…هاد الشي خلا الشرطة تطلع بنظرية بانو العملية هي مفبركة.

شاهد ايضاً: 2 قصص قبل النوم خيالية

تابعني على اليوتيوب اسم القناة سكطعش

يعني مافي حرامي دخل على البيت لحتى يسرق والسرقة تحولت الى قتل، بل عملية القتل صارت أول بعدين المجرم حاول يعمل البيت هيك لحتى يخدع الناس والشرطة بأنه كان في عملية سرقة.

النظرية التانية هي أنو هاد الشخص انتحر، السبب الي خلاهن يفكروا هي الفكرة هو كلام ديفيد عن علاقته بسكوت وكيف انهم انفصلو والي نحن أصلاً مامنعرف اذا كلام هاد الشخص صح أو لأ!

يمكن يكون ديفيد عم يفتري عليه ويكون الشخص مو شاذ ولا شي.

ولكن بحكم انهم كانوا الاشخاص الي اكتشفوا الجريمة فالشرطة كانت عم تحاول تدارك الموضوع الموضوع من أوله يعني هي تحقيقات اولية بحسب الاشياء الي موجودة بين ايديهم حالياً.

المهم انهم لما كانوا عم يفتشوا البيت حاولوا انهم يبحثوا عن المسدس لأنه اذا فعلاً هو منتحر فلازم المسدس الي استخدمه يكون موجود جنبه مستحيل يكون متحرك ورايح لغير مكان.

فتشوا البيت كلله وفتشوا حوالي الجثة وما شافوا اي شي

مع تطور التحقيقات الشرطة راحوا لعند أهل الضحية وصاروا يجمعوا منهم بعض المعلومات عن براد وعن اياهم الاخيرة بشكل عم وعن الشخص الي ذكره ديفد… هل فعلاً في شخص اسمه سكوت كان على علاقة مع ديفيد؟

للأسف طلع الكلام صحيح وقدروا ياخدوا اسم سكوت الكامل ويروحوا لعنده عالبيت لانه هو كان واحد من المشتبه فيهن.

ولكن لما وصلوا على بيته أمه فتحت الباب للشرطة وقالت أنو ابنها صارله 3 شهور بالسجن، يعني من زمااان كتير ما شاف ديفيد ولا اله علاقه فيه، وهيك بكون الشرطة استبعدته من قائمة المشتبه فيهن.

وخلال هي الفترة الشرطة بدئت تبحث بالحي الي ساكن فيه براد عن كاميرات مراقبة لحتى يشوفوا اذا في شي مشبوه صار عند بيته، وبالفعل شافوا كاميرا في بيت جيرانه كانت موجهة على الشارع الرئيسي وكان واضح فيها جزء من بيت براد.

وكمان ديفيد الشخص الي اكتشف الجريمة كان عنده بعض الصور الي صورها للبيت فراح واعطا جواله للشرطة على اساس انهم ياخدوا الصور الي عنده ويحللوها.

بالتزامن مع هاد الشي الشرطة كانت مستمرة بالتحقيق مع باقي افراد العائلة… وواحدة من بنات عم الضحية قالت كلام خطير جداً قلب موازين القضية كلها.

مختصر الكلام الي قالته بنت عم الضحية أنه الضحية براد كان عم يلمح على انو رح يصير في علاقة بينه وبين شخص اسمه Dj أو الي هو ديفيد كيني.

الصدمة الي كانت على وجه المحقق كانت ملاحظة جداً

بما أنهم صار عندهم شك في ديفيد وجواله عندهم، صاروا يفتشوا فيه لحتى يتاكدوا اذا فعلاً في شي بين ديفيد وبراد ومن خلال الرسائل النصية الي كانت بينهم تأكدوا انو هدول الشخصين مو بس اصدقاء.

وكمان من خلال تتبع الشبكة الي كان جوال ديفد متصل فيها وقت الجريمة الشرطة عرفت أنو بالوقت الي مات فيه براد ديفد كان عنده بالبيت.

واذا بتتذكروا قبل شوي قلتكن انو في كاميرات مراقبة.

لما الشرطة اخدت الفيديوهات من الكاميرا شافوا انو ديفيد كاجا على بيت براد بسيارة زوجته، وبعد 40 دقيقة تقريباً طلع من البيت وبعد فترة رجع هو وعائلته لعنده مرة تانية على اساس انهم جاين زيارة او جايين يوصلوه شي كان طالبه منن ووقتها اكتشفوا الجريمة واتصلوا بالطوارئ

هلأ الشرطة عرفوا انو ديفيد كان موجود في البيت وقت الجريمة والي بقي انهم يعرفوا هو انه يعترف.

بعد اصرار من المحقق ديفد بدء أنه يعترف او بدء انو يحكي قصة مالاها علاقة بالواقع ابداً، وكلها كذب والشرطي كان عارف انه عم يكذب لانه حكى للشرطي عن شخص تالت كان موجود معهن بالبيت وهاد الشخص قتل براد واخد سيارته وهرب

الي كان ناسيه ديفد انو سيارة براد موجودة لحد الان مكانها وما تحركت ابداً لذلك الشرطي او المحقق كان متأكد انو براد عم يكذب، غير أنه زكر اشياء ماصارات كمان لما كان عم يحكي معه كان عم يخبي وجهه وما يطلع فيه،فواضح انه عم يألف قصة جديدة من راسه.

المحقق بدء يعصب من ديفد ويصرخ عليه ويلومه لانه كان عارف انه براد مقتول بالبيت ومع ذلك جاب بنته على هاد المكان الي فيه بني ادم مقتول.

طبعاً المحقق كان عم يسوقها معه ويحاول يسحب منه كلام الشرطي متاكد انه القصة الي الفها ديفد مو حقيقية ولكن عم يحاول يوصل للحقيقة بانه يسايره اكتر لحتى يطلع الحكي الي عنده.

بعد ديفيد حكى كل شي وقال انه هو الي قتله طلب محامي… بعد ايش ياا ديفد 😂

وبالمحكمة ديفيد اعتذر عن الشي الي عمله وقال انه لو بقدر ارجع الوقت وامنع الشي الي صار كنت منعته ولكن ما بقدر.

المهم أن ديفيد انحكم بالسجن المؤبد مع عدم امكانية الافراج عنه تحت أي سبب من الاسباب