لعبة راندوناتيكا
سبق وشفنا في السنوات الماضية العاب مشابهة لهي اللعبة الي رح احكي عنها متل لعبة مريم ولعبة الحوت الأزرق, ةلكن هي اللعبة استخدمت نفس الاسلوب الي استخدموه هي الالعاب ولكن بشكل خبيث أكتر, ورجاءً لا تحاول انك تلعب اللعبة او تستخدمها لأي سبب من الأسباب هاد تحذير لاتستخدمها.
لعبة راندونوتيكا، هي لعبة وصفت نفسها بأنها لعبة رح تولد لك أرقام عشوائية لأحداثيات منطقة عشوائية لحتى تحفذك على استكشاف العالم من حولك.. وحتى اسمها randonatica مأخود من كلمة Randonauting والي معنها استخدام تقنية معينة لتوليد أرقام احداثيات عشوائية Randonauting is the utilization of random number generation techniques as a tool towards exploring and navigating the world around us. ولكن هاد الشي خطأ ورح أقلك ليش هي الأرقام موعشوائية بعد ما أحكيلك كم قصة.
شاهد ايضا:اسوء سنة في التاريخ! (مو 2020)
بعد ما تنزل اللعبة على موبايلك رح تبدأ اللعبة تسألك اسئلة وانت تجاوب عليها وطبعاً شكل الاسئلة هي على شكل محادثة عادية. وبعد بتطلب منك ترس موقعك بحجة أنها رح تولد لك ارقام احداثيات عشوائية قريبة للمنطقة الي انت فيها، والاحداثيات رح تكون غالباً لمكان مالك رايح عليه من قبل
فالبداية اللعبة كانت تمام الناس الي كانت تحملها كانت مبسوطة منها، لحد ما اجا يوم كان فيه مجموعة اصدقاء عم يلعبوا اللعبة بشكل الطبيعي لحد ما عطتهن اللعبة احداثيات على مكان على البحر واعتقد ان قصة الاصدقاء هدول هي اكتر قصة نشهرت عن اللعبة هي ومنبعدها صار يطلع قصص تانية ، ولما وصلوا للمكان المطلوب شافو حقيبة سفر،كبيرة شوي، ولما قرروا انهم يفتحواها طلع منها ريحة بشعة اكتشفوا ان الي فيها جثة شخص مقطعة
بعد ما شافوها اتصلوا بالشرطة والشرطة اجت وشافو كمان حقائب تانية من نفس نوع الحقيبة الأولى كان موزع في عدة اماكن في منطقة قريبة من المكان.
وبعد هي الحوادث كمية كبيرة من الشباب صار عندهم فضول وصاروا يلعبوا اللعبة، في منهم شافو عظام محروقة ومنهم تم استدارجهم لأماكن مهجورة، وكتير اشياء مرعبة.
بعد هي الحوادث المرعبة في قناة اخبارية تواصلت مع جوش الي هو صانع اللعبة وسألتو عن ردة فعله لما سمع اخبار هي الحادثة.
هلا خليني أقلكن ليش الاحداثيات الي بتعطيك ياها اللعبة مو عشوائية طبعاً هاد الكلام من وجهة نظري ومو ضروري يكون حقيقي.
اول ما تنزل اللعبة بتطلب منك صلاحيات عند التثبيت وبعد فتح اللعبة بتطلب منك انك تبعت موقعك الحالي، طيب كم تطبيق في بموبايلك بيستخدم خدمة GPS كل التطبيقات غوغل فيسبوك يوتيوب انستغرام كل هي التطبيقات بتستخدمها وبتسجل خطواتك وين رحت وين وبتحفظ كل الاماكن الي بتروح عليها وهاد الشي معروف يعني مو تأليف من راسي.
وجهة نظري ان اللعبة بتستخدم هي المعلومات الي انت بايدك بتسمحلها تاخدن لما تنزلها لحتى تختارلك اماكن غير موجودة فالسجل يعني اماكن ما مشيتها من قبل.