ماهي الماسونية الحقيقية؟ ( الماسونية منظمة كويسة وهاد الدليل)

لو رحت هلأ على غوغل وسألته ما هي الماسونية، كل النتائج الي رح تطلع لك، رح تعرفلك الماسونية على أنها منظمة سرية

طيب لو هي سرية فعلاً ليش كلنا منعرفها ومنعرف أنها موجودة ومنعرف كل رموزها وحتى مين بيتعامل معها؟ وين السرية بالموضوع؟

في هي التدوينة رح نحكي عن الماسونية وايش هي فعلاً كيف بدأت وهل فعلاً رح تسيطر على العالم أو لا؟

ما هي الماسونية؟

الماسونية أو متل ما هي معروفة بالعربي ” المتنورين او منظمة المتنورين” هي منظمة تضم اشخاص يتشاركوا باهتمامات واخلاق معينة لا يعرف متى تم تأسسيها.

تأسست منظمة الماسونية يوم 1 مايو سنة 1776 في مدينة المانية اسمها بافيرياعلى يد فيلسوف المانية اسمه “آدم وايسهابت

صدق أو لا تصدق هدف المنظمة في وقتها هو المدافعة عن حرية التعبير ضد الطغاة والمتسلطين،وإنشاء مجتمع ذو اخلاق حسنة بعيداً عن الاشياء السيئة الي كانت موجودة في اوروبا في هديك الفترة وايضاً ماكانوا مقتنعين بتعاليم الديانة المسيحة او تعاليم الكنسية الي كانت في بافيريا

عدد اعضاء الماسونية في وقت انشائها وصل الى 2000 عضو، معظمهم كانوا في المانيا او تحديداً المكان الي تأسست فيه الي هو مدينة بافيريا

طبعاً 2000 عضو مو كلهم نفس المستوى، لانو في مستويات لكل شخص على خبراته او حسب الاشياء الي هو بيعملها.

مثلاً أعلى رتبة في الماسونية هي رتبة السيد الأكبر: وهي اعلى رتبة موجودة بيقدر صاحبها ان يمشي الكل على كيفه، هو الأمر الناهي بالموضوع

استمر نشاط الماسونية أو المتنورين بشكل طبيعي من سنة 1771 إلى سنة 1784بس، لأنو في هي السنة الحكومة الألمانية ما كان عاجبها الكلام الي عم تروجله هي المنظمة لذلك بدأوا بحظر المنظمة ومنع نشاطاتهم بشكل جزئي

وفي سنة 1785 تم حظر الماسونية بالكمال في كل البلاد لذلك آدم مؤسس المنظمة تركها وهرب من المانية سنة 1785، وكمل حياته بشكل طبيعي لحد ما توفى سنة 1830

وبعد ما هرب آدم اجا شخص تاني اسمه يوهان كريستوف واستلم قيادة المنظمة لحد ما مات سنة 1793، ومع موته ماتت الماسونية وانتهت وماضل أي عضو نشط فيها

طبعا ماتت الماسونية قصدي الماسونية الأصلية، لسا ما وصلت للماسونية المعروفة في عصرنا الحالي رح اوصلها هلأ بس حبيت اذكرك بأنك تحط لايك وتنشر الفيديو مع صديقك المهتم بمعرفة أصل الماسونية

من بعد حظر الماسونية وتسكير مقارتها تسربت بعض الرموز الي كانوا يستخدموها بين بعض، المروز هي كانت اما رموز لفظية أو شكلية.

مثلاً في رمز اسمه رمز الناي السحري الي بيعبر عن الاضطهاد الي كانوا يتعرضوله من الحكومة الالمانية في وقتها

وايضاً البومة المنيرفا كانت رمز أساسي للمنظمة وتعني الحكمة والعين التي ترى كل شيء… ركزلي كتير على جملة العين التي ترى كل شيء

وطبعاً لازم ما ننسى أهم وأشهر رمز الي هو الفرجار المعكوس مع حرف G، هاد الرمز بالذات هو الرمز الي بيرمز للقوة، وحرف Gالي بداخله هو او حرف من كلمة geometry وتعني الهندسة، ف هم بيستخدموه لحتى يرمزوا لحالهم بأنو قوتهم تشبه قوة الهندسية.

هلأ متل ما قتلكن المنظمة انتهت سنة 1793 ولكن بعد 4 او 5 سنين، في كتاب هولندي اسمه جون روبنسون نشر كتاب بعنوان الأدلة على وجود المؤامرة.

في هاد الكتاب جون قال ان منظمة الماسونية أو المتنروين مازالوا موجودين وقاعدين يشتغلوا بطريقة سرية بدون ما حدا يحس عليهم

على الرغم من ان مؤسسها مات والي استلم رئاستها بعده كمان مات والمؤسسة فرطت ألا الكاتب جون هو اول شخص بدأ نظرية أن الماسونية موجودين وشغالين بالسر

وفي نفس الكتاب ايضاً جون نسب الثورة الفرنسية الي صارت بسنة 1789 الى انها هي واحدة من أعمال التخريب الي اشتغلت عليها منظمة المتنورين السرية يعني الماسونية

وهذا الكتاب انتشر بشكل كبير في اوروبا وخصوصاً في فرنسا، وتترجم الي كتير لغات والناس صارت تصدق كلامه الي مافي عليه أي دليل

ومن بعدها كتير صاروا ينسبولهم مشاكل وحروب متل الحرب العالمية الأولى والحرب العالمية التانية، وحتى انتشار امراض متل الأيذر، واغتيال الرئيس الأمريكي جونس كندي وحتى وباء كورونا الي صار بالفترة الماضية

كان ينسب للماسونية من أصحاب نظرية المؤامرة، وكانوا يبنوا كلملامهم على الكتب الي كانت تحكي عن الموضوع متل الكتاب الي ذكرتلكم ياه تبع جون روبينسون

شاهد أيضاً : قصص رعب حقيقية

تابع القصة كاملة على قناة سكطعش على اليوتيوب

ومن بعدها كل شي بيخص الماسوينة اختفى او بمعنى اخر الناس صارت تعرف ايش هي الماسونية وصاروا يعرفوا انو خلص المنظمة انتهت وماضل فيها ناس ومؤسسها مات والاشياء هي

ولكن بعد أكثر من 200 سنة وتحديداً سنة 1963 الماسونية اقتحمت السوق مرة تانية

في هي السنة صديقين تعرفوا على بعض بالمدرسة واحد اسمه Greg Hill والتاني اسمه Kerry Thornley كتبوا كتاب اسمه

Principia Discordia وتعني المبادئ الديسكورية

اكيد مارح اقدر احكيلكم لكتاب كله في فيديو واحد، ولكن بقدر اقلكم الفكرة الاساسية الي كانوا عم يروجلها بالكتاب

فكرتهم الأساسية كانت انو كل مكان فيه نظام وقوانين معينة لازم يكون في فوضى

لانو اصلاً كل شخص فينا بيشوفو الأمرين هدول بطريقة مختلفة

يعني ممكن الشي الي انت تشوفوه فوضوي أنا اشوفه بالعمس وانه منتظم وكويس

ومن أواخر الستينات الى السبعينات انتشر كتابهم بكثرة في أمريكا وفي كتير ناس اقتنعت بأفكارهم

الماسونية العالمية الجديدة

ومن ضمن الناس هدو هم شخصين واحد اسمه روبرت ويلسون وصديقه روبرت شي

الروبرتين هدول كانوا متاثرين كتير بالمبادئ الديسكوردية وقرروا انهم يألفوا رواية ويكتبوا فيها نظريات مؤامرة وقصص كاذبة لانه بكل بساطة المبادئ الديسكوردية بتقول هيك

يعني القصص الي هنن كتبوها مع انها كذب الأ انهم هم شايفينها حقيقة ومقتنعين فيها

وسموا الرواية او الكتاب الي كتبوه illuminatus واتوقع انك سامع بهالكلمة كتير او شي كلمة قريبة منها متل الilluminaty مثلاً

من بعد ما نشروا اول كتاب عجبهم الموضوع الموضوع لانهم كانوا مستمتعين بالقصص الي عم يألفوها، فقرروا أنهم يعملوا 3 كتاب كمان من رواية illuminatus الي كانت تضم قصص خيالية عن السحر وعن بعض المغامرات والاكشن وللاسف حتى اشياء اباحية

ومن ضمن القصص الي كانوا يركزوا عليها في الرواية هي قصة الماسوينة الاصلية الي حكيت عنها بالبداية، طبعاً كانوا يألفوا ويحرفوا فيها كتير لحتى تصير ممتعة ومسلية للقارئ

وكانوا يلعبوا على فضول الناس كتير وما يعطوهم جواب لنهاية القصة دائماً كانوا يخلوا القارئ يتسأل أنو هل الكلام الي عم يحكوه صح ولا لا؟؟

كمان الروبرتين الي كتبوا لكتاب صاروا يبعتوا رسائل للناس بشكل عشوائي ويحكوا فيها عن الماسونية، وكمان صاروا يحكوا للصاحفة انو في ناس مجهولين من الماسونية نفسهم صاروا يتواصلوا معهم

بس طبعاً كل الرسائل كانت من تأليفهم هم حتى الرسائل الي قالوا انها واصلتهم من اشخاص مجهولين كانوا هم كاتبينها بس عم يحاولوا يعملوا ضجة حول كتابهم لحتى الناس تشتريه

يعني هي مجرد حركة تسويق لا أكتر ولا أقل

وكل القصص والنظريات الي بتسمعها عن الماسونية مصدرها هاد الكتاب الي هو كتاب خيال علمي وقصص ترفهية فقط لا غير

ولا أساس لها أبداً ابداً

واذا رح تسألني عن المشاهير والمغنيين الي بيستخدموا رموز الماسونية في فيديوهاتهم واعمالهم مثل الفرجار او المثلث

والي هي فعلاً رموز حقيقية للماسونية ولكن الماسونية الأصلية الي انتهت عام 1793

رح اقلك انو متلهم متل الروبرتين الي كتبوا الكتاب، حابين يعملوا ضجة وشهروا حالهم وبالفعل كانت خططهم تنجح والحركات الي يعملوها كانت تخلي الناس تحكي عليهم اكتر وتتابعهم اكتر

لذلك أنا قررت اني انضم للماسونية فإذا بتحب تنضم معي او بتعرف شي صديق بدون ينضم شارك معه هاد الفيديو واهم شي لاتنسنا من اللايك