مايكل جاكسون و البث مباشر على الانستغرام

مايكل جاكسون و البث مباشر على الانستغرام

انتشرت صور واخبار غريبة عن مايكل جاكسون بتقول انو مايكل جاكسون عايش وعمل بث مباشر على الانستغرام، البث حصل على مشاهدات كبيرة كتير في فترة قصيرة

اذا كنت عم تسأل نفسك هل فعلاً مايكل جاكسون لايف على الانستغرام، رح اقلك لا الصور هي والفيديوهات مفبركة.

وفي سيناريوهين للموضوع هاد، بس قبل ما احكيلكن السيناريوهين خليني احكيلكن شلون مات مايكل جاكسون.

في يوم ٢٥ يونيو ٢٠٠٩ تلقى مركز الطوارئ الأمريكي مكالمة بتطلب منهم الاسعاف على بيت مايكل جاكسون الموجود في لوس انجلس، ولما وصلت الاسعاف شافو طبيب مايكل جاكسون الخاص عنده بالبيت وعم يحاول يعمله تنفس اصطناعي لانو كان غايب عن الوعي وما عم يتنفس، نقلوه بسيارة الاسعاف على المشفى ولما كانو بالطريق كانو عم حاولو ينعشوه باجهزة تنفس على امل انهم ينقذوه بس مع الاسف كل شي عملوه راح عالفاضي ولما وصلو عالمستشفى اعلنوا وفاته.

الطب الشرعي عم تشريح اولي للجثة بس اهل مايكل جاكسون طلبوا منهم انو يعملو تشريح مرة تانية لحتى يتأكدو من سبب الوفاة، ولما عملو اكتشفوا انو طبيب مايكل جاكسون كان حاقنه بحرعة زايدة من عقار البروبوفول ومهدئ لورازيبام. وهاد الشي الي سبب وفاته يعني مايكل جاكسون مات على ايد طبيبه الخاص

شاهد ايضاً: حقيقة حذاء الشيطان والمغني ليل ناز اكس!

السيناريو الأول هو انو في شخص اسمه مايك على الانستغرام نشر هي الصورة في شهر سبتمبر ٢٠١٨ الي هو عملها بالفوتوشوب نزل ستوري هاد الشخص كتب فيه ان هو عمل الصورة بالفوتوشوب كصورة تخيلية انو لو كان مايكل جاكسون عايش كيف رح يكون منظر الانستغرام.

اما عن الفيديوهات فمصدرها حساب على الانستغرام اسمه sergiocortesparra هاد الشخص هو فان كبير ل مايكل جاكسون لدرجة انو عمل عمليات تجميل كتيرة لحتى يعمل شكله متل شكل مايكل جاكسون وفعلاً لما تجيب صورة ل سريجو وصورة ل مايكل جاكسون مارح تقدر تلاقي فرق بينهم. فأي فيديو جديد بتشوفه حالياً خلال هي الفترة ويقال عنه انه مايكل جاكسون الحقيقي رح يكون مية بالمية مصدره sergiocortesparra

مايكل جاكسون لايف انستغرام

مايكل جاكسون لايف

اترك ردّاً