قصة رقصة التابوت الحقيقة كاملة

تحذير: يمنع إعادة استخدام المحتوى بأي شكل مرئي أو مسموع أو مقروء دون الحصول على ترخيص، تحت طائلة الملاحقة والحذف من يوتيوب و غوغل (سترايك)لطلب الترخيص يرجى التواصل معنا

على الأغلب انت شفت صورة الاشخاص هدول الي شايلين تابوت على كتفهم وعم يرقصوا فيه

رقصة التابوت

بعد ما شفت أغلب الفيديوهات الي بتحكي قصة رقصة التابوت على اليوتيوب اكتشفت انو في كتير معلومات ناقصة عند الكل، يعني اذا بقيت معي للاخير رح تاخد معلومات ما سمعتها من قبل.

اول ظهور للمقطع هاد كان في سنة ٢٠١٧ على قناة بي بي سي الاخبارية، كان موجود تقرير عادي بالقناة وعرضو فيه الاشخاص هدول الي حاملين التابوت والي اصلهم من غانا، وبعدها هاد الفيديو صار على اليوتيوب وبلش يجمع مشاهدات سنة ورا سنة لحد ٢٠٢٠ صارت القلبة النوعية لفيديو رقصة التابوت .

وهي القلبة النوعية صارت في تاريخ ٢٦/٠٢/٢٠٢٠ لما شخص على التيكتوك اسم حسابه lawyer-ggmu نشر فيديو لشخص كان عم يتزلج في منطقة جليدية وبعدها هاد الشخص طار بالهوا وعالاغلب تكسرت عضامه، وهيك هاد الفيديو كان أول استخدام لفديديو رقصة التابوت

طيب هلا بعد ما عرفنا بداية الفيديو وشلون طلع وصارت الناس تستخدمه كميم، صار لازم نعرف ليش هالاشخاص عم يرقصوا مع التابوت… هو لازم نعرف بس ما منعرف لانو هاد التصرف هو عبارة عن عادة من عادات وتقاليد وغانا، لما يموت عندهم شخص ويطلعوا بالجنازة بيجيبوا الراقصين هدول منشان يرقصوا بالتابوت، وعلى فكرة هي المهنة تحولت لوظيفة وصار كتير ناس يوظفوا اولادهم كراقصين، ولما يموت حدا بيروحوا بيرقصوا بتابوته وبيتقاضو أجر

أما بالنسبة للغنية المستعملة بالميمز هي ما الها علاقة بالفيديو، يعني الاشخاص الي عم يرقصوا ما كانو عم يسمعو هي الغنية لما صورو الفيديو… الغنية هي غنية منفصلة اسمها استرونوميا موجودة على اليوتيوب من سنة ٢٠١٤ والناس صارت تستعملها.

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *