كيف اكتشف صاحب القناة هذه الجرائم ؟

 قناة يوتيوب تكشف اغرب ال جرائم برموز سرية!

 

قناة يوتيوب تكشف اغرب ال جرائم: اليوم رح نحكي عن أعمق قناة موجودة على اليوتيوب, وأعمق هو اسم القناة مو انا عم اوصف حالة القناة لاني بصراحة ما اشوف قناة واقول هي اغرب قناة شفتها برجع بشوف قناة أبشع بالف مرة من القناة الي قبلها فخلص ققرت ما احكم على القنوات ولا اوصفهم

أغلب فيديووهات القناة مدتها قصيرة من 10 الى 20 ثانية بشكل عام وعناوين الفيديوهات هي عبارة عن ارقام واحرف عشوائية.. أو هل فعلاً هي عشوائية ؟ ومع أنه القناة تم انشائها سنة 2016 والفيديوهات بلشت تنتشر بالقناة سنة 2016 الا انها بالابيض والاسود ودقتها ضعيفة وكانها مصورة في زمن بعيد جداً عن الزمن الي نحن فيه

وشفنا اول كم فيديو رح نكتشف انها فيديوهات فاضية ومافيها شي, بس لما نوصل على فيديو اسمه bshlk رح نسمع اغنية… ولنا نزلنا شوي عالتعلقات رح نشوف هاد التعليق

باختصار التعليق شرحلنا ان الاغنية هي هي اغنية حقيقة انتشرت سنة 1983 وهاد التاريخ جداً مهم خليك متزكر التاريخ… وهلأ خلينا نسمع شوي من الاغنية الأصلية

This story, though, not well told Is not that old It’s not that funny, it’s not that great But I know it to be true

هذه القصة ، رغم ذلك ، لم تُروى جيدًا أليست قديمة إلى هذا الحد ، إنها ليست مضحكة ، إنها ليست بهذه الروعة لكنني أعلم أنها صحيحة

 

شاهد ايضاً:تاكاهيرو سفاح تويتر (سفاح التويتر الياباني)

هاد المقطع من الاغنية لفت انتباهي كتير مع انه مو المقطع الموجود بالفيديو الي بالقناة بس حالياً صار عندك شغلتين تخلين براسك وتضل متزكرن الاول التاريخ والتاني هي االجملة هي الي اخدنها من الاغنية

 

بالفيديو الي بعد هاد رح نشوف فيديو مصور وكانه بحقل عبارة من منطقة فيها خضار وعنوان الفيديو here  بالفيديو الي بعد الي عنوانه kypw “ixlavz في صورة سلاح وبعد السلاح فوراً بي\لب مننا انو نسمع بالفيديو الي اسمه l i s t e n

الصوت الي سمعتوه بالفيديو هو عبارة عن رسالة مخفية في ناس اخدوا مقطع الصوت هاد وحللو الموجات الصوتية الي فيه وتم ترجمة الاصوات هي الى اسم ستيفاني ان بومان, واذا رح تسال مين هي ستفاني, بقلك انو ستفاني هي بنت عمرها 15 سنة تعرضت للاغتصاب والقتل سنة 1980 ولحد الان القضية هي معلقة لانو ما عرفو مين الي قتلها

مع انو فيديوهات القناة قليلة نوعاً ما وقصيرة بس ممكن يطلع من كل عشر ثواني منها فيديو كامل ف رح اختصر بعض الامور الجانية شوية ونركز على الرسائل الاساسية مثلا متل الي طلعت بالفيديو الي عنوانه 25

متل الفيديو الي سمعناه قبل شوي في رسالة موجودة فيه. واذا كنت عم تسال شلون عم يستخرجو الكلمات هي من الصوت هاد.. ببساطة الموضوع بيشبه موريس كود كل صوت بيمثل حرف معين فهنن بيسمعوا الاصوات ويرتبوا الحروف لحتى يطلع معن كلام وفي هاد الفيديو طلع هي الكلمة ebsdz boefstpo والكلمة بهاد الشكل لا انا ولا انت رح نفهمها لانها مشفرة بطريقة شيفرة قيصر

وبعد ما تم فك تشفير الاحرف هي وصلنا لاسم darcy anderson واذا مرة تاني سالت حالك من هي دارسي, رح اجاوبك واقلك انو هي بنت انقتلت سنة 1986 يعني تماماً في نفس السنة الي كانت مكتوبة بالفيديو ولحد الآن القضية مفتوحة وما بيعرفوا مين الي قتلا.

وبعد هاد في فيديوهات كتيرة فيها رموز وتشفيرات اكتر بكتير من الي حكيتهن بهاد الفيديو متل الفيديوهات الي عنوانها بالاحرف والارقام هي الارقام هي اكواد لازم نفك تشفيرها لحتى نوصل لكلمة معينة والكلمة المعينة الي رح نوصلها رح تكون مفتاح لفك تشفير الاشياء الي رح نشوفها داخل الفيديو والي ممكن اصلا تكون محتاجة فك تشفير اكتر من مرة يعني بتكون اكتر من شيفرة مع بعض

مثلاً لو رحنا على عنوان هاد الفيديو وترجمنا عنوانه رح يطلع معنا كلمة  i love all of them

خلينا هلا نجمع الافكار الي وصلنا لها مع بعض ونفكر شوي… وولتنويه فقط الكلام الي رح احكيه مو بالضروري يكون صحيح او اكون عم اتهم صاحب القناة او اي شي الكلام هو مجرد نظرية قد تكون بلا معنى.

بتتزكروا تاريخ وكلمات الغنية الي شفناهن بالبداية 1983 وكلمات الغنية الي بتكون ان ماحدا حكى هي القصص.. كل الضحاي الي ذكرتهن صارت احداثهن بالثمانينات وكلهن لحد الان قضاياهن مفتوحة ومو معروف مين الي عمل هي الجرائم…. وبعدها بعنوان الفيديو قال انه يحبهن كلهن فهل ياترى هو نفسه المجرم او هل عنده معلومات عن القضايا؟؟ مابعرف !!

وكمان انو بعد الفيديوهات الي كان تصوريها قديم صار في فيديوهات تصويرها حديث وفيها رموز، فهل يا ترى عم يرمز بهي الفيديوهات لجرائم تانية حديثة ؟

اترك ردّاً