في وضح النهار! (قضايا تم حلها)

بيج دوهرتي، ولدت في يوم 17 ابريل سنة 2000 في سكوتلاند، كانت حياتها عادية جداً، خالية من المشاكل،الحادثة الي رح نحكي عنها صارت في سنة 2016، يعني لما كانت بيج في مرحلة المراهقة وكانت لسا بتدرس، وبنفس الوقت كان عندها حب للمكياج وتصفيف الشعر والاشياء هي، حلمها انو يصير عندها صالون تجميل خاص فيها لذلك كانت تشتغل بدوام جزئي في وصالون تجميل قريب عليها

يوم الجمعة 18 مارس 2016 بيج راحت زيارة عند صديقتها لحتى تنام عندها، والمفروض انها تاني يوم لما تطلع من عند صديقتها تروح على شغلها، لانو هاد روتينها الي كل الناس المقربة منها بتعرفه، كانت دائماً تطلع بنفس الباص وتروح بنفس الساعة وحتى تفطر بنفس المكان وكانت ملتزمة جداً

في نفس االيوم لما صار الوقت بعد الضهر، حبيبها استفقدها، لانها ما حكت معه ابداً، وهالشي مو من عادتها ابداً خصوصاً انها من الاشخاص الي دائماً بيكونوا على الجوال وبترد على الرسائل بسرعة ما بتتاخر

لما حاول يتواصل معها وما ردت عليه انشغل باله شوي، لذلك اتصل على الصالون الي بتشتغل فيه وسأل عنها، تفاجئ انو الي بالشغل كمان عم يدوروا عليها ومابيعرفوا وينها،طبعاً عم يدوروا عليها لانها المفروض تكون بالشغل بس لحد الآن ما حدا بيعرف وينها

فراحوا اتصلوا بصديقتها الي المفروض تعرف وينها كمان طلعت ما بتعرف عنها شي، لذلك بلغوا الشرطة بشكل مباشر ان بيج مختفية

الشرطة راحو عند اهل بيج لحىت يجمعوا بعض التفاصيل عنها وعن اخر يوم كانت موجودة فيه، وكمان عملوا بحث بالمناطق المجاورة لبيتها وللأماكن الي ممكن تكون موجودة فيها بس للأسف ما كان في الها اثر

حالياً الكل مستنفر لحتى يعرفوا ويينها وحتى انهم عملوا صفحة فيسبوك كتبوا فيها ساعدونا بالعثور على بيج ونشروا بعض التفصايل عنها وعن الاماكن الي راحت عليها

طبعاً هون الشرطة عرفت انو بيج كانت عند رفيقتها وانها بتطلع بتاخد الباص الفلاني وكل التفاصيل هي، وعلى اثثها بدئوا بالبحث بالمنطقة الي بيمر منها الباص والمحلات الي كانت تشتري منها

من عمليات البحث هي وصلوا لشخص اسمه آشي أحمد، أحمد هاد كان الشخص الي بيج بتشتري فطورها من عنده كل يوم سبت، أحمد قال للشرطة انها كل يوم سبت بتفطر من عنده بس باليوم الي اختفت فيه عدت من قدامه وسلمت عليه من بعيد وراحت دخلت على محل تاني اسمه دليشز ديلي، ووقتها كانت الساعة 8.15 الصبح

طبعا الكلام هاد بيعطينا كتير معلومات مفيدة بالتحقيق، الأولى انها خرجت من بيت صديقتها سالمة وكانت عم تكمل يومها بشكل طبيعي، وتاني شي انها على الأغلب اخر مكان كانت فيه هو دلشز ديلي. صاحب محل دليشز ديلي كان شخص اسمه جون

، احمد موجود بالمنطقة من عشرين سنة يعني تقريبأً بيعرف بيج من أول ما ولدت لحد الان، لذلك كان متعاطف كتير معها وحاول يساعد الشرطة

احمد كان مصدوم بالخبر وكان متعاون مع الشرطة، وحتى انه قدم تسجيل كاميرات المراقبة الي عنده للشرطة، لحتى يحللوها على امل انهم يكتشفوا شي دليل يساعدهن بالوصول ل بيج، الشرطة اخدو الفيديوهات بس الفيديوهات كانت بحاجة لوقت طويل لحتى يشوفوا الفيديوهات كاملة ويحللوها ويحاولوا يسحبوا منها تفاصيل

لذلك الشرطة كانوا عم يشتغلوا على الفيديوهات وبنفس الوقت لساتهم عم يبحثوا عن بيج

يوم الاثنين، يعني بعد يومين من اختفاء بيج وللأسف تم العثور على جثة بيج مرمية في غابة، سبب وفاتها كان جروح عميقة في رقبتها، وقالوا انها انطعنت على الاقل 61 مرة وكان في بجسمها اكتر من 100 جرح على الاغلب تم استخدام حوالي 3 اسلحة او 3 ادوات لتسبيب الجروح هي

امها المسكينة صارت تتعرض لمضايقات كتير على الانترنت، كان في كتير ناس يعم يبعتولها صور بنتها الميتة ويحاولوا يستفزووها، الشرطة عرفت بموضوع الصور ومالضايقات عملوا تحرياتهم ولما تأكدو انو الاشخاص الي عم ترسل الصور مالهن علاقة بالجريمة هنن بس اشخاص مزعجين.

وكمان وصلوا لمرحلة كانوا عارفين انو دلشز ديلي هو اخر مكان كانت فيه، لذلك وجهوا تركيزهن على هالمكان وصاحبه

وفعلاً الشرطة استدعت جون صاحب المطعم وصاروا يسألوه عن بيج، بالاول صار يكذب ويقول انو المحل فيه زباين كتير وما بينتبه على كل شخص بيدخل وبيطلع

بس الشرطة حسوا انه كذاب لانو بيج من سكان المنطقة والكميونتي بالمنطقة هي صغير وكل الناس بتعرف بعضها، فاحتمال انو جون ما يكون بيعرف بيج او ما انتبه عليها هو شبه معدوم

بعد ما اصروا عليه جون اعترف انو شاف بيج فعلاً، قلهم شفتها اجت على المحل حكينا شوي وبعدين راحت لحتى تلحق الباص قبل ما يمشي، وهون كانت الساعة قريب ال8.21

لحسن الحظ بهالوقت الشرطة انتهت من معاينة فدييوهات المراقبة الي اعطاهن ياها احمد وتبين انو فعلاً بيج دخلت على المحل الساعة 8.21 بس بيج ما طلعت من المحل.

وبما انو بيج ما وصلت على الشغل ابدا في اليوم الي اختفت فيه، وبالفيديوهات الي عندهن ما في اي مشهد شافوا فيه بيج طالعة من المحل، معناها اكيد مليون بالمية بيج ما ركبت الباص متل ما قال جون، لانها بالاصل ما طلعت من عنده لحتى تروح تركب الباص

الشرطة طلبت من جون فيديوهات كاميرات المراقبة من محل ديلي دلشز، ولما اخدوها اكشتفوا انو في كتير اجزاء ناقصة من التجسجيلات يعن جون نفسه حذف الاجزاء الي ممكن تظهر فيها بيج

بس الفيديوهات الي مصورة من محل احمد فضحته، لذلك خلينا نشوف الفيديوهات مع بعض

الساعة 9.36 ظهر جون هو عم يركض من محله ودخل على محل تاني جنبه

وبعد دقائق قليلة طلع من محل الي دخل عليه ورجع على محله كمان وهو عم يركض

بعد خمس دقايق كمان جون بيطلع من محله وبيفتح سيارته، بعدين بخليها مفتوحة وبيرجع للمحل

وبعد ساعة تقريباً بيطلع جون من المحل وهو معه كيس قمامة كبير بيحطه بالسيارة وبيمشي

وجون بقي برا المحل للساعة 6 رجع الساعة 6 المسا على المحل وكان لابس لبس غير الي كان لابسه الصبح

طبعاً ممكن تكونو عم تتسألو عن المحل الي دخل عليه لما كان عم يركض، طبعاً الشرطة كمان سألت نفس السؤال لصحاب المحل، وتبين انو جون كان عم يشتري منظفات واكياس قمامة

طبعاً الحكي هاد كله هو ادلة بتثبت انه جون هو المجرم، مع انه مافي شي واضح بشكل مباشر بس لما تتبع التفاصيل من بدايتها لاخرها رح تعرف انه جون هو الفاعل

والي رح ياكدلك هالشي كمان انو في كاميرات مراقبة قريبة من المكان الي كانت موجودة فيه جثة بيج ظهر فيها جون وهو رايح باتجاه الغابة

وبعد كل هالادلة تم اعتقال جون بشكل رسمي واتهمه بقتل بيج عن عمد

والدليل الاخير الي اثبت التهمة على جون هو دم بيج الي كان موجود بالمحل عنده ودي ان اي بيج كان موجود بامكان كتير بالمحل

محاكمة جون اخدت وقت كتير بصراحة احس مع انه في ادلة قوية الا انهم اخدو تقريباً سبع اشهر قبل ما يصدروا الحكم بحقه

في هاد الوقت جون انزنق وحس انه خلص انكشف ومارح يقدر يهرب من الموضوع، فاعترف الجريمة وحكالنا قصة بس القصة اي حكاها بتخليك تشك بصراحة اذا كلامه حقيقي او لا

جون قال انو لما دخلت بيج لعنده كانت جاي لحتى تطلب منه انه يشغلها معه بالمحل، بس هو لما عرف انو كان عمرها 15 رفض وقلها انو ما بينفع تشتغل معي وكذا، فبيج صارت تهدده اذا ما بتشغلني معك رح اطلع واحكي للناس انك اعتديت علي وافضحك، فهو لحتى ينقذ حاله من الفضيحة عمل جريمته هي

المحكمة حكمت عليه بالبداية بالسجن لمدة 30 سنة، بعدن خفضولوا ياها لمدة 27 سنة لانه اعترف بالجريمة يعني قال انو انا قتلتا صح، فخفضولو 3 سنين، وكم سنة تقريباً جون عم طعن بالحكم هو هيك شي يعني رحتى يرجعوا يعيدو النظر بالحكم، وبعد اعادة النظر خفضولوا الحكم مرة تانية وصار 23 سنة