قصص رعب واقعية:مكالمة هاتفية لن انساها طول عمري!

قصص رعب واقعية:مكالمة هاتفية لن انساها

قصص رعب واقعية

هذه قصة رعب واقعية، من مجموعة قصص رعب واقعية موجودة في الموقع، اتمنى انك تزور الموقع وتقرأ قصص رعب أكثر وتستمتع أكثر

بيوم من الايام وانا راجعة على البيت (اغلب قصص رعب هالفترة عم تصير مع بنات مابعرف ليش) رجعت على البيت الساعة 9 المسا من الشغل وكنت تعبانة كتير لدرجة اني ما قادرة ابدل اللبس الي لابستو لانو شغلي كان كتير متعب وانا كنت كتير بكرهه وعم دور على غيره، فأول ما رجعت على البيت انا رن التلفون وانا رديت بسرعة لاني كنت مقدمة على فرص عمل كتير وكنت متوقعة انو تكون شركة من الشركات الي قدمت عليها فجاوبت بسرعة،أول ما رديت بيطلعلي شخص بيقلي انو هو من مركز طرف تالت لاحتجاز الاشخاص الي عليهن مشاكل قانونية لما بتكون مراكز الشرطة الاساسية مشغولة لسبب من الاسباب.

بعرف انو انا غبي لانو اول مرة بحياتي بسمع بهيك شي، بس من التعب الي كنت فيه كنت مو قادرة اني افكر باأي شي من الأصل بس لما عرف اسمي الكامل بدون ما انو اقوله وبدون ما احكي ولا حرف، بلشت اصحى شوي، فسألني انتي جولي ( جولي مو الاسم الحقيقي ها الاسم انا اخترعتو) قلتلوا اي انا جولي، قلي نحن محتجزين صديقك مايك عنا بسبب انه دعس مرأة حامل والمرا هي بحالة خطيرة كتير وهو كمان تأثر من الحادث وكسر أربع اضلع من جسمه

انا اول شغلة اجت على راسي قلتله وين صديقي عطيني احكي معه، لما قلتله هيك حط المكالمة معلقة انو حطها في وضعية الانتظار لمدة دقيقتن تقريباً وبعدين رجع عطى التلفلون لشخص المفروض انو هو صديقي وهاد الشخص صار يحكي معي

صديقي او هاد الشخص الي عم احكي معه على اساس انه صديقي لما كان عم يحكي معي كان صوتو مو طبيعي وكان عم يبكي ويترجاني اني ما احكي لاهله عن هاد الموضوع الي صار، مع انو كان صوتو مو الصوت الي انا متعودة عليه بس قلت بسبب الحالة المرعبة الي هو فيها ونتجية الحادث اكيد مارح يكون صوتو بحالتو الطبيعية مية بالمية، بعد ما قلي هالجملة رجع الشخص الي حكا معي بالبداية قلي انو لازم تجيبي 2000 دولار وتجي على المركز تدفعي الضريبة وتشوفي التكاليف الي رح تطلع لعلاج المراة الي ضربها والا رح يضل صديقك محتجز عنا.

فقلتله انو انا مامعي هالمبلغ ومابقدر اتكلف بكل هالمصاريف، لانو فعلاً انا مامعي مو بس لحتى اتهرب منن او شي انا فعلاً بالحقيقة مامعي، فقلي جيبي اي مبلغ متوفر معك حالياً وتعي على العنوان الي رح نعطيكي ياه وباقي المصاري اما بتكتبي فيهن وصل او بتتعهدي بشي او بيلتقلها حل بس المهم انتي تجيبي المبلغ المتوفر معك حالياً وتجي او بضل صديقك محتجز

اكيد مارح اترك صديقي محتجز انا وجبت ورقة وقلم لحتى وكتبت العنوان الي عطاني ياه، وانا لسا على الخط بالمكالمة مع هاد الشخص بيندق باب البيت بفتح الباب واذ هو صديقي نفسه مافيو كسور طبيعي مية بالمية بس كان مستغرب مني لانو كنت عم ابكي

بما انو انا لسا بالمكالمة مع هاد الشخص فصرت ابهدله واقله يا كذاب هي صديقي عندي ومافيو شي، اول ما قلت هيك سكر الخط.

بعدها انا اتجهت مباشرة للكاشف الي موجود بالتلفون واخدت الرقم الي اتصل منه وحاولت اني اتصل بالشركة و ابحث عن صاحب الرقم او عن معلومة ما لقيت اي شي الشركة قالولي انو الرقم غلط وغير موجود، فقررت اني اكتب العنوان الي عطاني ياه على غوغل خرائط لحتى اشوف اعرف اي شي عن هاد الشخص.. العنوان الي عطاني ياه طلع غير موجود

الي خلاني اخاف من اكتر شي انو شلون شخص تبين انه مو موجود ورقمو وعنوانو مو موجودين قدر يعرف عني كالهالتفاصيل اسمي ورقمي واسم صديقي وكل شي بيخصني

نهاية صادمة، لا تنسى أن تكتب لي رأيك في القصة في التعليقات، وإذا بتحب تشوف القصة على شكل فيديو، بإمكانك تشوفها على اليوتيوب من الرابط الموجود في الأسفل وشكراً لكم للقراءة

شاهد أيضاً : حقيقة حذاء الشيطان والمغني ليل ناز اكس! أو أخطر مخلوقات منظمة SCP! معلومات عن SCP-1471

اترك ردّاً