قصة هاكي شاكي ساما الحقيقة

تحذير: يمنع إعادة استخدام المحتوى بأي شكل مرئي أو مسموع أو مقروء دون الحصول على ترخيص، تحت طائلة الملاحقة والحذف من يوتيوب و غوغل (سترايك)لطلب الترخيص يرجى التواصل معنا

هاكي شاكي ساما

في يوم 26 من شهر اغسطس ( الي هو شهر8) من سنة 2008 شخص ياباني تحت اسم مستخدم VFtYjtRn0 نشر على احد المواقع المختصة بنشر قصص مرعبة وغريبة قصة رعب صارت معه في طفولته في سنة 1998، والقصة المرعبة هي كالتالي

بيت جدي كان موجود في قرية تبعد عن بيتنا مسافة ساعتين في السيارة، المكان الي كانو عايشين فيه كان ريفي زيادة عن اللازوم يعني مافي مباني ابداً وكان كله محاصيل زراعية، انا باالعطل الصيفية دائماً اكون عندن مو بس بالعطل الصيفية كل ما يكون في عطلة بالمدرسة وكل ما يصحلي وقت فراغ كنت اروح لعندهم، لانهم كانوا يحبوني كتير وكانو يلعبوا معي ونتسلى وكان الوضع كتير حلو، ولكن اخر مرة كنت عندهم كانت تقريباً قبل عشر سنين على حسب ما اذكر كنت في اخر مرحلة من الدراسة الثانوية.

بهاد اليوم اكنت رايح لعندهم لحالي على الدراجة، بعرف انو بالسيارة اسرع وهيك رح يصير الطريق طويل بس عادي انا بحب هاد المكان وبحب اروح عليه فما كان عندي مشكلة، وبما انو كنت رايح بالدراجة طبيعي يكون الهوا قوي وجسمي يبرد، فلما برد جسمي نزلت من الدراجة وقعدت على في مكان فيه شمس لحتى ارتاح وادفي جسمي شوي، وفجأة وانا عم اتشمس وانبسط سمعت صوت غريب بيقول بووو بووو بووو

الصوت كان غريب ومستحيل يكون مثلا صوت الة مكانيكة او اي شي تاني الصوت كان صوت بشري مية بالمية، التفت لحتى اشوف من وين جاي الصوت واذ بشوف قبعة لونها أبيض وكانت عالية كتير مرتفعة

هاكي شاكي ساما
هاكي شاكي ساما

القبعة هي ضلت تتحرك لحد ما وصلت لمكان قدرت اشوفها بوضوح واشوف الشخص الي لابسها، والشخص الي لابسها كانت بنت طويلة كتير بيطلع طولها أكتر من مترين ولابسة لباس كله أبيض، قبل ما حتى الحق اني افكر بالموضوع او افكر اعمل أي شي، البنت اختفت، والصوت الغريب الي كان طالع معها أختفى بلمحة بصر، انا كنت متوقع انو البنت هي لابسة كعب عالي كتير لحتى كل هالشي طويلة، ما كنت متأكد لسا اذا فعلاً هاد طولها الطبيعي أو في شي تاني لانها اختفت بسرعة

كملت طريقي ورحت على على بيت جدي، وبعد ما وصلت وقعدنا حكيتلن عن الشي الي صار معي وعن صوت البوو بووو الي سمعته، تفاجئت انو جدي وجدتي انصدمو كتير وبدت ملامح وجهمم تتغير، وفوراً سألني جدي أيمت شفت هالشي ؟ كم كان طولها؟ هل نظرت في وجهها أو لا ؟ كان عم يسألني الاسئلة هي وهو ملهوف كتير… فجاوبته على هي الاسئلة، وبعد ما جاوبته فجأة اخد موبايله وطلع من الغرفة راح لغرفة تانية وسكر الباب وراه لحتى ما اسمع المكالمة الي عم يحكيها…. وجدتي كانت قاعدة قدامي وعم تبتسملي مع انها كانت عم ترجف.

شاهد أيضاً: قاتلة التيك توك المشهورة (قتلت اختها بلا سبب)

بعد ما رجع جدي من الغرفة قلي انو لازم أبقى معهم اللليلة وما اطلع من البيت، انا كنت مستغرب كتير ومالي فاهم المموضوع وليش هيك عم يصير، سألتها عن الموضوع ايش صاير ايش المشكلة فقلي انو خلي جدتك تجاوبتك لانو انا لازم اروح لعند شخص اسمه K-san وطلع من الغرفة

جدتي قالتلي يبدو انو هاكي شاكي ساما مهتمة فيك، بس لاتخاف جدك رح يهتم الموضوع. وقالتلي بعدين انو هاكي شاكي ساما مو شخص بل هي نوع من أنواع الوحوش او انو مخلوق غريب مو بشر، واسمها هو عبارة عن كلمات يابنية شاكي يعني قدم انو الارتفاع بالقدم وساما يعني شخص وهاكي يعني رقم 8، وظهورها بيختلف على حسب مزاجها، احياناً بتظهر وكأنها شابة احياناً وكأنها كبيرة بالعمر، وضحكتها الشريرة هي دامئاً موجودة بو بوبو، وبمجرد ما هاكي تحط شخص ببالها رح تضل تلاحقه لحتى يموت، واخر ضحية كانت قبل 15 سنة لهيك ظهورها مو منيح ابداً

بعدين اكتشفت وانا عم اسأل عن موضوع هاكي انو هي كانت محبوسة بقرية قريبة من القرية الي انا فيها، وكانو سكان القرى متفقين بين بعض انو القرية الي محتجزة هاكي رح يكون الها الاولوية باستخدام المي الموجودة بالانهار مثلا وهيك اشياء كمكفأة او مقبال انهم يضلوا حابسين هاكي عندن، وهاد الاتفاق صارله زمان كتير

طبعاً انا لحد الآن مالي مقتنع بكلام جدتي وجدي ومالي قادر اصدقهم أو لا، بس بعد شوي رجع جدي هو ومراة عجوز الي هي K-san وعطتني ورقة ومكتوب فيها اشياء على ما يبدو انها سحر او شي وطلبو مني اني اخليها معي، وجدي وجدتي طلعوا على الطابق العلوي، حاولت انا اني اطالع حالي من الغرفة الي موجود فيها مع كي سان وطلبت منهم اني محتاج اروح دورة المياه، فقالولي مابصير تروح لحالك او خلي االابواب كلها مفتوحة وخليك قريب مننا مابصير تبقى ولا لحظة لحالك بدون ما يكون في حدا جنبك، فهون بلشت احس انا انو فعلاً الموضوع حقيقي ومخيف

لما صار الوقت الي بدي انام فيه طلعت على الغرفة الي المفروض انام فيها شفت انو شباك الغرفة مغطى باوراق امكتوب عليها نفس الي مكتوب على الورقة الي عطتني ياها كي سان، وجدي وجدتي قالولي انو مابصير اطلع من الغرفة لحتى تصير الساعة 7 الصبح حتى اذا كنت محتاج اني اقضي حاجتي مابصير أطلع وهنن مارح يحكوا معي ولا شخص رح يحكي معي قبل الساعة 7 الصبح

بالغرفة كان في تلفزيون وكان في شوية اكل بس انا ما قدرت لا اتابع شي ولا اكل الي عملته اني تسطحت على السرير ونمت، وماحسيت غير اني صحيت فجأة على صوت حد عم يدق على الشباك، طلعت على ساعتي الساعة كانت 1 باليل، حاولت اني اتجنب الصوت شغلت التلفزيون وقعدت اكل من الاكل الي عندب واتابع بس ما قدرت اني التهي عن الصوت لانه كان عالي ومستمر بشكل كبير

بعدين فجاة سمعت صوت جدي بيقلي انت منيح اذا كنت خايف كتير تعا اقعد معنا اذا بدك.. كنت رح اروح وفعلا ممشيت ووصلت لعند الباب، وقبل ما اطلع تزكرت كلامهم الي قالولي ياه قبل ما يروحو، انو مابصير اطلع من الغرفة قبل الساعة 7 الصبح، وهنن ما رح يحكوا معي ولا كلمة قبل الساعة 7 الصبح، رجع الصوت تكرر مرة تانية وكان يقلي مافي مشكلة تعا أقعد معنا، وبعدين فجاًة بلشت احس انو اجالي قشعريرة، والملح الي كان موجود بالغرفة صار يتحول لونه الى لون أغمق،صوت ال بووو بووو رجع وصار أعلى اعلى الوصوت تبع النقر على الشباك عللي اكتر واكتر.. انا خايف ومالي عارف اش اعمل كنت عم ادعي وبس

هي الليلة كانت ليلة طويلة كتير ما بتذكر اني كنت قادر اعمل شي غير الدعاء بعدين فجأة بلتفت على التلفزيون وبشوف انو بالتلفزيون كان موجود ساعة تحت بالزاوية الساعة كانت 7:13 دقيقة، وصوت النقر على الشباك راح وصوت البوو اختفى، والملح الي بالغرفة صار أسود مية بالمية، لما فتحت الباب شفت جدي وكي سان كانو عم ينظروا علي هم خايفين كتير، وجدتي كانت عم تبكي وتحاول تقلي لاتخاف كل شي رح يكون بخير

لما نزلت لتحت شفت والدي عم ينتظرني، وبعدين اجى جدي وكان في عدد من الرجال انا مابعرفها ولا بحياتي شفتهم ووالدي كان واقف وراهم، بعدين طلعنا بسيارة، وخلوني اقعد بالنص بين 8 رجال، كان في شخص قدامي وشخص وراي ، و3 اشخاص على اليمين و3 اشخاص على اليسار وكي سان كانت قاعدة جنب شوفير السيارة، وقالتلي انو اخلي عيوني مغمضة لانو انا الشخص الوحيد الي شفت هاكي مالازم ارجع اشوفها مرة تانية

بدات سيارتنا تتحرك ببطئ ما بعرف اذا سافرنا على مكان بعيد او لا بس كل الي بعرفه اني رجعت اسمع صوت بووو بووو وماقدرت وما ارفع راسي واطلع على مصدر الصوت وطللعت من شباك السيارة شفت الفستان الابيض الي كانت لابسته هاكي لما شفتا أول مرة، الشخص الي جنبي طلب مني اني اغمض عيوني واكيد انا غمضتها

مع انو ما حدا بيقدر يشوف هاكي غيري بس كلنن قدروا يسمعوا الصوت صوت النقر على شبابيك السيارة مابعرف شلون بس النقر كان على كل الشبابيك الي موجودة بالسيارة، في هاد الوقت كي سان كانت عم تررد كلمات، بعد شوي الصوت بلش يضعف ويختفي لحد ما قالتلنا كي سان انو اتوقع نحن صرنا بأمان

وسألتني على الورقة الي عطتني يها، لما طالعتها كانت الورقة لونها اسود بالكامل، فقالتي انو المفروض اكون بأمان هلاً وعطتني ورقة تانية قالتلي خليا معك لحتى توصل على بيتك، قكنا راجعين على البيت انا ووالدي وعالطريق كان عم يحكيلي عن صديقه الي اخدته هاكي

وبعد سنتين من هي الحادثة مع الاسف جدي مات وماقدرت اني احضر جنازته بسبب هاكي لاني كنت دائماً اسمع صوتها

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *