جرائم: أول جريمة في تاريخ البشرية قبل 430 ألف سنة !!

في هي التدوينة رح نتعرف على أول جرائم الكرة الارضية، وأول جرائم حدثت في العالم

جرائم: في سنة 2013 العلماء اكتشفوا كهف غريب في اسبانيا هاد الكهف كان اسمه “حفرة العظام” بحسب جوجل طبعاً انا مابعرف اسباني ، داخل هاد الكهف لقوا بقاي وعظام بشر أوك عادي تلاقي مخلوقات مدفونة بالأرض بس الي مو عادي انو يكون عمق الأرض 13 متر مستحيل حدا يكون ساكن وعايش بمكان عمقو 13 متر تحت الارض وبنفس الوقت ما كان في اثار او دلائدل تدل أنو هاد المكان هو مقبرة عادية ،، وبعد فترة اكتشفوا العلماء انو هاد الشي هو دليل على أول جريمة قتل حصلت في تاريخ البشرية وهلا رح نعرف تفاصيل اكتر

بعد ما اكتشفوا هاد الكهف وشافوا العظام الي موجودة فيه قرروا انهم يتعمقوا بالموضوع اكتر ويدرسوه اكتر فبحثوا فالكهف وقدروا يجمعوا 52 قطعة من عظام متكسر وجمعوها مع بعض لحتى تشكل معن شكل جمجمة بني ادم

وبعد ما وصلوا لشكل الجمجمة الأخير درسوها واكتشفوا أنو عمرها أكتر من 430 ألف سنة بس مو هو هاد الشي الي شد انتبه العلماء الي كانوا يدرسوها هو صح شي ملفت لانو أكتر من 430 الف سنة بس طبيعي البشر موجودين من أبصر كم سنة

بس الشي الي كانوا مركزين عليه هو كسر في الجمجمة شكل الكسر الي كان موجود مستحيل تكون قطعة ناقصة من الاجزاء الي جمعوها لانو شكلا كان مستقيم ومتوازي، واحد من العلماء قال انو ممكن هي الجمجمة تكون لشخص وقع داخل هاد الكهف ونكسر راسه ومات ولكن هاد التحليل ما كان مقنع لانو مافي حدا بيوقع في كهف بهاد الشكل المتناسق والمرتب

وعدا عن هي الشغلة الجمجمة ما كان فيها اثار للشفاء قصدي هو انو البني ادم لما بينجرح او بينكسر جسمه بيشتغل لحتى يرمم هاد الضرر بس هي الجمجمة ما كان فيها اثار للترميم ابداً وهاد يعني انو إما هاد الكسر هو الي سبب موت الشخص او انو الكسر هاد صار بعد الموت

بعد فترة من دراسة الكسر هاد اكتشفوا انو هاد الكسر كان بسبب ضربة رمح أو فأس يعني جريمة قتل متعمد وبحسب حالة الجمجمة ومكان الضربة اكتشفوا انو القاتل ضرب هاد الشخص أكتر من ضربة وبعد ما مات شلفه جوا الكهف وبالكهف ماكانت هي الجمجمة هي الوحيدة كان في عظام ل28 شخص تاني ولكن هدول الاشخاص ماكان ظاهر عليهن اثار العنف ولكن تأكدو أنو هالأشخاص انرموا داخل الكهف بعد موتهن يعني حدا قتلن ورماهم بالكهف …. شلون بيكتشوا كل هالاكشافات العماء ما بعرف المهم كتشفوا ومشي الحال

شاهد ايضاً : قاتلة التيك توك المشهورة (قتلت اختها بلا سبب)

كمان في قصة مشابهة لهي في كهف في رومانية عثروا فيه على عظام بشر مكسرة قدروا انو عمرها 33 ألف سنة وفي هي الحالة جهزوا العلماء مجسمات مصنوعة من مواد صلبة تقريباً بتشبه صلابة العظام واجروا عليها تجارب متل انه يأسقطوها من ارتفاعات مختلفة او يضروبها باشياء متل عصاية البيسبول لحتى يقارنو الكسور الي رح تصير بالكسور الي موجودة في الجمجمة هديك وطلع معن انو الجرح الي موجود فيها والطريقة الي مكسور فيها بيدل انو الشخص الميت كان مستلقي على الارض وانو الشخص الي قتله كان قدام الضحية وجه لوجه وبحسب اتجاه الكسر اكتشفوا انو القاتل استخدم ايديو اليسار بقتل هي الضحية