قصة مخلوق الموثمان المرعب !

تحذير: يمنع إعادة استخدام المحتوى بأي شكل مرئي أو مسموع أو مقروء دون الحصول على ترخيص، تحت طائلة الملاحقة والحذف من يوتيوب و غوغل (سترايك)لطلب الترخيص يرجى التواصل معنا

كل سنة بيظهر مئات التبليغات عن حيوانات او عن مخلوقات غريبة، والي غالباً ينسى أمرها،بسبب انو الوصف الي بيكون في هي التبليغات بيكون وصف غريب جداً وغير ممكن ان يكون موجود علمياً او منطقياً، وفي بعض الاحيان قصص المخلوقات هي بتصير من فولوكلور المنطقة الي نوجد فيها، وبيتألف عن قصص واساطير كتيرة، بس ياترى هل هي القصص حقيقة ؟ ما حدا بيعرف

واحد من الهي المخلوقات الغريبة هو الموثمان الي رح نتعرف على قصته اليوم، خليني اوصفلك شكل مخلوق الموثمان، أغلب الأشخاص الي قالو انهم شافو الموثمان وصفوه بأنه مزيج بين الطيور والبشر، يعني شكله شكل طير وعنده أجنحة كبيرر قدرو طولها ب ١٥ قدم يعني ما يعادل ٤ أمتار، وبنفس الوقت ارجله بتشبه أرجل البشر وعيونه لونها أحمر، وفي بعض الاشخاص كانو يوصفوه بأنهم بدون رأس وانو عيونه موجودة على صدره، وبعض الاشخاص كان يقولو العكس انو عنده راس طبيعي، هاد الشي لحد الآن غامض وماحدا من الاشخاص الي شافوه قدر يحدده بالظبط لانو مافي حدا بقي قريب منه لدرجة انو يحفظ ويلاحظ ملامح وجهه

مخلوق الموثمان

وفي رواية تانية بتقول انو من بشاعة شكل موثمان المرعب، الي بيشوفه، بيصير بيهلوس وبصير يجيه كوابيس مرعبة، وبصير معه اشياء نفسية تانية، ولهيك ماحدا قدر يحدد ملاحمه مية بالمية

والطريقة الي بيطير فيها الموثمان مو متل أي طير تاني، كان ينط نطة وحدة بالسما وبعدها يحرك اجنحته متل الهيليكوبتر وبطريقة ما بيتحكم بارتفاعه عن الأرض، هلأ بعد ما عرفنا مواصفات الموثمان خلينا نتعرف من وين بدأت اسطورته

في تاريخ ١٦ نوفمبر سنة ١٩٦٦ في منطفة اسمها بوينت بليزنت كان في ٥ اشخاص موجودين في مقبرة عم يحفروا قبر لشخص كان المفروض يدفن، اثناء الحفر، شافو المخلوق الغريب طاير بالسما طالع من بين الأشجار وهي كانت أول مرة بينشاف فيها هاد المخلوق، ومع مرور الوقت قصته انتشرت بمناطق تانية غير واسمرمت الناس بالحديث عنه، في نفس المدينة في منطقة مهجورة بيسموها منطقة الtnt هي المنطقة مهجورة وعلى ما اعتقد كان فيها مخزن، بس المنطقة مهجورة وما حدا بيجي عليها، يعني منطقة مهجورة متل هي رح تكون بيئة مناسبة جداً لمخلوق غريب انو يعيش فيها.

هي الحادثة صارت بعد ٣ ايام من أول ظهور اله عند المقبرة، ستيف وماري زوجين كانوا ماشين بسيارتهم جنب منطقة tnt، فالبداية الزوجة قالت انها شافت شي أحمر عم يلمع بطريقهم، وهنن عم يتناقشوا بالموضوغ فجأة صارت تصرخ، بصوت عالي.. ليشش يا ترىى صارت تصررخ؟؟ … لانو الموثمان صار قداهم. بحسب الوصف الي وصفه الزوج قال انه المخلوق هاد مو طائر طبيعي، ولا هو أليف وكان شكله مرعب جداً، يعني شي طبيعي انه يهرب في هيك حالة ، وفعلاً هاد الي عمله لف السيارة ورجع برجوع بأقصى سرعة ممكنة باتجاه المدينة..والصدمة كانت انو مخلوق الموثمان كان طاير فوقهم وماشي معهم بنفس سرعة السيارة.

الزوجين راحو بلغوا عن المخلوق الغريب هاد، هون مركز الشرطة بلش ياخد الموضوع بجدية شوي، لانو صار في اكتر من بلاغ على نفس المخلوق راحو على منطقة التي ان تي لحتى يحققوا بالموضوع بس مع الأسف ماشافو ولا دليل على وجود الموثمان

يوم واحد بس بعد الحادثة الصحف المحلية بدءت تنشر اخبار وقصص الناس الي شافوا الموثمان، وبعد انتشار الخبر مئات البلاغات من أشخاص مختلفين صارت تجي عن هاد المخلوق الغريب، وفي شغلة تانية لاحظها بعض الناس انو بعد كل ظهور لهاد المخلوق كان يصير كارثة، ولحد الآن الموضوع غامض وما حدا عنده تأكيد على وجوده

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *