تحديث على قضية غابي بوتيتو
غابي بوتيتو، اتوقع انك تكون سمعت هالاسم كتير بالفترة الاخيرة لانو بختصار قضية غابي بيتيتو صارت وحدة من أكثر القضايا الي انتشرت وحصلت على اهتمام عالمي، البنت بالاصل امريكي والقضية صارت في امريكا بس لسبب من الاسباب كل العالم عم تحكي عنها.
التحقيق بقضية غابي بوتيتو لحد الآن جاري وفي كتير اشياء وتطورات كتيرة صارت بالقضية ومنها الشي الي رح نحكي فيه هلأ، والي هو أنو الFBI عثرت على جثة وأغراض تابعة لبراين لاندري.
صرحت الFBI عن طريق فيديو انبث على قناة CNN أن الشرطة والقوات الخاصة عثروا على “بقايا انسان” موجودة في حديقة فلوريدا، اضافة لبقايا الجثة كان في أغراض والي هنن حقيبة ظهر ودفتر ملاحظات
اضاف الى هذا الشي انهم لحد الىن مو متأكدين اذا الجثة هي جثة براين، بس الاغراض الشخصية الي هنن الحقيبة والدفتر تابعين لبراين اكيد
وقال الشرطي الي كان عم يعلن عن هذا الموضوع للناس : أنه عارف أن الناس عندها اسئلة كثير بخصوص هذا الموضوع ولكن حالياً مارح يقدروا يجابوا على كل الاسئلة في الوقت الحالي. ورح يكون في اجابات في وقت قريب
بإمكانك تشوف كلام الاFBI بالفيديو الي رح يكون موجود تحت هاد السطر
