هل منظمة SCP حقيقية؟ الجواب الحاسم

أغلب الناس الي سمعت عن منظمة SCP صار عندها فضول انها تعرف هل منظمة SCP حقيقية؟ هل فعلاً في منظمة مهمتها بالحياة انها تجمع الكائنات الغريبة الي موجودة معنا على الكرة الأرضية؟ (ليش كمان في معنا مخلوقات غريبة على الكرة الارضية؟🥺😭)

فمثلاً اذا كان قصدك من السؤال انك تعرف اذا منظمة SCP حقيقية وهي ال عم تنشر المقالات والملفات عن الكائنات الي موجودة عندها، في الحالة رح يكون الجواب أي منظمة SCP حقيقية وموجودة.

أما اذا كنت حابب تعرف اذا المنظمة عندها مكاتب وموظفين او فعلاً هي المنظمة محتجزة مخلوقات غريبة مثل Scp-173، في الحالة رح يكون الجواب لا.

رح أعطيكن معلومات عن منظمة Scp أكتر لحتى تفهموا قصدي.

اطلع على المزيد من قصص رعب 

ما هي منظمة Scp؟

منظمة Scp هي منظمة خيالية موجودة على الأنترنت فقط، تأسست منظمة Scp في سنة 2008 واعتمدت على عدة اشخاص من مختلف انحاء العالم لحتى يكتبوا ويترجمة هذا المحتوى الى عدة لغات مثل: الإنجليزية — الروسية — الكورية — الصينية — الفرنسية — البولندية — الإسبانية — التايلندية — اليابانية — الألمانية — الإيطالية — الأوكرانية — برتغالية برازيلية — الفيتنامية — التشيكية — الصينية التقليدية.

شاهد أيضاً: SCP-173 بالعربي أشهر مخلوقات منظمة SCP!

لاتنسى تتابعني على اليوتيوب اسم القناة سكطعش

مثال على مخلوقات وملفات منظمة SCP

سبق وحكينا في مقال سابق عن منظمة SCP وبعض التفاصيل عنها, وفي هاد المقال رح نتعرف على مخلوق يعد من أشهر المخلوقات الموجودة في منظمة SCP والي بيحمل اسم SCP-173

SCP-173 بالعربي

اسم الكيان: SCP-173

فئة الكائن: يوكليد

الوصف: المخلوق SCP-173 هو من أشهر مخلوقات منظمة SCP، تم نقله الى المنظمة في سنة 1993 وأصله لحد الآن غير معروف ولكنه عبارة عن وحش مصنوع من الاسمنت وعلى وجهه بقع طلاء لونها أحمر

وحدة من أشهر صفات SCP-173 انه يتحرك كثير وعدائي جداً، SCP-173 محتجز داخل غرفة محكمة الاغلاق، وفي حال اضطروا بعض اعضاء منظمة SCP انهم يدخلو على الغرفة الي موجود فيها SCP-173 لازم يكونوا على الأقل 3 اشخاص، ولازم شخص من الاشخاص الي يدخلوا على الغرفة يبقى على تواصل نظري مع المخلوق SCP-173 والا رح يصير مصيبة!

في حال الشخص الي كان على تواصل نظري مع المخلوق حرك نظره وصار نظره في مكان اخر غير عيون المخلوق هاد، رح يهجم عليه بشكل سريع ومباشر ويقتله، والحالات القتل المسجلة كانت اما بالخنق او قطع الرقبة.

لذلك لما يدخلوا مجموعة اشخاص على غرفة SCP-173 لازم يحافظوا على خط النظر مع هاد المخلوق والا رح ينتهي أمرهم!

المداة ذات اللون البني الي موجودة على الارض هي عبارة عن برزا ودم وفضلات خلفها SCP-173 ويجب تنضيفها كل اسبوعين

وايضاً الصورة الي موجودة في الاعلى هي الصورة الوحيدة لSCP-173 وهي صورة صدرت سنة 2004 للفنان ازومي كاتو والفنان الي عمل الصورة ما اله اي علاقة بالمخلوق SCP-173

يعني منظمة SCP هي الي اخدت الصورة واستخدمتها لوصف المخلوق SCP-173 والمنظمة كاتبة تحذير بموقعها بخصوص الصورة، والتحذير بيقول انه ازومي كاتو ماعنده اي صلة بالمخلوق SCP-173 ولا يجب على أي شخص ان يتواصل معه بخصوص الصورة.

في كمان لعبة انعملت لنفس الشخصية، اول ما تبدء باللعبة رح تواجه المخلوق SCP-173 ورح تكون انت شخصية من الشخصيات الي تم اخذها من الزنزانة لحتى تواجه المخلوق، وفجأة بينقطع التيار الكهربائي وبصير يهجم عليك.

هدف المخلوق الي موجود باللعبة هو انو يقتلك، وهدفك انك دائماً تبقى على تواصل نظري معه لحتى ما يهجم عليك، واثناء اللعب رح يحاول يهرب منك ويطلع من غير غرفة بحيث انه يقطع التواصل النظري معك لحتى يقدر يسيطر عليك ويقتلك

لذلك لازم يكون عندك سرعة بديهة وتكون دائماً جاهز لحتى تخلي عينك على عينه بشكل ثابت وتحافظ على حياتك

والتيار الكهربائي رح ينقطع دائماً بشكل مفاجئ اثناء اللعب يعني اذا حبيت تلعب اللعبة لازم تحضر حالك على Scary Jump كتير.

كمان رح يكون فيه عملاء MTF رح يواجهوا SCP-173 وهدفهم الرئيسي هو انهم يسيطروا عليه ويرجعوا يحبسوه مرة تانية بدون الاخذ بعين الاعتبار انه رح يهجم عليهم في حال ما حافظوا على تواصل نظري ثابت معه.

الصورة الي موجودة فوق هي صورة للرسومات الي رح تشوفها داخل اللعبة، في حافظة او زنزانة صغيرة (الي موجودة اول صورة على طرف اليسار) هي الحافظة الي لازم تحبس المخلوق فيها والصورة الي جنبها هي صورة الحافظة بعد ما تحبس المخلوق فيها، والصورة الثالثة هي صورة العامل عم يقرب من SCP-173 لحتى يحاول يمسكه

الصورة الرابعة هي صورة الشخصية لما تلعبها في يوم 31 اكتوبر والي هو يوم الهالووين، رح تلاحظ انو شكله متغير الى يقطينة وهذا الشيء رح يصير فقط في يوم الهالوين.

اما الصورة الخامسة والسادسة هي صور موديلات SCP-173 الاولى بعد ما صار فيه خلل بالشخصية والصورة الي بعدها هي نسخ أولية من المخلوق الي رح يكون رقمه 0.1-0.1.2.

الصورة السابعة هي صورة التحذير او صورة البوستر الي اعلنت فيه منظمة SCP انو الكيان 173 هرب من الحافظة الي لازم يكون فيها ولازم ضروري كل عمال المنظمة يبحثوا عليه ويرجعوه

الصورة الثامنة هي عبارة عن وثيقة تشرح صفات الكيان 173 ووثيقةبكل التفاصيل الي ذكرتها في بداية المقال.

والصورة الاخيرة هي صورة الكيان 173 بالشكل الي رح يكون فيه موجود في شاشة تحميل اللعبة قبل البدء

شكراً لمتابعك لهذا المقال واذا بتحب تقرأ اكثر عن منظمة SCP اضغط على هذا الرابط