بلانش مونييه : 25 سنة محبوسة في القبو!

قصة بلانش مونييه

اليوم رح نروح مع بعض رحلة إلى أواخر القرن ال١٨ ونروح على فرنسا بالمكان الي كانت فيه بلانش مونييه طالبة جاميعية في منتصف العشرينات، خلال الفترة هي والد بلانش توفى  وترك وراه بلانش واخوها مارسال ووالدلتهم الي اسمها لوييز

بلانش مونييه
بلانش مونييه

بلانش خسرت والدها وهاد أمر سيء، ولكن رغم هاد الشي كاان أغلب الناس يحسودها بسبب انها بنت عائلة ثرية وغنية جداً والها هيبة وقيمة في المجتمع الفرنسي، فكانت كل الأمور فحياتها جميلة وكويسة إلى أن تعرفت على جارها المحامي ووقعت في حبه.

قصة بلانش مونييه
بلانش مونييه

هاد المحامي كانت حالته المادية تعيسة  طبعا تعيسة بالنسبة لعائلة مونييه  والثراء الفاحش الي عندهن،وهاد الشي سبب مشاكل بين بلانش وامها، الام كانت رافضة تمام ان بنتها ترتبط بهاد المحامي بسبب انه حالته المادية عادية، وبالرغم من المشاكل بين بلانش مونييه وامها  الا ان بلانش مونييه كانت مصرة على انها تتزوج هاد المحامي، وحتى انها خبرت صديقتها عن الخطة الي رح تعملها لحتى تتزوج هاد الشخص

وفي يوم تنفيذ الخطة بلانش ما اجت على الموعد وهاد الشي كان متوقع يعني ما خطر على بالهن ابدا انو يكون صاير معها شيء خطير لانو بيعرفو المشكلة بينها وبين امها وكانوا متوقعين اصلاً انو امها تمنعها، فكملوا حياتهم عادي ونسيوا الموضوع لفترة قصيرة بس لما طال غياب بلانش بدأت الناس تسأل عنها، فأهلها قالوا للناس ان بلانش موننيه انهارت وقررت انها تضل ببيت العيلة الكبير لانها رح تكون مرتاحة فيه، والناس صدقوا الحكاية وكانو مقتنعين فيها، وضلوا مقتنعين لبعد ٨ سنين

شاهد ايضاً: أخطر مخلوقات منظمة SCP! معلومات عن SCP-1471

بعد ٨ سنين من اختفاء بلانش مونييه في ليلية من الليالي واحد من الجيران سمع صوت صراخ بنت طالع من بيت عائلة مونييه فلما دخل الجار لعندهن وسأل عن مصدر الصوت قاللولو انو بلانش حالتها صارت سيءة جداً وصارت تهلوس وتحكي كلام غير مفهوم، وبعد سنتين من هي الحادثة المحامي الي كانت بلانش بتحبه مات، والناس نسيت بلانش ونسيت المحامي والقصة كلها.

وما حدا رجع سأل وين البنت او هل هي فعلاً بخير وموجودة مع اهلها، خلي ببالك انو لحد هي اللحظة تقريباً مضي عشر سنين على اختفاء بلانش ولحد الان الناس مقتنعين بالقصة الي حكوها الها انو هي موجودة بالبيت وكل شي عم يجي لعندها وامورها تحت السيطرة

بينما في الحقيقة بلانش كانت محبوسة في غرفة صغيرة في البيت بدون ما تششوف ضو. الشمس حتى، يعني مو متل ما قالو اهلها انو نحن دايرين بالنا عليها وكل شي تمام العكس تمامً كانت حابسينها بغرفة ومانعين عنها كل شي طووول السنين هي.

بعد تقريباًُ ٢٥ سنة وحدة من الاشخاص الي بيشتغلوا بالبيت وجعها ضميرها وقررت انها تكتب رسالة للشرطة باسم مجهول توضح فيها حالة بلانش والوضع السيء الي هي فيه ووضحت في نص الرسالة حالة الغرفة الي المليئة بالوسخ والفضلات الي كانت عايشة فيها، وانها كانت عايشة على اكل عفن وقديم جداً

بعد وصلت الرسالة الى الشرطة فعلاً اجو وعملو تفتيش للبيت ولما وصلو على غرفة بلانش الضابط انصدم: لانه لما فتح باب الغرفة شاف شيء أبشع من الوصف الي كان موجود بالرسالة شاف بلانش الي صارت بالخمسينات موجودة على الارض عارية تمام في غرفة وسخة  لدرجة انه ما قدر يضل بالغرفة لحتى يحقق فيها بسبب ان الهواء ملوث جداً وغرفة مليانة عفن وحشرات

اعتقلت الشرطة اهل بلانش وتم نقلها الى المشفى للعناية فيها لانها كانت فاقدة وزن كتير وكانت اصلا فاقدة القدرة على الكلام

والدتها كان عمرها بالسبعينات وبعد ١٥ يوم من اعتفالها ماتت، اما بالنسبة لاخوها فكان جوابه انه هو ما عمل شيء غلط هو كان عم يسمع كلام امه بس من باب بر الوالدين ورما التهمة كلها على امه الي ماتت

هي القصة الي حكيتها هي القصة الاكثر شيوعاً عن بلانش والي تقريباً ٩٠ بالمية من الناس مصددقتها، ولكن في نظرية تانية رح احكيكن ياها ممكن تكون منطقية

وهي النظرية بتقول انو اذا هنن كانو حابسنها لحتى ما تتزوج المحامي الفقير، ليش ما اطلقوا صراحها لما مات هاد المحامي؟ فهذا الشيء يعني انو في سبب تاني، وهاد السبب قد يكون اخوها بما انو مافي غير هو واخته  بالعيلة الغنية والثرية هي فكانو هنن الورثة للثروة الكبيرة هي، ألأم كانت عمرها ٧٠  سنة وعم تعاني من امراض كثيرة وفي اي لحظة بتموت والبنت كانت محتجزة  يمكن مارسيل طمع الورثة وقرر ان يخليها لحالو بس او يمكن في اسباب تانية ما منعرفها.

اترك ردّاً