helpmann أغرب قناة على اليوتيوب! (helpmann قصة)

قصة قناة  Robert Helpmann

helpmann  في تاريخ ١٢ تموز سنة ٢٠١٥ قناة روبرت هيلبمان helpmann نشرت ١٢ فيديو في نفس اليوم وتقريباً في نفس الساعة، وكل الفيديوهات كانت مدتها بحدود الدقيقة وكل الفيديوهات كانت تحمل اسم مشترك وهو ديزي مين هي ديزي، هي عبارة عن جثة محطوطة في اكياس.

قبل ما ندخل بتفاصيل الفيديوهات بدي اقلكن انو الفيديوهات الموجودة حالياً بالقناة ١٠ فيديوهات فقط بالاصل كانو ١٢ ولكن ما بعرف هل اليوتيوب حذف الفيديوهات او صاحب القناة نفسها ما بعرف بس الي منعرفو انو في فيديوهين ناقصين .

الفيديو الأول. الي عنوانه ديزي وصلت بيظهر فيه مشهد في غرفة فاضية وفيها كرسي، وفجأة بصير غلتش وبتطلع ديزي على الكرسي، هلأ نحن  ما متأكدين اذا الشخص الموجود اسمه ديزي فعلاً بس بناء على عنواين الفيديوهات المفروض هي الشخصية اسمها ديزي، وبالنسبة للغلتش الي صار بالفيديو كان فيه كلمات.. وهاد الغلتش تكرر تقريباً بكل الفيديوهات وفي كل مرة يكون فيه كلام معين رح نرجعلهن بعد شوي استعدوا.

بالفيديو التاني كمان تكررت حركت الغلتش ومع انوأغلب الأحيان مشهد الفيديو بكون ثابت بس بعد كل غلتش بيتغير شيء بالمكان متل هاد الفيديو بعد الغلتش انفتح الصندوق.. يعني الشخص الي عامل الفيديوهات بدو يلفت نظرنها على هي الاشياء تحديداً و بحسب الوصف المكتوب عالفيديو انو الي عم يصير بهاد المشهد انو ديزي واصحابها عم يحتفلو ويتعشوا مع بعض

مثلاً  في هاد الفيديو ظهرت شخصية مقنعة بالفيديو والي على الاغلب هو الشخص الي عم يحرك ديزي من مكان لمكان وفي هاد الفيديو كان في صوت كانه صوت راديو قديم او صوت مسجل من فترة بعيدة كتير وهاد الصوت كان شغال بالعكس كان معمله ريفيرس وبوصف الفيديو هاد كمان كان مكتوب ان ديزي مستقرة معنا وعم تتأقلم على العيشة هون والأمور تمام

شاهد ايضاً: حقيقة حذاء الشيطان والمغني ليل ناز اكس!

اذا دققنا شوي بترتيب احداث الفيديوهات رح نكتشف انها احداث يوم عادي يعني بالبداية  وصلت ديزي على بيت الشخص المقنع بعدين صاروا يتعشوا مع بعض وديزي صارت تروح على غرف تانية من البيت وبعدين راحو نامو لحد الان هي الاحداث هي احداث يوم طبيعية بس عم تصير مع شخص مقنع شرير وجثة ميتة.

هون وصلنا على واحد من الفيديوهات المحذوفة والي بتبلش فيه الاحداث الطبيعية تصير مو طبيعية… رح اشرح احادث الفيديو بس ما بعرف اذا رح اقدر الاقي الفيديو واعرضلكن اياه…. المقنع بكون بالحمام مع ديزي وهو يحاول يطعميها وهي داخل  الحمام.

وهلأ ديزي عم تحاول تطعمي العصفور مع الموسيقى المعكوسة.

..

حتى أححسن الناس في العالم ممكن يتعثروا ويخطوا خطوة سيئة متل هي، هي الجملة هي دسكربشن الفيديو هاد.

Daisy plays hide-and-seek. Daisy playing. Daisy makes a mess. هي الفيديوهات ال٣ الي قبل الفيديو الاخير( والي بالمناسبة الفيديوهات هي كان لازم تكون ٤ بس الفيديو التاني الي محذوف كان مع هي الفيديوهات) في هي الفيديوهات بدءت معالمة المقعن لديزي تصير سيئة لدرجة انو صار يطعنها  بالسكين.. وفي اخر فيديو بالقناة ديزي هربت والمقنع عصب.

هلأ بعد ما خلصت الفيديوهات خلينا نجي للكتابة الي كانت تطلع بالغلتش الي يصير بالفيديوهات  واعطيكين تفسيري للقصة.

بعد تجميع الكلمات الي كانت موجودة بالفيديو تبين انو الكلمات هيه كلمات قصيدة قديمة جداً ظهرت اول مرة في تاريخ ١٧٨٤ بكتاب اسمه gammers gurtons garland of nursery songs. والقصيدة هي او النص هاد بيحكي قصة بنت شافت شخص ميت جنب كنيسة وكان الدود عم ياكل الجثة وبنت سألت الشخص الميت ياترى رح يصير فيني نفس الشي لما اموت فجاوبها الميت وقلها اي.

وشيء تاني كمان مهم للقصة ان اسم روبرت هيلبمان helpmann هو اسم ممثل استرالي مشهور بتمثيل ادوار الشيطان او ادوار الشخصيات الشريرة والمرعبة.

فاعتقد الفيديوهات هي مجرد مشهد تمثيلي لهي القصيدة ممكن، واختاروا اسم روبرت كرمز لشخصية شريرة.