القناة ٥( قناة اطفال تنشر فيديوهات مرعبة )

القناة ٥ هي قناة تلفزيونية مكسيكية موجودة من الخمسينات لحد الآن…. البرامج الي كانت تعرضهم القناة هي برامج كرتونية مووجهة للاطفال يعني كل مشاهدين القناة هنن اطفال، وبما أنو أغلب متابعين القناة على التلفزيون هنن اطفال، فأكيد الاطفال نفسهم رح يتابعو القناة على السوشل ميديا… وليش انا متاكد من هاد الشي.. لانو أغلب المنشورات في الحسابتهم هي منشورات عن القناة والاشياء متعلقة الامور الي بتنعرض على القناة….. كل شيء عندهم طبيعي لحد ما تصير الساعة ٣ بالليل بتبدأ الفيديوهات المخيفة تنتشر وهي البعض منها ( عرض الفيديوهات)

أغلب الفيديوهات الغريبة هي كانت تنشر في ساعة متأخرة من الليل وتنحذف قبل طلوع الفجر ولكن بعض الاشخاص الي شافوها سجلوها ونشروها(عرض فيديوهات كمان)

بعد مالاحظت الناس هي الفدييوهات الاعلام المكسيكي صار يحكي بالموضوع، وفي موقع اخبار مكسيكي تواصل مع واحد من شركاء ااو المساهين بالقناة وسأله عن الفيديوهات هي وليش عم ينشروها,, وكان جاوب هاد الشخص انو ما بيعرف أي شي عن الفيديوهات هي ولا بيعرف انو عم ينتشر شي

هلأ كل الفيديوهات الي كانت منتشرة هي فيديوهات غريبة ومالازم تكون موجودة في هيك حساب… ولكن في فيديو واحد في وراه نظرية ووراه قصة قديمة في تاريخ القناة… هاد الفيديو كان مرفوع على القناة ومكتوب عليه اسم سالينا ( عرض الفيديو)

قبل عشرين سنة كان في بودكاست يتم اذاعته بين البرامج…. يعني مثلا طلع سبونج بوب وخلص رح يجي بعده فاصل…. في هاد الفاصل كانو يعرضوا برنامج قصير بيعطي معلومات عن اشخاص مفقدوين يعني ليش هيك عم يعملو بقناة اطفال مابعرف بس الي بعرفه انو عملو وخلصوا…. وواحد من هالشخصيات الي كانت يتم اذاعة خبر اختفاهئا كان اسمها سلينا دلغادو لوبيز,,, ولسبب من الاسباب خبر سلينا كان اكتر خبر عالق في ذهن الاطفال الي شافوه,,, ولهاد السبب صار في ناس تتحرا عن سلينا وليش كلهاد ضلت صورتها في مخيلة الاطفال…. وتبين بعد البحث انو مافي شخص في المكسيك اسمه سلينا دولغادو لوبيز ولا حتى بالمناطق المجاورة للمكسيك… واصلاً الصورة الي تم عرضها على اساس انها سلينا هي صورة من توليد كمبيوتر ومو حقيقية

وكمان بعد ما تم البحث عن مصادر الفيديوهات الي كانت تنتشر على القناة تبين ان كل الفيديوهات مأخودة من اليوتيوب يعني مو من انتاج القناة نفسها..طيب ليش القناة عملت هيك لحد الآن ما حدا بيعرف ولكن الفكرة الوحيدة الي ممكن تبرر هاد الشي برأي انو القناة بحاجة لناس تسمع عنها اكتر..,, واعتقد انهم حصلو الشي الي بدهم ياه لانو الحادثة هي وصلت للاعلام الاسباني وللاعلام الامريكي وانا عم احكيلكن ياها هلا…. يعني الشي الي بدهن ياه صار .

اترك ردّاً