أغنية ديزي ديزي المرعبة: الحقيقة الكاملة

تحذير: يمنع إعادة استخدام المحتوى بأي شكل مرئي أو مسموع أو مقروء دون الحصول على ترخيص، تحت طائلة الملاحقة والحذف من يوتيوب و غوغل (سترايك)لطلب الترخيص يرجى التواصل معنا

أغنية ديزي ديزي المرعبة

أغنية ديزي ديزي المرعبة هي اغنية انتشرت بالفترة الماضية على التيك توك بشكل كبير وصارت ترند، وأغلب المقاطع الي كانت تنتشر بالتيك توك عن أغنية ديزي ديزي كانت مقاطع مرعبة أو مقاطع فيها اشخاص قبل المخدرات وبعد المخدرات او مثلاً أماكن كانت جميلة وفي ناس كتير فجأة صارت موحشة واختفوا منها الناس

و بسبب أن أغنية ديزي ديزي المرعبة انتشرت كثير بالتيك توك مع الفيديوهات المرعبة، الناس صار عندها فضول تعرف قصة أغنية ديزي ديزي المرعبة،والأغنية في الها قصتين، قصة خاطئة وغير صحيحة، وقصة حقيقية، رح أبدأ أول شي احكيلكن القصة الغير صحيحة عن اغنية ديزي ديزي

اطلع على المزيد من قصص الرعب 

أغنية ديزي ديزي المرعبة

كان يا مكان في قديم الزمان، كان في شخص اسمه راجو شرش، راجو ولد سنة 1889 في عاصمة هنغاريا وبدء مسيرته بعزف البيانو وتأليف الاغاني في سنة 1925، وكان من الديانة اليهودية، في الحرب العاليمة التانية اعتقلوه النازيين واخدوه على معسكر اسمه labour camp هذا المعسكر هو معسكر اعمال شاقة، يعني الشخص الي بيدخل عليه بيددخل لحتى يتعذب ولكن نوع التعذيب كان يختلف على حسب الدين او المعتقدات او الانتماء او اي شيء كمية العنصرية الي كانت موجودة لا توصف،وومافي داعي اشرحلك عن نوع العذاب الي عاشو، فكر انت لحالك يهودي ومسكوه النازيين وشغل مخيلتك.

اغنية ديزي ديزي تيك توك
رجو شرش

لحسن الحظ في جانب مشرق من القصة، ورجو طلع من المخيم بسلام بدون ما يموت، ولكن لما طلع شاف انو كل الاشخاص الي بيحبها ماتو، سواء كانوا اصدقاء أو اهل، والدته توفت في نفس المعكسر الي كان هو فيه واعتقد ان حبيبته انتحرت واغلب اصدقائه كانو يقتلو أو يموتو بالمعسكرات، لهي الاسباب رجو كان في حالة نفسية سيئة جداً جداً جداً، وهو في الحالة في سنة 1933 كتب اغنية اسمها gloomy sunday، الاغنية كان لحنها وكلماتها حزينة جداً( أكيد رح يكون حزين بعد كل الظروف الي مر فيها) بعد ما كتبها ما قدر يطلع من الحالة النفسية الي كان فيها فحاول انه ينتحر وشلف حاله من شباك البيت، بس ما مات تعرض لجروح وكسور بس، لما اخدوه على المشفى يعالجوه شنق حاله بأسلاك الكهربا الي كانت موجودة بالمشفى، وبعد كل القصص الحزينة هي، الناس اطلق اسم جديد على اغنيته والاسم كان اغنية الانتحار الهنغارية.

شاهد ايضاً: آلهة منظمة SCP السرية! SCP-343

طيب ليش حكيتلكن انا هي القصة وايش علاقتها ب اغنية ديزي ديزي المرعبة، لسبب من الاسباب لما تبحث باليوتيوب عن اغنية ديزي ديزي المرعبة، رح يطلعلك أول شي فيديوهات من قناتي الي حكيت فيها عن قصة ديزي براون، وبعدين فيديو من قناة اليوتيوبر ROHA حكت فيه قصة الاغنية هي، ولو دخلت على التعليقات على فيديوهاتي او فيديوهات روها رح تشوف انو الناس الي شافت فيديو روها مفكرين انو القصة الي حكتها روها هي قصة اغنية ديزي ديزي المرعبة، والناس الي شافوا فيديوهاتي مفكرين انو ديزي الي حكيت عنها انا هي نفسها ديزي الي مكتوب عنها الاغنية والقصتين هدول ما الهن علاقة ب أغنية ديزي ديزي المرعبة.

والمشكلة انو الناس صارت تاخد هي القصص وتنشرها على اساس انها قصة الاغنية الحقيقية، ولكن هي مو قصة الاغنية الحقيقية

قصة اغنية ديزي ديزي المرعبة

في سنة 1892 كاتب اغاني بريطاني اسمه Harry Dacre كان مسافر من بريطانيا الى امريكا، وكان جايب معه دراجه هوائية Bicycle ولما دخل الحدود الامريكية دفع ضاريب أو جمارك على الدراجة الي دخلها معه، لما وصل عند اصدقائه وحكالن عن الضريبة الي دفعه، صديقه قله It’s lucky you didn’t bring a bicycle built for two, otherwise you’d have to pay double duty يعني لحسن حظك ما جبت معك دراجة لشخصين والا كنت رح تدفع ضريبتين وهي الجملة علقت براسه من وقتها وكتب اغنية ديزي بيل واستخدم فيها الجملة وهي الاغنية الاصلية

ومن بعدها انشرهت الاغنية كتير لدرجة انه في سنة 1961 لما شركة IBM عملت اول كمبيوتر ناطق او كمبيوتر عنده القدرة انه يقرأ نصوص، ف اثناء عملية تجريب الكمبيوتر كتبوله اغنية ديزي ديزي وخلوه يقرأها، النسخة المشهورة بالتيك توك حالياً هي النسخة الي من نطق الكمبيوتر، والاغنية في منها نسخ كثيرة انعملت مثلا في فيلم 2001: A Space Odyssey الي انعمل سنة 1968 أو حتى على اليوتيوب حالياً على قناة اطفال COCOMELON.

وهي هيه قصة اغنية ديزي ديزي الحقيقية

4 تعليقات

  1. الوضع ايزي بس الاغنيه جد تخوف مع انو كلماته حلوه
    كلمات الاغنيه: 💗
    الموسيقى: 💀

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *