أغرب مخلوقات منظمة SCP المخلوق الخجول SCP-096!

المخلوق الخجول SCP-096!

قبل ما نتعرف على معلومات أغرب مخلوقات منظمة SCP لازم نعرف أول شيء ، ما هي منظمة SCP ؟

Secure, Contain, Protect أو المعروفة باسم منظمة scp هي منظمة يقال انها منظمة سرية مختصة بملاحقة المخلوقات الغريبة الموجودة على الكرة الارضية، مو بالضرورة يكون مخلوق اي شيء غريب ممكن يسبب ضرر على البشرية من وجهة نظرهن، رح ياخدو وويعملوا عليه تجارب ( اضغط هون لحتى تقرأ مقال تعريفي كامل عن منظمة SCP)

والآن رح نتعرف واحد من أغرب مخلوقات منظمة SCP، وهاد المخلوق عنده أكثر من اسم، الاسم الاول المسجل في سجلات منظمة SCP هو SCP-096، والاسم الثاني هو The Shy Guy (يعني الرجل الخجول).

SCP-096 حالياً محبوس في مكعب فولاذي أبعاده 5 م × 5 م × 5، وكل اسبوع منظمة SCP بتعمل فحوصات شاملة للمكعب لحتى يتأكدوا انه مافيه كسور، وايضاً المكعب مافيه كاميرات مراقبة ويمنع منعاً باتاً تصوير SCP-096 إلا في حالة موافقة الدكتور المسؤول عنه.

أغرب مخلوقات منظمة SCP

شكل المخلوق SCP-096 غريب جداً، لأن جسمه يشبه جسم الانسان ولكنه غير متناسق، طوله الكامل حوالي 2.38 متر وطول ايديه حوالي 1.5 متر وجسمه مافي عضلات ابداً ولا حتى الوان، يعني شكله شاااحب جداً وغريب، والمخلوق SCP-096 عنده القدرة أنه يفتح فمه أربع أضعاف أكثر من الانسان، (لحتى تتخيل شكله جرب افتح فمك على اخر حد ممكن توصله، وبعدين تخيله أربع مرات أكبر ورح توصل لشكل SCP-096)

ومنظمة SCP ما بتعرف اذا كان المخلوق scp-096 عنده القدرة على التفكير أو على الرؤية حتى بسبب شكل عيونه الفارغة، ف ممكن يكون أعمى وممكن لا، والشخص الي يشوف المخلوق scp-096 بشكل مباشر أو عن طريقة فيديو أو حتى صورة رح يواجه مشاكل كتير، أولاً: لما scp-096 يشوف أي شخص رح يدخل في حالة تخبط مشاعر، رح يصير يبكي ويصرخ في نفس الوقت ورح يصير دائماً يركض باتجاه الشخص الي شافه، وسرعة ركض المخلوق scp-096 تقدر ب 35 كيلو متر، بمجرد ما انك تنظر في وجه scp-096 رح يركض باتجاهك وين ماكنت حتى لو كنت في غير دولة، scp-096 عنده قدرة على التعرف على أماكن الاشخاص في أي مكان في العالم

وفي لحظة وصول scp-096 عند الشخص الي شاف صورته رح يقتله فوراً ومارح يخلي وراه أثر نهائية للشخص الي قتله، بعد ما يقتله رح يقعد بالمكان الي قتل فيه وينتظر شخص تاني ينظر في وجهه حتى يقتله ويستمر على هذه الحالة.

شاهد أيضاً:أخطر مخلوقات منظمة SCP! معلومات عن SCP-1471

كيف عثرت منظمة SCP على المخلوق scp-096؟

في مجموعة من الاشخاص تابعين الى منظمة SCP اسمهم Zulu في يوم من الأيام المجموعة كانت في رحلة استكشاف وبحث عن مخلوقات غريبة لحتى يلقوا القبض عليها، واثناء عملية البحث شافوا المخلوق scp-096 ,ولكن اول لحظة لما شافوه صار يبكي ويصرخ بسبب أن بعض اشخاص المجموعة نظروا في وجهه، وبعد ما انتهى من البكاء والصراخ هجم عليهم وقتلهم، فاتصل الشخص الوحيد المتبقي من المجموعة على واحد من دكاترة منظمة SCP وشرح له القصة وقاله انه هو الوحيد الي بقي عايش بسبب انه ما نظر في وجه المخلوق scp-096 لحد الآن.

طلب الدكتور من الشخص انه يوصفله حالة وشكل المخلوق بكل تفاصيله، ولما اقتنع الدكتور بالمخلوق، ارسل فريق دعم للشخص المتبقي لحتى يقبضوا على scp-096 ولما وصلوا غطوا وجهه بكيس قماش لحتى ما يشوف وجه أي شخص وما يسبب مشاكل ويقتل ناس.

ومن لما وصل المخلوق scp-096 على منظمة SCP الدكتور المسؤول أصدر أمر بعدم تصوير هذا المخلوق نهائياً لا فيديو ولا صورة، وعملو المكعب الفولاذي الي احتجزوا فيه لحتى ما ييسبب مشاكل لأي شخص أو يقتل أي شخص.

وقبل ما انهي القصة، رح احكيلكن شغلة اضافية عن القصة، وهي الشغلة اسمها Incident 096-1-A، هذا الملف السري موجود في منظمة SCP يحكي ويوصف القصة والحادثة الي صارت بين الدكتور ومجموعة الاشخاص الي جابو المخلوقscp-096 على المنظمة ويحكي بعض التفاصيل عن العلماء الي كانوا يفحصوا المخلوق، وفي هاد الملف ذكروا معلومة عن المكان الي وجدوا فيه المخلوق للمرة الاولى، وهذا المكان هو الصحراء، ولكن لم يتم زكر المكان بالتفصيل لأنها معلومات مشفرة!

تعليق واحد

اترك ردّاً