أخطر مخلوقات منظمة SCP السرية| SCP-597 +١٦

تحذير: يمنع إعادة استخدام المحتوى بأي شكل مرئي أو مسموع أو مقروء دون الحصول على ترخيص، تحت طائلة الملاحقة والحذف من يوتيوب و غوغل (سترايك)لطلب الترخيص يرجى التواصل معنا

أخطر مخلوقات منظمة SCP السرية| SCP-597

سبق وحكينا في مقال سابق عن منظمة SCP وبعض التفاصيل عنها, وفي هاد المقال رح نتعرف على مخلوق يعد من أخطر المخلوقات الموجودة في منظمة SCP والي بيحمل اسم SCP-579

وهذا المقال قد يكون غير مناسب لك اذا كان عمرك أقل من ١٦

منظمة SCP

واجهة منظمة SCP صعوبة كبيرة في حراسة هاد المخلوق والسبب انه مافي وأي شخص بالحياة ممكن يضل موجود في نفس المكان الي بيكون فيه المخلوق SCP 597 أو حتى مراقبة فيديو موجود فيه المخلوق لمدة اكثرمن خمس ساعات، يعني حتى كاميرات مراقبة مارح تفيد بشي لازم كل خمس ساعات يتغييروا الاشخاص الي عم يراقبوا المخلوق.

اطلع على المزيد من قصص الرعب 

وعلى الرغم أنه في أغلب الأحيان كانوا الاشخاص يتغييروا كل خمس ساعات، كان في كمية كبيرة منهم لما يرجعوا من نوبة الحراسة يكون صاير معهن اضطرابات نفسية شديدة وفي بعض الحالات ممكن يموتو وهاد الشي الي بيخلي عملية حراسة هاد المخلوق أصعب وأصعب لانهم في هي الحالة رح يحتاجو كمية أشخاص أكتر للحفاظ على حراسة المخلوق SCP 597.

منظمة SCP

الغرفة الي كانت منظمة SCP تحرس فيها هاد المخلوق دائماً موجود فيها أجهزة أنذار للحرائق، والسبب انه لما يغضب هاد المخلوق بصير يطلع من مسامه دخان وشموع، وهاد الشي بصير في حالة وحدة بس، لما يكون المخلوق في حالة غضب أو انذعاج كبيرة، فبهي الطريقة لما يشتغل الأنذار بيعرفوا أنو في مصيبة رح تصير، وواحدة من الشغلات الي ممكن تخلي المخلوق يغضب هي أنك تقدمله أكل أو شرب بدون ما يطلب هو.

بالإضافة الى أنه يتم تسكير جميع فتح التهوية أو النوافذ أو أي شيء ممكن يدخل هوا على الغرفة، لأنه في حال هاد المخلوق استنشق هوا جديد، منتبهدل. هاد الشي كمان بزيد صعوبة حراسة هاد المخلوق لأن اشخاص الحراسة لازم يلبسوا بدلات معينة واجهزة تنفس لحتى يحتموا من الحشرات الموجودة بالغرفة نتيجة عدم تجدد الهوا، وكل هي الحيوانات والحشرات كانت تجتمع على هاد المخلوق لحتى(ترضع منه) ولهاد السبب اطلقوا على هذا المخلوق لقب الأم.

أكيد بعد هالكلام صار عندك فضول تعرف أيش هو هاد المخلوق؟

المخلوق SCP-597 هو عبارة عن كتلة لحم ضخمة ارتفاعها خمس أمتار وعرضها عشر أمتار، جسمه دائماً بيفرز حليب طبيعي قادر على تلبية احتايجات الحيوانات الي بترضع منه، وفي بعض الحالات يمكن بعض البشر يضعفوا ويقتربو من المخلوق، والسبب الي وصفوه انهم بيحسوا بالراحة والأمان ما حسوا فيه من قبل، وحتى الأشخاص الي ما بيقربوا وبيكتفوا بالمشاهدة فقط رح تصيبهن حالة من التصرفات الطفولية وزيادة منسوب التفاهة.

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *