لعبة سايبر بنك 2077 (Cyberpunk 2077) اللعبة الي انتظرها لسنوات طويلة خيبة آمالنا بعدة أشياء
أولها هي كمية الأخطاء التقنية باللعبة خصوصاً أول ما نزلت، وثانيها هي النهاية الي كانت مخيبة للآمال لبعض اللعبة.
وفي هي التدوينة رح اعطيكم رأي ليش نهاية لعبة سايبر بنك 2077 كانت سيئة!
رحلة في عالم سايبر بنك 2077
لعبة سايبر بنك بمر الواحد فيها بعدة تجارب الواحد ممكن يموت ببلد مليء بالفساد قبل ما يمر بنفس العدد من التجارب.
بنهاية اللعبة إن اخد V جسمه بعد أحداث مأساوية بختار يقضي آخر كم شهر من حياته ب اسوء طريقة ممكنة.
– اهم عبرة المفروض أن الواحد يتعلمها من اللعبة انو ما في سبب تقاتل مشانه غير الأشخاص الي بهمك أمرهم و حتى بهي الحالة أفضل ما يمكن عمله لأجلهم هو ترك المدينة و العيش بمكان فيه قانون .
كبداية، نهاية quest جودي V بيقول انو وحدة من الأشياء الي تعلمها من الحياة الفوضوية في night city هي انو الواحد يكافح لأجل رفقاته و الناس الي بهتم لامرهن و مع ذلك جودي بتترك المدينة و بتراسله كل فترة و بتضل تكرر انها تخلصت من حمل كبير لما تركت.
و بنهاية quest بانام عشيرتها بتعتبره حدا من العائلة و بطلبو يسافر معهم لانو اكتشفو انو كل شي تعرضوا له مو محرز يضلو ع حدود night city و يجيهم الابشع.
و جوني بشكي و بندم من قراراته وقت كان ع قيد الحياة بعد ما شاف كيف خرب كلشي و حتى قبل ما يروح V على برج arasaka بنصحه يتصل بحدا ب اي حدا مشان يودعه و بحكي شقد متمني لو كسب هيك فرصة أو حتى خطرله.
و لما يلاقي واحد من أكبر معجبيه و كيف ع بتصرف ب اخر عمره كانو لسا عايش بسنة 2020(ب أحداث اللعبة) بزعل عليه و بحكي ل V انو فجر برج اراساكا و تعمر برج جديد فوق موقع التفجير لذلك تمنى من كل معجبيه انو يتركو الماضي و يعيشو حياتن.
و ان اختار اللاعب انو يعطي الجسم ل جوني بقرر يترك كلشي وراه و يترك المدينة الي تعلق فيا حتى لو ضلت rogue ع قيد الحياة.
و مع انو V عاش كل هي التجارب معهم و كان متعاطف معهن، لما يكتشف انو بقي له كم شهر ليموت بزبل كل الدروس والمواعظ الي تعرض لها باللعبة و بقرر انو يروح بمهمة أخطر من المهمة الي خسر كلشي بسببها مشان شهرة ما بتغير شي و حتى هي مكتسبة مسبقا بعد الهجوم على البرج.
شاهد أيضاً: ما هي الماسونية الحقيقية؟
بقرر انو ارثه بالحياة شوية شهرة بدل ما مثلا يساعد aldecaldos يستقرو بمكانهم الجديد أو يعمل متل جودي و/او يطلع سياحة و يخوض تجارب جديدة بدل الطيش الي بيعرف بفضل جوني انو ما بغير شي.
هي الأفكار بتطرح سؤال هو شو السبب الي بخلي الواحد ما يتعلم اي شي من كل هي الخسائر و المآسي المنتجة بشكل بخلي الواحد يرغب يكبي؟
فشل من الكاتب أو تغييره لما وصل لهي النقطة؟ تأثر V بشخصية جوني؟ مع انو جوني كان واضح بنقطة انو هيك مهمات مو مستاهلة المخاطرة…
يعني بهي الحالة كل العبر الي كان المفروض تاخدها الشخصية من القصة، أو الي بنوا الأحداث على أساسها راحت عالفاضي.
طبعاً لازم ما ننسى أنه احتمال جداً كبير تكون قراراتك أنت كلاعب أثناء اللعبة هي الي تأثر عليك وعلى تصرفات الشخصيات التانية معك.
بس كمان هذا لا يعني انه الكتاب ينهي شخصية V بهالطريقة السيئة بعد كل هالأحداث والمأسي الي مرت فيها الشخصية أثناء اللعبة، سواء كان في أحداث القصة الأساسية للعبة أو للمهمات و القصص الجانبية.
أنا بالنسبة ألي أكثر لحظة محزنة مريت فيها باللعبة هي اللحظة الي مات فيها جاكي، هي المشاهد كان فيها كتير مشاعر ملخطبة وغريبة.
ما بتعرف تزعل على جاكي لأنه مات، ولا تفرح لأنك قدرت تاخد الشيء الي كنت جاي منشانه، ولا أصلاً تخاف لانه الشي الي اخدته هو الي رح يسبب دمار حياتك!
اكتب في التعليقات ما هي أجمل لحظات عشتها في لعبة سايبر بنك 2077؟
تابع قناة سكطعش على اليوتيوب