أغرب 3 قصص جرائم القتل في أمريكا
رح نحكي في هالتدوينة عن أغرب 3 قصص جرائم القتل في أمريكا، أغلب هالقصص اسبابها ودوافعها غريبة جداً، طبعاً جميع القصص مزودة بالصور والفيديوهات اللازمة لشرحها…قراءة ممتعة😁
قصة حب كودي ولين
اليوم رح نروح على ولاية مونتنا الأمريكية، ونتعرف على قصة حب صارت بين شخصين الأول اسمه كودي جونسن وعمره 24 سنة، والشخص التاني هي بنت اسمها جوردان لين وعمرها 21 سنة
خلينا نتعرف عالشخصيات اكتر ورح نبدأ ب كودي، كودي بالاصل من ولاية لوس انجلس اهله من لوس انجلس وهو انولد فيها، ولكن انتقل هو وامه لمونتانا بعد وفاة أبوه لحتى يبدئوا حياة جديدة لحالهن، وعلاقة كودي بامه كانت قوية جداً وكانوا متعلقين ببعض كتير، ببساطة لانو هو ابنها الوحيد وهو ماعنده حدا غيرها
كودي كان دائما الشخصية المرحة بين اصدقائه، وكان يحب كل النشاطات الاوت دور يعني صيد سمك تسلق والمشي والاشياء هي
وشيء تاني كان كودي يحبه كتير هو السباق بالسيارات كان يحب السيارات كتير ويحب يتسابق مع اصدقائه فيهم، ولحسن الحظ انه بعد ما خلص دراسته قدر يشتغل بالشي الي يحبه، والي هو السيارات، كان يشتغل صديقه المقرب كاميرون بتطوير السيارات بشكل خاص للزبائن
وأموره كلها كانت تمام من كل النواحي، فلذلك قرر كودي انه يعمل حطوة جديدة في حياته ويتزوج،وبدأ يسعى بالموضوع هاد وفي سنة 2011 تعرف على بنت اسمها جوردن غرام
جوردان كان شخصية انطوائية كتير، بس بنفس الوقت كان في صفات مشتركة كتيرة بينها وبين كودي، وكل الناس الي عرفت بعلاقتهم كانوا يقولهم انتو لابقين لبعض لازم تكملوا والخخ
وفعلاً بدئوا يطلعوا مع بعض ويتعرفوا على بعض اكتر، وحتى انو كان عندهم مكان مفضل يروحو عليه دئماً المكان هاد هو ممشا طويل كتير داخل حديقة اسمها GlaceIr national park
علاقتهن كانت عم تصير اقوى واقوى مع الوقت وكانوا منسجمين مع بعض كتير وبعد سنة من المواعدة وفي شهر ديسمبر 2012 كودي وجوردن ارتبطوا بشكل رسمي يعني كودي خطبها، وبعد ست اشهر خطبة تزوجوا
تزوجوا وعملوا عرس وكانوا سعيدين جداً، حتى انهم كتبوا اغنية خاصة فيهم يعني الاغنية الي شغولها بعرسهن هي من كتابتهن، كل شي كان ممتاز بالنسبة الهن
كودي اخد اجازة اسبوع من الشغل لحتى يضل مع زوجته والحياة جميلة جداً
يوم الاحد 7 يوليو 2013 كان في موعد بين كودي وعمه ابو مرته، ولكن قبل الموعد بشوي كودي بيتصل بعمه وبيلغي الموعد والسبب ان جوردن قالته انها محضرتلوا مفاجئ ولازم يروح معها
بهاد اليوم راحوا عالكنيسة، بعدين رجعوا على مكان فيه بحيرة وطبيعة قعدوا شوي وبالاخير رجعوا على مطعم داري كوين تعشوا فيه وراحو
يوم الاثنين 8 يوليو المفروض انو كودي يرجع على شغله لانو اسبوع العطلة خلص، ولما صار وقت الشغل وكودي ما اجا صاحب الشغل الي بنفس الوقت بكون صديقه صار يتصل فيه بس ما كان عم يرد عليه، كاميرون بيعرف انو هالشي مو من عاداتا كودي ابداً وشك انو في شي غلط بالموضوع فراح لعنده عالبيت
ولما وصل عالبيت ما كان في حدا بالبيت ابداً كاميرون كان مشغول باله كتير فيبدوا نو نط من فوق شي حيط او فش الباب يعني بطريقة ما اقتحم البيت، البيت كان طبيعي مافيه شي مكسور او مسروق او شي غريب، بس بنفس الوقت ماكان في حدا راح كاميرون على كراج البيت لحتى يشوف اذا سيارة كودي موجودة او لا وهون شاف موبايل كودي موجود بالكراج
بعدها فوراً كاميران راح بلغ الشرطة انو كودي مفقود لانو الشي الي شافه مو طبيعي ابداً
شاهد أيضاً: قصص جن
شاهد أيضاً: قصص واقعية من الحياة
تابع القصة على قناة سكطعش على اليوتيوب
اول ما الشرطة اخدوا الطلب ، جاوبوا زوجته جوردن لحتى يحققوا معها، وجوردن قالت انو في مساء يوم الاحد بعد ما طلعوا من مطعم داري كوين في رقم غريب اتصل بكودي وهي ما كانت بتعرف مين المتصل واستمرت المكالمة تقريباً نص ساعة، وبنفس الوقت جوردن كانت ناسية شاحن جوالها بالمكان الي بشتغل فيه، فتركت كودي بالبيت عم يحكي وراحت تجيب شاحن جوالها وترجع
وهي بالطريق راجعة عاليبت كودي ببعتلها رسالة بقلها انو رح يطلع مشاور مع شخص، وصلت جوردن عالبيت وشافت انو كودي عم يركب بسيارة نمتها من ولاية واشطنن، وكودي راح معه، وهي ما بتعرف وين راح وما بلغت عليه انه مختفي او متاخر لانو كان ممكن يرجع بأي لحظة ويعصب عليها لانها قدمت بلاغ
فهي كانت قاعدة وعم تنتظره يرجع
في هالوقت الكل عم يحاول يبحث عن اي دليل يساعدهن يعرفوا وين راح كودي الاصدقاء والعائلة كانوا عم يبحبثوا في حسابته على السوشل ميدي والشرطة كانت عم تستخرج تقرير بالمكالمات الي عملها كودي في هالوقت
وتبين معهن انو فعلاً في رقم من واشنطن اتصل بكودي في نفس الفترة الزمنية الي قالت عنها جوردن، وكمان انها شافت لوحة السسيارة مكتوب عليها انها من واشنطن فيبدوا انهم ممكن يوصلوا لشيء من خلال الشخص المتصل من واشطن
وصلوا الشرطة للشخص المتصل وطلع اسمه هوزيه او جوزيه، وبعد تحقيق معه تبين انو جوزيه كان متصل بكودي لحتى يسأله عن ادوات كان مستعيرها منه، ومافي اي شي تاني غريب كان، لذلك الموضوع هاد طلع مجرد صدقة انو في نفس الوقت سيارة ومكالمة من واشنطن
مضي 3 ايام والعالم كلها عم تدور على كودي بس للأسف مافي اله اي اثر، الشرطة حاولت كتير انها تاخد معلومات اكتر من جوردن ويسألوها اسئلة اكتر، والغريب بالموضوع انو في بعض الاحيان جوردن كانت تغير اقولها يعني يسألوها نفس السؤال اكتر من مرة وفي مرة تعطيهن جواب مختلف
فيديو
بعد كم يوم جوردن رجعت لعند الشرطة هي وامها، وكان معها ايميل، ايميل وصلها من شخص اسمه توني،
الرسالة الي كانت مكتوبة بالايميل مرحبا جوردن انا توني، مافي فائدة من عمليات البحث الي عم تعملوها عن كودي لانو خلص كودي راح، اوقفوا عمليات البحث
وبالايميل نفسه كمان كان مكتوب انو كودي راح رحلق تسلق مع اصدقائه ووقع من ارتفاع عالي
بعد ما جوردن اعطت الايميل للشرطة قالتهن انها بتعرف الشخص الي اسمه توني وهو كبون صديق كودي،الشرطة راحوا لتوني واعملوا تحقيق معه، وتبين انو توني مو حاكي مع كودي من زمان، وانو الايميل الي مزكور فيه اسمه هو ايميل غريب ما بيرعف عنه أي شي ، وحتى انه اعطى أحهزته كلها للشرطة كمبيورات او جوالات لحتى يتاكدو فعلاً انو الايميل مو اله، وطلع فعلاً توني ماله علاقة بالايميل
طبعاً حالياً الكل مصاب بالاحباط وعم يحاولوا يبحثو عن كودي على امل انه يقدروا يلاقوه وهو بخير، لذلك جوردن جمعت كم شخص لحتى هي تطلع تبحث عن كودي، وقالت للناس كالتالي، بما انو الايميل قال انو كودي وقع من مكان مرتفع لما عم يمشي او عم يتسلق مع اصدقائه، فليش ما نروح ندول عليه بالممشا الكبير الي هو بحبه كتير والي كل مرة منروح عليه ان وهو، وموبس هيك كمان مكان محدد داخل الحديقةالكبيرة هي لازم نروح عليه لانو شيء ما في داخلها يقول انو كودي ممكن يكون موجود هون، لانو هو بيحب هي المنطقة
راحوا على هاد المكان الي كان اسمه لووب تريل ، في هاد المكان كان في منحدر قوي جداً في منحدر لتحت على عمق300 قدم وكان كله صخور مدببة واشجار
ومع ذلك مع انو المكان كان خطير الا ان جوردن مشيت لحتى وصلت لحافة المكان هاد وصار تطلع لتحت المنحدر، بعد دقائق قليلة جوردن بتصير تصرخ وبتقول انها شايفة شخص تحت في اخر المنحدر هاد بقلب المي
الوقت الي كانو موجودين فيه في هاد المكان بدء يصير ليل وعتمة فالوصول لأسفل المنحدر هاد صعب جداً، لذلك أجلوها للصبح وتاني يوم الصبح الساعة 8 رجعوا ونزلوا لتحت وشافوا جثة كودي موجودة في اسفل الوادي
انتشر الخبر بين اهل واصحاب كودي، والكل كان مستغرب من الشي الي صار، لانو الكل بيرعف انو كودي بيحب المشي في هاد المكان بس هو ولا مرة طلع لمكان مرتفع كل هالشي لانو بيخاف من المرفاعات واصلاً ولا مرة بحياته راح على مكان منحدر بعيد عن الطريق العام او الطريق الي واضح وين بدايته ونهايته، وغير هيك ليش لحتى كودي يروح لحاله على هاد المكان بليل، مافي اي شي منطقي بالقصة هي
طبعا جوردن أول ما شافوا جثة كودي نزلت صورة من عرسهن وكتبت الوداع يا كودي رح تضل في قلبي والكلام هاد
بس بنفس الوقت جوردن في عزا كودي ماكانت عندها اي ردة فعل او اي مشاعر تجاه الشي الي صار ، وطول الوقت بالعزا كانت قاعدة وعم تستخدم الموبايل، ولا كانو زوجها الي ما صرلا غير اسبوع متزوجته مات، كل الي كانوا حاضرين مستغربين من الموضوع وخصوصاً صديقتها الي اسمها كمبرلي
بعد العزا كمبرلي راحت للشرطة وحكتلنا جزء مخفي من القصة ماكنا منعرفه ابداً
في أول ليلة بعد عرسهم جوردان كانت عم تبعت رسائل لصديقتها كمبرلي، وتقلا انا مو متاكدة اذا الشي الي عملته صح أو لا ( قصدها على الزواج من كودي)
وكمان قالتها انها عم تتهرب منه بحجج معينة(اتمنى انكم تفهموا لحالكم) يعني كأنها بلشت تندم بعد ما تزوجت كودي، وفي اليوم الي بعتتلها الرسائل الساعة 9 المسا راحت لعند صديقتها كمبرلي عالبيت وصارت تحكيلها وانو صار في بينهم مشاكل وكودي عصب عليها وكذا
فكمبرلي بعد ما شافت تصرفات جوردن بالعزا وشافت شلون جوردن سبحان عرفت تروح على المكان الي كانت جثة كودي موجودة فيه وتزكرت الاحداث هي، شكت بأنو جوردان يكون الها أيد بالشي الي صار لكودي لذلك راحت وحكت الكلام هاد للشرطة
هلا الشرطة كانوا شاكين فيها من الأول لانها غيرت اقوالها اكتر من مرة ولكن كانوا عم ينتظروا يجمعوا أدلة أكتر، وهي القصة كانت واحد من الأدلة الي بتقول انو الفاعل هو جوردن
أما الدليل التاني هو ان الشرطة تتبعت الأيميل الي وصلها من توني وتتبعوا المكان الي انبعت منها الايميل، وتبين انو الايميل مبعوت من بيت والد جوردان، وكمان الشرطة تتبعت مكان جوال جوردان في ساعة الحادثة وتبين انو جوالها وجوال كودي كانو في نفس المكان والي هو التل الي شافوا الجثة عنده
يعني كذبة جوردان انكشفت، هي قالت انه راح مع اصدقائه وهي راحت تجيب الشاحن بس الحقيقة طلعت انو تنينهم كانوا رايحين على التل مع بعض وكمان كان في كاميرات مراقبة على مدخل الحديقة الي كانوا فيها وقدروا يشوفوا منها انو فعلاً كودي وجوردن كانوا جاين مع بعض بسيارة كودي ،فالشرطة صارت شبه متأكدة انو جوردن هي الفاعل
لذلك جابوها للقسم مرة تانية لحتى يحققوا معها وهاد الكلام الي صار بينها وبين الشرطة
المكالمة
رح اختصر الكلام الي انحكى بالمكالمة، جوردن قالت انها كانت عم تحكي لكودي عن مشارعها وانها تسرعت بالزواج منه وهاد الشي خلاه يعصب وهو صار يمسكها من ايدها ويعصب عليها وصار شجار بينهم، وهي لحتى تدافع عن حالها دفعته من قوف التل وراحت، وقالت انها ماكانت مخططة لهلشي ابدا والشي الي صار صار لحظة غضب وتخبط مشاعر
طبعاً الشرطة ماكانوا مقتنعين انو فعلاً هالشي كان مجرد حادث لانو كل الادلة الي عندهن بتقول العكس، لذلك فالبداية وجهولها تهمة القتل الغير متعمد او القتل من الدرجة التانية، بس بعدين غيروها لدرجة اولى وأنها متعمد
محامينها كانوا عم يحاولوا يقنعوا المحكمة انو الشي الي صار هو حادث وانها مو مخططة له لحتى يخففوا الحكم عنها ، بس المحكمة كانت مصرة انها كانت مخططة لكل شي
والسبب هي انها خبرتزوجها انها محضرتلوا مفاجئة واخدته معها وهي مغمضلتها عيونه وكمان اخدته على مكان مرتفع ما ممكن هو يطلع عليه لحاله، واسباب تانية كتير متل الايميل المزيف الي عملته واصلاً هاد الايميل بعتته باسم شخص حقيقي، يعني حتى انها كانت عم تحاول تخلي الشرطة تشك بصديق كودي الي اسمه توني لذلك بعتت الايميل باسمه وانها ما بلغلت الشرطة،
لذلك الشرطة الشرطة حكمت عليها بالسجن لمدة 30 سنة ومارح يكون في الها الحق بالافراج عنها تحت اي سبب
تاخرت الشرطة ساعة والنتيجة كانت مؤسفة
رح نروح على اليوم على امريكا وتحديداً على منطقة اسمها pembroke pins في ولاية فلوريدا منطقة pembroke pins وفي تاريخ 26 ابريل 2002 انولدت بنت اسمها ميا ماركانو، والد ميا كان دي جي مشهور او معروف اسمه dj eternal vibes ووالدتها امسها emas gabrial، مع انو امها وابوها منفصلين عن بعض وهي واخوها الكبير كانوا عايش مع ابوها وزوجته الجديدة بس كانت علاقتهم ببعض سليمة والام والاب كانوا دئماً يديروا بالهن على بنتن
ميا تخرجت من المدرسة الثانوية سنة 2020، ودخلت الجامعة فلوريدا مباشرة بعد تخرجها، درست فيها سنة وبعدها انتقلت على جامعة تانية اسمها فالنسيار كولجة وبنفس الوقت كانت بتشتغل دوام جزئي كموظفة في سكن طلابي قريب من الجامعة اسمه آردن فيلاز وكان معروف بانه فخم كتير، وكانت ساكنة بنفس السكن، يعني تقريباً كانت امورها مرتبة لانها بتنام وبتشتغل بنفس المكان الي هو قريب من الجامعة
وحياتها كانت مستمرة على هاد الشكل لحد ما اجى يوم 24 سبتمبر 2021، في هاد اليوم ميا كانت حاجزة تكت طيارة لحتى تروح على بيمبروك بينز لحتى تشوف اهلها، للأسف ميا كان عندها شغل بنفس اليوم مع انو عندها طيارة ولازم تسافر الى انها كملت دوامها للساعة 5 المسا او العصر، وبعدها طلعت من الشغل بسرعة لحتى تلحق تروح عالبيت تاخد اغراضها وتروح عالطيارة وتوصل لعند اهلها.
اهلها كانوا عارفين انها رح تجي وكانوا عم ينتظروها بالمطار لحتى توصل، وبالفعل لما اجا وقت وصول الطيارة، الطيارة وصلت بس ميا ما وصلت لانو ميا ما ركبت الطيارة اصلاً،حاولوا اهلها يتصلوا فيها ويبعتولها رسائل بس ما كان في جواب ابداً وما حدا وين ميا، لانها باختصار اختفت!
الساعة 9 ونص المسامن نفس اليوم الاهل اتصلوا بالشرطة لحتى يروحوا يستفقدوها في مكان سكنها، والشرطة استجابت وكانوا موجودين على باب سكنها حوالي الساعة 10 ، الشرطي الي اجلا دق الباب 3 مرات بس ما حدا فتح، بعد مدة قصيرة طلعت صديقتها او الروم ميت فتحت الباب وحاولوا يدخلوا على غرفة نوم ميا بس كان الباب مقفول، طبعاً الشرطة جايين بتصريح رسمي لانو اهلها اتصلوا لذلك الشرطي شاف انو في شباك للغرفة من الطرف التاني كان مفتوح فدخل على الغرفة من الشباك
اول ما دخل شاف انو في قطع اثاث محطوطين قدام باب الغرفة لذلك الباب ما عم ينفتح من برا، وكانت اغراضها مبثعرة بالغرفة ومجهوراتها وكمان كان في نقط دم على المحدة الي بتنام عليها، فالوضع غريب يعني بناء على شكل الغرفة انو في حدا كان بالغرفة سكر الباب وعدين هرب من الشباك
المهم الشرطي سأل رفيقة ميا اذا بتعرف في حدا بحياة ميا صديق حبيب ممكن يكون دخل لعندها عالغرفة او شخص يعني ممكن يكون على صلة بميا، فصدقتها هي جاوبت وقالت اي في شخص آرماندو كابلارو بيشتغل عامل تصليحات في آردن فيلاز، وقالت انو آرماندو كان دائماً يحاول يرتبط بميا ولكن ميا كانت ترفضه وتقله نحن اصدقاء بس
طبعاً بهالوقت اهلها اكيد مو قاعدين بالبيت وعم يستنوا لا، كانوا عم يجهزوا حالن لحتى يجو ويبحثوا عن بنتهم، وصلوا بنفس اليوم عالساعة 3 بليل تقريباً، ولما وصلوا الضابط الي اجا لحتى يشوف ميا كان لسا موجود وعم يحقق بالموضوع، طبعاً الاهل راحو على غرفة بنتهم ورجعوا قالوا للشرطي انو في شي تاني غريب بالغرفة غير الاشياء الي شافها الشرطي انو كان في قاطعة صناديق موجودة تحت السجادة بالغرفة، والاغرب من هاد كله انه فجأة آرماندو بيجي على المكان الي صارت فيه الحادثة، ولما صار يحكي معه الشرطي ويسأله صار يحكي عن شخص اسمه تاتي
الاهل لما شافوا آرماندو عصبوا عليه وصاروا يحكولوا انهن بيعرفوا علاقته مع ميا وبيعرفوا انو عم يحاول يرتبط فيها والخخ.. بس هو كان عم ينكر هاد الشي، وللاسف الشرطة تركوه يروح، مع انو في شكوك كتير حواليه بناء على كلام الاهل وصديقة ميا واصلاً وجوده في مسرح الجريمة الساعة 4 الصبح لحالوا كافي بانك تشك فيه، بس مع ذلك لانو ما كان في دليل رسمي او ملموس ضده الشرطة تركوه يروح
ولما طلع الصبح الشرطة عملوا بروشورات انو ميا مفقودة والخ وكانوا عم يتعاملوا مع الموضوع بشكل روتيني، بس طبعاً اهلا ميا كانوا شاكين كتير ب آرماندو وصاروا يلاحقوه بالسر لحتى يراقبوا حركاته ويشوفوا رح يعمل شي مشبوه او لا او اذا ممكن من خلال مراقبتهم يوصلوا لميا
فعلاً الاهل شافوا شي غريب جداً، لما نزل آرماندو من سيارته نزرل معه قفازات وحقيبة وبطانية والاهل اول ما شافوا البطانية فكروها بطانية ميا لذلك اتصلوا بال911 بسرعة واجت الشرطة، طبعا الشرطة اجوا بسرعة لحتى يشوفوا آرماندوا ، ولانهن اجوا بسرعة ماكان معهن تصريح بتفتيش البيت، فماقدروا يدخلوا يفتشوا، بس آرماندو قال لاهل ميا انتوا ادخلوا وفتشوا عكيفكن وفعلاً دخلوا وماشافوا شي غريب وطللعوا بدون فائدة ومرة تانية الشرطة تركوا آرماتدو او ما اعتقلوه لانو مافي دليل ملموس ضده
طبعاً الاهل شاكين كتيير بآرماندو انو هو اله علاقة باختفاء بنتهم الي ما عارفين لحد الآن اذا عايشة او ميتة وبنفس الوقت مو قادرين يوقعوه،والشك زاد اكتر واكتر لما صارت الساعة 3 العصر وآرماندو ركب سيارته وراح اختفى هو كمان وماحدا بيعرف لوين راح
في هاد الوقت الشرطة كمان صاروا شاكين فيه اكتر ولما فكروا بالموضوع شوي اكتفشوا انو فعلاً ممكن يكون متورط بالموضع لذلك واخيراً عملوا مذكرة القبض عليه بشكل رسمي وراحوا لعنده عالبيت لحتى ياخدوا، بس هاد الكلام صار الساعة 4 ونص يعني لما وصلوا عالبيت كان آرماندو رايح ومختفي.
اتطلع على المزيد من قصص واقعية
بهاد الوقت الشرطة كانوا مبلشين يحققوا بالقضية بشكل اكبر شوي واكتشفوا من خلال تحقيقتهم انو باليوم الي اختفت فيه ميا الساعة 4 ونص في حدا دخل على غرفتها بالماستر كي الي هو المفاتح الي بيكون على شكل كرت، طبعاً ميا متل ما قلنا خلصت شغلها الساعة 5 يعني مو هي الي اجت عاغرفة الساعة 4 ونص
في شخص واحد بس معه هاد المفتاح وممكن يكون دخل على الغرفة وهو المصلح آرماندو، طبعاً هنن لسا ما بيعرفوا اذا اكيد ارماندو الي دخل او لذلك تواصلوا مع صاحب الشغل ومن خلال اللسستم الي عندن قدروا يعرفوا انو فعلاً غرفة ميا انفتحت الساعة 4 ونص باستخدام مفتاح المصلح آرماندو
والسؤال الكبير حالياً هو وين ميا؟ وين آرماندوا؟ هل هنن مع بعض او لا ؟
في سؤال من هالاسئلة اخدنا جوابه في يوم 27 سبتمبر 2021 من خلال مكاالمة 911
الشخص الي عمل المكالمة هي هيه عاملة نظافة في نادي ليل اسمه ceball ولما كانت داخلة على كراج النادي هاد شافت شخص منتحر وهاد الشخص هو آرماندو
هاد الشي زاد القضية تعقيد كتير لانو هو المشتبه الوحيد بالقضية و90 بالمية هو الشخص الي عنده معلومات عن ميا، وللأسف راح يعني ما رح نعرف المعلومات الي عنده طول عمرنا
بعد ما راح المشتبه الوحيد بالقضية تركيز الشرطة راح للبحث على ميا لحتى يعرفوا وينها او يعرفوا اذا هي عايشة او لا، صار في تجماعات كبيرة وفرق بحث كتيرة مؤلفة من اهل واقرباء ميا والشرطة والاأف بي اي، كلههن عم يبحثوا عن ميا بالانهار بالغابات وخاصة بالمناطق حوالي سكنها
وبنفس الوقت كانت الشرطة عم تحاول تجمع معلومات عن تحركات ارماندو الاخيرة ، وقدروا من خلال ابراج الشبكة الي اتصل فيها جوال ارماندو يعرفوا الاماكن الي راح عليها ارماندو قبل ما ينتحر
منطقة من المناطق الي كان فيها أرماندو في ما يودع، اسمها تمبر سكان tymper skan، هي المنطقة معروفة بانها منطقة خطيرة جداً بصير فيها جرائم كتير لانها مهجورة اغلب بيوتها فاضية مافيا حدا، فوجود ارماندو فيها ما ببشر بالخير ابداً
الشرطة بدأ يعملوا عمليات بحث في المنطقة وللأسف في صباح يوم 2 اكتوبر 2021، تم العثور على جثة ميا كانت محفظتها الي فيها هويتها الشخية مرمية جنبها، وميا كانت مربطة بشريط لاصق اسود وكانت شبه عارية كانت لابسة بنطلون جينز بس
طبعاً كل الناس من الطبيعي تسأل مين الي عمل هالعملة، فالانو كل الادلة بالقضية بتقول انو ارماندو هو الفعال فمككن نقول ارماندوا هو الفاعل، بس للأسف انتحر قبل ما تمسكه الشرطة ونتاكد من هالشي
وعلى فكرة ارماندو طلع عنده سوابق قبل قضية ميا، فمثلاً في شهر مارس سنة 2021 حاول يرتبط ببنت وكان يبعتلها رسائل بس كمان كانت ترفضه، ولما رفضته كسرلها شباك بيتها، ومرة تانية كمان عمل تفجير صغيرة مصنوع قارورة ماء في مدرسة ثانوية بنية المزح
فيعني ما كان سليم ابداً، واخر شغلة رح احكيها هي انو للأسف بعد ما تم تشريح الجثة ما انعرف سبب الوفاة او طريقة الوفاة لانو لما شاوفا الجثة كان صايرلها مدة طويلة وكانت متحللة فماعرفوا شلون ماتت
في شهر أبريل سنة 2021 وفي لاس فيغاس الأمريكية شخص من سكان المنطقة اسمه دانيل هالساث، داينل كان عمره 45 سنة كان متزوج من بنت اسمها اليزابيت وعندهم 3 ولاد، دانا جوردن وسييرا، داينل كان شخص ذكي جداً ومجتهد، وكان حاصل على شهادة بكالوريس بالموسيقى وماجستير في ادارة الاعمال.
حصل دانيال على وظيفة في لاس فيغاس وبنفس الوقت زوجته ترشحت لحتى تصير عضو في المجلس التشريعي لولاية نيفادا، نيفادا هي الولاية الي موجودة بداخلها لاس فيغاس، الحياة كانت ماشية معهن بشكل جميل لحد سنة 2011، في هالسنة تم اعتقال دانيال بعد ما اتهمته زوجته بالفاحشة، يعني كان عم يحاول يتقرب منها غصب عنها، وبحكم منصب زوجته الخبر انتشر وعم ضجة اعالمية وكتير ناس سمعة بالخبر.
بعد شهر من الحادثة هي دانيال قرر يطلاق بخحة انو اليزابت عم تخونه، وانتهى الموضوع بسجن دانيل لمدة ست شهور تحت المراقبة بتهمة العنف الأسري، مع اجباره على دخول دروس السيطرة على الغضب.
تطلقوا ودانيل خلص الست شهور هي وطلع كمل حياتو بشكل عادي جداً، ومضي عشر سنين وعلاقته مع زوجته السابقة كانت ودية جداً مارجع صار بينهن مشاكل وضلوا اصدقاء، وحتى انو كان في بينهن حساب بنك مشترك ضلوا عم يستخدموه طبيعي جداً
في سنة 2020 بدأ دانيل يصير نشط على السوشل ميديا وينشر محتوى اغلبه محتوى تصوير االاماكن الجميلة الي بزورها، وبعدين صار ينشر بوستات اله ولبنته سييرا ويكتب عليها انا احبك يا بنتي ومن الكلام هذا، وفي هاد الوقت سييرا كان عمرها 16 سنة
لانه كان يحب ولاده كتير وكان مكرس حياته كلها عشان ولاده، وحتى انو وحدة من عماته قالت انه اولاده قبل كل شيء دائماً دانييل يفكر باولاده اول قبل اي شي تاني
ساعدت حبيبها على قتل والدها!
في شهر 7 من نفس السنة الي هي 2020 اكتشف دانييل انو بنته سيارة عم تواعد شخص اسمه آرون غريرو وكان عمره 18 سنة، العلاقة بين سييرا وآرون كانت غريبة جداً لدرجة انهم قرروا يسرقوا اهلن وياخدن منهن مصاري ويهربوا مع بعض على لوس انجلس
اهل آرون وأهل سييرا من الأصل ماكانو راضين عن العلاقة هي، وبعد ما عرفوا بالافكار هي الي كانو عم يفكروا فيها، منعوهن من أنو يشوفوا بعض مرة تانية، والاهل كانو مفكرين انهن حلوا المشكلة وخلص بس للأسف سييرا وآرون بقيوا على تواصل مع بعض بالسر وكانوا معصبين كتير من اهلن لانو منعوهن يشوفوا بعض
بس الأهل كانوا مقتنعين بالشي الي عملوه لانهن عم يحموا اولادهن من الافكار المتهورة هي ، واستمر دانيال بنشر صور بنته على السوشل وميديا وحتى في يوم 16 ديسمبر نشر دانييل بوست عم يحتفل فيه بعيد ميلاد بنته ويعبر عن حبه لها
وفي تاريخ 3 ابريل كمان دانيل رجع نشر صورة تانية كان موجود فيها هو وبنته سييرا لما كانت صغيرة، وبعد خمس ايام من الصورة هي انقلبت حياتهن 180 درجة!
في هاد اليوم آلون هرب من بيته وراح لحتى يشوف سييرا بالسر، وفي نفس اليوم كمان زوجة دانييل السابقة لاحظت حصرف مصاري غريب من حساب البنك المشترك بينها وبين دانييل، المبلغ كان 1300 دولار، حاولة اليزبت انها تتواصل مع دانييل تسأله عن الصرف هاد بس ما كان يجاوبها
أمه كمان حاولت تتواصل معه متل ما بتعمل كل يوم كانت دائماً على تواصل معه بس فجأة دانييل صار ما يجاوب على اي رسالة وعلى اي مكالمة واختفى من كل مكان من الشغل من السوشل ميديا من كل مكان
فوالدة دانييل صارت تبعت رسائل لبنته سييرا وتسألها وين ابوكي ليش ما عم يرد علينا، فجاوبتها سييرا انو جواله متعطل واول ما يتصلح رح يحكي معكن، والالم صدقت هالكلام لانو هي حفيدتها ومافي اي سبب تاني بالحياة يخليها تفكر غير تفكير فاخدت الموضوع عادي اوك لما يصلح جواله رح يحكي معنا
مضي كم يوم ولحد الان دانييل ما رد على اي حدا، امه رجعت تحكي مع سييرا وتقله وين ابوكي عطيني احكي معه، كانت تقلها اي هو بالحمام لما يطلع رح اخليه يحكي معك وبعدين صارت ما تتجاهل الاتصلات والرسائل وماترد على حدا
لما صارت سييرا تتجاهل الكلام هاد جدتها الي هي ام داننيل صارت تهددها وتقلها اذا ما بتخلي ابوكي يحكي مع رح اخلي الشرطة تدخل بالموضوع (او welfare الرعاية الاجتماعية) بس سييرا ما كانت عم ترد عليهنا
الام توترت كتير وصار عندها احساس انه في شي غلط الموضوع ما معقول ابنها يضل مطنشها كل هالفترة وما يتواصل معها، والمشكلة ان الام ساكنة بمكان تاني بعيد عن بيت دانييل، فاللي عملته انها اتصلت بجيران او اصدقاء يعني اشخاص بتعرفهن ساكنين بنفس المنطقة وحكتلن القصة وقالتلن انو بالي مشغول وطلبت منهن انو يروحو لعند دانييل عالبيت ويتطمنوا عليه ويردولها خبر.
وفي هاد الوقت قبل ما يوصلوا الاشخاص على بيت دانييل امه اتصلت بال911 وقالتلهم هالكلام………. المكالمة
بهالوقت بعد المكالمة وصلوا اصدقاء ام دانييل على البيت واكتشفوا انو سيارته مو موجودة بالكراج والباب مفتوح وفيه ريحة حريق وكان في اشياء محروقة بالبيت دخلوا فتشوا البييت غرفة غرفة ماشافوا شي، بس لما دخلوا على الكراج لجواه شافوا فيه سليبينغ باغ محروقة وبقلبها كان في جثة دانييال المحروقة
مكالمة 911
بعد هالمكالمة وصلت الشرطة على البيت وبدئوا تحقيق، وشافوا انو فيه بالبيت منشار الكتروني، ومنشار يدوي المنشار كان عليه دم، وكمان كان فيه سكينتين مرميين بالمغسلة، وكمان شافوا وصول دفع ووصل سحب مصاري من الصراف
بعد ما اخدو بقايا دانييل للطبيب الشرعي تبين انو دانييل كان مطوعن حوالي 70 طعنة قبل ما نحرق و42 طعنة منهن في ضهره وجسمه كان مشوه قبل ما ينحط بالسليبيغن باغ وينحرق
وطبعا هنن بيعرفوا انو عايش مع بنته سييرا فلما اجو وما شافوها وحتى اهل ’آيرون ما بيعرفوا وين ابنهن بلشوا يشكوا فيهن.
بعد شوية تحقيق وتفتيش في كاميرات المراقبة للمتاجر المجاورة الشرطة شافوا آيرون عم يشتري غاز قدحات ومنشار وقفازات بلاسيتك وكل الاشياء الي شافوها بالبيت كان آيرون عم يشتريها وكان لحاله ماكانت سييرا معه لانو سييرا كانت رايحية تشتري ادوات تنظيف وكانت عم تستخدم كرت ابوها دانييل للدفع
حالياً الولاد مختفيين وما حدا بيعرف عنهن اي شي، والشرطة كانوا مشتبهين فيهن بناء على الادلة الي بين ايديهن لذلك عمموا اسمائهن لحتى في حال اي شرطي شافهن يعرف انو مطلوبين ويمسكنه
وتماماً هاد الشي الي صار بالصدفة في يوم 13 ابريل يعني بعد 5 ايام من وفاة دانييل واختفائهن
في يوم 13 ابريل الشرطة شافوا سييرا وآيرون على قطار رايح على اوتاه، المكان الي صار فيه قضية غابي بوتيتو، سييرا وآيرون كانوا طالعين بالقطار وبالصدفة طلعع معن الشرطة الي بتفتش على التذاكر، لما وصلت الشرطة لعندن وسألهن عن تذاكرهن قالولن ما معنا فكان لازم الشرطة يوقفوهن
وقفهن الشرطة اخدوا اسمائهن وعمل بحث سريع عن اسمائهن بالجهاز الي معه واكتشف انهن مطلوبين في لاس فيغاس فمسكوهن
وقتها كمان الشرطة عثرت على سيارة دانييل الي كانوا سارقينها سييرا وآيرون وكان فيها بطانية عليها بقع ددم
طبعا بعد ما الشرطة مسكوه سييرا وآيرون اخدوا منهن اغراضهن واخدوا جوالتهن وشافوا هاد الفيديو الي ما اعرف كيف اوصفه، بحسب الكلام الي قالوه بالفيديو انهن صوروا هاد الفيديو بعد 3 ايام من قتل دانييل او هنن ما ذكروا اسمه بس قالو اهلا هاد الفيديو بعد 3 ايام من قتل شخصا ما وسييرا صارت تضحك وقالته لا تحكي هالشي عالكاميرا، فأظن كلنا صرنا منعرف مين الشخص الي عم يحكوا عنه
فيديوهات الاخبار
المحكمة وجهتلن تقريباً 9 تهم، تهمة القتل وسرقة السيارة وسرقة كرت البنك والتأمر ضد دانييل وكل شي عملوه كانو في اله تهمة ولما صارت الاخبار تنتشر كتير طلع المحامي المسؤول عن سييرا اظن وقال انو لازم يكون في خصوصية بالموضوع هاد كطلب انو خلص لا عاد تنشره اخبار القضية هي
ونائب المدعي العالم قال انهم احتمال يحكموا على ارون الاعدام كون انه عمره 18 فهو في سن القانوني، اما سييرا لان عمرها 16 يعني تحت السن القانوني مارح يفكروا انهن يعطوها حكم الاعدام وبنفس الوقت ما رح يحاسبوها كحدث رح يحاسبوها كشخص بالغ يعني العقوابت رح تكون قوية
طبعا القصة منتشرة على التلفزيون وكل الناس عم تحكي فيها من ضمنهن طبيبة نفسية قالت ممكن يكون عنجهن مشاكل نفسية بناء على الحركات والتصرفات الي كانوا عم يعملوها بالفيديو، ممكن يكون تعرضوا لصدمة لما كانوا صغار سببتلهن مرض نفسي خلاهن يعملوا هالتصرف
واخر شي انحكى في القضية كان من طرف اهل دان قالوا انو نحن مارح ننسى او نسامح الشي الي صار و رح نبذل جهدنا ان المجرم ياخد اقصى عقوبة ممكنة، ونحن منحب دانيل كتير وهاد اخر شي رح نحكيه بخصوص هالموضوع
وهاد كل الي منعرفه حالياً عن القصة، وما منعرف ايش الحكم الي اخدوه او اذا نحكمو بالاصل ورح نخبركن بالتفاصيل اول باول
