قضية اختفاء غابي بيتيتو وخطيبها براين ( اشهر قضية لعام 2021)

قضية غابي بيتيتو كاملة!

غابي بيتيتو، اتوقع انك تكون سمعت هالاسم كتير بالفترة الاخيرة لانو بختصار قضية غابي بيتيتو صارت وحدة من أكثر القضايا الي انتشرت وحصلت على اهتمام عالمي، البنت بالاصل امريكي والقضية صارت في امريكا بس لسبب من الاسباب كل العالم عم تحكي عنها.

واتوقع انك انت كمان تكون شفت فيديوهات كتير او سمعت القصة من اكتر من مكان بس حابب اقلك انو في معلومات بالفيديو ماشفت ولا شخص منزل عنها باليوتيوب يعني حتى لو انت بتعرف القصة رح تسمع تفاصيل جديدة ما سمعتها من قبل في هاد الفيديو

ليش الكل العالم تكلم عن غابي بيتيتو؟

غابي بيتيتو البنت الي عمرها 22 سنة كانت مخطوبة لشخص اسمه براين لندري الي عمره 23 سنة، غابي وبراين (كانوا) سعيدين كتير مع بعض وكانو يحبو بعض كتير، وبحسب كلام براين الي قالوه عالانستغرام للمتابعين باليوم الي اعلنو خطبتهم انو الشي الوحيد الي ممكن يفرق بينه وبين غابي هو الموت،(واتوقع انو نجح بتحقيق هالشي).

غابي بيتيتو كانت كتير حابة انها تبني قناة يوتيوب خاصة بالفلوجات و محتوى الفلوجات هي رح يكون محتوى اوت دور او فيديوهات تخييم ومغامرات بشكل عام، لانو هاد الشيء كان مشترك بين غابي بيتيتو وخطيبها براين، حب المغامرات هو الشيء المشترك بس لانو براين ما كان مقتنع انو غابي ممكن تحقق طموحها وفعلا تبني جمهور وقناة مختصة بالمغامرات

بعد ما اعلنوا خطوبتهم قرروا يعملوا شي مميز يحتفلوا فيه بمناسبة هالمناسبة السعيدة، والشي الي هو انهم يعملوا خطة لحتى يروحو يخيموا بكل مكان ممكن يخيمو فيه في امريكا، والخطة هي رح تاخد منهم وقت طويل كتير، لذلك جابوا سيارة فان ماركة فورد والي هي سيارة غابي، وجهزوا السييارة بكل شيء ممكن يفيدهم في رحلات التخييم، وحتى انهم عملوا سرير صغير داخل السيارة وهاد الموضوع صار في تاريخ 4 يوليو 2021

ومن بعد هاد التاريخ غابي بيتيتو وخطيبها براين لاندري انطلقوا في رحلتهم، وصارت غابي بيتيتو تنشر صور من رحلتهم على الانستغرام وفي كل مرة مرة كانت تنشر صورة كانت تكتب موقع الصورة

أمورهم كانت ماشية تمام وكل شيء كويس لحد تاريخ 12 اغسطس 2021، طبعاً نحن عم نفترض انو امورهم كانت تمام بناء على الصور والمحتوى الي كانوا عم ينشروه كلها كانت صور سعيدة والضحكة موجودة، بس الله اعلم ايش كان صاير بينهم.

المهم في تاريخ 12 اغسطس 2021 شخص كان ماشي بالشارع وبالصدفة شاف سيارة غابي بيتيتو وبراين لاندري واقفة على طرف الطريق، وبحسب كلام الشخص الي شافهم براين ضربها كف لغابي، لانو هو اتصل بالطوارئ وبلغ عن الحالة هي واعطاهم عنوان السيارة.

بعد البلاغ الشرطة وصلت بسرعة على الشارع الي عطاهن اسمه المتصل وفعلاً شافوا السيارة وشافوا غابي وبراين وفعلاً كان في مشكلة بينهم.

اول ما وصل الشرطي وقفهم وطلب من غابي تحكيله القصة او المشكلة الي صارت معهم وبعد ما الشرطي خلص حكي مع غابي بيتيتو راح لعند براين وطلب منه انو يحكي الحادثة من طرفه.

غابي قالت للشرطي عن مشروع القناة الي كانوا المفروض يعملوه وحكلته انو هي عم تعاني من وسواس قهري شديد، وقلق ومشاكل نفسية كتير وصارت تبكي، الموقف هاد مصور ومسجل تسجيل كامل من خلال الكاميرا الي كان مركبها الشرطي على صدره والموضوع استمر مدة ساعة وعشرين دقيقة تقريباً وانتهى بانه الشرطي يحجز غرفة بفندق لبراين ويرجعو السيارة لغابي لحتى يعزلوهن عن بعض ومايرجع يصير بينهم مشاكل وقالولهن انو ممنوع تشوفوا بعض اليوم بكرا بترجعوا لبعض هلا خلي كل واحد يقعد لحاله وارتاحو وبس

الحادثة هي استمرت تقريباً ساعة وعشرين دقيقة رح احطلكن رابط لحتى تشوفها مسجلة كاملة بس ما تشوفها هلا شوفها بالاخير لما تسموعو القصة كلها.

ومن بعد الانفصال هاد بلشت القصة تصير مريبة وغريبة كتير، لانو في يوم 19 اغسطس غابي بيتيتو نشرت اول صورة لها على الانستغرام بدون عنوان، وهاد الشي يدل على شيء واحد انو غابي او الشخص الي نشر الصورة، مابده الناس تعرف وين موجودة غابي ليش ، لانه ممكن يكون عم يخبي شي معين مثلاً.؟؟؟ ما منعرف

وبعد الصورة هي بيوم واحد نزل اول فيديو لهم على اليوتيوب الي هو عبارة عن لقطات تجميع من رحلتهم والاماكن الي راحولها لحد الان.

الفيديو حالياً عليه أكثر من خمسة مليون مشاهدة، بس كل المشاهدات اجت بعد ما طلعت قضية غابي للعامة للاسف وقبل هيك ما كان في مشاهدات الا اعداد قليلة جداً

وبعد اربع ايام من الفيديو يعيني في يوم 24 اغسطس صارت غابي تتصرف تصرفات غريبة ، متل انو صارت ترفض تحكي مع امها مكالمة فيديو ، او حتى مكالمة صوتية كانت تكتفي بس بالرد بالرسائل النصية.. وهاد الشي غريب جداً لانو ماله سبب ليش لحتى ترفض تحكي مع امها الا اذا كان في شيء خطير او شيء خارج عن سيطرتها.

مو بس هاد الشي الغريب الوحيد الي صار، كمان غابي رجع نشرت صورة لها على الانستغرام بدون لوكيشن الصورة هي كصورة طبيعية مافيها شي غير انو لون شعر غابي كان مخلتف عن لون شعرها الحالي، يعني الصورة هي صورة قديمة!!!! وهي الصورة كانت اخر صورة بتنتشر لغابي

وفي يوم 1 سبتمبر براين رجع على بيته السيارة الي كانوا عم يستخدموها والي هي بالاصل سيارة غابي، وكمان في شغلة انو كان في تغيير في قائمة الاغاني الي بتسمعها غابي على موقع سبوتيفاي بس المشكلة انو رجع لحاله بدون غابي ولما سألو عنها ما كان يجاوبهم، ومن وقتها انقطعت كل اخبار غابي

شاهد ايضاً : ماكيلا بالي، فتاة 16 سنة تختفي في ظروف غامضة
لاتنسى تتابعني على اليوتيوب قناة سكطعش

متل ما قلتلكن موضوع غابي عمل ضجة كبيرة كتير لدرجة انو في بعض الاشخاص راحو ولقدام بيت راين خطيب غابي وصاروا يهتفوا وينها غابي، وبعد تقريباً 11 يوم من رجوع براين على البيت بدون غابي اهلها عملوا بلاغ انو بنتهم مختفية، مابعرف ليش تاخروا 11 يوم، المفروض كان يعملوا هالشي من زمان يعني البنت مختفية ومافي ولا طريقة تواصل معها والشخص الوحيد الي ممكن يعرف عنها معلومات والي كان معها بالوقت الي اختفت اصلاً ما عم يحكي شي ليش لحتى تنتظروا 11 يوم.

الأغرب من هيك انو لما صارت الشرطة تسال براين اسئلة اكتر عن غابي، وكل محامي، هو بالاصل ما كان عم يحكي ولا كلمة، ولما حس انو صار عليه ضغط وكذا وكل محامي وصار اي سؤال المفروض ينسأل براين عنه يروح للمحامي .

هي الحركات والاحداث بتخليك تقول اوك براين انت عندك معلومات ومخبيها ليش توكل محامي ليش ما عم تحكي وين غابي ليش رجعت بسيارتها لحالك، ما منعرف أو لحد الان بس ما منعرف

لانو في يوم 27 اغسطس في قناة فلوغات عائلية على اليوتيوب نشروا فيديو وهنن ماشيين بسيارتهم بطريق شبه غابة او هيك طريق مافي ناس وفي محلات في اشجار عالاطراف بس ، وبالصدفة العائلة هي شافو سيارة غابي مصفوفة على طرف الطريق بين الشجر وبحسب كلام العائلة انو كان فيها شخص واحد بس

بعد ما العيلة هي سمعووا بالقصة وشافوا الفان وقدموا للشرطة الفيديو الي عملوه الشرطة راحت على المكان الي اعطاهم عنوانه ومع الاسف شافوا جثة غابي موجودة في مكان قريب جداً على المكان الي كان فيه الفان يعني في نفس المنطقة، وهيك مع الاسف عرفنا انو غابي ماتت، ,والاف بي اي اكدت انو سبب الوفاة هو القتل، يعني غابي تم قتلها ورميها في المكان الي شافوها فيه

وفي تاريخ 17 سبتمبر اهل براين قدموا بلاغ للشرطة انو ابنهم براين مختفي وما بيعرفوا عنه شي ولا بيعرفوا وين راح! الصراحة وقت غريب جداً انو يختفي فيه براين!!!

عائلة غابي مو مقتنعين انو براين مختفي بل عم قولو انو براين عم يحاول يهرب لمكان ما حدا يوصله، وعمل هي التمثيليه مع اهله لحتى ما حدا يشك

مع انو لسا ما عنا قرار نهائي بالموضوع بس حاسس انو كل الاحداث بتقول انو براين هو الفاعل.

هلا خلينا نجي عالمعلومات والتطورات الجديدة، في يوم 21 سبتمبر يعني بعد ما كل الحادثة خلصت كل الاحداث وعرفنا انو غابي ماتت، نزل منشور او فيديو على حساب براين على الفيسبوك هاد الحساب هو حساب الفيسبوك الشخصي لبراين وعرفنا هاد الشي لانو الحساب مربوط بحسابه على الانستغرام والطريقة الوحيدة لربط الحسابات ببعضا هي انو يكون عندك وصول عالحسابين اول شي نشر فيديو وهو عم يمشي بالغابة باليل وبعدها بفترة نشر بوست كتب فيه واخيرا رح اطلع من هالمكان وكل شيء رح ينشرح في يوم من الايام انا محتاج شوية وقت بس ولأهلي انا احبكم

وفي يوم 24 سبتمبر في ناس شافو براين مرتين مرة في ولاية مكسيكو ومرة في ولاية فلوريدا وصوره ونشروا الصور.

مو بس هيك براين صار ينشر او يعمل يحط صور بحسابه على بينتريست، اغلب الصور هي في رسائل من الواضح انو الهاعلاقة بقضية غابي، مثل هي الصورة الي كان كاتب فيها لا تحاول ان تجدني انا اخيراً قدرت اهرب

صورة تانية كان فيه وسادة مكتوب عليها انا اسف على الكلام الي قلتلك ياه لما كنا عم نحاول نخييم

والصورة الي خلتني احس انو WTF هي صورة مرسومة ، لشخصية متل شبح وفي جنبه قبر او حجر قبر مكتوب عليه My Baby let her go let her go she will never find man like me

مع الاسف ما منعرف بالتحديد في أي يوم انتشروا الصور، بس الي منعرفوا انو اخر مرة كان الحساب مستخدم قبل 5 اسابيع من تاريخ الكتابة هي، يعني تقريباً في نفس الاسبوع الي ماتت فيه غابي

القضية لحد الان شغالة والناس عم تحقق فيها ، في حال صار اي تطورات جديدة رح خبركن فيها