هل مصاصي الدماء حقيقة ؟ (نعم!)

مصاصين دماء في لندن!

أغلبنا سمع قصص عن مصاصين دماء ومو بس قصص حتى افلام ومسلسلات وكتب، كل هالاشياء كانت تذكر مصاصين دماء وتوصف مصاصين دماء بأن اشكالهم تشبه البشر بشكل كبير، بس في تغييرات بسيطة في ملاامح وجههم، والطريقة الي بيتغذى فيها مصاصين الدماء، هي شرب دم البشر.

ما هو اصل مصاصين دماء؟

متل ما قلت بالبداية ان تم ذكر اسطورة مصاصين دماء في اماكن كثيرة ودول ومناطق مختلفة، وفي كل منطقة يختلف تعريف مصاصين دماء، على سبيل المثال في الصين، الطريقة الي يتحول فيها شخص الى مصاص دماء، هي انه لازم يجي كلب أو قطة على جثة شخص ميت ويعضه، ونتيجة العضة الشخص الميت بيصحى وبصير مصاص دماء، اما في روسيا مصاصين الدماء هم عبارة عن سحرة متمردين تحولو الى مصاصين دماء من سحرهم.

هل فعلاً مصاصين دماء حقيقة؟ هل يوجد مصاصين دماء معنا؟

الآن رح نحكي قصة مقبرة هايغيت، قصة المقبرة هي هي أكتر حدث أثر في قصص مصاصين دماء في العالم، والسبب الرعب والاشياء الغريبة الي كانت تصير في مقبرة هايغيت.

ما هي مقبرة هايغيت: هايغيت هي مقبرة موجودة في مدينة لندن تم انشائها 1839، انشئوها بسبب ان المقابر الي كان موجودة في المنطقة غير كافية لدفن الناس بسبب اعداد الوفيات الكبير، وحتى هايغيت نفسها كانت غير كافية لدفن كل الناس، كان فيها 53 الف قبر مدفون فيه أكثر من 170 ألف شخص، يعني بمعدل أكثر من 3 اشخاص في القبر الواحد، وهي بس الارقام الرسمية المسجلة رسمياً في بعض الناس تعقتد ان عدد الاشخاص المدفون فيها أكثر من 170 الف بكثير، وفي مكان مخيف مثل مقبرة هايغيت مكان فيه عدد هائل من الاموات مارح يكون جوه طبيعي مثل اي مكان تاني.

ظهور مصاصين دماء في مقبرة هايغيت

اول حادثة ظهور مصاصين دماء في مقبرة هايغيت كانت سنة 1969،وفي السنة صار حادثتين، الحادثة الاولى صار مع سيدة عجوز والسيدة هي حكت القصة الي صارت معها لشخص اسمه david farrant، في ليلة من الليالي السيدة العجوز كانت عم تمشي كلبها داخل المقبرة، واكيد رح تسأل حالك ليش تمشي بالمقبرة في حدا طبيعي بيمشي بالمقبرة؟؟ معك حق انا لو مكانها ما بمشي بالمقبرة، ولكن المقبرة هي كانت كبيرة وفي شجر وفيها طريق مخصص للمشاة يعني المشي فيها عادي

ولما كانت السيدة عم تمشي حست ب رياح باردة جداً وقوية جاي من وراها، ولما التفت لوراها شافت جسم غريب وطوييل كتير عم يمشي بين القبور، ولما شافها صار يرتفع عن الارض وكانه صار يطير، وطبعاً العجوز صارت تركض وهربت لما شافته.

والحادثة التانية صارت مع شخص فضولي، صار عنده فضول بعد ما سمع قصدة السيدة هي وراح لحتى يتاكد من الموضوع ويكشف اذا السيدة هي كانت كذابة او لا، بس المشكلة الوحيدة انو هاد الشخص ما بيعرف المنطقة ولا بيعرف تفاصيل المقبرة، لذلك لما مشي فيها ضاع، وما عرف يطلع منها، وفجأة بعد شوية سمع صوت جرس، فصار يمش ورا صوت الجرس على اساس انه جرس جاي من شي كنيسة او شي مكان فيه ناس، بعد فترة قصيرة من المشي صار يحس انو الجو صار بارد فجأة يعني متل ما صار مع السيدة العجوز،وصارت معه شغلة يسموها عين الشيطان، عين الشيطان هي حادثة تصير لك لما تكون ما شي وتحس انو في حدا عم يراقبك، ولما التفت لحتى يشوف اذا في حدا عم يراقبه فعلاً شاف جسم غريب وطوييل جداً كان عم يرتفع عن الارض ويختفي.

بعد القصص هي المختص الي ذكرته قبل شوي الي اسمه DAVID، قرر انه يروح على المقبرة هو ويتاكد من الموضوع بنفسه لانو الكلام الي عم يحكوه الصراحة صعب واحد يصدقه او يقتنع انه حقيقة، نظرية دافيد كانت انو هالاشخاص كانو متوترين او خايفين من المكان بحكم انه فيه آلاف الجثث فكانو يتخيليو هي الاشياء، لذلك راح لحتى يتاكد بنفسه.

ومع الاسف دافيد كان مخطأ، والي شي الي صار معه بالمقبرة هو نفس الشي الي صار مع الشخصين تماماً، صار يحس ببرودة فجأة الجو بيتحول الى جو بارد جداً ولما بيلتفت لوراه بيشوف جسم طوييل جداً ورجليه ما لمست الارض ابدا يعني كان طاير بالهوا، ولسوء حظ دافيد هالمرة الجسم هاد ما اختفى لما شافه بل ضل موجود مكانه وحاول انه يقترب من دافيد، بحسب كلام ديفد انه قرأ بعض الايات والادعية الي حافظها لحتى اختفى الجسم فجأة، ومن بعد هي الحادثة الموضوع كبر وصارت الصحف تنشر عنه.

شاهد ايضاً: حقيقة حذاء الشيطان والمغني ليل ناز اكس!

الخبر الي نشره دافيد بالجريدة كان عم يطلب فيه من الناس اذا في حدا صار معه شي موقف في المقبرة يرسله لحتى يتاكد من صحة الموضوع، والصدمة ان عدد الاشخاص الي عاشو نفس القصة بالمقبرة كان كبير جداً، وكل الاشخاص كانو يوصفوا نفس الشكل، جسم كبير وطويل كان يطفو عن الارض ويتمشى بين القبور، وبعد الضجة الي صارت بالمدينة في شخص اسمه سين مانشتر شغلته بالحياة البحث ومالطاردة عن مصاصين الدماء، فقرر أنه يتدخل بالموضوع يمكن يكتشف مصاص دماء موجود بالمنطقة

وفي سنة 1970 وبعد بحوث ومقابلات عملها شون، صرح للصحافة ان الجسم الغريب الي شافه اغلب الناس هو مصاص دماء، و وان المقبرة هي عبارة عن مملكة كاملة لمصاصين الدماء وسبب وجود مصاص دماء في هي المقبرة هو انو في مجموعة من عبدة الشيطان دخلوا كانوا عم يعملوا طقوسهم داخل المقبرة، وهي الطقوس سببت بأن شخص من الاشخاص المييتين ينهض ويصير مصاص دماء، ودعم شون اقواله بقصص صارت مع 2 بنات، الأولى قالت انها كانت في يوم من الايام عم تمشي بالمقبرة وشافت المخلوق الي اغلب الناس شافوه ولما هربت ورجعت عالبيت شافت كابوس بالجسم الي الكان عم يلحقا، ولما صحيت من النوم كان في علامة اسنان على رقبتها مثل اسنان مصاص الدماء

البنت اتانية قالت انها كانت في بيتها وفجأة صارت تحس ان في شخص عم يضغط على ايدها وفكرت ان هاد الشي حلم ولكن لما صحيت اكتشفت ان هذا الشي مو حلم وكاف في جروح على ايدها وكانت تنزف دم، وبعد ما حقق معها وسألها اسئلة تبين ان البنت كانت ماشية بالمقبرة قبل مايصير معها هاد الشي، لذلك شون كان متأكد أن المقبرة فيها مصاص دماء مختبئ ولكن وين تحديداً؟

طبعاً شيء مثل هاد صعب الناس تصدقه وكانت في كتير ناس تحاول تكذب الموضوع لانه فيه خيال كتير وصعب تصديقه، ولكن في نفس الوقت كان في اشياء كتير غريبة عم تصير بالمقبرة خلت الناس تقتنع بكلام شون، مثل انو كانو يلاقو شموع مرمية بالارض دائماً وكانوا يلاقوا قبور مفتوحة، وحتى انهم لاقى 7 ثعالب ميتة بالمقبرة، والطريقة الي ماتت فيها الثعالب هي نقص الدم يعني كان في بحسمهم جرح ضل ينزف حتى صفي دمهم وماتو، فهل ياترى فعلاً في مصاصين دماء حقيقين ؟

هل مصاصي الدماء حقيقة؟

الجواب على هذا السؤال كان في عليه خلاف، الشخصين الي اسمهم ديفيد وشون صار في بينهم خلاف لان ديفيد يقول ان الجسم الغريب الي عم يشوفوه الناس هو شيطان وطلع نتيجة طقوس شيطانية صارت بالمقبرة، وشون كان عم يقول ان هاد الشيء هو مصاص دماء، وكل شخص كان يحاول يثبت وجهة نظره بطريقته، بعد فترة من النازع الشرطة اعتقلت ديفيد لانه كان يقتحم المقبررة بالليل وهو معه شموع واغراض تانية كان يستخدمها لحتى يعمل طقوس معيبنة لحتى يثبت انو هاد الشي هو شيطان ورح يطلع لما يعمل طقوس معينة، ولكن محاولته فشلت كلها ، اما شون فاستمر بالبحث عن القبر الي المفروض يكون فيه مصاص الدماء الي عم يبحثوا عنه وفعلاً عثر على القبر المطلوب، بعد ما عثروا عليه قررو انهم يقتحمهوا ويشوفو مين فيه، لما دخلوا عليه شافو شخص ملفوف بكفن اسود ومنظره مخيف جداً فققروا انهم يطالعوا الجثة ويعملوا اشياء معينة جنب القبر لحتى ما يرجع يطلع وبهي الطريقة قضوا على مصاص الدماء وانحلت المشكلة، انحلت لفترة قصيرة فقط لانه بعد فترة رجعت الناس تشوف نفس المخلوق بالمقبرة وخارج المقبرة،لما رجعوا يبحثوا عن المصدر شافو نفس الشخص الي كان ملفوف بكفن اسود اول مرة ولكن هي المرة كانت ملامحه مخيفة اكتر فاخدوه وحرقوا جثته لحتى يتخلصوا من مصاص الدماء هذا!

تابعني على اليوتيوب من الرابط هنا