سلندرمان : قصة سلندرمان الحقيقة التي ارعبت الاطفال!

قصة سلندرمان الحقيقة

سلندرمان الأسطورة الي استمرت بتخويف الناس من سنة 2009 الى اليوم، مع انو اسطورة سلندر مان هي مجرد اسطورة ولكن في بعض الناس بتعتقد انه حقيقي، فاهل ياترى سلندرمان حقيقي؟

بداية شخصية سلندرمان

لحتى نفهم قصة سلندرمان بشكل صحيح لازم أول شيء نعرف مين سلندرمان وكيف نشأ سلندرمان، في سنة 2009 في شخص اسمه ايريك ( ERIK) اشترك في مسابقة انعملت على موقع اسمه Somethıng Awful، فكرة المسابقة هي أن المتسابقين يقدموا صور غريبة ومخيفة جداً، سواء كانت شخصيات وهمية أو فيديوهات أو أي شيء مرعب، والموقع رح ياخد صور المتسابقين وينشرها على الموقع، والصورة الي بصوت لها الجمهور أكثر هي الصورة الفائزة بالمسابقة.

والصور الي قدمها ايريك كانت عبارة عن صور لاطفال مصورة بالابيض والاسود وفي خلف الاطفال في شخصية غريبة جداً مافي ملامح على وجهها، هي الشخصية كانت شخصية سلندرمان، خلونا نشوف صور سلندرمان مع بعض.

شاهد ايضاً:مصاصين دماء ارعبوا لندن لأكثر من 150 سنة!

ايريك الي هو صاحب صور سلندرمان أو مصمم صور سلندرمان لما نشر الصور على الموقع لحتى يشارك بالمسابقة، ما نشرها باسمه الحقيقي، نشرها باسم Victor، كان خايف ان الصور تفشل وما حب ينشر اسمه الحقيقي بين الناس لذلك ما كتب اسمه الحقيقي، ومن هي اللحظة بدءت اسطورة سلندرمان، بعد ما انتشرت الصور كثير ناس صوتت لها ونجحت صور سلندرمان بالمسابقة، وفي كتير ناس بقولو انو شخصية سلندرمان كان الها غير اسم، كان اسمها سيمو ولكن مع الوقت تطورت الشخصية ورجع صار اسمها سلندرمان.

ومن بعد ما انشهرت صور سلندرمان وانتشرت بين الناس وكتير ناس حبب الشخصية، صارت شركات انتاج افلام الرعب تستخدم شخصية سلندرمان في افلامها وحتى مو بس الافلام المسلسلات والقصص وكل مجال الرعب صار يستوحي قصصه من شخصية سلندرمان.

ايريك وسلندرمان

ايريك استوحى شخصية سلندرمان من شخصين واحد اسمه Hp Lovecraft والشخص الثاني اسمه ستيفين كينك، والجزء الاكبر كان من ستيفين كينك، ستيفن كان كاتب كتاب اسمه The Mist ايريك قرأ الكتاب واخد منه كتير تفاصيل لحتى يحطها في شخصية سلندرمان.

الغريب بالموضوع انه كل قصص سلندرمان المنتشرة ايريك (مؤسس شخصية سلندرمان) مابيعرف عنها اي شيء ولا كتب منها شيء، كل القصص المنتشرة هي قصص مؤلفة من محبين شخصية سلندرمان فقط لا غير ومافي ولا قصة حقيقة او قصة كاملة عن سلندرمان

هل سلندرمان حقيقي؟

في بعض المعتقدات البوزي بتقول أنك اذا ضليت تفكر في شغلة معينة وصرت تقول انها حقيقية رح تصير حقيقية فعلاً ولكن بالنسبة الك بس، يعني ما حدا رح يشوف الشيء الي انت عم تشوفه، وقالو ان هي النظرية تنطبق على سلندرمان اذا انت كنت عم تفكر انو سلندر مان حقيقي رح يصير حقيقي فعلاً ولكن في عالمك انت فقط.