حل لغز ناتاشا راين بعد 5 سنين!

قضية اختفاء ناتاشا راين

ناتاشا راين، صاحبة الاسم هاد هي بنت نولدت في سنة 1984 في استراليا، وفي سنة 1998 يعني لما كان عمرها 14 سنة بس، اختفت بطريقة غريبة جداً لدرجة انو اهلها والشرطة والمحكمة كانوا مقتنعين انو ناتاشا راين ماتت بس الحقيقة بعيدة تماماً عن هالشي، ولما توصل لنهاية القصة وتعرف شلون نحلت رح تنصدم، لذلك استعد لحتى تنصدم

هلا خلينا نبداً من السنة الي اختفت فيها ناتاش راين والي هي 1998 في هي الفترة ماكانت حياتها منيحة ابداً، لانها انفصلت من المدرسة أكتر من مرة، وجربت أكتر من مرة انها تتعاطى مخدرات وكمان كانت مواعدة شخص، اسمه سكوت بلاك.

الشخص هاد جداً مهم بالقصة فخليك متزكره، سكوت كان عمره وقتها 21 او 22 سنة كان اكبر من ناتاشا راين بكتير ومو بس هيك قبل ما يواعد ناتاشا راين كان مواعد اختها لنتاشا، فالوضع جداً غريب، وجود ناتاشا راين مع سكوت مو تمام ابداً.

وبالشهر الي اختفت فيه ناتاشا راين اختفت مرتين قبل ما تختفي اخر مرة وما ترجع فيها، وفي كل مرة يكون البوي فرند الي هو سكوت بلاك هو الشخص الي عم يساعدها، فكانوا اهلها يوصلولها بسرعة، ما عادا اخر مرة اختفت فيها والي صارت في يوم 31 اغسطس سنة 1998.

في هاد اليوم اهلها وصلوها على مدرستها الصبح ولما رجعوا بعد انتهاء الدوام ياخدوها ما لقوها ناتاشا راين راين اختفت بدون ما تترك وراها أي أثر، امها بلغت الشرطة بشكل سريع انو بنتها مختفية، المختلف في اختفائها هي المرة انو مصاحب لعدة جرائم كانت عم تصير في نفس المنطفة وفي نفس المدة الزمنية، فالناس كان عندها شكوك او كانوا خايفين من انو تكون ناتاشا راين ضحية لجريمة من الجرائم الي كانوا عم يصيروا خلال الفترة هي والي هنن بالاصل لمجرم واحد او قاتل متسلسل رح نحكي عنه هلا.

عمليات البحث عن ناتاشا كانت مكثفة كتير وكانت مكلفة، مئات الاشخاص كانوا عم يبحثوا عنها وتقريباً تكلفة عمليات البحث هي كانت حوالي 400 الف دولار، وبالرغم من كل هالصرف وكل الاشخاص الي كانوا عم يبحثوا عنها، مع الاسف ماقدروا يلاقوا اي اثر لناتاشا راين

في هي اللحظة بلشت تصير عندهن قناعة انو بنتهم ناتاشا راين راحت ضحية للقاتل المتسلسل الي كان منتشر بالفترة هي ومن وقتها اهلها تابعوا حياتهم على اساس انو خلص بنتهم انقتلت، ومابقي عندهم غير انو الشرطة توصل للمجرم وتعاقبه لحتى نوعاً ما ياخدوا حقها.

وفعلاً بعد فترة الشرطة مسكت المجرم الي مشتبه فيه انو يكون قاتل ناتاشا راين اسمه ليونارد فرازير، بس الشرطة ما مسكته بتهمة ناتاشا لانو ما عندهم دليل على هاد الشي لحد الان، بس مسكتوه بتهمة تانية والي هي انو كان يخطف بنات صغار يعتدي عليهن جنسياً ويقتلهن وحدة من ضحاياه كانت طفلة عمرها 9 سنين، ولما راحوا لعنده عالبيت اكتشفوا انه كان يحتفظ باشياء الها علاقة بالضحايا مثلا خصلة شعر او لبس واشياء كتيرة تانية ما قدروا انهم يتعرفوا على اصحابها يعني في بنات قتلها ما قدروا يحددوا شخصها او سمها

كان اعتمادهم الاساسي بتحديد الاشخاص الي قتلهن هو اعترافهم، كان يقلهن انا قتلت كذا وكذا، ومن ضمن الاسماء الي عدها اسم ناتاشا راين

فالمفروض هلا انو خلص ليونارد هو المجرم لانو الاهل بالاصل كانو عارفين بالجرايم الي عم تصير بالفترة الي اختفت فيها، واجا المجرم شخصياُ اعترف انو اقتلها المفروض انو يكون الموضوع انتهى هون…. بس لا الموضوع ما انتهى.

لانو في يوم 10 ابريل سنة 2003 يعني بعد 5 سنين من اختفاء البنت، وفي نفس اليوم الي كانت المحكمة عم تحاكم ليونارد بتهمة قتل نتاشا والبنات الباقيين بتوصل رسالة للشرطة من شخص مجهول الرسالة بتقول ناتاشا عايشة ومافيها شي وهي موجودة في هاد العنوان، واعطاهن عنوان بيت بامكانكن تحكو معها وتتواصلوا معها.

شاهد ايضاً: قضية تم حلها بطريقة مستحيل تتخيلها!

لاتنسى تتابعني على اليوتيوب اسم القناة سكطعش

طبعاً الشرطة راحت على العنوان الي وصلها بشكل سريع لحتى يتأكدو من صحة الكلام وأول ما وصلوا فعلاً شافوا ناتاشا متخبية بالخزانة الي موجودة بالبيت وهي حية ترزق.

والبيت الي كانت فيه هو بيت سكوت بلاك الي هو حبيبها الي حققت معه الشرطة أكتر من مرة خلال السنوات الي كانت مختفية فيها وكان ينكر انو بيعرف عنها شي، طلعت بالاخير متخبية عنده بالبيت طول هالفترة، ناتاشا ما كانت مخطوفة او مغصوبة على شيء ،هاد الشي كان بالاتفاق بينهم يعني ناتاشا كانت باقية متخبية عنده بارادتها

اول ما شافوها الشرطة ما قالوا للاهل انو لقينا بنتكنا تركوها لليوم التاني الي هو 11 ابريل في اليوم الي كانوا عم يصدروا فيه الحكم الي كان المفروض يكون في يوم 10 ابريل بس اجلوه لما وصلتهن هي المعلومة انو ناتاشا عايشة.

المهم في يوم 11 ابريل داخل المحكمة قام القاضي وقال ليونارد ما قتل ناتاشا راين لانو ناتاشا راين عايشة ولقينها، وهي اللحظة كانت اصعب لحظة على والدها الي صارلوا 5 سنين مفكر انو بنته ميتة طلعت مو ميتة ولقوها مرة تانية ف انهار الاب وصار يبكي، لانو بكل بساطة بالنسبة اله البنت رجعت من الموت، كل الناس بما فيهن المحكمة كانو مقتنعين انو البنت ميتة ومو بس هيك كمان في عندهن مجرم اعترف انو هو قتلها، فالموضوع كان صدمة للكل

هلأ ليونارد المجرم رح يتحاكم عالحالتين لانو مرتكب جرايم تانية غير جريمة ناتاشا راين الي اعترف فيها بدون ما يكون عاملها وهاد شيء جداً غريب، الاغرب انو ناتاشا اجت عالمحكمة وققالت انو هي بحياتها ما شافت ليونارد ولا طلعت معه ولا بتعرف شكله اصلاً، وكمان كان في بنت قالت انها بتعرف ناتاشا كانت جاي كشاهد انو هي شافت ناتاشا مع ليونرد باليوم الي ختفت فيه بس كمان طلعت ناتاشا ما بتعرف البنت ولا شايفتها بحياتها

وقالت انو هي كانت ساكنة ببيت حبيبتها سكوت بلاك الي كان يشتغل بائع حليب، في منطقة روكهامبتن الي سكنوا فيها فترة قليلة وبعدين راحو على منطقة اسمها ياببون، وناتاشا كانت تدخل عالخزانة بس لما يجو اهل سكوت عالبيت او يجيه ضيوف او يجي اي شخص غريب او قريب كانت تدخل تتخبى بالخزانة ولما يروحوا تطلع تكمل حياتها عادي بالبيت

تاكل تشرب وتعمل كل شي بشكل طبيعي بس بدون ما تطلع برا البيت ابدا خلال الفترة هي كلها ناتاشا طلعت مرات قليلة من البيت واغلبها كانت باليل لحتى ما حدا يشوفها ويتعرف عليها ومرة وحدة بالنهار كانت مع سكوت وكانت قاعدة بمخزن السيارة الي ببيع فيها حليب راحو باتجاه البحر لحتى تشوفه طبعا بدون ما تطلع برا السيارة سكوت بسوق وهي بتكون بالمخزن بتشوف المناظر من قلب السيارة وبعدين بيرجعوا عالبيت

لما سألوها ليش كنتي راضية تعيشي كل هالفترة بالظروف هي ما كانت تعطيهن السبب الي خلاها تهرب، بس قالت انو هي هربت وكذبت هالكذبة او عملت الشي الي عملته هاد وماكانت متوقعة انو الموضوع يكبر كل هالشي وكل ما يمضي الوقت اكتر كانت تحس انها عم تتورط اكتر واكتر بالعملة الي عملتها، خصوصاً انو في شخص عم يتحاكم بتهمة قتلها وهي مو مقتولة بالاصل، يبدو انو صحي ضميرها وقررت انو تطلع وتعترف بكل شي

طبعاً هون سكوت بلاك الي هو حبيبها الي كانت متخبية عنده صار في ورطة وصار لازم يتحاكم والسبب انو لما حققوا معه قال انو مابيعرف عنها اي شيء ولا شافها، وتسبب بانو الشخص هاد يتحاكم على جريمة هو ما عملها، طبعاً ليونارد مجرم ولازم يتحاكم اكيد بسبب الجرائم الي عاملها، بس انو من باب العدل هي الجريمة هو ما عملها فمالازم تنحسب عليه، وسكوت بشهادته الي قال فيها انو ماشاف ناتاشا ولا بيعرف عنها شي ساهمت بانه التهمة تلزق بليونارد

المحكمة كانوا محتارين كتير بالعقوبة الي رح يعطوها لسكوت لانو يمكن هي اول مرة بحياتهن بتعدي عليهن هيك قضية،حكموا عليه بالسجن لمدة 3 سنين بالبداية وبعدين تم تخفيضها لسنة وحدة، واعتقد من الاسباب الي خلتهن يخففوا الحكم عنه انو ناتاشا كان عندها ماضي كانت تاذي حالها وتحاول تنتحر، فقال للمحكمة انو ناتاتشا هددته اذا ما بسعدها وبخبيها رح تنتحر او تعمل بحالها شي.

في اللحظة كل شي صار تمام المجرم تعاقب ونتاشا رجعت وسكوت تعاقب عقوبة مناسبة، ومضي كم سنة هادية بعد الموضوع هاد لحد ما وصلنا لسنة 2006.

في سنة 2006 الشرطة غرمتها بمبلغ الف دولار بسبب انها تسببت بان الشرطة تعمل تحقيق بموضوع مو صاير، او انها تسببت ببلاغ كاذب، خلت الشرطة والناس كلها تدور عليها وناس تتهم المجرم وشهود وهالامور كلها، وهي قاعدة ببيت حبيبها وعم تشوف كل شي بالاخبار.

مو بس هيك، الناس الي كانو عم يدفعوا ويساهمو بعملية البحث عنها، والي دفعوا المبلغ الي قلتكن وصل ل400 الف دولار كانوا معصبين منها وعم يطالبوها انها ترجعلهن المصاري، خصوصاً انو بعد ما طلعت من بيت حبيبها والناس عرفت الحقيقة صارت تعمل مقابلات كتير وطبعاً هي عم تاخد مصاري على المقابلات هي فههاد الشي خلاهن يعصبوا منها ويحاولوا يخلوها تدفع المصاري، لذلك جمعوا المقابلات الي عملتهن وحاولوا يقدروا قيمة المبلغ الي ربحته من المقابلات وطلع حوالي 120 الف دولار، فكانو يطلبوها على الاقل انها ترجع جزء من المبلغ اذا مارح تقدر تدفعه كلها، بس بالاخير تبين انو حتى جزء منه مارح تقدر تدفع ومادفعت اي شي غير الالف دولار الي كانت غرامة للشرطة فقط.

كمان سكوت دفع غرامة 3 الاف دولار، ولما طلع من السجن رجع عاش مع ناتاشا ونتاشا جابت ولد وكملوا حياتهم عادي.

ولحد الان ما منعرف السبب الي خلاها تهرب بالاول

حبيبها كان سبب اختفائها لمدة 5 سنين!! قضايا تم حلها