قضية تم حلها بطريقة مستحيل تتخيلها!

قضية تم حلها بشكل غريب جداً

انت الان على وشك انك تسمع أكتر قضية غريبة ممكن تسمعها من ال قضايا تم حلها، لانها بالأصل هي قضية غير محلولة وبقيت غير محلولة لمدة سنة تقريباً، وبعد سنة صارت قضية تم حلها بسبب بقضية تانية، يعني صار مشكلة تانية بالصدفة حلت القضية الي قبلها.

قصة جون دونوفان

جون دونوفان هو مواطن امريكي كان عايش في منطقة اسمها بنسلفينا، مع الاسف العيشة الي كان عايشها ما كاتنت منيحة، لانو أبوه ترك امه وهرب لما كان جون صغير، واممه ماتت قبل ما يوصل عمره 10 سنين وعاش تقريباً اغلب طفولته في دار الايتام وبعدين عمة من عماته قررت تاخده من دار الايتام وتعتني فيه هي.

بعد ما كبر شوي جون التحق بالقوات البحرية الامريكية، وضل عم يشتغل معهن لمدة 15 سنة، ولما ترك القوات البحرية راح يشتغل كعامل في مشفى في منطقة فرجينيا،جون كان يحب يساعد الناس كتير ويحب يساعد المرضى الي بيجوا على المشفى الي بيشتغل فيه، وكان دائماً يعمل شغل زيادة شغل مو مطلوب من بالاصل بس هو يحب يعمله لحتى يساعد الناس، مثلاً كان ياخد المرضى يمشيهن برا المشفى ويعملهن جو حلو ويسليهن.

مع انو جون كان عم يشتغل وكان عنده مصدر دخل الا انه فضل يعيش بالشارع، مابعرف ليش كان دائماً ينام بالمباني المهجورة والشوارع.

بعد فترة قرر جون انو يتعرف على اصدقاء جديدة، لحتى يكون حياة جديدة، ولهاد السبب جون انضم لنادي مختص بتسلق الجبال اسمه old dominion انضم للنادي وبالنادي تعرف على اصدقاء جديدة، وصار يطلع معهن رحلات تخييم وتقريباً الاشخاص هدول هنن صاروا عيلته وحياته كلها.

وجون صار شغوف جداً جداً جداً برياضة التسلق لدرجة انه قرر يتسلق كل جبال امريكا، من اولها لاخرها، الموضوع هاد اخد منه مدة عشر سنين بس بالاخير فعلاً انجز هالشي وهي خريطة الطريق الي مشي فيها

اكيد بعد ما سعمت القصة هي رح تقول لحالك اكيد جون صار خبير بالتلسق وحافظ خريطة امريكا او حافظ الطرقات كلها، مع الاسف لأ جون كان معروف بانه سيء جداً بحفظ الطريق، ومو بس هيك كان لما يتسلق ما يخاد معه بوصلة أبداً ولا حتى خريطة، كل شغله كان معتمد عالتخميين، كان يقول خلص احساسي يقلي انو الطريق من هون ويدخل بالطريق، لما يكتشف انو الطريق غلط يرجع ويدور على طريق تاني ويضل يكرر هالعملية لحتى يلاقي الطريق الصحيح

مضي الوقت وحالياً جون عمره 59 سنة في هي السنة قرر جون انو يتسلق جبال المحيط الهادي، وهي سلسلة جبال وعرة وصعبة، لذلك جون ضل تقريباً سنة وهو يعمل خطط لرحلة التزلج هي، وكان من المفروض واحد من اصدقائه يطلع معه برحلة التسلق هي بس صديق رفض يطلع معه لانو لما راقبوا حالة الطقس اكتشفوا انو رح ينزل بشكل قوي، والاقوى في تاريخ المنطقة كلها، صديقه عرف انو الجو رح يكون سيء رفض يطلع مع وحاول انو يقنعه ما يطلع بس جون كان مصر كتير على رأيه ومعند وخلص رح يطلع يعني رح يطلع ( وجون كان معروف انه عنيد كتير لدرجة انو اصدقائه كانو عاطين لقب البغل او الحمار .

المهم في تاريخ 24 ابريل سنة 2005 انطلق جون برحلته، واستمر برحلته ليوم 2 مايو 2005 بدء يشوف التلج، كان ارتفاع التلج وقتها 3 اقدام بس واضح عليها انها عم تنزل بقوة كتير وواضح انو رح تصير اقوى، واصلاً هو كان عارف هالشي من قبل لانو شاف احاول الطقس قبل ما يطلع وكان عارف انو رح ينزل تلج بهالقوى

اكيد مو بس هو الشخص الوحيد الي عم يتسلق الجبل، كان فيه فرق تسلق تانية موجودين بس الفرق هدوك غيروا طريقنه ونزلو لتحت بدل ما يطلعوا لفوق لانو السما حاملة تلج كتير طبعاً حزروه لجون من الجون وانو في عاصفة بس جون ما اخد لقب البغل عالفاضي، بقي مصر على رايه وكمل طريقه.

تاني يوم حس جون انه صار في ورطة لانو التلج كان قوي كتير وكان مغطي الطرقات كلها ومستحيل يقدر يكمل الطريق، لحسن الحظ جون شاف وحدة اسمها Connie Davis عمرها 46 سنة كان هي وابنها الي عمره 20 سنة عم يتسلقوا كمان لما شافهن راح بسرعة طلب منهم المساعدة ومشي معهم فترة منية وكانو دائماً يحاولو يساعدوه بس مع الاسف كان دائماً يوقع وما يقدر يمشي بسبب سوء الجو واصلا هو ما كان معه معدات قوية لحتى تساعده

مشي معهم لعند لحد ما وصلو عن طريق او تلة اسمها سان جاكشين، وعند هي المنطقة فقدوه واختفى

وللاسف مضي على اختفاء جون 15 يوم تقريباً ولا حدا فكر يسال عنه او يفكر فيه لحد ما صديقه الي كان على اساس يطلع معه انتبه على الموضوع لما كان عم يبعتله رسائل بالبداية اول الرحلة كان يجوابو عليها عادي فكان صديقه متطمن لما صار يبعتله اكتر من مرة وما جاوبه عرف انو جون في خطر وبلغ الشرطة وعملوا فرق بحث لحتى يدوروا عليه، الجو كان كله عواصف تلجية والجول كله تلج والدنيا كلها بيضة عملواشوية مجهود بس مع الاسف ما كان في اثر اله بعد 3 ايام تقريباً اوقفوا عمليات البحث وصارت قضيته كولد كيس ما حدا بيعرف عنه اي شي مابيعرفوا اذا ميت ولا هو عايش بس ضيع طريقه فقضيته ضلت قضية معلقة.

شاهد ايضا: ماكيلا بالي، فتاة 16 سنة تختفي في ظروف غامضة

مضي الوقت ومضي سنة كاملة ووصلنا لشهر 5 سنة 2006 في كاليفورنا كان في كابل الشب اسمه براندن والبنت اسمها جينا براندون عمره 28 وجينا عمرها 24 كانو متعرفين على بعض عن طريق الانترنت ومموقع مايسبيس في يوم من الايام اجتمعوا في كاليفورنا وكانوا طالعين مشوار مع بعض وقرروا انو ياخدو تل فريك بياخدهن على قمة الجبل وفوق لما توصل بكون في مطعم بتاكل وبتشرب فيه يعني منطقة سياحية مجهزة من النواحي هي

وبعديهنا كان في طريق اسمهdesert view trail كان مخططين انو يمشوه هو مو كتير طويل شي 2 كيلو متر تقريباً بساعة او ساعتين بكونو مخلصين، وهنن بنص الطريق سمعو صوت شلال مي فحبو انهن يروحو يدوروا على الشلال ويشوفه من باب الرومنسية يعني، وضلوا يمشوا ورا صوت الشلال لحد ما وصلوله

صارت الساعة 3 قالوا انو لازم نرجع فجهزو اغراضن وقاموا يرجعوا بس لاحظو شي غريب وهنن ماشين بطريقهن، انو ما عم يعرفوا وين عم يمشوا والطريق كان غريب كتير، كان في اصوات حوالهين حاولوا يلحقوا الاصوات على امل انهم يوصلو للناس اصحاب الاصصوات بس مع الاسف فشلو، صارت الساعة 5 وهنن لحد الان ما وقدروا يعرفوا الطريق وضاعو بالجبل

كانو تقريباً باعلى الجبل والطريق الوحيد الي قدامن هو لتحت نزلة، ضلوا ينزلوا فيه لحد ماشافوه كهف صغير قعدوا فيه وتداروا فيه للصبح طبعاً طول الوقت عم يفكروا شلون رح يطلعوا او يوصلو خبر للناس واعرفوا وطبعاً هنن ما كانو مخطين انو يصير فيهن هيك فمكان معهن اغراض تساعدهن على البقاء على قيد الحياة حتى لبس ماعنده كانو باللبس الخفيف الي شافو بعض فيه بس

حاولوا محاولتهم الاولى ورجعوا طلعوا لفوق الجبل بس الطريق كان قاسي كتير ووعر، والشب وقع بالمي وتعبوا اغراضهن مي، وضلو طول اليوم يحاولو يطلعوا بس المحاولة فشلت وصار اليل وماقدروا يوصلوا لولا شي

تاني يوم عملو نفس الشي طلعوا لحتى يحاولوا يبحثو عن طريق وهالمرة شافوا شي ما شافوه امبارح، وكانه في خيمة كتير فرحوا وقالوا واخيرا رح نلاقي ناس، لما قربوا عالخيمة اكتشفوا انها خيمة مهجورة ومافيها حدا كانت كل لغراض الخيمة مبعثرة كان في نضارة بالارض ولبس وصور وورق، ووحدة من الاوراق كانت خريطة ومكتوب عليها تاريخ 8 ماي 2005، واما باقي الاوراق كانت مكتوب فيها قصة، قصة شخص كان عم يخيم وبعدين ضيع الطريق وبطريقة ما وصل الى هي الخيمة وطبعا

هاد الشي كان سيء جداً بالنسبة لهم لانهم عرفوا انو في شخص وقع في نفس المكان الي وقعوا فيه وبحسب الشي الي شافوه واضح انو الشخص الي وقع هالوقعة ماقدر يطلع، وهنن عمم يشوفو الاغرض الي موجودة بالخيمة شافوا حقيبة ولما فتحوها شافو بقلبها هوية جون، الي مفقود من سنة وشافو كمان علبة كبريت ولبس واشياء ورسائل كان كاتب فيها رسالة وداع وكان كاتب انو الي بيلاقي جثتي ياخدني يدفني في المكان الفلاني

باختصار جون كان عارف انو رح يموت وكان كتاب كل شيء بده يخلي الناس تعرفه بقلب اغراضه

اخدوا اغراضه معهن على امل انهن يطلعوا من المكان الي هنن فيه ولما يوصلوا لاهله ويعطيهن ياهن

الشب فكر فكرة حلوة، وهي انو يستخدم الكبريت الي خدوه من اغراض جون ويحرق الغابة وكل شي في اشجار بالمنطقة، اكيد الناس او الشرطة والاطفاء والانقاذ والفرق هي كلها لما تشوف حريق رح تجي، وفعلا شغل نار وحرق الاشجار كلها تقريباً وبعد 45 دقيقة الحرقية صارت تكبر اكتر واكتر واالناس انتبهت عليها اجت الاطفاء وهنن عم يطفوا النار في هيليكوبتر مشيت من فوق المكان الي كانو فيه وشافوهن وانقذوهن ولما طلعوا هنن الاشخاص الي حكولنا القصة الي صارت معهن ومع جون.