قضايا غريبة تم حلها
القصة الي رح نحكي عنها اليوم انحلت بطريقة جداً غريبة وهي من خلال رسائل نصية كانت تدور بين اشخاص ما في معرفة شخصية بينهم واصلاً كل واحد كان في دولة مختلفة، الموضوع كان صعب كتير ولكنه انحل بالاخير لذلك اذا متحمسين تسمعوا القصة لا تنسوا تدعموا الفيديو بلايك وتكبتوا تعليق لاني عم حاول ارجع للقناة وهاد الشي رح يساعدني كتير شكراً لكم
في اواخر الثمانينات مانيرا زمان هاجر هو وزوجته الي اسمها ماماتاس من بنغلادش إلى كندا وبدئوا حياة جديدة، وفي سنة 1996 رزقوا بأول ولد الهم والي سموه مناز، وبعدها بسنتين فقط زرقوا بطفلة سموها ماليسا.
وانا عم احكيلكن عن العيلة كلها لانو القضية رح تكون عن العيلة كلها بشكل عام وبشكل خاص عن الابن الاكبر مناز
بداية حياة مناز كانت عادية جداً وماشية بشكل سليم،تخرج من المرحلة الثانوية وجاب علامة منيحة، وبدء بدراسة هندسة المكانيك في جامعة اسمها يورك في تورانتو، للأسف هاد الكلام الي قلتكن ياه هو الكلام الي قاله مناز لأهله بس الحقيقة غير هيك.
الحقيقة انو مناز درس فصلين دراسين في مهد او كلية ياسمها سينكا وبعدين ترك ما كمل دراسته، بس كان هو كان يقول لاهل انه عم يدرس في جامعة يورك ويطلع كل يوم من البيت على اساس انه رايح عالجامعة
بس هو ما كان يروح عالجامعة كان يروح عالنادي يلعب رياضة وبعدين يرجع عالبيت يقضيها لعب اونلاين وديدخل بسرفرات ديسكورد، ولما سالوه اهله انو انت ليش عم تروح وترجع بكير وما عم نشوفك عم تشتغل كتير عالدراسة او شي
فجاوبهن انو لا انا عم روح بس خلص بعد اول سنة بصير دوامي قصير بصير اداوم من 8 الصبح لل1 الضهر وبس، واهله المساكين كانو مصدقين انو فعلاً ابنهم عم يدرس وقرب يتخرج، لانو هالحالة استمرت أكتر من 3 سنين
ولحد الآن مناز مستمر بالكذبة الي كانت عم تكبر اكتر واكتر مع مرور الوقت وبحلول سنة 2019 المفروض انو مناز يتخرج من الجامعة صارله 4 سنين وهو عم يقول لاهل انه عم يدرس وينجح وخلص قرب يتخرج.
في هي الفترة الي المفروض يتخرج فيها زاد التوتر عنده كتير وصار بحاجة لحدا يحكيله عن الشي الي صاير معه، فمناز اختار انو يحكي مع واحد من اصدقائه على الديسكورد ويقله الكلام التالي
“بدئت اتهرب من الجامعة بعد اول سنة الي في تخصص هندسة المكيانيك، لو بقدر ارجع بالوقت واغير هاد الشي كنت غيرته، بس للاسف كنت عم ارسب في أغلب المواد واحتاج اني اعيد تقديم المواد اكتر من مرة، وبسبب هاد الشي دخلت في حالة اكتئاب وصرت ملحد وبدءت اقول لاهلي اني عم روح عالجامعة بس انا كنت عم روح عالمول واروح عالنادي والعب واقولهم انو دوامي من الساعة 8 الى الساعة1”
مناز اختار تطبيق ديسكورد لحتى يحكي مع الناس من خلاله لانه كان يحبه كتير ومتواجد عليه دائماً واكتر سيرفر او خليني اقول اكتر غرفة دردشة كان متفاعل فيها كان اسمها Perfect world Void الاشخاص الي موجودين فيها كلهم مهتمين بلعبة اسمها Perfect world ومناز كان واحد منهم، ولكن كان معروف بالسيرفر انه اكتر واحد فظ بسيء للناس وبيغلط عليهن بالكلام، ومع انهم كانوا يحظروا من السيرفر ويطردوه ولكنه كان يقدر بطريقة ما يعمل حساب جديد ويرجع يدخل للسرفر نفسه مرة تانية
فجأة في يوم 27 يوليو 2019 مناز بقرر انه يدخل على سرفر الديسكورد ويكتب للناس هي الرسالة” رح اقتل اهلي وادخل عالسجن يو” وبعدها مباشرة نشر صورة لجثة امرأة وكتب عليها this is my mom يعني هذه أمي
الناس الي بالسيرفر كانوا مستغربين من الموضوع لانهم بيعرفوا انو مناز شخص سيء وبيتصرف تصرفات غير لائقة، بس هل ياترى ممكن تصرفاته هي توصل للقتل؟؟ ما كانوا عارفين يصدقوه او لا
انتظروا شوي ومناز بعت رسالة تانية كان عم يشرح فيها ليش هو قتل امه.
مناز قال: ما بدي اهلي يشعروا بالعار او بالخجل لانو عنده ولد فاشل متلي فاخترت اني اقتلهم بدل ما اقتل حالي لانو باعتقادي انو الحياة الي رح نعيشها هي وحدة( هو كان ملحد ولا يؤمن بالاخرة) لذلك انا جهزت خطتي هي ونفذتها والي صار صار.
بعد صورة امه مناز ارسل صورة جثة جدته على السيرفر وقالهم انه قتلها.
شاهد ايضاً: قصص جرائم القتل الغامضة
تابعني على اليوتيوب اسم القناة سكطعش
الناس الي بالسرفر كانوا خايفين انو الموضوع يكون حقيقي فعلاً وفكروا انهم يبلغوا لشرطة، بس المشكلة انهم ما عندهم اي معلومات شخصية عن مناز لا اسمه الكامل ولا وين عايش ولا أي شي، يعني حتى اذا قرروا يبلغوا الشرطة عليه ما بيعرفوا يبلغوا شرطة اي دولة، ممكن يبلغوا امريكا ويطلع بالهند مثلا او كندا او اي دولة تانية، ما كان عندهم معلومات كافية تساعدهم يبلغوا عليه
بالسرفر كان في شخصين دارسين تخصص العدالة الجنائية واحد اسمه جون والتاني اسمه نيكول، الشخصين هدول قرروا انهم يتحركوا ويعملوا الي بيقدروا عليه لانهم وبحسب خبرتهم في تخصصهم قالوا انو على الاغلب كلام مناز صحيح والصور الي ارسلها حقيقية ولازم نحاول نعرف عنه معلومات اكتر ونبلغ عليه
اول شي عمله جون وصديقه نيكول انهم اخدوا الصور الي ارسلها مناز على السرفير وبدئوا يبحثوا عنها على الانترنت، اذا كانت الصورة موجودة من قبل على شي موقع معناها مناز كذاب وجاب صور عشوائية من النت وحب انه يكذب عالناس أما اذا الصور ما كان في الها وجود عالنت معنها في مشكلة كبيرة بالموضوع
وللأسف ماقدروا انهم يلاقوا الصورة على النت ولا حتى صورة مشابهة الها فعني على الأغلب الصورة حقيقة ومن تصوير مناز
متل ما قلتلكن ماكان في حدا بالسرفر عنده معلومات عن مناز وما بيعرفوا هو باي دولة موجود، ولكن بالرغم من هالشي في واحد كان ساكن في تكساس في امريكا راح لعند شرطة المنطقة الي هو ساكن فيها وبلغ عن الحادثة وحكالهم التفاصيل الي عنده ولكن للاسف الشرطة ما صدقوه طنشوا الموضوع
في اللحظة كل الناس الي بالسرفير بدئوا يحاولوا يتواصلو مع مناز باي شكل من الاشكال بس مناز ماكان يجاوب اي شخص، الى جونيور، جونيور هو شخص من كوستريكا موجود بالسرفر من زمان كان يشوف مناز بيحكي كتير بالسرفر وبيعرفه، فقالهم انا بعرفه من زمنا لذلك رح يرد علي اذا حكيت معه
وبدء جونير انه يبعتله رسائل كتير لحتى رد عليه، ورد مناز كان جداً غريب: قله اعرف انو ممكن الموضوع يكون زاعجك بس للأسف هو حقيقي وانا فعلتها.
وصار يحكي معه اكتر ويحاول يسحب منه كلام، قاله ياريتك قلتنا قبل ما تنفذ خطتك كنا ساعدناك، مناز جاوبه وقله للأسف انا خبرت اهلي انو حفلة تخرجي رح تكون يوم 29 جولي وانا صرلي 3 سنين تارك الجامعة و3 سنين عم خطط لهاد الموضوع فالي صار صار وقال كمان انه رح يكمل على باقي العيلة ويقتل اخته وأبوه كمان
اعضاء السرفر كانوا عم يحاولوا يعرفوا عنوانه من خلال الIPالي متصل فيه مناز اذا عرفوا الاIP رح يعرفوا من اي بلد هو وهاد الشي ممكن يساعدهم وبالفعل قدروا يوصلوا للIP وطلع موجود في تورناتو في كندا، لحد الان ما عرفوا العنوان بالتفصيل ولكن على الاقل عرفوا انه في تورناتو في كندا
وبعد فترة قصيرة جداً مناز دخل على اللعبة وصار يلعبها، (اللعبة الي اسمها Perfect world) ولانو اللعبة اونلاين قدر وادمن من الي موجودين بالسرفر يحصل عنوانه بالتفصيل وطلع فعلاً موجود في مبنى موجود تورناتو كندا بس للاسف العنوان كان مبنى فيه اكتر من بيت يعني ماقدروا يعرفوا في اي غرفة او في بيت موجود هو.
كانوا شغالين على الموضوع هاد وعم يحاولوا انهم يوصلوله ولكن فجأة بتوصلهم رسالة من مناز على السرفر الرسالة كان فيها صورة جثة اخته وكتب على الرسالة انهم رح يعمل نفس الشي مع والده يعني رح يقتله متل ما قتل باقي افراد عائلته
الوضع زاد عن حده كتير لذلك في شخص موجود في ولاية مينيسوتا الامريكية راح وبلغ الشرطة بالقصة والمعلومات الي عندهم وقلهم انه على الاغلب هو موجود في تورانتو واعطوهن كل المعلومات
ولحسن الحظ هالمرة الشرطة طلعوا متعاونين وهنن تواصلوا مع شرطة تورانتو ونقلوهم الموضوع وبدئوا بالتحقيق بشكل رسمي،وشرطة تورناتتو تواصلت مع ادارة تطبيق ديسكورد وكمان حكولهن القصة وطلبوا منهم كل معلومات مناز الي عندهم.
هالمعلومات موجودة عندهم بشكل خاص لانك لما تسجل حساب فيه بيطلب ايميل ورقم تلفون واذا جيت تشتري منه خدمات رح تحط حسابك البنكي وعنوانك وكل شي، وطبعاً ادارة ديسكورد واقفوا واعطوهن معلومات مناز وفوراً الشرطة راحوا لعنده عالبيت بعد ما عرفوا عنواه بالظبط
بس للأسف لما وصلوا على بيته ودخله عليه كان قاتل ابوه وكانت كل الجثث موجودة في البيت الي هنن الام والاب والاخت والجدة.
وباللحظة الي دخلت الشرطة عالبيت مناز كان موجود بالبيت وفاتح ديسكورد كمان ولما سمع صوت الشرطة بعت رسالة على السرفر وقال الشرطة وصلت وداعاً.
طبعاً تم اعتقال مناز بتهمة القتل ل4 اشخاص والجيران والناس الي كانوا موجودين حواليهم كلهم كانوا مصدومين لانو الكل بيعرف مناز على انه الشب العاقل الي بيدرس هندسة وشاطر وكل شي كان يظهره للناس بيقول انه شخص طيب كيف ممكن يعمل هيك شي؟
فيديو الجارة
الغريب انو مناز ما نكر اي شي وهو راح سلم حاله للشرطة يعني ما قاوم ابداً وحكالهن كل تفاصيل الجريمة، بس الشي الوحيد الي ماحكاه هو الدافع، لما سألوه ليش عملت هالشي ما كان يجاوب، بس طبعاً نحن عنا القصة الي كان عم يحكيها للناس عالديسكورد
بس في يوم محاكمته في المحكمة قال للقاضي انو قتلهم بسبب كذبة الجامعة والتفاصيل الي حكيناها في هاد الفيديو
محامي مناز كان عم يحاول يخفف عنه الحكم ويقول انه الضحية الاول الي هي امه انقتلت بظروف غامضة مو معروفة وغير مخطط لها ولازم تحاكموه على ال3 دجرائم بس
ولكن المحكمة حكمته على الا4 اشخاص بالسجن المؤبد مع امكانية الافراج عنه بعد 40 سنة
