4 قصص رعب واقعية حدثت فعلاً

تحذير: يمنع إعادة استخدام المحتوى بأي شكل مرئي أو مسموع أو مقروء دون الحصول على ترخيص، تحت طائلة الملاحقة والحذف من يوتيوب و غوغل (سترايك)لطلب الترخيص يرجى التواصل معنا

4 قصص رعب واقعية

اول قصة واقعية مرعبة معنا قصة شخص اسمه كندي، في شهر 8 من سنة 2016 كندي كان عمره 26 وفي هي الفترة من عمره بلش كندي يعاني من الم في حنجرته وبلش يتصرف تصرفات غريبة وعنيفة تجاه الناس الي حواليه وتجاه اهله، لدرجة انو في من الايام صار يهاجم والده وحاول انو يقطعله (ايده) فقررو اهله انو يقيدوه ويربطوه لحتى ما يأذي الناس اكتر من هيك ولحتى يعرفوا يساعدوه.

قصص رعب واقعية

هي القصة الواقعية المرعبة انتشرت كتير بين الناس وحتى انهم صاروا يحكوا فيها بالأخبار، وانتشر على قناة بي بي سي انو العائلة حاولت انها تعالج الشب من خلال الصلاوات والدعاء المستمر

قصص رعب واقعية

وكمان كولن الي هو اخوه ل كيندي صرح للشرطة انهم يعتقدوا انو الي عم يصير مع ابنهم هو مس شيطاني، انو الحركات والتصرفات الغريبة هي الي عم يعملها هي لانو عم يحاول يتخلص منه ويحاربه ولو ما ربطوه ومنوع انه يتحرك كان من الممكن انه يقتل حدا من العائلة

قصص رعب واقعية
قصص رعب واقعية

ولأنو عائلته كانو معتقدين انه عم يعاني من مس شيطاني ضلو مربطينه بالتخت لمدة 3 ايام بدون رعاية صحية وبدون اي شي لانو بس بعدها تبين انو كينيدي كان عم يعاني من جفاف ومشاكل بالتنفس واعلنوا وفاته الساعة 10:17 صباحاً

واتهمت الشرطة عائلة كيندي بأنهم تسببوا بقتل شخص ضعيف او السماح بموت شخص عن طريق الخطأ وتم الحكم عليهم بالسجن ، وبعد ما اخدو الجثة وفحصوها تبين انو جسم كينيدي فيه حوالي 60 جرح واهله كانو شايفينها وتاركينه

شاهد ايضاً :5 قصص جرائم حقيقة بالفيديو!

قصص رعب واقعية

وفي تاريخ 14 مارش الي هو الشهر التالت من سنة 2019 تم اخلاء سبيل عائلة كينيدي

قصص واقعية مرعبة 2

في عام 2015 في عائلة كانت ساكنة في منطقة اسمها اوبرن في امريكا وهي العائلة بيوم من الأيام قررت انها تنفض البيت يعني يجددوه يغيروا العفش ينضفوا والى اخره ، وهنن عم ينفذوا هي العملية شافوا حيوانات ميتة ومحطوطة جوا حيطان اليبت.

بحسب فوكس نيوز الحيوانات الميتة كانت ملفوفة بورق جرايد من سنة 1930 و1940 وبعد ما استخرجوهم بعتوا عينات من الاثار الى خبراء في منطقة كوتذ تاون

ولما انتى الخبراء من فحص العينات اكتشفوا انو الحيوانات الملفوفة بهي الطريقة هو طقس من طقوس السحر الهولندي الي كانوا يستخدموه بغرض العلاج او الحصول على الحماية الجسدية والروحية بين عام 1600 و1700 ميلادي، والي كانو يستخدموه هم اشخاص من اصحاب الديانة اللورثية

قصص رعب واقعية
تعليق صحيفة واشنطون على السحر

علقت صحيفة واشنطن على هاد النوع من السحر وقالت انه ممكن يستخدم بغرض استحضار الشياطين والعياذ بالله

قصص واقعية 3

في عام 2012 في منطقة فلوريادا تم القبض على معلمة في احدى المدارس، طيب ليش تم القبض عليها، تم القض عليها بتهمة الاساءة لسبع طلاب من طلابها

المعلمة الي اسمها دانيل وعمرها 35 سنة (انا بعرف اسم دانيل اسم شب مو اسم بنت بس المهم) المعلمة هي كانت تحرض طلابها على ايذاء نفسهم وكانت تقلهم انو انتوا في جسمكم في شيطان لازم تحرروه ولحتى تحرروه لازم تجرحوا جسمكم وتحرقوا مكان الجرح لحتى ما يرجع الشيطان يدخل على جسمكن من نفس مكان الجرح

وقالت الشرطة انو لما مسكوا المعلمة وهي عم تعلم الطلاب يحرقوا جروحهم هبت الرياح بالمكان الي كان فيه وفي شخص احترقت ايده حرق شديد

كل هالشي كان عم يصير والشرطة ما الها خبر لحتى واحد من اصدقاء الطلاب السبعة هدول راح وبلغ الشرطة وحكالهم كل شي واجوا القوا القبض على المعلمة بالجرم المشهود، وصرحت الشرطة انو المعلمة رفضت اثناء التحقيق انها تحكي السبب الي كان يخليها تعمل هيك، يعني هل تتبع دين معين او فكرة معينة لحتى بخليها تعمل هالشي ولكن المعلمة رفضت وماتكلمت عن ولا شي ولحد الآن ما حدا بيعرف ليش المعلمة عملت هيك

قصص واقعية 4

قصة موت اليسا لام

اخر ظهور ل اليسا كان في تاريخ 31 يناير سنة 2013 في فندق اسمه سيسل في لوس انجلس، اليسا كانت موجودة في هذا الفندق او في لوس انجلس بغرض السياحة وكانت توثق كل شي على مدونتها وكانت على اتصال يومي مع اهلها، كانت تتصل فيهم

بالفندق الي كانت فيه كان في كاميرا مراقبة جوا المصعد لما فحصوا الكاميرات شافوها بالمصعد بس كانت تتصرف تصرفات غريبة جداً وكانها عم تحكي مع شخص مختفي

ومن بعد هي الحادثة الغريبة نزلاء الفندق صاروا يبلغوا عن اشياء غريبة بتصير بالمي الي موجودة بالفندق صار يتحول لون المي الى لون اسود وطعمتها صارت غريبة، واستمرت هي الأشياء لمدة اسبوع

وبعدها الناس نسيت الموضوع، وفي يوم 19 فبراير واحد من موظفين الفندق طلع على السطح وشاف خزان المي الي بوصل مي للفندق وشاف فيه جثة متحللة وكان في اشياء شخصية متل موبايل او مفاتيح يعني اشياء ممكن تكونو موجودة مع شخص طبيعي شافوها جنب الخزان والجثة كانت متحللة

شاهد ايضاً :حقيقة حذاء الشيطان والمغني ليل ناز اكس!

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *