قصة رعب أمريكية
يوم 24 مارس سنة 2014 هو اليوم الي انرفع فيه هاد الفيديو على اليوتيوب
عنوان الفيديو يوصف محتوى الفيديو، والي هو طفل كيوت صغير يضحك مع امه على الفقعات الي بتعملها
الفيديو كان منشور على قناة اسمها Trent Paschal والي صاحبها هو Trent Paschal
الامرأة الي بالفيديو هي زوجته سافانا والطفل الي بايدها هي بتكون بنتهم الي اسمها كنزي، محتوى القناة كله بشكل عام عن Trent وعائله وغالباً الفيدديوهات كانت تصور اللحظات الجميلة من حياتهم وبتظهر أنهم سعيدين ومبسوطين مع بعض في أغلب الاوقات
بعد كم فيديو Trent غير القناة الي عم ينشر فيها وعمل قناة تانية اسمها Big Money T واستمر بنشر الفيدديوهات العائلية بشكل طبيعي
أغلب فيديوهاته ماكانت تحصد مشاهدات عالية كون أنهTrent اصلاً ما هدفه المشاهدات وواضح انه عم يستخدم اليوتيوب لتوثيق اللاحداث وحفظ الفيديوهات يعني ما كان هدفه انو يصير يوتيوبر مشهور والاشياء هي، كانت بس يصور فيديوهات بجواله بدقة جداً عادية بدون اي تعديلات او مونتاج وينشرها
استمر على هي الحالة لمدة 6 سنين تقريبأً، وفي شهر اكتوبر سنة 2020 Trent نشر أشهر فيديو بقناته الفيديو الي عمل ضجة كبيرة في جميع انحاء امريكا
عنوان الفيديو كان اسم بنته الكامل، والكلام الي كان بالفيديو كمان كان موجه لبنته بشكل مباشر، كان عم يشرح لبنته انو هو ما غلط مع امها ابداً طول حياتها ولا زعلها بالكلام ولا ضربها ولا عمل أي شي سيئ معها، ولكن مع ذلك سافانا كانت عم تخونه، وكان عم يعتذر من الشي الي رح يصير، ما قال ايش رح يصير بس اعتذر وبعدين فجأة منسمع صوت كانه في باب انفتح او شي من هالنوع
ولما باسكل سمع الصوت هرب ودخل على غرفة مظلمة وتخبا فيها وانتهى الفيديو
فوراً بعد ما انتهى الفيديو باسكال بياخد مسدس وبيضرب فيه سافانا لحتى تموت!
يعني المغذى من الفيديو الي عمله هو اعتذار لأولاده لانه قتل أمهم
الغريب انه باسكال كان بارد جداً بالفيديو، وكان طول الوقت يحاول ويرتب شعره وهيك يركز على شكله اكتر، وحتى انه لما كان عم يبكي بالفيديو الناس ماصدقته قالوا شلون عم يبكي بدون دموع، يعني الناس كانوا حاسين انه عم يحاول يبكي عم يججبر حاله يبكي لحتى الناس تصدق انه مظلوم
تاني يوم بعد الحادثة، تقرير الشرطة بيقول انو الصوت الي سمعناه بنهاية هالفيديو لما باسكال صار يركض لحتى يتخبى هو صوت سافانا وهي راجعة للبيت، والمكان الي تخبى فيه هو الحمام واول ما دخلت سافانا فعل فعلته المؤسفة
وبعدها بدئت التغطية الاعلامية والضجة الكبيرة على القضية
بعد ارتكب جريمته هرب من البيت هو و السلاح لسا معه، الشرطة لحقته لحد ما وصلوا عند ماركت اسمه وال مارت حاصروه الشرطة، ومع ذلك باسكال كان رافض يسلم حاله ورافض يرمي سلاحه، وحتى انه صار يطلق النار على الشرطة، وقتها الشرطة اضطروا انهن يطلقوا النار عليه.
ضربوه بحيث انهم يصيطروا عليها، وهاد الشي الي صار، بعدد ما تعرض للاصابة اخدوه للمشفى وضل تقريباً شهرين بالمشفى يتعافى من اصابته، وبعد ما تعافى اخدوه من المشفى ورجوه للسجن
ولا لسا ما خلصت القصة هي البداية بس ولسا في احداث اكتر رح تصدمك فابقى معي للأخر
اطلع على المزيد من قصص رعب
اطلع على المزيد من قضايا تم حلها
لا تنسى تتابعني على اليوتيوب اسم القناة سكطعش
لما مسكته الشرطة ما كانوا بحاجة يعملوا اي شي لحتى يثبتو التهمة عليه، لانو الفيديو الي نشره عاليوتيوب موجود، أم سافانا كانت معها بالبيت لما صارت الحادثة وحضرت كل شي، وكمان باسكال بعد الحادثة مباشرة اتصل بعمته واعترفلها بالشي الي عمله
فالتهمة كانت ثابتة عليه مية بالمية وكان عليه تهمة تانية اصلاً الي هي مهاجمة رجال الشرطة.
بالرغم من كل الاشياء هي المحكمة اصدرت حكم خلا كل امريكا تنتقدهم، والي هو انه المحكمة رح يطلقوا صراحه لما يجي حدا يدفعه كفالة قيمتها 250 ألف دولار أمريكي
وفي نهاية ديسمبر سنة 2020 اهل باسكال دفعوا المبلغ وباسكال صار حر مرة تانية، صح انه لما طالعوه ركبوله جهاز برجله لحتى يتبعو كل حركاته بس باسكال المجرم طلع صار بين الناس مرة تانية بدون اي عقاب
القرار هاد اجاه انتقاد كتير متل ما قلتلكن من الناس والاعلام بس صار الي صار وباسكال طلع، بعد ما طلع بفترة رجعوا اخدوه مرة تانية لانو خالف شروط الافراج ولكن مرة تانية اهله رجعوا دفعوا كفالة مرة تانية وطالعوه
في يوم 13 ابريل سنة 2021 شخص بيشتغل في معرض لبيع السيارات بيتصل بالشرطة وببلغ عن عملية سرقة صارت عندهم بالمعرض.
والي صار انو في شخص غريب اجا عالمعرض على اساس انه رح يشتري سيارة واختار سيارة وطلب انه يمشي فيها شوي لحتى يجربها.
العامل في المعرض وافق طبعاً لانو وظيفته انه يبيع، فجهزله السيارة وطلع معه على اساس يجربها، بعد ما طلعوا باسكال مشي بالسيارة لعند محطة بانزين، وسحب سكين كبيرة على العامل الي معه وهدده انه رح يقتله اذا ما بينزل من السيارة.
شي طبيعي ان العامل ينزل لانو بتهمه حياته، وهاد الي صار نزل العامل من السيارة والشخص الي كان عم يسوق شغل السيارة وهرب
اجو الشرطة على المكان الي صارت في ه السرقة وبدئوا التحقيق بشكل طبيعي وبدئوا يشوفوا كاميرات المراقبة، فتحوا الفيدديو من الكاميرا وتفاجئوا انو الحرامي هو باسكال الي المفروض حالطينله جهازظ تتبع حركة، رجعوا للجهاز الي بيتبعوا من ه الحركة وكان طالع عندهن انو باسكال لساته بالبيت.
راحوا على البيت لحتى بتأكدوا وقتها عرفوا انو باسكال قطع جهاز التتبع وخلاه بالبيت لحتى يخدع الشرطة وطلع سرق السيارة وهرب، ولحد الان ما حدا بيعرف وينه
المشكلة مو بس انو المجرم حر وطليق، المشكلة انو اهل سافانا الي هنن حاليياً الاشخاص الي عم يربوا اولاد بنتهم صاروا خايفين ومهددين في اي لحظة يدخل باسكال عليهن ويعمل متل ما عمل مع بنتهم، صاروا الاهل يقولو أكيد رح يرجع منشان ياخد ولاده، وصاروا دائماً خايفين ومتوترين لانو باي لحظة ممكن يدخل عليهن باسكال
كمان اهل باسكال كانو خايفين لانو هنن الاشخاص الي كانوا عم يدفعوا للمحمكة مبلغ الكفالة، وصار دفعوا اكتر من مرة وبالاصل هنن كانوا عم يتدينوا المصاري ويوقعو ا عقود وضمانات لحتى يقدروا يحصلوا المبلغ، وحتى انهم رهنوا بيتهم الي ساكنين فيه
يعني في اي لحظة ممكن تصفى العيلة كلها بالشارع بسببه، ومنوقتها باسكال مختفي ومحدا بيعرف عنه شي وهي كارثة بحد ذاتها
لانو كل العيلة عايشة بقلق وتوتر وخوف من انو في اي لحظة ممكن يدخل باسكال ويعملهم مصيبة
باسكال بقي مفقود لأول يوم من سنة 2022، يوم رأس السنة في شخص بلغ الشرطة انو شاف شخص بمواصفات باسكال موجود في غابة في فلوريدا، اعطاهن تفاصيل المكان الي شافه فيه وقلن انو معه سيارة فان عايش فيها
وبناء على كلام الشخص هاد الشرطة راحت في يوم 3 ينانر 2022 على الغابة الي المفروض يكون باسكال موجود فيها
وفعلاً الشرطة شافوا الفان الي تبلغ عنه وكان فيه شخص، مسكر على حاله الباب وقاعد فيه، وصلت الشرطة وصاروا يدقوا الباب عليه ويطلبوا منها نو يطلع، الشخص هاد كان ما يرد ويرفض يطلع، الشرطة حاصرتها وصاروا يصرخوا عليه لحتى يطلع وهو ما عم يرد
فجأة بينسمع صوت رصاصة من داخل الفان وبعدها بيعم هدووء تام
الشرطة اقتحمو السيارة واكتشوفا انو الشخص الي فيها هو فعلاً باسكال ومات منتحر داخل سيارته.
