بنت عمرها 16 سنة صحيت من النوم فجأة وشافت انها مصابة برأسها وبتنزف، وهي داخل بيتها في فراشها، والشخص الي عمل فيها هاد الشي هو قاتل متسلسل ارتكب اكتر من 100 جريمة وهي الوحيدة الي قدرت تفلت منه وتبقى على القيد الحياة.
لو كنت انت او مكان هي البنت كيف ممكن يكون شعورك في هالحالة؟
اعرف يمكن تكونوا مستغربين من الكلام هاد، وتتسألوا مين هالبنت ومين هو هالقاتل؟ طبعاً رح احكيكن قصتها ومعها قصة شخصين كمان نجو من قتلة متسلسلين مشهورين
يعني الاجمالي 3 قصص لاشخاص نجوا من قتلة متلسلين مشهورين
تيد بندي
تيد بندي، أو المعروف بأسم القاتل الوسيم، الي كان يجذب كل ضحاياها بشكله الخارجي وشخصيته.
تيد كان يعرف ان هي الصفات موجودة فيه أو على الاقل كان عارف انو الناس شايفته بهي الطريقة، لذلك كان يستغلهم حتى يستدرجهم وينفذ جرائهم.
بين سنة 1974 و1978 قدر تيد بندي يعتدي على أكثر من 30 بنت ويقتلهم في سبع ولايات مختلفة في امريكا.
طبعاً رقم الرقم الي قلتلكن ياه هو مجرد تقدير واو هو رقم الضحايا الي تم العثور عليها فقط ويقال انو عدد الضحايا الحقيقي يتجاوز ال100
وفي وحدة بس من هالمية قدرت انها تنجو من قبضة تيد بندي.
يوم 8\01\1978، تيد بندي دخل على فندق كان موجود جنب جامعة فلوريدا باسم “كريس هايغان” وليش غير اسمه لانه كانت هي تاني مرة بيهرب فيها من السجن، بعد ما سرق سيارات واقتحم محلات كتير، هرب عن طريق حفر حفرة على شكل مربع في زنزانته وطلع منها وراح لولاية فلوريدا. فكان لازم يغيرر اسمه حتى الناس ما تتعرف عليه، وكان مخطط انه يلاقي وظيفة يشتغل فيها ويبتعد عن نظر الشرطة وما يثير انتباهم.
ولكن بعد اسبوع واحد فقط تيد بيدخل على نادي اسمه كاي اوميغا وببيتهجم البنات الي موجودين بالنادي، طبعاً هو لما دخل، دخل خلسة تسللل من الباب الخلفي للنادي يعني ما حدا حس عليه الا لما صار جوا وبلش ينفذ جريمته.
اول ضجية كانت بنت اسمها مورغان وعمرها 21 سنة، ضربها بحطبة أو قطعة خشب على راسها، وبعد ما ضربها خنقها.
تانية ضحية كان عمرها 20 سنة واسمها ليزا ليفي، وضربها أكتر من مرة على راسها لحتى فقدت الوعي واعتدى عليها.
اما الضحية الثالثة كان اسمها كاثير كلاينر
لما دخل على الغرفة الي موجودة فيها كاثي كانت نايمة، قبل ما يعتدي عليها جاب قطعة من الاثاث الي موجود بالغرفة ورماها على وجهها حتى انكسرت جمجمتها.
وللاسف لما صار هاد الشي صحيت وشافته وهو داخل عليها عالغرفة.
وفجأة قبل ما يلحق يقتلها بيدخل ضو على غرفتها من الشباك، مصدر الضو كان سيارة نازلين منها بنات من اصدقائها، ولما شافهم تيد تركها بدون ما يقتلها وهرب.
وبعد اسبوعين من هي الحادثة تم القبض على تيد بندي بعد ما قتل ضحيته الاخيرة الي كان عمرها 12 سنة وهيك بتكون كاثير كلاينر هي الشخص الوحيد الي نجى من قاتل متسلسل قتل المئات، وحضرت محكمته وشهدت ضده وقالت انه دخل على غرفتها.
وفي سنة 1989 تم اعدام تيد بندي بكرسي الكرهباء
جيفري دامر الحقيقي
جيفري دامر، يعتبر واحد من اخطر واقذر القتلة المتسلسلين في العالم، واعتقد انو اغلبكم سامع فيه اما من خلال مسلسل نتفليكس او من الفيديو الي موجود بقناتي.
شاهد ايضاً : قصة جيفري دامر
تابع الفيديو على اليوتيوب اسم القناة سكطعش
سنوات نشاط جيفري دامر كانت بين السبعينات والتسعينات يعني بحدود العشرين سنة!
واول ضحية اله كانت لما كان عمره 18 سنة بس!
ضحايا جيفري كلهم كانوا من شباب لانه كان “قوس قزح” والابشع من هاد كله كان بعد ما يقتل الضحية ويعتدي عليها ويسوي كل شي بدو ياه، ياخد لحم من لحم الضحية ويياكل قسم منه او يحتفظ فيه كتذكار.
عدد ضحاياه كانوا 17، و17 كانو رح يصيرو 18 لو ما تريسي ادواردز هرب من بيته!
تريسي هو شخص غريب عن جيفري ما بيعرف عنه اي شي كل القصة انو جيفري شاف تريسي بالشارع وعرض عليه مبلغ 100 دولار مقابل انه يروح لعنده عالبيت ويصوره صور وهو عاري!
تريسي وافق واخد المبلغ وراح معه عالبيت، كان كل شيء طبيعي لحد ما جيفري قال لتريسي ايش رايك تاخدلك نظرة على حوض السمك الي عندي، هون تريسي بلش يستغرب ويحس انو في شي مو طبيعي وانه الموضوع ما رح ينقضى بكم صورة اتصورهم واروح.
وبالفعل شكه كان بمحله، لانو جيفير هجم عليه وحاول انه يلبسه كلبشة بايده ، ولكن تريسي مسك ايد جيفري بسرعة قبل بعد ما حط الكلبشة بايده الاولى.
بعدها مباشرة جيفري صار يحكي مع تريسي ويقله انا رح اخلص عليك واكل قلبك!
وفي هي اللحظة تريسي صار يناقش جيفيري ويحكي معه بهدوء ويقله خلص الي بدك ياه رح يصير، اتركني ومارح اهرب ونحن اصدقاء من الكلام هاد.
جيفيري اقتنع وترك تريسي يروح للمطبخ يجيب مشروب حتى يشربه، ولما تركه تريسي ضرب جيفري بوكس على وجه خلا توازنه يختل وفتح باب البيت وهرب باسرع سرعة ممكنة.
لما طلع تريسي لبرا وصار يركض شافوه دورية شرطة استغربوا من منظره وقالوله ليش ايديك مكلبشة وليش عم تهرب.
وحكالهن القصة كلها لذلك الشرطة جابوا تريسي معن وراحو على بيت جيفري على امل انهم ياخدو مفتاح الكلبشة ويفكوا ايد تريسي.
بالفعل الشرطة دخلوا عالبيت وبهاد الوقت ما كانوا بيعرفوا شي عن جيفري ولا كان مطلوب كل القصة ومافيهم انهم جايين بسبب تريسي.
لما دخلوا الشرطة واحد من العناصر لمح صور غريبة موجودة في درج من الدروج الي موجودين بالغرفة.
فتح الدرج حتى يشوف الصور بوضوح وتفاجئ بان الصورة فيها جثث اشخاص مقطعة ومعذبة او بوضعية مخلة.
جيفري انتبه ان الشرطي شاف الصور وعرفه انه بورطى لذلك حاول يدفع الشرطي ويهرب من البيت قبل ما يعتقلوه.
ولكن لحسن الحظ ان الشرطيين الي كانوا موجودين قدروا يسيطروا على جيفيري ويعتقلوه،
لما بدئت الشرطة بالتحقيق بقصته، طلبوا من العناصر يرجعوا على بيته محل ما شافوا الصور ويكملوا تفتيش وبحث عن ادلة اكثر.
ومن ضمن الاشياء الي عثروا عليها كانت رؤوس وجمام بشر حقيقية واطراف واعضاء اخرى.
الوضع كان مخيف لدرجة انو عناصر الشرطة الي فتشوا البيت طلعوا مباشرة راحوا على علاج نفسي حتى يتعالجو من الصدمة الي انصدموها بالبيت.
وبناء على هذا قدرت الشرطة انو عدد ضحاها 15 او 16 ضحية واحكموه بالسجن الؤبد 16 مرة، يعني على كل شخص مؤبد يعني مستحيل يطلع من السجل طول حياته.
بعد ما انسجن ب 3 سنين في سجين من السججناء تعرضله وقتله ومات بامكنكن تشوفوا القصة بالقناة كمان.
ريتشارد روميرز
يوم 5 يوليو 1985 بيتني وينت البنت الي عمرها 16 سنة صحيت من النوم وشافت حالها في بركة من الدم وآلم شديددد في الرأس.
التفت حواليها وشافت غرفتها منكوشة ومكركبة كتير وكانت مضروبة بقطعة حديدة على رأسها وكان في شريط تلفون مقطوع.
فجأة صارت تصرخ لاهلها حتى وصلوا اجوا على غرفتها وانصدموا من الشي الي شافوه، والي في وقتها ما كانوا عارفين مين الي عمل هالشي.
بس الي عمل هالشي هو ريتشارد روميرز، قاتل متسلسل معروف بانه بيقتحم بيوت الضحايا وبيرتكب جريمته داخل بيت الضحية بيترك رموز شيطانية في مكان الجريمة.
وفي ليلة 5 يوليو ريتشارد دخل على بيت بيتني من الشباك وبدء يضربها على راسها بقطعة حديدية، وبعدها راح عالمبطخ يجيب سيكنة ويكمل مشروعه ولكنه لسبب من الاسباب غير رايه ورجع بدون سكينة ولما رجع شاف التلفون الارضي موجود بالغرفة لذلك اخد الشريط وحاول انه يخنق بيتني فيه، ولكن لان الكبل فيه حرارة وموصول بالتلفون قدح منه شرار فريتشاتد اعتبر هاد الشي اشارة له بانه لازم ما يكمل جريمته وتركها وهرب.
لحسن الحظ بيتني ضلت عايشة بس احتاجت الى 478 قطبة حتى تسكر جروحها الي سببها ريتشارد.
بعد هي الجريمة ريتشارد راح على كاليفورنا ولا كانه في شي، ما كان عارف انه قصته مكشوفه وانو صورته موجودة في كل جريدة ومجلة موجودة في امريكا.
اول ما وصل على كاليفرونا شافوه الناس بالشارع وصاروا يأشروه عليه ويقولوا انه القاتل انه القاتل، وقتها عرف انه في ورطة كبيرة جداً.
حاول يهرب وصار يركض بالشوارع، لحد ما وصل على شارع او حي معين كل الناس الي ساكنين فيه طلعوا وقطعوا عليه الطريق وواحد منهم ضربه على راسه خلاه يفقد الوعي لحد ما اجت الشرطة واعتقلته.
وبعد ما اعتقلوه ويتني راحت شهدت عليه بالمحكمة كونها الناجي الوحيد الي نجى من بين ايدين القتل ريتشارد روميرز.
وتم الحكم على ريتشارد بالاعدام ولكنه تاخر لانو ما كان في اعدام في كاليفورنا وبالاخر مات ريتشار بالسرطان لما صار عمره 53 سنة.
