هاوي مانديل في خطر!

هاوي مانديل في خطر!

الفيديو الي شفتوه هو فيديو لكوميديان كندي مشهور (هاوي مانديل) وبسبب هاد الفيديو طلعت نظرية عليه أنه مخطوف، وحياته معرضة للخطر… فخلينا نشوف السبب…

في هاد الفيديو هاوي مانديل كتب كلمة على الكيس وهي الكلمة كانت شو ستاف( شاهد الفيديو في الاعلى).. وبعد ما كتب هي الكلمة اشار بايده على تلت احرف من والي هنن s.o.s…والي معناها نداء النجدة او  Save Our Selves أو Save Our Souls المتابعين انتبهوا على هاد الشي وتفجرت التعليقات على هاد الفيديو وصار يكتبولو اذا كنت بخير اعمل كذا او اذا كنت في خطر استخدم غنية كذا رح اجي للتعليقات بعد ما احكيلكن النظرية التانية الي طلعت عن نفس هاد الفيديو والي هي ان حرف أس بالفيديو كان معكوس وصاير متل رقم خمسة..

هاوي مانديل

هاد الانعكاس بصير بأغلب الكاميرات الأمامية للموبايلات… ولكن رقمين خمسة تحت بعض هو زمر بستخدموه في أمريكا وبعض الدول الاخرى لحتى يعبروا فيه عن كلمة Home invasion والي معنااها ان حدا اقتحم بيتك بطريقة غير قانونية.

لو جينا للتعليقات هلا كان في واحد من اصدقائه كاتبله howie i think your phone been hacked you are sending me some scary stuff plz reach out to me or nat

موبايلات هاد هاوي مانديل صارت ترسل اشياء غريبة اصدقائه

في فيديو بعد هي الفيديوهات كان عبارة عن غنية وهو كان عم يمثل مع الغنية مع الاسف عليها كوبي رايت ما بقدر احط صوت الغنية ولكن كلمات الغنية بتقول اتمنى ان تصل رسالتي لكم او شيء بهاد المعنى …. وكان عم يحط رسالة ويبعتها بالتواليت

شاهد أيضاً: تاكاهيرو سفاح تويتر (سفاح التويتر الياباني)

مع استمراره بنشر الفيديوهات هي الناس صار يكبر الشك عندها اكتر واكتر… واحد من التعليقات كتبله اذا كنت في مشكلة استخدم اغنية هودد ببيبي وحزروا ايش كان الفيديو الي بعده… نعم احسنت حزرت الفيديو كان هوي عم يرقص على اغنية هودد ببيبي

كمان كان في بنت كاتبتله تعليق اذا كنت مخطوف او صاير معك مشكلة نزل فيديو وانت عم ترقص جنب الدرج… ونعم انت ذكي كتير عزيزي المشاهد لانو حزرت الشي الي رح يصير للمرة التانية… هوي نشر فيديو وهو عم يرقص جنب الدرج وكان عم يحكي في هاد الفيديو انو انا مالي مخطوف وهاد الفيديو مافيو اشارات او رموز لحتى تخليكن تشكو اني مخطوف

هون الناس خلص تاكدت مية بالمية انو هاد الشخص في خطر على حياته لذلك راحو متابعينه على حساب شخص تاني صديق اله وطلبو منه يروح لعنده عالبيت ويشوفوه اذا كان بخير او لا…

اترك ردّاً