ليش مسلسل لعبة الحبار مشهور؟ اشهر مسلسل في 2021

تحذير: يمنع إعادة استخدام المحتوى بأي شكل مرئي أو مسموع أو مقروء دون الحصول على ترخيص، تحت طائلة الملاحقة والحذف من يوتيوب و غوغل (سترايك)لطلب الترخيص يرجى التواصل معنا

مسلسل لعبة الحبار Squid Game

مسلسل لعبة الحبار قدر يحقق أكتر من 111 مليون مشاهدة خلال شهره الأول على منصة نيتفلكس، وهاد الرقم ضخم جداً ومافي أي مسلسل تاني قدر يحصل نفس الرقم او حتى رقم قريب منه، اقرب رقم كان مسلسل بريدجرتون الأمريكي، وهو 82 مليون.

وكمان هشاتاغ مسلسل لعبة الحبار على التيكتوك حصل أكثر من 22 مليار مشاهدة ( في وقت كتابة هذا المقال)

طيب، ما هو مسلسل لعبة الحبار؟

مسلسل لعبة الحبار هو مسلسل كوري جنوبي اثارة وغموض من كتابة واخراج هوانغ دونغ هيوك تم عرضه لأول مرة على نيتفلكس في تاريخ 17 سبتمبر 2021.

مسلسل لعبة الحبار
غلاف مسلسل لعبة الحبار

قصة مسلسل لعبة الحبار:

قصة مسلسل لعبة الحبار هي عبارة عن لعبة البقاء على قيد الحياة، وعدد لاعبينها كانو 456 لاعب والفائز بالمسابقة والي بيبقى على قيد الحياة رح يربح ملبغ 45.6 مليار وون ( عملة كوريا الجنوبية)

تحذير المحتوى القادم قد يكون فيه حرق احداث!

في الحلقة الاولى من مسلسل لعبة الحبار سيونغ جي-هون كان رجل بالاربعينات من عمره وكان يعاني من تعاسة شديدة في حياته بسبب الفقر، وفي يوم من الايام رجل غريب شافه عند محطة المترو وعرض عليه انو يلعب لعبة، في حال فاز في اللعبة رح يربح مبلغ قيمته حوالي مية ألف وون وفي حال خسر رح ينضرب على وجهه، ولحسن الحظ سيونغ جي هون ربح اللعبة

بعد ماربح اللعبة الاولى تمت دعوته الى لعبة بنفس المبدأ تقريباً ولكن الجائزة رح تكون أكبر بكتير، لذلك هو قبل اللعبة وراح وفي يوم اللعبة تم نقله الي مكان ما هو 455 لاعب تاني وهو كان فاقد الوعي، ولما وصل عرف انه رح ينافس 455 شخص بلعبة خطيرة جداً جداً ولكن جائزتها أكبر بكتير.

وفي الحلقة الثانية من مسلسل لعبة الحبار تقريباً نص اللاعبين الي مشتركين بينقتلوا، مابدي احرق عليكن احداث اكتر منهيك بس كان لازم احكي هاد الكلام لحتى اقدر اجاوبكم على سؤال ليش مسلسل لعبة الحبار مشهور؟

مسلسل لعبة الحبار
صورة من مسلسل لعبة الحبار

طول احداث مسلسل لعبة الحبار الناس عم تقاتل وتحارب لحتى تبقى على قيد الحياة، وكمان في شيء تاني محفز اكتر لكل الاشخاص الي مشاركين في اللعبة والي هو الجائزة المادية

هاد النوع من الالعاب بكون مسلي ومحفذ مو بس للاشخاص الي عم يلعبوا، الاشخاص الي عم تشوف كمان رح يصير عندها فضول انها تشوف مين الشخص صاحب الحظ الكبير او صاحب العزيمة القوية الي رح يبقى عايش من بين 456 شخص وياخد الجائزة، والجائزة كمان بتلعب دور كبير كون انها كبيرة كتير رح يصير عندك فضول تعرف الشخص الي بقي وربح كل المبلغ الكبير هاد ايش ممكن يعمل فيه.

شاهد ايضاً:SCP-173 بالعربي أشهر مخلوقات منظمة SCP!

هاد كان أولاً، اما ثانياً، رح يصير عند المشاهد فضول كبير يعرف الاحادث الي رح تصير والي رح يعيشها 456 شخص لحتى يوصلوا للاخير، هي الاشياء كلها بتشعل شغف كبير جداً عند المشاهد لحتى يستمتع بالمشاهدة ويتابع المسلسل لنهايته.

صورة اللاعبين في لعبة الحبار

الشيء الثالث الي بيخلي الناس تحب مسلسل لعبة الحبار هو الشكل المئلوف، كل اللاعبين لابسين نفس اللبس الي هو باللون الاحمر الي بيبقى عالق في ذاكرة المشاهد لفترات طويلة، وانو يكون في شيء في عقلك دائماً يذكرك بالمسلسل او قصة المسلسل هاد الشي رح يخليك ترجع تشوف المسلسل مرة ومرتين كمان خصوصاً اذا كان المسلسل عاجبك من ناحية الاخراج والقصة والتمثيل

عدا ذلك وفي تجربة سابقة للناس مع اللغة الكورية والدراما الكورية سابقاً، الناس كانت دائماً تحب الدراما الكورية بسبب تمييزها بالدراما والقصص الخيالية، هاد الشي بيعطي افضلية او رح يكون سبب يخلي الناس تشوف المسلسل حتى قبل ما تعرف قصته او الاخراج والتمثيل الي فيه

واخر سبب بيخلي مسلسل لعبة الحبار مسلسل مشهور هو كمية الميمز الكبيرة الي ممكن تطلع منه، ممكن تسألني ايش علاقة المميز بالمسلسل؟ طبعاً المميز الها علاقة لأن المميز واحدة من اشهر وسائل التعبير على الانترنت في عصرنا الحالي، لذلك لما الناس يكون عندها اشياء تعمل عليها ميمز من المسلسل، الناس رح تذكره أكتر ورح يصير عنده شعبية أكتر

ايضاً وجود كمية كبيرة من النظريات والمؤامرات في المسلسل بتخلي الناس تنجذب له لان هاد الشيء كمان اله شعبية عند الناس.

بامكانك تشوف اعلان المسلسل تحت هاد السطر

لاتنسى تتابعني على اليوتيوب اسم القناة سكطعش

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *