ماذا يحدث الساعة ٢،٣٢ ؟

تحذير: يمنع إعادة استخدام المحتوى بأي شكل مرئي أو مسموع أو مقروء دون الحصول على ترخيص، تحت طائلة الملاحقة والحذف من يوتيوب و غوغل (سترايك)لطلب الترخيص يرجى التواصل معنا

2h32 وحدة من أغرب القنوات الي شفتها في حياتي،( المشكلة انو كل ما بكتشف قناة جديدة بقرر انو هي اغرب قناة وبعدين بلاقي وحدة أغرب وبتصير هي أغرب فعادي اذا كل مرة سمعتوني بقول اغرب قناة لا تدققوا كتير)

هي القناة بتنزل فيديو واحد بالشهر وتحديداً في يوم ٢٣ من كل شهر، وكل الفيديوهات مدتها دقيقتين و٣٢ ثانية. الفيديوهات دائما بتدء ب عد تنازلي الساعة ٢ و٣٠ دقيقة وبينتهي الفيديو لما تصير الساعة ٢ و٣٢ دقيقة وخلال هالدقيقتين بينعرض محتوى مخيف بشكل يرفع الضغط.(عرض فيديوهات)

أول كم فيديو كانو تقريباً بدون شخصيات، بعد فترة صار في شخصيات بالفيديوهات، وياريتها ضلت بلا شخصيات كان أرحم ( عرض الفيديو) ومن بعد أول فيديو صاحب القناة صار يكتب بالتعليق المثبت على الفيديو جمجمة وبقلبها دقيقة معينة من الفيديو غالباً في شيء معين في هي الدقيقة وبده يلفت انتباهنا عليه ولما دخلت على الاوقات هي لاحظت انو بالدقيقة الي عم يكتبها بالتعليق هي بداية الحدث الي عم يصير بعد ما تصير الساعة ٢٫٣٢ يعني الفيديو ببدء الساعة ٢ و٣٠ وبتكون الاحادث عادية او مو عادية هي احادث بتخوف ولكن لما تصير الساعة ٢٫٣٢ بيتغير السياق الي ماشي فيه الفيديو أو بيصير شي أبشع من الي صار لما كانت الساعة ٢٫٣٠(عرض فيديو)

صورة من أحد فيديوهات القناة

بتستمر القناة بهي الفيديوهات المخيفة لحد ما نوصل على فيديو عنوانه invitation في هاد الفيديو بتظهر رسالة ضمن الفيديو بتقول dont sleep eat you all wake up i want to play iam hungry وفي نفس الفيديو الشخصية هي بتكون عم تأشرلك بايدها يمكن لحتى تروح لعنده وياكلك بما انو هو جوعان يعني.

في فيديو عنوانه Renaissance والي معناها عصر النهضة بيظهر فيها وحش او مخلوق عم يطلع من قلب بئر ماء وببالفيديو في غنية شغالة بالسلوموشن اسمها هش هش هير از ذا بوقي مان.. اختيارهن لهي الاغنية تحديداً ما كان عشوائي السبب الاول ان كلمة بوقيي مان هي اسم مخلوق خيالي غير موجود يعني كانو يستخدموها الاهالي لتخويف اولادهن فيها لحتى ما يعملو شي غلط واتوقع كلنا كان في عن مخلوق او شيء معين كانو اهالينا يخوفونا فيه مو بس هنن….. والسبب التاني هو ان الغنية هي تم انتاجها سنة 1932 ورقم 32 هو مستخدم كتير بالقناة… على السيرة الرقم ليش المدة الي بيستخدمها هي دائما دقيقتين و32، بحسب ويكيبيديا الي بصير في هي الساعة هو عكس الي بصير الساعة ٣،اذا كنت مهتم بهي الامور اكيد لازم تكون سامع ان الساعة ٣ هي ساعة الشر والشيطان وان الساعة ٢،٣٢ هي ساعة الخير الاشياء الكويسة، ولكن لما كنت عم ببحث بالموضوع شفت شخص قال ان لا توثقو ب ويكيبيديا لان اي شخص ممكن يعدل على اي كلام مكتوب فيها وهاد الشيء منطقي، وكمان نشر صورة انو في نفس المكان الي كان مكتوب فيه ان الساعة ٢،٣٢ هي ساعة الخير كانت قبل مكتوبة انها مرتبطة بالساعة ٣ الي هي ساعة الشر وبعدين في حدا عدلها وعملها ساعة الخير، في الحالتين انا ما بصدق النظريتين هدول بس خلينا ناخدها من منظورهن كاشخاص بيصدقوا هاد الشي، واذا فعلاً كانت الساعة ٢،٣٢ هي ساعة الخير ، فالفيديوهات هي يمكن تكون مسخرة او استهزاء مثلاً بمعنى انه حتى في ساعة الخير يمكن ان يصير اشياء شريرة ، وإذا كانت العكس وكان هاد التوقيت هو رمز للشر فهو عم يأكد هاد الشي بالفيديوهات هي

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *