القصة كاملة:قضية جوني ديب وآمبر هيرد 2022

قضية جوني ديب وآمبر هيرد

جوني ديب، واحد من أكبر مشاهير هوليود الي مثلوا بأفلام كبيرة جداً مثل فلليم الكرايبين عم يطلق مرته او مرته عم تطلقه، وقضية الطلاق هي صارت قضية جوني ديب وآمبر هيرد من اكبر قضايا الطلاق فالعالم والي رح تشوف الناس عم تحكي عنها في كل مكان بالسوشل ميديا

طيب ايش قصية جوني ديب وآمبر؟

جوني ديب وآمبر هيرد هم مثثلين، اول فلم مثلوه مع بعض كان اسمه the rum diary في سنة 2011، ومن سنة 2012 بدئوا يطلعوا مع بعض ديت بعد ما انفصل عن شريكته السابقة فنيسا (Vanessa Chantal Paradis ) الي علاقتهن كانت مستمرة لاكتر من 14 سنة وكان عندهن ولدين

فهو انفصل عنها وراح فوراً يطلع مع آمبر وتزوجها في سنة 2015

حياتهم كانت ماشية بشكل جميل جداً وسليم لمدة سنة تقريباً، في تاريخ 21/05/2016 آمبر اتصلت بالشرطة وقالتلن انها عم تتعرض لعنف اسري، بس وقتها ما كان في دليل على الشي الي قالتله والقصة مشيت بشكل عادي

بس بعد يومين يعني في تاريخ 25/05 آمبر هيرد رفعت قضية طلاق على جوني ديب وكانت حجتها انه عم يعنفها ويضربها وكان عندها صور المفروض انها تثبت كلامها وقدمت الصور الي فيها الكدمات للمحكمة وقالت انه رمى التلفون عليها وسببله الكدمات هي ، وغير صور الكدمات كان في فيديو يقال انه تم تصويره لما كان جوني ديب راجع من حفلة وسكران

بالفيديو جوني ديب كان معصب وعم يكسر اشياء بالبيت(فيديو)

وقتها محامي جوني قال هاجم آمبر وقال انها عم تعمل هالشي لحتى تحصل تعويض مادي لانو كان بدها مصاري، وفي تاريخ 27/05 القاضي أمر جوني ديب بانه يبعد عنها مسافة 100 يارد على الاقل مؤقتاً لحتى يلاقوا حل للمشكلة بشكل كامل، بعدها بشكل مفاجئ طلعوا جوني وآمبر وقالوا خلص يا شباب نحن حلينا المشكلة مافينا بينا شي ما حدا علاقتنا مبينة على الحب ورح تبقى هيك ومن الكلام هاد

بس في شهر 08/2016 رجعوا غيروا رأين مرة تانية وقرروا يتطلقوا، وكان في شرط انو آمبر تتبرع بمبلغ 7 مليون دولار لشرطة التحري الامريكي ولمستشفيات الاطفال في لوس انجلس. وعلى هالاساس تم الطلاق وكل واحد راح يتابع حياته بشكل طبيعي

القضية شبه انتست لحد تاريخ 27/04/2018 صحيفة ذا سون نشرت مقال او خبر كان مكتوب بعنوانه جوني ديب ضارب زوجته، ورجعوا نكشوا القصة القديمة وهاد الشي اثر على سمعته كتير وعلى شغله وتعاقده مع المعلينين والافلام او الاعمال الي كان رح يسويها

فلذلك جوني ديب رفع دعوة على هي الصحيفة الي مقرها بلندن وطلب تعويض على الاقل 200 الف دولار لانهن عم يشوهوا سمعتوا

صحيفة ذا سون لحتى تدافع عن حالها طلعت وجابت ادلة بتقول انو من فترة 2013 ل2016 آمبر زوجة جوني كانت فعلاً عم تتعرض لتعنيف، وهاد الشي بخلي الكلمة الي كتبوها بالعنوان ، ضارب زوجته” انها تكون دقيقة وانو هاد الشي فعلاً حصل وانهم ما عم يفتروا عليه او عم يلفقوله شي هو ما عمله.

وخلال المحاكم والدعاوية الوقصص هي جوني ديب صار يدافع عن حاله ويقول انه شخص مستحيل يضرب امرأة ودعم اقواله بشاهدة 2 من شركاء حياته السابقين الي هنن بالاصل انفصلوا عن بعض بس كانوا عم يقولوا انو هي مو افعال جوني جوني مستحيل يضرب بنت.

وصار يهجمها ويقول انو هي الي تعنفه وتضربه مو العكس

وطول الوقت والسنين هي جوني بيطلع بيقول آمبر هي مدمنة وهي الي كانت تضرب وتكسر، وآمبر تعمل نفس الشي تقول انو جوني هو الممدمن والي بيضرب وبكسر

وايضاً جوني حكى حادثة صارت معه في شهر ابريل سنة 2016، تحديداً في يوم عيد ميلاد آمبر ، في هاد اليوم كان عنده اجتماع عمل وبسببه رجع على البيت متاخر يعني راحت عليه حفلة عيد ميلاد آمبر، لذلك امبر كانت معصبة منه وصارت تضربه.

وصار يقول انو امبر ما وفت بوعدها الي تطلقوا على اساسها وما دفعت او ما تبرعت بمبلغ 7 مليون الي اتفقوا عليه

وقضيتهن صارت بين دولتين في بريطانيا وامريكا والسبب انه جوني رفع دعوة على صحفية ذا سون الي هي ببريطانية بحجة تشويه السمعة لذلك صحفية ذا سون صار بدهن يثبتو انو جوني فعلاً كان عم يعنف آمبر لحتى يكسبوا هنن القضية

لانو اذا ثبتوا انو هالشي فعلاً صار بتسقط التهمة الي اتهمها جوني ديب انه عم يشوهوا سمععتوا وبتصير خبر عادي لانو الشي الي ذكروه فعلاً صحيح ومو اختلاق وتأليف

وجوني ديب خسر القاضيا الي كانت في بريطانيا

والقضية صارت معقدة جداً جداً

في سنة 2018 آمبر نشرت مقالة بتحكي فيها عن العنف الاسري، وعن انها تعرضت للتعنيف وسكتت بس بعدين عرفت انها مالازم تسكت ومن الكلام هاد

بالمقال ما ذكرت اسم جوني ديب بس كل الناس الي قروه عرفوا انها عم تحكي عن جوني ديب وعلى اثرها جوني ديب انطرد من ديزني وخسر كل شغل بسبب السمعة السيئة الي عم تطلع عليها من القضايا والكلام الي عم يحكوه عنه

لذلك جوني رفع عليها قضية يطالبها بمبلغ 50 مليون كتعويض بس آمبر نفت الكلام هاد وقالت انها بريئة منه

لذلك جوني ديب رجع رفع عليها دعوة في سنة 2020 وهالمرة طالب بتعويض بمبلغ 100 مليون دولار

وكان معه ادلة وتسجيلات بتثبت انو آمبر هي الي كانت تضربه وتعنفه باشياء عنيفة جداً مثل زجاج الي ضربته في على يده او حتى متل ما سعمتو كانت تخبط راسه بالباب وتطفي السغاير في وجهه

شاهد أيضاً:تاخرت الشرطة ساعة والنتيجة كانت مؤسفة

تابعني على اليوتيوب اسم القناة سكطعش

وصار يحكي بالمحكمة عن القصص والاحداث الي كانت تصير بينه وبين آمبر

وفي جلسة من جلسات المحاكمة محامية آمبر جابت العيد وفضحت حالها لحالها، لانها كانت واقفة قدام القاضة ومعها علبة مكياج عم تقول انو آمبر كانت تستخدم هذا المكياج كل مرة بتطلع فيها من البيت لحتى تغطي اثار الضرب الي كان يسببلها ياها جوني

طبعا المشاكل والضرب الي كانت تحكي عنه هو الي صار بالبداية الي هو بين سنة 2015 و2016

الشي الي اثبت كذبها انه المكايج الي ادعت انها عم تستخدمه في سنة 2015 و2016 تم تصنيعه في سنة 2017

وصار احتمال فوز جوني ديب بالقضية اكبر بكتير وجوني كان عم يطالب بتعويض قيمته 50 مليون دولار او يمكن 100 مليون دولار

لحد الآن المحاكمة شغالة وما انتهت القضية بس الاغليبة عم يقولوا انها لصالح جوني ديب