3 قصص رعب قصيرة: لأصحاب القلوب القوية فقط!

3 قصص رعب قصيرة

1 قصص رعب قصيرة : صارت مع طفل صغير دمرت حياته

تبدأ احداث القصة في ليلة من الليالي الي كان فيها هاد الطفل نام بأمن في سريره، لحد ما صحي على صوت اقدام صوت حدا عم يمشي بالبيت، صحي الطفل وحاول يشوف مين موجود، واذ بيتفاجئ الطفل انو في قاتل في غرفته والقاتل كان معه جثث أهل الطفل

لما دخل القاتل على الغرفة حط الجثث على كرسي كان موجود بالغرفة وكتب كلمة على الحيط الكلمة كتبها بالدم الي كان على ايديه، طبعاً الطفل ماعرف يقراً الشي المكتوب على الحيط لانو صغير ما بيعرف لا يقرأ ولا يكتب، الشخص هاد بعد ما كتب هالجملة على الحيط اتخبى تحت سرير الطفل

اطلع على المزيد من قصص رعب 

اطلع على المزيد من قضايا تم حلها

الطفل وضعه سيء جداً ماهو قادر يقرأ الكلام الي على الحيط وتحت سريره في قاتل وجثث اهله موجودة قدامه. الشي الوحيد الي كان بيقدر يعمله انه يتظاهر انه نايم وفعلاً هاد الطفل تظاهر انه نايم وغفل يعني نام فعلاً

لما صحي كانت الدنيا صايرة ليل وعتمة وهو ضل بمكانه ما تحرك ولا عمل شي لانو سامع صوت نفس سامع صوت الشخص الي موجود تحت سريره… والطفل ضل على هي الحالة لحد ما سمع جملة I know you’re awake

للاستمتاع بالقصة بشكل أكبر شاهدها بالفيديو.

شاهد ايضاً:حقيقة حذاء الشيطان والمغني ليل ناز اكس!

2 قصص رعب قصيرة : بنت حاولت قتلي

قصص رعب قصيرة: لما كنت بالمدرسة بالصف التالت كان في بنت معي بالصف اسمها كارلي، كارلي ما كانت محبوبة ابداً بالصف، لسبب من الاسباب الكل كان يكرها ويتنمر عليها، ويوصفوها بالقباحة والباشعة فوضع البنت كان مأساوي جداً، وبسبب هاد الضغط الي كانت تتعرضله كانت عصبية كتير أي حدا بيحكي معها أي شغلة بتعصب عليها، باختصار كانت تكره الكل.

بيوم من الايام كارلي حكيت مع كارلي وما عصبت علي، وكانت لطيفة.. شي غريب بصراحة بس قررت بعد هاد اليوم اللطيف اني ازورها فالبيت، غباء جداً انك تقرر تروح لعند شخص عالبيت بس لانو حكى معك كلمتين حلوين، بس كنت صف تالت يعني عمري صغير جداً وتفكيرري غبي شوي.وبناء على هذا القرار الغبي اتصلت بامي من تلفون المدرسة لحتى اساءلها اذا بتسمحلي اروح على بيت كارلي او لا، فسمحتلي امي اروح وقالتلي لما توصل على بيتها اتصل فيني من بيتها لحتى تعطيني عنوان البيت واعرف وين انت، وكأنو في هي اللحظة أمي حست انو في شي سيء رح يصير معي لانو ماالها بالعادة تسألني عن عنوان المكان الي بروح عليه، ومع الأسف طلع معها حق أمي

بعد ما وصلنا على البيت واتصلت بامي لحتى اعطيها العنوان،كارلي قررت انها تعملي نيو لوك قررت انها تغيرلي تسريحة شعري وتغسله ومن هي الاشياء، فطلبت مني اني اسكر عيوني وامشي معها على اساس انها تاخدني على الصالون او يعني على الغرفة الي رح نجلس فيها، بعد ما مشيت معها شوي فتحت عيوني شوي لحتى اشوف وين اخدتني لقيت حالي بالحمام، قلتلها كأنو هاد المكان مو الصالون الي قلتلي عليه، قالتلي لا هاد هو الصالون هون بس نطلع من الباب منوصل عالصالون

اطلع على المزيد من قصص رعب 

اطلع على المزيد من قضايا تم حلها

تابعني على اليوتيوب اسم القناة سكطعش

كان عم تحاول تدخلني على الحوض لسبب من الاسباب مابعرف ليش بس منعتها من هالشي، فقالتلي تمام امشي نروح عالمطبخ، ولما وصلنا على المطبخ قالتلي انها رايحة تعمل شي ناكله هي راحتعلى اساس انها رح تجيب معلقة وانا كنت واقف وراها، الطريقة الي كانت ماسكة المعلقة فيها اكدتلي مية بالمية انو الشي الي بايدها مستحيل يكون مجرد ملعقة، وبالفعل الي كان معها ما كان معلقة بل كانت سكينة، سحبت السكينة وهجمت علي وكانت السكينة موجها على رقبتي

ما بتزكر اني قدرت احكي ولا كلمة لانو بختصار كنت مصدوم ومالي عارف ايش اتصرف ضليت واقف هيك لمدة 30 ثانية، وبعدها دفشتها وبعدتها عني وهربت اخدت اغراضي وحاولت اني اطلع من البيت بس كارلي لحقتني ووقفت عن الباب الامامي وكانت عم تحاول تمنعني من الهرب من البيت، اتجهت بشكل مباشر لباب البيت الخلفي لاني كنت مرعوب كتير وبس بدي أي طريقة اهرب فيها من هاد البيت….. لحد الآن متزكر صرخاتها الي كانت عم تصرخها علي لانو كلبها هرب من الباب الي فتحته انا وهربت.

ركضت باقصى سرعة ممكنة باتجاه بيتنا ولما وصلت قعدت على باب بيتنا وصرت ابكي، اخواتي كانو يصرخوا علي منشان اسكت بسي انا ما سكتت ولما سمعت صوتي امي اجت لعندي وحكيتلها الموقف الي صار. هلأ مالي متزكر اذا كان نفس اليوم او اليوم الي بعده هو اليوم الي حكيت فيه مع ضابط الشرطة الي اخدتني لعنده امي، والي كان عم يسألني عن شكل السكينة الي سحبتها البنت علي وعن تفاصيل تانية صارت.

بعد هي المشكلة تم تبليغ المدرسة وادارة المدرسة لحتى يراقبوها ويراقبو تصرفاتها بشكل أكبر، بعد فترة قصيرة بلشت افكر انو كان لازم ما احكي لحدا عن هاد الموقف الي صار بس كمان كان لازم حدا يمنع كارلي من فعل هي الأشياء

3 قصص رعب قصيرة : صائد الاشباح

اعتقد انك كشخص معتهم بقصص الرعب والمواضيع الي فيها اسرار وأمور غامضة، سمعت ولو مرة وحدة قصص عن الجن، سواء بيت مسكون وبصير فيه احداث غريبة او حتى ممكن يكون شخص مسكون او حتى شفت شي غريب بيعونك.. هي القصص كلها ممكن تخليك تخاف او تتفاجئ، ولكن لما تسمع القصة الي رح احكيها هلآ رح يجيك شعور جديد غير الخوف والتفاجئ.

صائد اشباح اسمه غريف تواري هو مواطن هندي من مواليد سنة ١٩٨٤، وهو مؤسس indian paranormal society المجتمع الهندي للظواهر الخارقة او شيء من هذا القبيل، بدء نشاطه بمطاردة الاشباح في سنة ٢٠٠٩ وانتهى فيه الأمور بالموت سنة ٢٠١٦،موضوعنا هو الطريقة الغريبة الي مات فيها ولي خلت اهله والشرطة عاجزين عن فهم الموضوع

غريف كان مشهور كتير بالشي الي بيعملوه وحتى انو في كتير قنوات تلفزيونية استضافته وعملت معه مقابلات. الي كان يعملوه غريف انو يروح للاماكن الي بتشتكي عليها الناس ان فيها نشاطات مشبوهة او الي بيشكوا انو فيها جن او اشباح بغرض انه يطرد هالاشياء من المكان المقصود، وفي يوم ٦ يوليو سنة ٢٠١٦ رح غريف على بيت في غرب دلهي بحسب كلام الناس عن هاد البيت ان الجن الي سكانه مو أي جن عادي بل هو شيطان خبيث جداً..

وطبعا الناس اختاروا غريف لانو بين قوسين هو أفضل شخص وأشهر شخص في هي المهنة.. وفعلاً غريف راح على هاد البيت ونام فيه ليلية وحدة وتاني يوم الصبح رجع على بيته، وفي صباح هاد اليوم تحديداً الساعة ١١ بعد ما رجع على بيته سمعوا اهله صوت عالي جداً من الحمام، لما طلعوا يشوفوا مصدر الصوت كان باب الحمام مقفول فقرر ابوه انو يكسر الباب ولما كسرواه ودخلوا شافوا غريف مستلقي على الارض وعلى رقبته في خط اسود صغير كتير، وكان عم يلفظ انفاسه الاخيرة وبعد فترة قصيرة جداً اختنق ومات

اطلع على المزيد من قصص رعب 

اطلع على المزيد من قضايا تم حلها

طيب شلون مات ؟؟؟

اول نظرية أو أول فكرة ممكن تخطر على بال اي شخص في هيك حالة أنو يكون انتحر، لانو الطريقة والمكان الي مات فيه كله يشير الى انه فعلاً انتحر، ولكن هاد الشي على الأغلب غير صحيح…. ليش غير صحيح؟

لأن اثناء التحقيق مع زوجته ووالده الي كانوا موجودين بالبيت لحظة الحادثة، قالوا ان حياة غريف بشكل عام كانت جيدة جداً وحتى هو كان سعيد جداً لانو عم ينجح في شغله وهو اصلا بيحب هاد الشي الي عم يعمله، فحياته بشكل عام كانت ماشي تمام ومافي شي يدايقه غير مشكلة صغيرة كانت مع بينه وبين والده وهي ان والدة كان يقلوا اترك هاد الشغل واعمل شي تاني يكون احسن بس ما اعتقد ان هاد السبب يخليه يعمل هيك شي وخصوصاً انو عم ينجح بالشغل الي عم يعمله…. وشغلة تانية لما اجت الشررطة والاسعاف والامور هل على البيت ما كان في اي شيء الحمام يساعده انه ينتحر وماكان فيه لا حبل او اي شيء يساعده على هاد الشي.

ونظرية ان يكون في شخص اجا قتله وهرب كمان مستبعدة أولاً لان اهله موجودين بالبيت لو كان في حدا دخل او عمل اي شي رح يسمعوا ويحسوا، وهنن لما سمعوا الصوت وطلعلو يشوفو مصدره كان المدة قليلة كتير من سابعة المستحيلات ان يكون في شخص وهرب لانو مية بالمية كانو شافوه واصلا الباب كان مقفول شلون ما ممكن حدا يدخل لعنده.

وهون بيجي دور النظرية الأخيرة ، والي هي انو مات بسبب الجن او الاشباح..متل ما قلتكن انو هو مات بعد ما رجع من البيت الي كان فيه شيطان خبيث، وبما انوه هو كان رايح بغرض انو يطردهم ممكن يكونو انزعجو منه وقتلوه