قصة I am sophie الجزء الثالث

اليوم رح نكمل قصة I am sophie وهاد رح يكون الجزء الثالث من القصة فاللأشخاص الي ما شافت الاجزاء الأولى رح أكون تاركلكم رابط لحتى تشوفها

صوفي صارت ما تنشر فيديوهات كتير متل قبل، وانا بعتبر هاد الشي منطقي بصراحة، لأن أغلب الفيديوهات الي كانت تصورها كانت في بيت تاني او يروحوا على اماكن عامة والقصص هي وهلآ بسبب الحجر ما قادرين يصوروا متل قبل.. في فيديو واحد بس نزل ولكن هاد الفيديو فيه كتير اشياء لازم نحللها ونفهمها

قصة I am sophie الجزء الثالث
قصة I am sophie

الفيديو بيبدء بشخص معه شريط لما بيشغل شريط على التلفزيون بيطلعله اعلان (عرض الفيديو).. قبل ما نشرح الاشياء الي بالإعلان في شغلة أهم لازم نعرفها، ولي هي انو في شخصية جديدة دخلت بالقصة، وهي الشخصية هي الشخص الي كان عم يشوف الاعلان، هاد الشخص ما كان موجود بالفيديوهات الي قبل هي،و الغريب أكتر انو هاد الشخص عنده قناة على اليوتيوب وكمان فيها ARG، انا ما تعمقت كتير بقناته بس بعرف عنها نظرة عامة انو هو شخص فضائي وعم يحاول يتعلم حياة البشر او شي من هاد النوع. بس بعد ما شفته موجود عند صوفي اعتقد اني لازم اتعمق بقناته واشوف يمكن يكون في شي مرتبط بصوفي عنده.

أما بالنسبة للإعلان ما كان واضح بشكل مباشر عن الشي اليي عم يقدمه ولكنه قال نحن نعمل ٢٤ ساعة على مدار الاسبوع وان عندهم انظمة متطورة بيستخدموها لصانعة هاد الشي الي غير حياة آلاف الرجال، والشي الي كان معروض بالفيديو هو مجسم ثلاثي الأبعاد لبنت متعرية بلا ملابس، فأعتقد انو هاد الشي يمكن يكون دمية جنسية، وولكن خلينا نكمل الفيديو يمكن ناخد معلومات تانية عن هاد الشي.

بعد الاعلان طلع مشهد ما بقدر اعرضه هون اذا بدك تشوفه بامكانك تشوفه بقناة صوفي ولكن هاد المشهد هو عبارة عن شخص ميت وحواليه دم ما قدرت اعرف مين هاد الشخص تحديداً ولكنه شخص من الاشخاص الي كانو ما صوفي في بداية القصة, فجأة بينقطع هاد المشهد وبيتحول الى مكالمة سكايب بين بنت وسيمون (عرض الفيديو) بالبداية قالتلو انو عن طلبات كتير وما عمنلحق شغل او كلام بهاد المعنى يعني، وقالت ان ممارك كمان الشغل لفوق راسه او لفوق عيونه متل ما قالت هي….خلينا نجمع المعلومات قبل ما نكمل، الظاهر من المكالمة ان البنت الي بالمكالمة هي اللبنت المسؤولة عن المبيعات الي تم ذكرها بالإعلان وأن مارك الي هو كان صديقي صوفي العبقري الخبير بالبرمجة والكمبيوترات هو صاحب الشركة او موظف، والشغلة الوحيدة الي ممكن يعملها المبرمج في شركة متل هي هو برمجة المجسامات الي شفناها ببداية الاعلان ، ولكن خلينا نكمل في مصايب كمان (عرض الفيديو)

بالبداية البنت قالته اتمنى انو يكون بدك ترجع على الشغل( الشغل الي مارك صديقي صوفي وهي البنت بيشتغلوه والي شفنا اعلانه من شوي) ولكن سيمون قلها لا انا بدي شي تاني ولما اجا يقول الشي الي بدو ياه صار قلتش بالفيديو وماسمعنا كلامه.. هل قلها بدي روبوت او دمية ما بعرف ولما قالته ليش ما رحت طلبتها من مارك كمان ما سمعنا السبب صار قلتش، وبعدها بدأ يعطيها مواصفات شخص وهي المواصفات هي نفس مواصفات صوفي تمامً، وكمان طلب منها انو تسمي هاد الشي الي رح يصنعوه بأسم صوفي.

هل ياترى القصة الي شفناها كلها هي عبارة عن عالم وهمي من الروبوتات صنعه مارك وشركته ولا في شي تاني ؟ وبعدها انتهى الفيديو بمشهد مجسم ثلاثي الأبعاد ل صوفي

اترك ردّاً