قصة اليوتيوبر المخطوفة Kate Yup

تحذير: يمنع إعادة استخدام المحتوى بأي شكل مرئي أو مسموع أو مقروء دون الحصول على ترخيص، تحت طائلة الملاحقة والحذف من يوتيوب و غوغل (سترايك)لطلب الترخيص يرجى التواصل معنا

اليوم رح نحكي قصة غريبة كتير عن بنت ماحدا بيعرف اسمها، ماحدا بيعرف هي من وين ما حدا بيعرف عنها أي شي، غير انها بترفع فيديوهات على قناة يوتيوب اسمها kate yup.

قصة اليوتيوبر المخطوفة Kate Yup

قصة اليوتيوبر المخطوفة
كيت ياب

قناة اليوتيوبر المخطوفة kate yup هي عبارة عن قناة أكل أو قناة ASMR الي هي بتاكل أكل جنب مايكروفون عالي الحساسية لحتى تلتقط ادق الأصوات الي طالعة مكن الاكل، الغريب في موضع كيت انها بتاكل كمية أكل كبيرة مستيحل أي شخص طبيعي ياكل هي الكمية لحاله بدون ما يصير معه مشاكل، اوك في فيديوهات ليوتيوبر عرب بياكلو كميات كبيرة خلينا ننسى موضوع الكمية ونفترض انو ممكن شخص طبيعي يستعوب كل هالكمية، هل من الممكن اكل كميات اكل غير مطبوخ!!! كل الأكل الي بتاكله kate yup في فيديوهاتها هو عبارة عن مخلوقات بحرية أو اكل بحري ني مو مطبوخ، وأول فيديو رفعته على قناتها كان عنوانه 5من لحم السمون النيء اكلته كامل في مدة ١٣ دقيقة بس!!

عدا عن انو البنت غريبة وبتاكل كميات اكل غير قابل للاكل بسرعة، في كل الفيديوهات الموجودة فالقناة كيت ما حت نهائياً ما حدا بيعرف صوتها وماحدا بيعرف شكلها لانو في كل الفيديوهات كيت لابسة قناع على وجهها.

فالبداية أغلب متابعين الفيديوهات كانو ضدها انو ليش عم تاكلي كل هالشي وهالموضوع مضر وكان الكل ضدها وصلت كمية الازعاجات لحد انها الغت التعليقات واخفت عدد اللايكات والدس لايكات في الفيديوهات.

البنت هي مستمرة في نشر الفيديوهات على القناة، والقناة عم تكبر والمتابعين عم يزيدو، مع زيادة المتابعين وزيادة انتباه الناس على قناتها، بدءت الناس تلاحظ رسائل مخفية أو هنن سموها رسائل مخفية في فيديوهاتها، لانو كل شي بيخص هالبنت كان غريب من البداية، من كمية الاكل لشكلها المخفي وكل شي

متل ماقلنا في البداية كيت ما بتحكي ابداً في الفيديوهات فلما في شي بدها تقوله للمتابعين، بتكتبه كتابة على الفيديو : كانت كاتبة عن الاكل الي عم تاكله انه اللحم لذيذ جداً ومدري ايش، كانت كاتبة احرف كبيرة في نص الجملة، وفي اللغة الانكليزية لما بتبدأ جملة بتكتب حرف كبي، او لما بتكتب اسم بتكتب حرف كبير، بس لما تكتب احرف كبيرة في نص الجملة هي دليلل على ضرورة التركيز على هي الكلمة او الشد عليها..

وفي هي الجملة كتبت احرف S.O.S بالشكل الكبير، وهي الاحرف هي رمز شهير جداً بيدل على طلب المساعدة، من هون بدأت النظريات تطلع عليها، ووحدة من هي النظريات هي ان كيت مخطوفة وفي حدا عم يجبرها على أكل كل هالكميات من الأكل وهي عم تحاول توصل رسالة للناس انها محتاجة مساعدة، وهي الطريقة الوحيدة غلي ممكن توصل فيها الرسالة للناس،

وعلى نفس المبدأ في جمل نكتبت وكانت الاحرف الكبيرة من هي الجمل تشكل كلمة HELP المساعدة.

وفي بعض المشاهد والفيدييوهات كان ينسيمع فيها انو في حدا عم يحكي معها ويقلها هاري يب اسرعي او سأقتلك، وهاد الي خلا الناس تصر على النظرية الي بتقول انها مخطوفة وفي حدا عم يجبرها على هاد الشي

وفي فيديو كانت ظاهره فيه كيت وجسمها كان شكله ضعيف كتير يعني خسرانة وزن، وكان في اثار كدمات على ايديها وشفايفها، وحتى في فيديو انكسر سن من اسنانها فيه، اذا بدك تقلي ممكن يكون نكسر من الاكل اللحم الني ملمسه طري ما ممكن ان يكون نكسر منهه.

بسبب كل هالضجة كيت نزلت منشور في قناتها على اليوتيوب كانت عم تقول فيها بالمختصر انو ما تصدقوا هاد الكلام وانا منيحة وانا حابة الشي الي عم بعمله، بس طبعا الاشخاص الي مأمنين بنظرية الخطف ما صدقوها وقالو أكيد مو هي الي نشرت هاد الشي اكيد في حدا من الخاطفين هو الي عم يكتب لحتى يغطي على الموضوع.

طيب ممتل ما قلنا انو قناة كيت كلها عن الاكل، مالها بالعادة يعني تنزل فيديوهات غير فيديوهات الاكل، في يوم من الايام نزلت فيديو هي عم تحدي من تحديات التيك توك، والي هو تحدي المنتوس، كانت جايبة سمكة، وعم تحط بالسمكة منتوس وبعدها تحط كولا وكانها كانت عم تحاول تفجر السمكة، بس هاد الفيديو انمسح بعد فترة، وما عرفنا اذا هي مسحته أو ان اليوتيوب مسحه بسبب العنف ومخالفة شروط اليوتيوب.

بعدها مضي فترة بدون ما تنشر فيديوهات وبعدها نشرت فيديو وبعدها رجعت اختفت، ولحد الان كيت مختفية ماحدا بيعرف عنها شي، واخر فيديو موجود في القناة تاريخ نشره قبل ٥ اشهر من تاريخ تصوير هاد الفيديو، فاذا انت عم تشوف الفيديو من المستقبل يمكن تكون منزلة فيديوهات جديدة، أو انه ظهرت حقيقتها مابعرف.

شاهد ايضاً : الجزء الثاني من قصة اليوتيوبر المخطوفة Kate Yup

تعليق واحد

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *