قصة اختفاء بريزما رييس الي حيرت الشرطة!

قصة اختفاء بريزما رييس

بالعادة لما شخص ما يختفي، الشرطة والاشخاص المختصين بالبحث عن المفقود، بيتبعوا حركاته الاخيرة قبل الاختفاء مثلاً الاماكن الي راح عليها او الاشخاص الي تواصل معها والى اخرها، و90% المعلومات والدلائل هي بتساعد على الوصول للشخص المختفي او على الاقل بتكون دليل قوي ليعرفوا وين راح.

بس هاد الشي ما نفع مع بريزما رييس، الشرطة كانت عندها كل معلوماتها وتحركاتها في اليوم الي اختفت فيه وحتى في فيديوهات ظهرت فيها بريزما رييس بس كل هالشي راح عالفاضي، فأيش قصة بريزما رييس؟

بريزما رييس هي أم عمرها 26 سنة وكانت عايشة هي وابنها الوحيد الي عمره 6 سنين في ولاية تيكساس الامريكية،بريزما هي من أصل مكسيكي ولكن لما كانت صغيرة والدها مات في حادث سيارة فأمها تزوجت من شخص امريكي وانتقلت للعيش في امريكا

قصة اختفاء بريزما رييس

وكانت تشتغل أكثر من وظيفة في نفس الوقت وظيفتها الأولى كانت كمستشار قانوني والثانية كانت في معرض سيارات اسمه 123 tex auto، وبما أنو اغلب وقتها كان في الشغل فكانت مجبورة انها تعيين بيبي ستر او شخص يرعى طفلها بالوقت الي بتكون فيه بالشغل

وفي يوم 17 أبريل سنة 2019 بريزما عملت روتينها المعتاد وصلت ابنها لعند جليسة الاطفال وراحت على شغلها، وكان المفروض ترجع تاخد ابنها الساعة 7 ونص متل ما بتعمل كل مرة ولكن في هاد اليوم بريزما ما اجت لحتى تاخد ابنها ولا كانت تجاوب على الاتصالات الي كانت تجيها من جليسة الاطفال لذلك جليسة الاطفال هي الشخص الي بلغ الشرطة انو بريزما مفقودة لما صارت الساعة9 ونص وبريزما ما رجعت تاخد ابنا بصراحة في شي مشبوه بتصرافات جليسة الاطفال رح احكيلكن عنه بعد شوية لذلك خلي الموضوع ببالك

بدأت الشرطة بالبحث والتحقيق بموضوع بريزما ولما سألو عنها في وكالة السيارات الي كانت تشتغل فيها، قالولها انو هي اجت عالشغل متل كل يوم وكل شيء كان طبيعي، بس بوقت استراحة الغدا راحت بريزماومارجعت على دوامها ابداً ( مو بس مارجعت عدوامها ما رجعت على أي مكان تاني)

ولما تابعو حركاتها من خلال كاميرات المراقبة الي موجودة بالطرقات ومن خلال السؤال على بار اسمه E تاكس بار، وبحسب كلام عمال البار ان بريزما اول ما وصلت كانت قاعدة لحالها وعم تنتظر شخص وهاد الشخص اسمه راين، راين بكون حبيبها السابق الي انفصلو عن بعض قبل فترة، وهي كانت حابة انها تتناقش معه لحتى يرجعوا او تتحسن علاقتهم ومعلومة تانية كمان لازم نعرفها انو ابنها هو مو ابن راين الي كانت رايحة تتصالح معه هو ابن شخص تاني كمان انفصلوا عن بعض ورح نعرف عنه تفاصيل اكتر ونسمع مكالمات ومقابلات معه ومع اشخاص كتير كانو بالقضية.

وبحسب كلام عمال البار انهم قعدوا فترة شربوا واكلوا وبعدين صار في خلاف بينهم وحبيبها الي اسمه راين ترك المكان وراح وبريزما بقيت بالبار لحالها لمدة 3 ساعات وبعد 3 ساعات طردوها من المكان لانها صارت تعمل مشاكل

قصة اختفاء بريزما رييس

شاهدي ايضاً:قصة تبدو مزيفة ولكنها حقيقية 100٪ (قصة غريبة)

هون بتبلش الاحادث الساخنة بالقصة فخليك مركز معي

بعد ما نطردت من البار كان المفروض ترجع على شغلها الي هي بالاصل تاخرت عليه لانو كان المفروض هي تروح استراحة غدا تتغدا وترجع بس هي راحت 3 ساعات زيادة، وهي بطريقها على الوكالة غيرت مسارها وراحت على البيت راين الي هو حبيبها الي صار بينهم مشاكل قبل شوي في طريقها على بيت راين عملت مشكلة مع 3 اشخاص كانوا ماشين في سيارتهم في نفس الطريق وسحبت عليهم مسدس الحمدالله ما حدا تأذى وبريزما هربت قبل ما توصل الشرطة

وخلال الفترة هي صار في مكالمة بينها وبين جليسة الاطفال استمرت لمدة ساعة كاملة، ما كتير عن تفاصيل عن المكالمة لانو الجليسة رفضت تحكي للاعلام او تحكي بشكل للاخبار وكذا والشرطة ما اعلنت تفاصيل المكالمة ولكن قالوا انو المكالمة كانت طبيعية ومافيها شيء غريب كانو عم يحكوا عن الشغل وعن ابنها واكدت عليها في هي المكالمة انها رح تجي الساعة 7 ونص متل كل مرة لحتى تاخد ابنها

بعد الشي هاد المفروض كانت ترجع على مكان شغلها لانو هي بالاصل تأخرت على دوامها، بس مارجعت وهي ماشية بالطريق غيرت اتجاها وراحت باتجاه مجمع سكني وبيت مين بهالمجمع ياحزركن؟ بيت حبيبها السابق راين، قدروا يشوفها من خلال كاميرات المراقبة الي موجودة عند المبنى شافوها صفت سياراتها على طرف الطريق وصارت تركض لحتى تدخل على المبنى قبل ما يقفل الباب لانو كان في شخص داخل قبلها وبدها تلحق الباب قبل ما يتسكر.

بعد ما دخلت وقفت قدام المصعد وكان في كاميرا مراقبة قدام المصعد شافوها من خلاله، وقفت قدام المصعد صارت تمشي شوي وتروح وتجي وحكت كم مكالمة بالجوال، وبعدين لما مشيت من قدام الكاميرا، اختفت اختفت تماماً ومابقي لها أي اثر، اخر ظهور لها كان قدام المصعد هاد وبعد ما مشيت بحح راحت

الشرطة قدروا يعرفوا مين الشخص الي كانت عم تحكي معه بس قالوا انو ماعطاهن معلومات مفيدة للقصة لذلك تركوه، وفي نظرية تانية شفتها وانا ببحث بالقصة انو الشخص الي كان عم يحكي معا هو احد اصدقائها او صديقتها الي موجودين برا امريكا والكلام الي كان بينهم كان مجرد فضفضة يعني بريزما كانت عم تحكي للشخص الي معها عالخط عن المشاكل الي معها وانه هي تعبانة والخخ بس ما متاكد اذا هالكلام صحيح او لا. بس الشي المشترك بالنظريتين هدول انو الشخص الي كانت عم تحكي معه ماله علاقة بالقصة ابداً ورح احكيلكن اكتر عن المكالمة هي لما نوصلها

في شاهد كان موجود معها في نفس الكراج قال انو شاف بريزما كانت عم تبكي لما كانت عند المصعد، وفي شاهد تاني قال انو شاف بريزما على سطح المبنى وكانت قاعد جنبة سيارة لونها فضي وعم تبكي،بس الشرطة ما قدرت تتاكد من الكلام هاد لانو ماشافوا هالشي من كاميرات المراقبة وكمان وماشافوها انو طلعت من المبنى الي دخلت عليه اصلاً، بس بعد التحقيقات والتفتيش وكذا شافو انو في مخرج للمبنى مافي عليه كاميرات مراقة فاحتمال تكون بريزما طلعت منه بدون ما تمشي من قدام كاميرات المراقبة.

قصة اختفاء بنت

لاتنسى تتابعني على اليوتيوب: https://www.youtube.com/channel/UCH-S-RGC1tAAppHkM1qdk3g

هلا ممكن تقول لحالك اكيد حبيبها هو السبب هو الي خطفها مثلا او هو بيعرف شي عن اختفائها أو شي ممكن، وفعلاُ هاد الشي كمان كان اول شي بتفكر فيه الشرطة ولما فجابوه وحققوا معه لفترة بعدين اطلقوا صراحه لانو ما ثبت عليه ولانو قدملن اثباتات ودلائل انه هو ما كان بالبيت اصلاً بالوقت الي اجت بريزما فيه وان كان في شغله عادي

هلأ وصلنا للجزء الأهم بالقضية والي هو كلام اهلها او القصة من طرف اهلها شلون صارت، المقابلات الي رح تسمعوها هلا هي مقابلات حصرية من قناة اسمها EXPLORE WITH US الفريق الي بيشتغل بالقناة قدر يوصل لاهلها ويحكوا معها بتفاصيل القضية فأنا رح اسمعكن المكالمات مترجمة ومشروحة بس لازم تعرفوا انو هالشي ما دخله بالشرطة او بالتحقيق الرسمي هالشي من عند قناة اليوتيوب EXPLORE WITH US

هلأ تتزكروا لما قلتكن انو جليسة الاطفال وضعها مشكوك في أمره شوية؟ والسبب شرحه دان الي هو زوج أمها لبريزما، قلنا انو الجليسة هي الي بلغت عن بريزما الساعة 9 ونص يعني بريزما متأخرا ساعتين بس عن الموعد الاساسي، بحسب كلام دان انو الجليسة ما اتصلت فيه او ما اتصلت بام بريزما او ما اتصلت بأي شخص فورا اتصلت بالشرطة،وللعلم جليسة الاطفال هي صديقة للعائلة وابن جليسة الاطفال بيدرس بنفس المدرسة الي بيدرس فيها ابن بريزما يعني بيعروفا بعض منيح، بس هي سبحان الله فجأة بعد ساعتين قررت انو بريزما مختفية ولازم تخبر الشرطة بدون ما تسأل اي شخص تاني، هي أولاً وتانياً جليسة الاطفال بعد ما بلغت الشرطة وحكت الحكي الي عندا غيرت رقمها وصارت ما ترد عليهم لما يسألوها شي (مقطع صوتي)

هلأ رح نتعرف على شخصيتين جدد، الشخصية الأولى اسمها كايلي والي هي واحدة من الاشخاص الي كانوا عم يحققوا في قضية بريزما والشخص التاني اسمو ارتورو والي هو زوج بريزما السابق وأبو ولدها، بعد اختفاء بريزما وانتشار القصة بالاخبار والناس سمعت عنها وكذا، في نظرية طلعت وصاروا يقولوا انو ارتورو هو الفاعل، والدافع انوه هو منفصل عنها وفي بينهم مشاكل، والشي التاني الي قالو انو ارتورو ما عم يدفع نفقة ابنه الي المفروض يدفعها، بس كايلي المحققة قالت عكس هالكلام قالت انو ارتورو كان شخص كتير منيح وكان دائما معها ويحاول يساعدهم بالبحث عنها لانها زوجته وأم ابنه يعني حتى لو كانو منفصلين اكيد مارح يعمل شيء ياذيها ويأذي أبنه(مقطع صوت)

وبعد حوالي شهر من اختفاء بريزما ارتورو طلب انو ياخد ابنه من بيت جده الي هنن عيلة بريزما، وكانوا مصدومين شوي العيلة من الطلب هاد وقالوا انو انت من زمان ما بتسأل عن ابنك ولا حتى بتدفع نفقة او بتصرف عليه واصلاً ارتورو انفصل عن بريزما لما كانت 3 شهور حامل وهلأ فجأة صار بدك تاخده؟ ( مقطع صوت)

والصراحة اكتر شخص يخليك تحزن هو ابنها لانو من اختفت لحد الان بيضل يسأل عن أمه وهنن لحد الان ما قالوله شي وبضلوا يحاولوا يخبوا الموضوع عنه

هلأ خلونا نرجع لاهم شخص الي تقريباً اغلب الحادثة صارت بسببه والي هو راين، متل ما قلتلكن بالبداية انو هو ما كان بالبيت وقت اجت بريزما على المبنى، وبحسب كلام المحققة كايلي كان بعيد حوالي 10 اميال عن البيت، ودان كان مستغرب من الموضوع انو هو كان مها بالبار شلون مارجع عالبيت شلون لحق يطلع ويمشي كل هالمسافة، فالشكوك كبيرة كتير حواليه، ومتل ما قالت كايلي المحققة أما انه عمل كل شيء بطريقة ممتازة وهو الفاعل او على الاقل هو متورط بالموضوع او عارف عنه شيء (مقطع صوت)

لانه لما كان معها بالبار كان عم يستخدم اسم مستعار في اشخاص سمعوه انو كان عم يستخدم اسم ماتت وكان طول الوقت لابس نضارة سمشية وقبعة على راسه وكانه عم يحاول يخفي شخصيته وبنفس الوقت كان قدم للشرطة سجل خرائط جوجل وانه ان هو مشي فعلا مسافة طويلة بعد ما طلع وراح لمكان تاني، وللأسف مافي صور او فيديوهات من كاميرات المراقبة تصورو انه رجع عالبيت، بس بنفس الوقت حكيت بالبداية انو في مكان ممكن تدخل وتطلع منه وماعليه كميرات مراقبة جداً محبط انو ما نعرف هالمعلومة لانه ممكن تكون جواب على اسئلة كتيرة.

دان زوج امها لبريزما زكر شخصيتين مشتبه بهم واحد من هالاشخاص الصراحة ما خطر على بالي ابدا انو افكر فيه،لانو اصلا هاد الشخص غير معروف ومالو ظهور بالقصة، وهو صاحب السيارة الي كانت عم تسوقا بريزما يوم الحادثة اي نعم دان قال انو في شخص متزوج وصارله عشر سنين متزوج هو الي اشترا السيارة هي او اعطى السيارة هي لبريزما وتبين انه هاد الشخص تواصل مع بريزما 3 او 4 مرات خلال الشهر الي اختفت فيه ومرة من المرات كانت قبل تقريباً 24 ساعة من اختفائها، والمشكلة انو ما حدا بيعرف مين هالشخص ولا ايش اسمه حتى اهل بريزما ما بيعرفوا

الشخص التاني هو الشخص الي كانت عم تحكي معه بريزما قبل ما تختفي لما كانت واقفة عند المصعد والي اسمه كريس، وصلوا لهاد الشخص وسألوه عن المكالمة وقلن انو هو ما بيعرفها وواضح انه اتصلت فيه بالغلط لانو كانت طول المكالمة عم تقله راين كانت مفكرته راين وقال انو لما كانت عم تحكي معه كانت مزعجة كتير وواضح انها معصبة وكانت عم تطلب منه يعطيها رقم الغرفة الي هو ساكن فيها، يعني هي كانت مفكرة حالها عم تحكي مع راين بس ماكانت صاحية لحتى تعرف انو الي عم تحكي معه مو راين وبالحقيقة وصلوا لاستنتاج انو ممكن تكون شربانة شي، اكيد هي لما كانت بالبار كانت عم تشرب بس كايلي ودان قالوا انو ممكن يكون شربها شي غير المشروب يخليها تفقج سيطرتها على تصرفاتها بهاد الشكل لانو هي ابدا ابدا ولا مرة بحياتها تصرفت هيك

ف راين هو مشتبه لدرجة قوية بس ما عندهم أي دليل ضده لذلك ما بيقدروا يعتقلوه او يوجهوله تهمة مباشرة او اي شيء تاني لانو ما في دليل ضده

ولحد عمليات البحث شغالة والكل عم يدور على بريزما حتى انو في هاشتاغ findprisma الناس نشطة فيه لحتى يتساعدوا يلاقوها

تعليق واحد

اترك ردّاً