قتل عائلته كاملة بسبب ادمان مشاهدة البنات!

قصص جرائم حقيقية

قصتنا رح تبدأ مع عائلة مؤلفة من ٥ أشخاص، والي هنن تشاد الوالد، مارجريت الأم، جيسون الأخ الأكبر ولكن هو من ابن مارجريت من زوجها السابق، كودي وغرانت الي هنن الولد الوسطاني والأصغر العائلة كلها كانت ساكنة في بيت كبير مع بعض وحالتهن المادية كانت جيدة جداً الاخوات كبرو مع بعض وكانوا متفاهمين  والحياة جميلة جداً معهن، جسيون الأخ الأكبر تزوج وسكن لحاله وضلوا كودي وغرانت عايشين مع أهلن وبما أنه كودي وغرانت كانو طول الوقت مع بعض كانت أغلب اهتمامتهم متشابهة كانو يدرسوا في نفس المدرسة ويلعبوا نفس الالعاب مع بعض وكانوا يحبوا ألأنمي بشكل رهيب وعندهن أمنية أنهن يزوروا اليابان  بسبب الأنمي

كودي واخوه تخرجوا من الثانوية ودرسوا تخصص التمريض مع بعض وصاروا يشتغلو ممرضين في واحد من المشافي وبعد ما تخرجوا كودي قرر انه يكمل ويدرست ماستر بتخصصه وطبعاً اخوه غرانت عمل نفس الشي وقرر يكمل دراسته مع أخوه، وهون بلشت المشاكل!

بالمشفى الي كانوا يشتغلوا فيه غرانت واخوه طبيعي انو يكون في ادوية لانه مشفى، وأنوا الادوية الي بكون فيها مخدر او بكون فيها كميات كحول كتيرة بتكون معزولة عن باقي الادوية ومحطوطة داخل خزانة مقفولة لحتى ما يتم استخدام هي الادوية بشكل خاطأ أو غير ضروري ولحتى تفتح هي الخزانة لازم الشخص يأدخل رقم هويته بجهاز معين لحتى يعرفوا مين الشخص الي اخد الدوا والكمية الي اخدها ، في يوم من الأيام اكتشفوا ادارة المشفى انو في نوع دوا من هالأدوية ناقص بكمية كبيرة ولما شيكوا عالجهاز لحتى يشوفوا وين راح الدوا تبين معن انو كل العلب الناقصة أخدها غرانت

اتصلت ادارة المشفى بالشرطة وبلغوا عن غرانت ولما تم اعتقاله ما انكر الموضوع وقال انا فعلاً اخدت الدوا بس ما أخدته ألي أخدته لحتى أعطيه للمرضى الي كانو يتألموا كتير بسبب سوء خدمة المشفى واهمالن للمرضى

هاد الكلام حط المشفى بموقف محرج لانهن ما بيقدروا يثبتوا اذا كلامه صح أو لا لذلك سحبوا الدعوى عنه وسكروا عالموضوع خوفاً من انه تخرب سمعة المشفى بهي القصة وتم اطلاق صراح غرانت ولكن تم فصله من المشفى وسحب شهادة التمريض منه وكمان تم طرده من الجامعة الي كان عم يدرس فيها ماستر مع أخوه كودي

غرانت صار في حالة سيئة جداً، خسر وظيفته وخسر شهادته الي قضا كل عمره عم يدرس لحتى جابها وضل بدون مصاري بدون شغل بدون شهادة بدون أي شيء وهاد الشي خلاه يدخل في حالة اكتئاب وصار طول وقته في غرفته ما يطلع منها ابداً وفي هي العزلة الي اخدها صار يحب الانترنت اكتر وصار يقضي وقت اكتر عليه وفجأة قرر أنه يصير ستريمر على موقع تويتش، وفعلاً بدء بعمل بثوث وهو عم يلعب فورت نايت وجمع كم مشترك ولكن ماكان قادر يطلع دخل من التويتش يعوضه عن الدخل الي كان يجيبه من شغله بسبب قلة المشاهدين.

في يوم من الأيام غرانت قرر ياخد استراحة من الالعاب يستكشف اشياء تانية بالانترنت، واول شيء اكتشفه هو مواقع اللهو والعياذ بالله ( لحتى أخلي القصة فاميلي فريندلي ومناسبة للجميع رح احكي هاد القسم من القصة بشكل نظيف نوعاً ما) غرانت اكشتف موقع بيقدر من خلاله انه يتبادل اطراف الحديث مع بنات اونلاين بمقابل انه يدفعلن لهن عملة، وهي العملة كانت خاصة بالموقع يعني لحتى يقدر يدفع لبنت بدو يحكي معها محتاج مصاري حقيقية يشحن فيها رصيد بالموقع وبعدين يحول الرصيد للبنت وهاكذا

غرانت دخل الموقع وعمل جولة وشاف بنت عجبته اسمها سيلفي، لما دخل يحكي معها قرر انه يكذب قال صار يحكي عن حاله انو مشهور عالتويتش وعنده بيت كبير وسيارات والقصص هي كلا الي ماعنده منا ولا وحدة، المهم بعد هاد الكلام صارت سيلفي تعامله معاملة خاصة كونها انجذبت اله ونوعاً صاروا اصدقاء (بالمناسبة سيلفي كانت بلغارية وعايشة في بلغاريا وغرانت امريكي عايش في أمريكا)

غرانت واخيراً صار يحس انو في حدا مهتم فيه وصار مدمن عالموضوع وكل يوم بالليل يدخل عالموقع ويدفع مصاري اكتر واكتر لحتى يضل على تواصل مع سيلفي، المشكلة مو هون المشكلة انو غرانت ما عنده شغل ماعنده شغل يعني ما عنده مصاري ف من وين عم يجيب كل هالمصاري ويدفعا للبنت؟

في من الأيام تشاد الي هو والد غرانت لاحظ انو في مصاري كتير ناقصة من حسابه فسأل غرانت لانه هو الوحيد الي ممكن ياخد مصاري منن.. فجاوبه انو انا عم اخد هي المصاري لحتى اعمل لحالي ترويج عالتوتيش واكبر شغلي اكتر وما اصير محتاج اني اشتغل في مكان تاني… والده كان عندو فكرة عن التويتش والانترنت بشكل عام وشلون ممكن يقدر يربح منه مصاري فصدقه واقتنع انه عم يستخدم المصاري لحتى يكبر شغله

استمر غرانت بالحديث مع سيلفي طول الوقت لحد ما اجا وقت قرره اخوه كودي انه يسافر على اليابان مع صديقه، وكودي بيعرف ان غرانت متمني انو يروح على اليابان لانهم كانوا يخططوا لهاد الشي مع بعض وبيعرف الحالة الي عم يمر فيها أخوه فقرر انه ياخد غرانت معه عاليابان على حسابه وهو يتكلف بكل المصاريف

وراحو رحلة مدتها اسبوعين على اليابان كانت التكلفة ١٠ الاف دولار امريكي للشخص الواحد، وكل هاد المبلغ دفعه كودي.. ولما كانو باليابان كان دائماً يلاقي وقت لحتى يحكي مع سيلفي فيه ولكن لحتى يحكي مع سيلفي لازم يدفع من وين بتتوقعوا جاب المصاري؟؟ سرق الكريدت كارد تبع رفيق اخوه كودي الي كان معن لحتى يشتري رصيد والشخص لما شاف انو في مصاري مسروقة ما توقع ابدا انو غرانت فطنش الموضوع وما اتهم ولا حدا فيهن

بعد مارجعو من اليابان استمر غرانت على نفس العادات الي عم يعمالا لحد ما لاحظ والده انو المبلغ الي المفروض عم يصرفه لحتى يكبر قناته على التوتيش عم يكبر أكتر وأكتر بدون ما يكون فيه أي مردود، والرقم جداً كبير، عصب والده وصار في بين تشاد وأبنه مشكلة وغرانت اخد اغراضه وترك البيت

اهله بلغوا الشرطة وشرحولن حالته الصحية والنفسية وقالولن انو ممكن ينتحر، ولكن تبين بعدين انو غرانت راح عند بيت عمته والي كان عم يعمله غرانت في بيت عمته انه سرق الكريدت كارد من عمته ومن عمه ومن خاله ومن كل الاشخاص الي بيعرفهم يسرق المصاري ويشتري فيهن رصيد وهدايا ل سيلفي

عمته عرفت انه هو الي عم ياخد المصاري فاتصلت بأوبوه وحكتله الموضوع الأب انهار وصار يبكي وقلا انو مو بس منكن عم ياخد كمان اخد مني مبلغ ٢٠٠ ألف دولار شغلة مهمة لازم تعرفوها انو المبالغ هي مو موجودة عندهن نظام الكريدي انه البنك بيعطيك مصاري لحتى تصرفهن وتعمل فيهن الي بدك ياه وانت بترجعه بعدين شي متل الدين يعني فغرانت حط عائلته في ورطة كبيرة لانو المبلغ الي لازم يرجعوه للبنك كبير كتير وهنن مو قادرين يرجوعه والمشكلة انو مو بس أمه وأبوه، كمان عمه وعمته والعيلة كلا يعني دمر العلية كلها

بعد كل هالمواقف الي صارت قررت العيلة تعطيه فرصة أخيرة  قالولوا اما بتروح على مركز اعادة تأهيل وبتتخلص من الادمان ومن المشاكل الي عندك الي خربت بيتنا بسببا او خلص منتبرا منك وروح وين بدك واعمل الي بدك ياه بعيد عنا، غرانت واقف انو يروح على مركز اعادة التأهيل الي كانت تكلفته ١٥ ألف دولار اخوه والي دفعه عنه اخوه كودي لانو بيحبه وبده ياه يتخلص من المشاكل

في هي الفترة كودي وتشاد فتحوا كمبيوتر غرانت لحتى يشوفو ايش عم يعمل عالانترنت وين عم يروح بالمصاري لانه كانو متأكدين انو غرانت عم يكذب عليهن.. مستحيل يصرف ٢٠٠ ألف دولار على ترويج قناته وما يقدر يرجع منن ولا شي، فلما دخلوا الكمبيوتر شافوا صور سيلفي والمحاداثات وعرفوا كل شيء وعرفوا انو كن المبالغ الي سرقها كانت عم تروح ل سيلفي.. دخلوا على الموقع الي كان بيلتقلا فيه مع سيلفي وحكولن القصة انو هو كذاب مو مشهور ولا عنده شي وانه عم يسرق المصاري منن والى اخره وقالولا انه مارح نخليه يتواصل معك مرة تانية

بعد اسبوعين رجع غرانت من اعادة التأهيل رجع قبل ما تخلص المدة كلا لانو بالمركز قرروا انو ماعنده مشاكل او انه هو كان ذكي لدرجة اقنعهن انو ما عندو مشاكل ورجع عالبيت لما رجع انصدم انو اهله عرفوا بكل شيء وقالوله انو عرفنا كل شيء ومن هون ورايح مافي انترنت ما في موبايل وكمبيوتر ولازم تروح تشتغل لحتى تدفع الدين الي ورطتتنا فيه وممنوع منعاً باتاً انك ترجع تحكي مع سيلفي كل هاد الكلام صدمه ولكن ما عنده حل تاني غير انه يسمع الكلام  الي قالوله

بيوم من الايام كودي ماراح على. شغله وهاد الشيء غير متوقع ابداً من كودي لانه معروف بشطارته واخلاصه لشغله  فكان الموضوع جداً غريب انه ما يجي عالشغل، فاتصلت صديقته لكودي الي كانت بتشتغل معه بنفس المكان لما ما جاوبها اتصلت بالشرطة وطلبت منن يروحو تفتيش عالبيت لانها بتعرف كل تفصايل قصة غرانت وطبعاً قالت هاد الكلام للشرطة كمان لحتى تقنعن انن يروحو يفتشوا عليهن ويشوفوا اذا صاير شي او لا

لما وصلوا عالبيت دقوا الباب ما حدا فتح حاولوا انهن يشوفوا اذا ففي حدا جو من الشبابيك… شافوا انو كل الشبابيك مسكرة ومغطاية بورق لونه بني لحتى ما يبين ولا شي… في اللحظة الشرطة عرفت انو ممكن يكون صاير شي بالبيت فكسروا الباب ودخلو لما دخلوا شافوي تشاد ومراجيت وكوودي مقتولين وجثثهن بالأرض

الشرطة بتعرف انو لسا في شخص بالعيلة والي هو غرانت بما انه مو موجود بالبيت معناها هو عايش ومموجود في مكان ما لما بحثوا عليه لاقوه في فندق فاستدعوه للتحقيق وأول ما وصل عالتحقيق صار يعمل حاله بريء ويقلن انا مالي علاقة ما عملت شيء كل هاد الكلام قبل ما الشرطة تقلو السبب الي استدوعه منشانه اصلا

بعد ساعات من التحقيق استمر غرانت بالتظاهر بالبراءة وانه مابيعرف اي شي عن الموضوع طلب من الشرطة انو بدو يحكي مع اخوه الكبير.. اخوه جيسون الي حكينا ععنه ببداية القصة انو ترك البيت لانه تزوج وسكن لحاله.. لما وصل هاد كان رده

بما انه كانت التحقيقات في أولها وماكان عندن دليل قاطع على انه غرانت هو الي قتلن اطلقوا صراحه ولكن لما تعمقوا بالتحقيق اكتر ما كانوا مقتنعين ابدا انو غرانت بريء فاعتقلوه مرة تانية وهي المرة لما اعتقوله كان في بجيبه كروت  البنك تبع امه وابوه، وشافوا كمان انه محول كل المصاري الي كانت في حساب ابوه لحسابه

وبعد التحقيق توصلت الشرطة انو غرانت قتل امه أول شيء برصاصة من ضهرها ماتت وهي قاعدة على طاولتها.. غرانت ضل موجود بالبيت لحتى رجع ابوه من الشغل وأول ما دخل عالبيت ضربه رصاصة بس مامات من اول مرة وحاول يزحف فرجع ضربه اكتر من مرة في وجه لحتى مات وضل بالبيت لحتى رجع كودي وعمل معه نفس الشي

مع انه غرانت لحد الان عم يقول انه بريء الا انو تم اثبات التهمة عليه وحكموا عليه بالسجن المؤبد.

 

 

 

تعليق واحد

اترك ردّاً