قاتل متسلسل كان يأكل لحم ضحاياه!

قاتل المتسلسل Nikolai Dzhumagaliev

قاتل المتسلسل Nikolai Dzhumagaliev :في سنة 1952 وفي كذاخستان انولد Nikolai Dzhumagaliev وكان عنده 4 اخوه، طفولة نيكولاي كانت عادية جداً ومافيها اي مشاكل ولا صدمات كان عايش حياته بشكل طبيعي جداً

كمل دراسته بالمدرسة وبعدين راح خدم بالجيش وكان مسؤول عن القسم الكيميائي بالجيش، ولما تسرح من الجيش حاول انه يقدم اوراقه لحتى يدرس بالجامعة بس انرفض ومامشي الحال فحاول انه يطلع رخصة سواقة ويشتغل سائق كمان ما مشي الحال معه

فصار نيكولا يشتغل اي شغل ممكن يصحله، كهربجي، شتغل بحار وشتغل وكبل شحن، وكتير اشياء تانية، يعني ما كان عنده مهنة محددة كان يسافر من محافظة لمحافظة واي شغل يصحله يشتغله، وكان عم يجمع مصاري من شغله

قاتل متسلسل
القاتل المتسلسل Nikolai Dzhumagaliev

ولما صار عمره 25 سنة يعني في سنة 1977 رحع على محافظته الاساسية مسقط رأسه الي طلع منها وصار يشتغل رجال اطفاء ، وكان كل المصاري الي يجمعها يعمل فيها حفلات عندو بالبيت ويعزم رفقته والناس الي بيعرفها على حسابه

يعن حياته سليمة والوضع تمام لحد الآن، وهاد الشي تغير لما عرف انه مصاب بمرض trichomoniasis هاد المرض هو مرض جنسي بحسب ما فهمت انه بينتقل بالعدوى فلانو نيكولا صار معه هاد المرض صار عنده حقد تجاه الجنس الاخر وهي نقطة التحول بحياة نيكولا

في يوم من ايام سنة 1979، نيكولا كان ماشي بالشارع في طريق ريفي، يعني ما كان فيه كتير ناس او حتى سيارات بالطريق، لما كان ماشي بالشارع شاف بنت بالطريق، واول ما شافها صار يمشي باتجهها بشكل خفيف ولما لاحظت البنت انه نيكولا ماشي وراها وعم يلحقها حاولت تهرب بس للأسف كان هو اسرع منها وما قدرت تهرب منه، لاسف مسكها وبدأ يخنقها، وبعدها استخدم اداة من الادوات الي معه وجرحها من رقبتها وطبعا طلع دم من مكان الجرح ونيكولا صار يشرب الدم، متل ما قلتكن انو الطريق مافي حدا ولا فيه سيارات ولما بالصدفة في سيارة او بالاحرى باص كان ماشي من الطريق، فنيكولا سمع صوته وقبل ما يوصل لعنده انبطح بالارض ورما البنت معه عالارض لحتى ما حدا من الباص يشوفهم وللأسف ماحدا شاف نيكولا ولا حدا سمع بالقصة والابشع من هيك انو هي البداية بس لسا في اشياء ابشع من هي عملها نيكولا

قاتل متسلسل
القاتل المتسلسل Nikolai Dzhumagaliev

بعد ما راح الباص وفضي والشارع مرة تانية نيكولا اخد جثة البنت وراح عالبيت ، والكلام الي رح احكيه هلا رح احاول اني ما استخدم كلام تقيل بوصفه لانو الموضوع جداً ما بعرف شلون اوصفه موضوع تقشعر له الابدان

بس نيكولا قطع البنت واخد لحمها وصار يطبخه وعمل الزيت من الدهون الي فيها !

وضل عم ياكل هاللحم لمدة شهر كامل طبعاً هاد الكلام هو كلام نيكولا شخصياً يعني هو الي قال هالكلام وكمان قاله انه لما اكل منه اول مره ما كان مرتاح لانه وكان اللحم محتاج طبخ كتيير بالبداية كان شي غريب عليه بس بعدين مع الوقت تعود وصار ياكل عادي

في يوم 25 يناير سنة 1979 الشرطة شافت بقايا البنت مرمية بغابة، واول ما شافوها فتحو تحقيق بس ما كان في اي دلال تجاه اي شخص ولا قدروا يعرفوا اي تفصيل عن القضية فصارت القضية كولد لسنوات طويلة

ولانو ما حدا شاكك فيه او عنده دليل ضده نيكولا بقي مستمر على نفس الاسلوب الي عمله مع البنت الاولى، وفي بعض التقارير بتقول انو نيكولا كان يعمل اغلب جرايمه بالحدائق العامة بالليل، وضحايا نيكولا المؤكدين كانو 5 بنات، في كتير كلام طلع عنه انو ممكن العدد يوصل لاكتر من 100 بس مافي اي دليل على هالكلام، الضحايا المؤكدة هي 5 بس والضحايا الخمسة هدول صاروا ضحايا بين شهر يناير وشهر اغطسطس يعني على مدى سبع شهور

شاهد ايضاً: انا مصدوم من هالقضية!(قصة راين والر)

وعلى فكرة في كل مرة كان يعمل فيها جريمة ما كان حدا يحس عليه حتى بالمرات الخمسة المؤكدة كانو كولد case طبعاً لكل شيء نهاية بالاخير ونهاية نيكولا قربت بس الشي الي رح احكي هلا رح يصدمكم

في يوم 21 اغسطس كان نيكولا مداوم بشغله عادي الي هو بمحطة الاطفاء،وفجاة قرر يقتل زميله بالشغل، للاسف ما عنا تفاصيل عن هالشغلة يعني ما منعرف اذا كان متعمد يقتله ولا كان عن طريق الخطأ ما في تفاصيل بس منعرف انه قتله واجت الشرطة واعتقلته

لما اخدوه الشرطة وبلشوا يحققوا معه لاحظو انو نيكولا مو طبيعي تصرافته وكلامه مو كلام شخص طبيعي، فحوله على مصحة عقلية اسمها skyserb وبالمصحة شافوه اطباء كتير وعملوله فحوصات كتير وتبين معهم انو نيكولا يعاني من انفصام الشخصية

طبعاً نيكولا ضل موجود بالمصحة لمدة سنة تقريباً ولما طلع من المصحة مارجع عالسجن او لعند الشرطة اطلقوا صراحه عادي، طبعا هون هنن ما بيعرفوا انو نيكولا اله علاقة بالبنات الي عم تنقتل ولا عندهن اي شي ضده، اخدوه بس لانو قتل رفيقه وبعدين اكتشوفوا انو معه انفصام شخصية وبقي بالمصحة لمدة سنة بعدين طلع

قاتل متسلسل
القاتل المتسلسل Nikolai Dzhumagaliev

واول ما طلع في اواخر سنة 1980 نيكولا رجع قتل 3 بنات بنفس الطريقة او تعامل معهن بنفس الاسلوب الي تعامل فيه مع الي قبلن، طبعا الشرطة كانوا عرافين انو في مجرم عم يقتل البنات هدول وعم يحققوا بالموضوع بس ما كانوا شاكين بنيكولا ابدا ولا عندهم اي دليل اصلا.

وللأسف نيكولا حر طليق وعايش حايته بشكل عادي متل ما كان عايش من قبل ورجع يعمل حفلات ويعزم رفقاتو والناس لعنده، وفي وحدة من هالحفلات الي عاملها وكان عازم عليها اصدقائه اللي البرئين الي ما بيعرفوا اي شي عن اعماله الشريرة، نيكولا كان عم يقدم اكل وشرب لكل الناس الموجيدن بالحفلة، وللاسف كل الي بالحفلة تحولوا الى اكلين لحوم بشر بدون ما يحسوا، لانو نيكولا طعماهم من اللحم الي عنده بدون ما يحسوا

قاتل متسلسل
القاتل المتسلسل Nikolai Dzhumagaliev

والحفلة كانت ماشية بشكل طبيعي وماحدا حاسس على شي ، فجأة بنص الحفلة نيكولا بينادي شخص من الاشخاص الموجودين بالحفلة وبياخده على غرفة مافيها حدا، الجديد انو هالمرة الشخص هاد كان ذكر مو انثى راحو عالغرفة وتاخروا

طبعا الحفلة شغالة واصوات وضجة ما حدا حاسس عشي غريب، بس لما تاخروا الناس ستفقدوهن انو وين راحو ليش لهلا مارجعو، فراح واحد من الاشخاص يشوف وينهن واول مادخل على الغرفة شافوا نيكولا قاتل هاد الشخص وقاعد فوقه ونازل تقطيع وحالة الشخص هاد كانت خالصة وما بقدر اوصف اشياء كتيرة بس كان شايل راسه ومخليه عطرف وعم يشغلو

الضيوف فورا خافوا وصاروا يهربوا بعد ما شافوا نيكولا، الكل هرب ما عدا نيكولا مع انه شافهن انو شافوه وعرف انو الناس هربت وكذا بس هو ولا تحرك من مكانه وضل قاعد عم يكمل الشي الي عم يعمله لحد ما اجت الشرطة، وبطريقة ما نيكولا هرب من البيت قبل ما يمكسوه الشرطة وراح تخبى بجبل موجود ورا البيت بس الشرطة ضلو عم يبحثوا عليه وتاني يوم مسكوه وكان التاريخ 19 ديسمبر 1980

وضل تقريباً سنة مسجون قبل ما يبعتوه عالمحكمة، طبعاً خلال السنة هي الشرطة كانت عم تحقق بملفه وعرفوا عنه كتير معلومات وعرفوا انه انسمك من قبل وراح عالمصحة وطلع معه فصام شخصية وكذا، فلما راح عالمحكمة القاضي صدم الدنيا كلها بحكمه، لانه قال انو نيكولا not guilty يعني غير مذنب

ولكن بما انه نيكولا شخص خطير وعم يعاني من مشاكل عقلية، بعتوه على مصحة تانية بس هي مو مصحة عادية كانت مختصة بالناس الي متل حالته وكان عليها حراسة مشددة وكمان ممنوع يطلع منها تحت اي ظرف يعني رح يقضي حياته كلها بالمصحة

بالوقت الي كان فيه نيكولا بالمصحة صارت الناس تطالع اشاعات انو نيكولا هرب، ليش؟ لانو لسا في ضحايا عم تختفي بنفس الطريقة الي كان يتبعها نيكولا، فكانو الناس مفكرينه انه هرب ورجع يعمل الشي الي كان يعمله بس بعد فترة قصيرة تم تاكيد انو هالاشاعات غير صحيحة، لانو طلع في شخص تاني اسمه الكسندر كان عم يعمل نفس الشي يعني كان عم ينسخ اسلوب نيكولا، بس في حدا من اصدقائه على ما اعتقد بلغ عليه الشرطة ومسكوه وانحكم بشكل طبيعي لانو ماكان عنده مشاكل عقلية متل نيكولا وحكموه بالاعدام

ونيكولا قضا تقريباً عشر سنين بالمصحة العقلية الي فيها حراسة مشددة ، وفي اواخر سنة 1989 نيكولا قدم طلب انه ينقلوه على مصحة عقلية عادية يعني تبع مدنيين عاديين يعني، بحجة انه تعافى وصار خلص طبيعي وماعاد يشكل خطر والكلام هاد، وفعلاً الاطباء الي كانو موجودين او مسؤولين عنه اكدوا هاد الكلام انو حالة نيكولا متحسنة والخخ

فتمت الموافقة على نقله من المصحة الي فيها حراسة مشدد لمصحة عادية، بس وهنن بالطريق لما كانوا بالسيارة الي عم ينقلوا فيها نيكولا، نيكولا تخلص من الناس الي موجودة بالسيارة وسرقها وهرب قبل ما يوصل على المصحة التانية

ونيكولا هرب راح لبرا كذاخستان كلها، وانمسك مرة تانية في منطقة اسمها فيرغانا ال موجودة في اوزباكستان، انمسك بتهمة السرقة ولكن بعد ماعملوا الشرطة تحقيق وتفتيش سريع عن اسمه عرفوا مين هو وعرفوا كل التفاصيل عنه فالشطة الاوزبكية بعتوه على كذاخستان ورجع على المصحة العقلية الي كان فيها ومع كل هالاشياء الي عم تصير رجعوا الاطباء مرة تانية قالوا انو نيكولا سليم وتخلص من المشكلة الي كانت عنده وممكن يرجع يندمج بالمجتمع بشكل طبيعي

ولكن ما اطلقوا صراحه ولساته بالمصحة، بالفترة هي نيكولا عمل شي غريب جداً والي هو انو بعت رسالة للمحكمة طلب فيها انو يحكموه بالاعدام بس الطلب هاد انرفض لانو بحسب اقوال الاطباء انه هو في حالة تحسن ومدري ايش فرفضوا يعدموه

وبقيي عايش بالمصحة، وفي شي اخير اكتشوفه الشرطة في سنة 2014، في هالسنة الشرطة كانو عم يحققوا في cold case قديمة صارت في سنة 1990 يعني بالفترة الي كان نيكوولا هربان فيها. واكتشفوا بعدين انو هو المسؤول ععنها.

بس هاد الاكتشاف ما غير شي ونيكولا ضل محبوس بالمصحة ورح يضل محبوس طول حياته

2 تعليقان

اترك ردّاً