فيديوهات تيك توك مرعبة ما لقيت لها تفسير !

اغلبنا بيعرف انو التيك توك عالم مجنون، وانو الصورة النمطية عنه سيئة جداً والي كان بصراحة بدءت اغير راي عنه بعد ما بدءت استعمله، المهم انو هاد مو موضوعنا، موضوعنا هو رح نناقش بعض الفيديوهات الي مالقيتلها تفسير في التيك توك

فيديوهات تيك توك مرعبة ما لقيت لها تفسير !

الفيديو بيظهر باب وكانه باب مدرسة اعتقد او باب مشفى، المهم انو باب، الي بيخليك تفكر بالموضوع شوي، انو هاد نوع من الأبواب بيكون وزنه ثقيل جداً، يعني ما ممكن انو يكون شخص رابطه بحبل مثلاً وعم يتحكم فيه من غير مكان، لانو اولا ً مافي شي ظاهر، مافي شي يوضح اذا الباب مربوط بحبل او لا وكمان شغلة متل ماقلت انو هاد النوع من الابواب وزنه ثقيل يعني حتى لو جيت تربطه بحبل وتحركه من مكان تاني رح تحتاج حبل كبير رح يبين لو كان هيك

وهاد الفيديو التاني هو بنفس عن نفس الموضوع بس هاد الفيديو ممكن يخليك تقتنع أكتر، لو لاحظت في هاد الفيديو انو في نفس الوقت الي بدء فيه الباب ينفتح، كبل السماعة الموجودة على الطاولة الي وراها بدء يتحرك، عارفين الحركة هي الي بتطلع ببرامج الكرتون الي بيجي شي سريع بيمشي من قدامك وبيمل وشششش وبعدها بضل أثر، هاد الفيديو بيعطيك نفس الاحساس. بالنسبة الي والي شفته انا انو ماكان في اثر لاي شخص تاني ممكن يكون عم يحرك الباب وبالفيديو التاني هي الشي يستبعد تماماً بعد حركة السماعة. وبنفس الوقت الفيديو واضح انو فيديو تيك توك بسيط يعني احتمالية انو يكون الفيديو معدل بالمونتاج مثلا كمان ضعيفة جداً لانو,. ما بعرف، انا مالقيت تفسير للموضوع، اكتبلي تفسيرك بالتعليقات.

الفيديو التاني على حسب ما فهمت انو صاحب الفيديو او صاحب الحساب الي نتشر فيه الفيديو، بيكتب قصص عن أماكن مسكونة وعن اشياء خارقة ومن هذا النوع، وعلى حسب كلامه انو في كتابه الأول كتب قصة عن هاد البيت الي هو بالاصل مهجور ومقفول ومافيو حدا والسبب انو صاحب البيت قتل كل عيلته وقتل حاله بعدها لانو اكتشف انو مرته عم تخونه، وهو بالصدفة كان ماشي من جنب البيت هاد وصور هاد الفيديو

في كتير ناس اخترعوا كتير قصص عن هاد البيت متل انو هاد شبح الطفل هو فعلاً بالبيت لانو مات بلا سبب، بس بسبب مشكلة بين امه وابوه، وفي قصة بتقول انو هاد البيت كان يصير فيه طقوس شيطانية من قبل.

واخر فيديو معنا كان من شخص بيشتغل بمسرح او سينما، وبيصور يومياته، وفي هاد الفيديو كان عم يتأكد من انو كل الامور تمام قبل ما يسكل المسرح وشاف شي غريب بالشباك الي موجود فوق، اللقطة سريعة وانا اضطريت اشوفها اكتر من مرة حتى لاحظتها، اذا انت صار معك نفس الشي ركز فيها ورح تلاحظ، الفيديو ما انتهى هون بس، الشخص نفسه راح للمكان الي شاف في الجسم الغريب لحتى يتأكد ورشاف هاد الشي

اترك ردّاً