ضحية مشروع فاشل في المنطقة 51

ضحية مشروع فاشل في المنطقة 51

في مكان بعيد جداً في ولاية نيفادا الأميريكة في منطقة معروفة بأسم المنطقة 51، على مر الزمان انتشر قصص كتيرة عن المنطقة واحد وخمسين، ومتل انها مقر بيهبطوا فيه الفضائيين وبيعملوا تجارب مع الامريكان، وهي القصة الأكثر شيوعاً عن المنطقة ٥١ وفي عدد فيديوهات وعدة قصص تسربت لحتى تثبت هاد الشي.

هون الناس صارت تقول للحكومة اذا فعلاً هاد الشي كذب خلونا ندخل على المنطقة او قولولنا ايش فيها وخلص، وبناء على هاد الشي اعترفت الحكومة بوجود المنطقة ٥١ وقالو انها عبارة عن ثكنة عسكرية او منطقة تدريب عسكري فيها طائرات واسلحة لذلك عليها كل هالحراسة و ممنوع الاقتراب منها.

اطلع على المزيد من قصص رعب 

اطلع على المزيد من قضايا تم حلها

هلا خلينا نرجع لسنة ١٩٤٣ لما كانت الحرب العالمية التانية مشتعلة، في هديك الفترة مع انو الأمريكان كانو من ضمن الدول المنتصرة بالحرب ولكن كانواملاحظين ان الالمان عم يقدروا يفوزوا بالحروب بسبب انو جنودهم عندهم طاقة زيادة عن البشر العادية، فقرروا أنهم يعملوا تجارب على اشخاص من عندهم. من خلال هي التجارب رح يحقنوا مواد معينة او هرمونات المفروض انها تخلي البنية الجسدية للشخص أقوى ويصير يحارب بشكل أقوى وبدون ما يحتاج لنوم او راحة.

شاهد أيضاً : حقيقة حذاء الشيطان والمغني ليل ناز اكس!

بسبب ان التجربة مجنونة وخطيرة واحتمالية نجاحها او الوصول الى نتيجة منها كانت ضعيفة كتير ما كان حدا يقبل انو يكون متطوع لحتى يتم تجربة العملية عليه، فقرر البرت وبستر الي هو واحد من الضباط الي عندهم مرتبة وقيمة عالية بالجيش انو يقدم بنته الوحيدة ابيغيل وبستر لحتى يتم التجربة عليها.

مع انو الاشخاص المسؤولين عن التجربة حاولوا يمنعوا من انه ييسمح للتجربة انها تصير على بنته ولكن هو كان مصمم ان تتم التجربة على بنته

وهون بدئوا بالعمل على مشروع أبيغيل، وبدئوا يحقنوا ويعملوا اشياء وتجارب فظيعة بالبنت، وبعد فترة قصيرة كتير بدء شكل البنت يتغير وصاروا اسنانها ينمووا بشكل كبير ولون بشرتها تحول الى لون شاحب وشعرها صار رمادي، يعني كل الاشارات كانت بتقول انو العملية مارح تنجح فكرروا الاطباء كلامهم مرة تانية لولادها بأن يلغي التجربة ولكنه رفض هاد الشي مرة تانية..

الاشخاص الي كانوا مسؤولين عن توصيل الاكل للمختبر ول ابيغيل ويبستر قالوا انهم كانوا ياخدوا كميات اكل كبيرة مستحيل ان ياكلها شخص واحد او شخصين، ولكن كل هالكميات كانت تاكلها ابيغيل بسبب المصياب الي عملوها بجسمها.

بعد ما حس والدها أن التجربة فشلت حزن كتير وانتحر، ولكن قبل ما ينتحر كان كاتب وصية للجنود بأنهم يديروا بالهن على بنته، ويضلوا يقدمولها أكل وشرب… ومع الأسف ما حدا ألتزم بهاد الشي وبيوم من الايام ابيجل هربت من الزنزانة الي هي فيها وقتلت الجندي الحارس وبحكم ان التجربة حولتها الى وحش ضخم ما كان حدا قادر يوقفها حتى مع اطلاق النار فمكان عندهم حل غير انهم يهربوا من المنطقة.. ومن هداك اليوم لحد الآن المنطقة الي صار فيها مشروع ابيجل هي منطقة مهجروة وما حدا بيتجرأ ويدخل عليها