صندوق عشوائي قديم يكشف سر تجربة خطيرة !!

تحذير: يمنع إعادة استخدام المحتوى بأي شكل مرئي أو مسموع أو مقروء دون الحصول على ترخيص، تحت طائلة الملاحقة والحذف من يوتيوب و غوغل (سترايك)لطلب الترخيص يرجى التواصل معنا

صندوق عشوائي قديم يكشف سر تجربة خطيرة !!

في صيف سنة ١٩٩٧، كان في شخص عم يتنزه في جبال اديرونداك، اثناء تنزه بيدعس باجره على صندوق حديدي، كان نصه مدفون بالارض ونصه ظاهر وكتصرف فضولي طبيعي الشخص بدء يحفر حوالي الصندوق وطلعه، اعتقد لو انه كان بيعرف ان محتويات الصندوق هي دلائل على واحد من أخطر الاسرار في العالم.

صندوق عشوائي
صورة الصندوق

بعد ما اخد الصندوق من الارض فتحه وانصدم انه الصندوق كان فيه ٢١ صورة و٣ اشرطة فيديو وعدد غير معروف من الوثائق.. ( عدد غير معروف لانه ما عد الاوراق) الصور والفيديوهات والوثائق هي هي دليل على مشروع سري كان صاير بالمنطقة الي كان الصندوق موجود فيها والمعروفة ب indian lake في منطقة نيويورك… في هديك اللحظة ما كتير اهتم واخد الصندوق معه عالبيت ونسيه… في سنة ٢٠٠٢ الشخص هاد مات وتم تسليم الصندوق الى ابن اخوه jhon

جون لما أول ما شاف الصندوق صار عنده فضول وحماس قوي جداً لحتى يحل لغز الصندوق، وقرر انه يحل اللغز على الانترنت وفتح موقع وبدء ينشر فيه كل المعلومات الي بيعرفها عن الصندوق ومو بس المعلومات اي شيء بيفكر فيه بخصوص هاد الموضوع كان ينشر هاد الشي لحتى الناس تتفاعل معته ويحاولو يحلو اللغز مع بعض.

شاهد ايضاً : أخطر منظمة على وجه الكرة الأرضية (منظمة SCP)

صندوق عشوائي

وفعلاً جون التزم بكلامه وأول شيء نشره هو صورتين قال عنهن انهن صور لقاعدة عسكرية موجودة بالانديان ليك، وبحسب المعلومات الي كانت عند جون القاعدة العكسرية هي هي قاعدة سرية مؤقتة تم انشاءها لغرض معين في تاريخ ١٩٥٢ وسكروها بسنة ١٩٥٥

طيب قاعدة عسكرية مؤقتة وسرية ايش مممكن يكون الغرض منها؟، بحسب الصور والوثائق الي عند جون القاعدة هي كانت موجودة لحتى يعملوا تجارب على البشر، وتحديداً على اطفال، لحد الآن ما منعرف طبيعة التجارب ولكن من الشي الظاهر بالصور والاوراق انه شيء شرير شي مو طبيعي.

بعد فترة جون نشر ٣ صور ل٣ اطفال وعلى وجه كل صورة كان في اسم ورقم ورموز تانية والاسماء هي كانت سام راجور وسالي… المعلومة الي بتخص الاصور هي مصدرها مو تحلليات جون مصدرها عمه لجون المرحوم الي شاف الصندوق بالجبل اول مرة..

قال جون انو عمه قبل ما يموت قله ان الاسماء هي هي مو اسماء الاطفال الحقيقة وان الرقم الموجود هو رقم الطفل بالتجربة يعني الصورة يلي عليها رقم ٨٣٧ المفروض يكون في قبلها ٨٣٦ صورة ل ٨٣٦ طفل محبوسين في القاعدة السرية هي.

هلا خلينا نشوف هي الصورة الي نشرها جون وكتب عليها ( مختصر الكلام) الاشخاص الي بالصورة هنن شخص عسكري وشخص مدني، وشخص مدني يتصور مع عسكرية بهيك مكان وبهالطريقة هاد الشي بعني ان في علاقة بينهم وعلى الاغلب ان الشخص المدني هو واحد من العلماء المسؤولين عن التجربة والعسكري هو عسكري من المنطقة، الغريب بالصورة ان وجه العسكري كان مغطى، والاغرب من وجه العكسري المغطى هو انو في طفل وراهن بالصورة.

صندوق عشوائي

طيب هلا ممكن تسألني مو قلتنا بالبداية انو في فيديوهات وين الفيديوهات هي ؟؟؟، جون حكالنا انو الصور واشرطة الفيديو الي كانت موجودة بالصندوق كانت رطبة بحكم انها كانت مدفونة بالارض مدة طويلة وهاد الكلام منطقي، بسبب الرطوبة هي جون ما كان قادر يشغل الفيديو وماكان بده يحاول يشغله كتير لحتى ما يتلف الشريط كله بشغلة لمدة قصيرة واخد منه صورة الصورة هي فيها ٤ اطفال محبوسين في قفص.

وبالفيديو التاني كان في لقطة لطفل قاعد وحاطينله سماعات على راسه وكان مبين ايدين شخص بس وكان هاد الطفل عم يحاول يشيل السماعات عن ادنه بس هاد الشخص عم يمنه، واحتمال كتير كبير ان الصوت الي بالسماعات يكون بفريكونسي عالة جداً لهيك الطفل عم يرفض يسمعها.

الجزء الي رح احكيه هلا هو كلام مختصر تدوينة طويلة كان ناشرها جون بس انا رح احاول احكيلكن الكلام المفيد والمختصر منها… جون ذكر ان في سنة ١٩٥٢ كان في مشروع اسمو ارتتشوك الهدف من المشروع هاد هو التحكم بعقول البشر.. وهاد المشروع نفسه تم تغيير اسمه الى mkultra في سنة ١٩٥٣، والابشع من هيك انو كانو يتسخدموا اطفال اعمارهم ١٢ واقل لحتى يعملو عليهن تجارب

فمن خلال هي المعلومة جون استنتج انو ممكن يكون مشروع الانديان ليك هو جزء من الهاد المشروع بحكم انهم كانو متواجدين بنفس الفترة. ملاحظة مهمة ان مشروع ام كي الترا كان مشروع سري من سنة ١٩٥٢ لسنة ١٩٧٣ وبعددها افصحوا عنه للناس في سنة ١٩٧٥

يعني هنن صرحوا بشكل رسمي انو عم يعملو تجارب على عقول البشر واستخدمو ١٥٠ شخص.. طيب ليش ممكن هاد الجزء من المشروع تحديداً يكون سري وما يفصحو عنه؟ لانو فكرة انك تعمل هيك تجارب على بشر غير مقبولة.. فمابالك على اطفال

للحظة ممكن تفكر انو خلص حلينا الموضوع وعرفنا عنه تفاصيل وخلص… بس بحب اقلك انت غلطان ولسا في تفاصيل كتيرة.

يوم عن يوم اهتمام جون بالقصة عم يزيد اكتر واكتر لحد ما انه قرر ينتقل لمنطقة قريبة من الانيادن ليك لحتى يروح عليها ويفتش بالمكان عن شيء ممكن يساعده بالحل ولما راح على المنطقة صور هالصور ونشرها..(عرض الصور) ايش الاشياء الموجودة بالصورة ما عرفت الي واضح من شكلها انها مجرد اعمدة اسمنتية، بس في سؤال مهم اكتر من ايش هي هي الاشياء

وهاد السؤال انو ليش موجود هيك اعمدة في نص غابة في مكان كله طبيعة وخضار واشجار، ف جون افترض ان هي الاعمدة هي بقايا من القاعدة العسكرية الي كانت موجودة.

في شيء جانبي لازم نعرفه انو في هاد الوقت مدونة جون الي بينشر فيها هي القصص انتشرت كتير بين الناس وصار عليها ضجة وكتير ناس سمعوا بالموضوع…

ولكن في تاريخ ٢٦ اكتوبر ٢٠٠٥ جون نشر بوست غير مسار القصة كامل، رح احكيلكن ملخص التدوينة.. جون قال انه من بعد اخر بوست نشره ( الي هو صورة الاعمدة) صار يجيه مكاالمات هاتفية من ارقام غريبة بشكل كبير لحد العشرين مكالمة باليوم وفي كل مرة يفتح الخط ما حدا يحكي معه.

وعدا عن هيك في اشخاص اقتحموا بيته وفتشوه بس ما اخدو منه شي، على الاغلب كان بدن ياخدو الصندوق بس انا كنت مخبيه بحديقة البيت لذلك ما شافوه،، ونتيجة لهي الاحداث الغريبة الي عم تصير معي انا بعتذر منكن مارح اقدر انشر شي تاني عن هي القصة لان حياتي وحياة عائلتي اهم بكتير .. ودعاً وشكرا

وما رجعنا سمعنا ولا خبر من جون عن الموضوع لمدة ٨ اشهر، بعد ٨ اشهر من اخر منشور قال فيه انو مارح يرجع ينشر شي حفاظاً على سلامة عائلته. رجع ونشر تدوينة على نفس تدوينته القديمة وقال انو صار طلق زوجته يعني ما ضل عنده شي يلتزم فيه يعني رح يرجع وبقوة لحتى يكمل تحقيق بالقصة.

بعد هي الرجعة منشوراته بلشت تصير غريبة وشوية وجزء منها غير منطقي، مثلا متل هي الصورة نشرها وقال هي الصورة هي مو من الصور الي موجودين بالصندوق ولكن هي صورة لقيتها على الانترنت لبنت عمرها بين ٨ و١٠ سنين وتاريخ الصورة هو سنة ١٩٦١ وعلى الغلب هي جزء من مشروع ام كي الترا، هاد الشي ممكن يثبت ان فعلاً الشيء الي عم نحقق فيه هو جزء من الام كي الترا.

وبعدها نشر صورة من اخر شريط فيديو كان عنده، والصورة كانت عبارة عن غرفة واضح انو الي فيها هنن طاولات أو اماكن نوم, وبعد هي اللقطات بيعطيني فيديو مفاجئ تم تصويره في الانديان ليك والفيديو بيظهر باختصار بقايا اشياء كانت مركبة، وفي نفس المكان ادعى جون انو شاف مدخل لمكان سري تحت الارض، وبعدها صار ينشر صور عشوائي مالها علاقة بالقصة

متل انو في سيارة فيها اشخاص مسلحين عم تلحقه، وهليكوبتر عم تراقب تحركاته,, واخر صورة نشرها كانت لعصفور ميت قدام باب وبيته ولما نشر هي الصورة قال ان العصفور الميت هي رسالة تهديد اله…ولكن بعد كل هالاحداث تبين ان الصور هي هيه ستوك فوتوز يعني صور جاهزة من الانترنت،( الصور الي صارو يتنشروا بعد طلاقه هنن الستوك مو الصور الأولى)

فهل ياترى هي القصة حقيقة؟؟ ولا كذب بما انه فضح حاله لما استخدم الستوك فوتو.. بالنسبة الي انا طول الوقت كنت مقتنع بالقصة لحد ما صار ينشر صور مسروقة او صور عادية من الانترنت ويدعي انها صور هو صورها اثناء تحقيقه بالحادثة.. فهاد الشي بيخلينا نشك هل ياترى الصور الاولى الي كان يستخدمها هي صور حقيقة ولا مفبكرة متلها متل الصور هي ؟

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *